UzAuto Motors yangilangan Tracker va Onix narxlarini e’lon qildi
UzAuto Motors Chevrolet Tracker va Onix avtomobillarining yangilangan komplektatsiyalari uchun shartnoma berishni boshlashini e’lon qildi.
“Har bir maktab bitiruvchisi mehr va e’tiborda bo‘ladi” — prezident
O‘zbekiston prezidenti maktab bitiruvchilariga yo‘llagan tabrigida ularning har biri “el-yurtning mehr va e’tiborida bo‘lishini” ta’kidladi. U yoshlarni “tinimsiz o‘qib, zamonaviy bilimlarni egallashga, muntazam tajriba oshirishga va maqsad sari dadil harakat qilishga” chaqirdi.
O‘zbekiston qilichbozlik federatsiyasi bosh hakami Aida Xasanova vafot etdi
Taniqli qilichboz, O‘zbekiston qilichbozlik federatsiyasi bosh hakami Aida Xasanova 39 yoshida vafot etdi. Bir kun oldin u xususiy klinikada kosmetologik jarrohlik amaliyotini o‘tkazgan, shundan so‘ng ahvoli og‘irlashgan.
24-may kuni O‘zbekistonda sodir bo‘lgan eng muhim xabarlar dayjesti
Singapur prezidentining Shavkat Mirziyoyev bilan uchrashuvi tafsilotlari, tanishini pichoq urib o‘ldirib qo‘ygan 19 yoshli yigit, qizlar yotoqxonasiga yashirin kamera o‘rnatganlar jarimaga tortilgani, xorijda tuziladigan 56 ta saylov uchastkasi va boshqalar — “Gazeta.uz”ning kun dayjestida.
Rossiyaning MDHdagi geosiyosiy roli “yemirilmoqda” — Moody’s
Ukrainadagi urush va sanksiyalar tufayli Rossiyaning MDHdagi roli “yemirilmoqda”. Bu RFning iqtisodiy ta’siri kuchliligicha qolayotgan bo‘lishiga qaramasdan, ayniqsa Markaziy Osiyoda geosiyosiy alyanslarning o‘zgarishiga olib keladi, deb yozmoqda Moody’s.
Masdar Qashqadaryoda quyosh elektr stansiyasini qurish bo‘yicha tenderda g‘olib chiqdi
Qashqadaryoda quvvati 300 MVt bo‘lgan quyosh fotoelektr stansiyasini qurish va foydalanish bo‘yicha o‘tkazilgan tenderning dastlabki g‘olibi e’lon qilindi. FES BAAning Masdar kompaniyasi tomonidan barpo etiladi.
Changi Airports yangi Toshkent aeroportining texnik-iqtisodiy asoslarini ishlab chiqishda yordam beradi
Singapurning Changi Airports International kompaniyasi yangi Toshkent aeroporti qurilishining texnik-iqtisodiy asoslarini ishlab chiqishda yordamlashadi, shuningdek, mavjud aeroport faoliyatini optimallashtirish bo‘yicha maslahatlar beradi.
Qozog‘iston Rossiyaga tovarlar eksporti ustidan nazoratni kuchaytiradi
Qozog‘iston G‘arb sanksiyalarini buzmaslik uchun Rossiyaga tovarlar eksporti ustidan nazoratni kuchaytirmoqchi. Avvalroq jurnalistlar Qozog‘istondagi kompaniyalar orqali Rossiyaga RFning Ukrainadagi armiyasi ehtiyojlari uchun dron va mikrochiplar tashilayotgani to‘g‘risidagi surishtiruvni e’lon qilgan edi.
Uzum ekotizimi to‘rtta “Yil brendi-2022” mukofotiga sazovor bo‘ldi
“Yil brendi-2022” mukofoti doirasida Uzum ekotizimining brendlari to‘rtta mukofotni qo‘lga kiritdi, ulardan ikkitasini Uzum Market marketpleysi yutib oldi.
O‘zbekiston va Singapur o‘rtasida 7 ta hamkorlik hujjati imzolandi
Shavkat Mirziyoyev va Halima Yaqub huzurida ikki tomonlama hujjatlarni qabul qilish marosimi bo‘lib o‘tdi va 7 ta hamkorlik hujjati imzolandi. Sammit yakunida prezidentlar Faxriy mehmonlar xiyobonida archa ekdi.
O‘zbekiston va Singapur prezidentlari davlat boshqaruvi sohasida kadrlar tayyorlash masalasini muhokama qildi
O‘zbekiston prezidenti huzuridagi Davlat boshqaruvi akademiyasi negizida tashkil etilgan qo‘shma ta’lim markazi doirasida Singapur tajribasi joriy etiladi. Muzokaralarda O‘zbekiston va Singapur prezidentlari tomonidan shu va boshqa mavzular muhokama qilindi.
Toshkentda 19 yoshli o‘quvchi tanishini pichoqlab o‘ldirib qo‘ydi
Olmazor tumanida 19 yoshli maktab o‘quvchisi tanishini pichoqlab o‘ldirdi. Voqeaga ularning telefon talashishi sabab bo‘lgani aytilmoqda. Holat bo‘yicha jinoyat ishi qo‘zg‘atildi.
Qo‘qon pedagogika institutida qizlar yotoqxonasiga yashirin kamera o‘rnatganlar jarimaga tortildi
Qo‘qon davlat pedagogika institutida qizlar yotoqxonasiga kamera o‘rnatilgani sababli ma’muriy huquqbuzarlik sodir etgan deb topilgan prorektor (4,5 mln so‘m) va 3 xodimga (3 mln so‘mdan) jarima tayinlandi. Avvalroq ularning barchasi ishdan olingandi.
MSK xorijda 56 ta saylov uchastkasi tuzilishini ma’lum qildi
Markaziy saylov komissiyasi prezident saylovi uchun 56 ta saylov uchastkasi tuzish to‘g‘risida qaror qabul qildi. Xususan, AQSh, BAA, Germaniya, Qirg‘iziston, Turkiyada — 2 tadan; Qozog‘iston va Xitoyda — 3 tadan; Rossiyada — 7 ta saylov uchastkalari tuziladi. Ular Toshkentdagi 14-okrugga biriktiriladi.
Olmaliqda Damas urib ketgan o‘quvchi qizlardan biri vafot etdi
15-may kuni svetoforning qizil chirog‘idan o‘tib ketgan Damas haydovchisi tomonidan urib ketilgan ikki o‘quvchi qizdan biri vafot etdi. Bosh prokuratura ma’lumotlariga ko‘ra, ikkinchi qiz davolanmoqda va yaqin orada uyiga ruxsat beriladi.
O‘zbekistonda gaz, elektr va ko‘mir qazib olish 2022-yilgi ko‘rsatkichlardan pastligicha qolmoqda
Yanvar-aprel oylarida O‘zbekistonda gaz qazib olish o‘tgan yilning shu davriga nisbatan 9,5 foizga, aprelda esa 8,1 foizga kamaydi. 4 oy davomida elektr energiyasi ishlab chiqarish hajmi 4 foizga, ko‘mir 7,4 foizga tushdi. Yil boshidan beri neft qazib olish 4,3 foizga o‘sdi, biroq aprelda pasayish kuzatildi.
Foto: Singapur prezidentini kutib olish marosimi
24-may kuni Ko‘ksaroy qarorgohida Singapur rahbari Halima Yaqubni rasmiy kutib olish marosimi bo‘lib o‘tdi. Prezidentlar faxriy qorovul safi oldidan o‘tib, rasmiy delegatsiyalar a’zolarini qutladi.
“So‘nggi qo‘ng‘iroq” tadbirida o‘quvchilarga vals tushish taqiqlanmagan — vazirlik
Maktabgacha va maktab ta’limi vazirligi 25-may kuni bo‘lib o‘tadigan “So‘nggi qo‘ng‘iroq” tadbirlarida maktablarda vals tushish taqiqlangani haqidagi ma’lumotni rad etdi. Vazirlik bu qarorni maktab ma’muriyatlarining o‘zlari qabul qilgan bo‘lishi mumkinligini istisno etmadi.
Ostonada Alisher Navoiy haykalini o‘rnatish bo‘yicha tender: Dastlabki noqonuniy tender g‘olibi yana yutib chiqdi
O‘zbekiston Badiiy akademiyasi Alisher Navoiy haykalini Ostona shahrida o‘rnatishga oid tenderni qaytadan o‘tkazdi. Unda ilk tenderda noqonuniy ravishda g‘olib bo‘lgan kompaniya yana yutib chiqdi. Antikorrupsiya agentligi birinchi tenderda manfaatlar to‘qnashuvi va boshqa qonunbuzarliklarni aniqlagandi.
Samarqanddagi buzilishi belgilangan 12 qavatli binoda qahvaxona ishlayotgani aniqlandi
Samarqand tumanida 10 yil davomida noqonuniy qurib kelingan 12 qavatli binoni 2022-yilda seysmik holati va boshqa talablarga javob bermagani uchun buzish bo‘yicha sud qarori berilgan. Shunga qaramay, u yerda qahvaxona ishlayotgani aniqlandi va MIBga qaror ijrosini ta’minlash bo‘yicha xat yo‘llandi.
Qo‘shimcha imkoniyatlardan foydalanish uchun saytda ro‘yxatdan o‘ting