Siyosat
Niderlandiyaning O‘zbekistondagi yangi elchisi tayinlandi
Andre Karstens Niderlandiyaning O‘zbekistondagi yangi elchisi (qarorgohi Ostona shahrida) etib tayinlandi. TIVda uning ishonch yorliqlari qabul qilindi.
Sirdaryo viloyatiga yangi prokuror tayinlandi
Savid Imatov Sirdaryo viloyati prokurori lavozimiga tayinlandi. U bunga qadar Qoraqalpog‘iston prokurorining birinchi o‘rinbosari lavozimida ishlagan.
Foto: Shavkat Mirziyoyev Termizda qo‘shinlarning taktik o‘quvini kuzatdi
Shavkat Mirziyoyev Janubi-g‘arbiy maxsus harbiy okrugi «Termiz» dala o‘quv maydonida qo‘shinlarning brigada taktik o‘quvini kuzatdi. Ularning jangovar tayyorgarligini oshirish bo‘yicha ko‘rsatmalar berdi. Mashg‘ulotlar jahonda kuzatilayotgan harbiy harakatlar xususiyatidan kelib chiqib o‘tkazilgani qayd etildi.
Pokistonning O‘zbekistondagi yangi elchisi tayinlandi
Ahmed Faruq Pokistonning O‘zbekistondagi yangi elchisi etib tayinlandi. TIVda undan ishonch yorliqlari nusxalari qabul qilib olindi.
Toshkent viloyatida 3 nafar tuman hokimi o‘rinbosariga hayfsan berildi
O‘rta Chirchiq, Yangiyo‘l, Parkent tumanlari hokimlari dehqon xo‘jaliklari uchun qo‘shimcha 100 gektardan yer maydoni ajratib bermagani uchun tushuntirish xati yozadi. Qibray, Yangiyo‘l, Chinoz hokimlari o‘rinbosarlariga esa hayfsan berildi.
«O‘zbekneftgaz» sobiq rahbari Mehriddin Abdullayev Hisob palatasiga qaytdi
«O‘zbekneftgaz» kompaniyasining sobiq rahbari Mehriddin Abdullayev O‘zbekiston Hisob palatasi raisi o‘rinbosari etib tayinlandi. U 2017−2020 yillarda mazkur tashkilotda birinchi o‘rinbosar lavozimida ishlagan.
Ulug‘bek Qosimov Surxondaryo viloyati hokimi etib tasdiqlandi
2022 yil dekabrdan beri Surxondaryo viloyatini vaqtincha boshqarib kelayotgan Ulug‘bek Qosimov viloyat hokimi lavozimiga tasdiqlandi.
Prezident «O‘zbekiston qaysi tomonda?» savoliga javob berdi
Shavkat Mirziyoyev «katta davlatlar» O‘zbekistondan qaror qabul qilib, taraf tanlashni so‘rayotgani haqida gapirdi. Gap Rossiyaning Ukrainaga qarshi mojarosi haqida ketmoqda. «Bir tomonman. Millatim, xalqim, buyuk O‘zbekistonimning manfaati uchun o‘lishga ham tayyorman, deb javob beraman», — dedi prezident.
Referendum o‘tkazilishiga to‘sqinlik qiluvchi holatlar aniqlanmadi — O‘zbekiston Konstitutsiyaviy sudi
Konstitutsiyaviy sud Konstitutsiyaviy qonun loyihasini referendumga qo‘yishni O‘zbekiston Respublikasi Konstitutsiyasiga muvofiq deb topdi. Qonun loyihasida referendum predmeti bo‘lmaydigan masalalar aniqlanmagan.
Shavkat Mirziyoyev Surxondaryoga tashrif buyuradi
13 mart kuni prezident Shavkat Mirziyoyev Surxondaryo viloyatiga tashrif buyuradi. Davlat rahbari xalq deputatlari viloyat kengashi sessiyasida ishtirok etadi, sanoat va qishloq xo‘jaligi bilan tanishadi, harbiy maskanlarda ham bo‘ladi.
Majburiy ijro byurosiga yangi direktor tayinlandi
Prezident farmoni bilan Muzaffar Egamberdiyev Majburiy ijro byurosi direktori lavozimiga tayinlandi. U shu paytga qadar Bosh prokuratura boshqarma boshlig‘i o‘rinbosari bo‘lib ishlagan.
Bekzod Shukurov bosh vazirga matbuot kotibi bo‘ldi
Bosh vazir matbuot kotibi lavozimiga avval hukumatning Ommaviy kommunikatsiyalar va axborot ochiqligini ta’minlash masalalari shu’basi mudiri lavozimida ishlagan Bekzod Shukurov tayinlandi.
Konstitutsiyaviy sud Konstitutsiya bo‘yicha referendum o‘tkazish to‘g‘risidagi qarorni o‘rganishga kirishdi
O‘zbekiston Konstitutsiyaviy sudi Qonunchilik palatasining Konstitutsiya bo‘yicha referendum o‘tkazish to‘g‘risidagi qarorini ko‘rib chiqishga kirishdi. Hujjatning Konstitutsiyaga muvofiqligini aniqlash bo‘yicha yig‘ilish 13 mart kuni bo‘lib o‘tadi. Qonunning o‘zini ko‘rib chiqish haqida esa sudga murojaat qilinmagan.
Yangi Konstitutsiyadan «xalq ma’naviyati» himoyasi uchun axborot tarqatishni cheklovchi norma chiqarib tashlandi
Jamoatchilik e’tirozidan so‘ng yangi Konstitutsiya loyihasidan «xalq sog‘lig‘i va ma’naviyatini» himoya qilish maqsadida axborotni tarqatish cheklanishi haqidagi norma chiqarib tashlandi. Uning o‘rniga «aholining sog‘lig‘i, ijtimoiy axloq» jumlalari kiritildi. Bunga faollar turlicha munosabat bildirdi.
Yangi Konstitutsiya bo‘yicha referendum 30 aprel kuni o‘tkazilishi kutilmoqda
Qonunchilik palatasi Konstitutsiyani o‘zgartirish bo‘yicha umumxalq referendumini — 30 aprel, yakshanba kuni o‘tkazishni ma’qulladi. Tegishli qarorni 134 nafar deputat qo‘llab-quvvatladi, 2 nafari betaraf qoldi, 1 nafari esa ovoz bermadi. Avvalgi referendum bundan 21 yil avval bo‘lib o‘tgandi.
Deputatlar yangi Konstitutsiya bo‘yicha qonunni qabul qildi
Oliy Majlis Qonunchilik palatasi deputatlari «O‘zbekiston Konstitutsiyasi to‘g‘risida»gi qonunning yangi tahririni qabul qildi, keyinchalik u referendumga qo‘yiladi.
O‘zbekiston prezidenti aralash saylov tizimiga o‘tishni taklif qildi — O‘zXDP raisi
Prezident Shavkat Mirziyoyev O‘zbekistonda siyosiy partiyalarning rolini oshirish uchun aralash saylov tizimiga o‘tishni taklif qildi, deya ma’lum qildi O‘zXDP yetakchisi Ulug‘bek Inoyatov.
O‘zbekistonda Senat a’zolari soni 65 tagacha qisqartiriladi
Konstitutsiyaviy qonun loyihasi muhokamasida parlamentdagi senatorlar soni 100 tadan 65 taga qisqartirilishi ma’lum qilindi. Bunda har bir hududdan 4 tadan senator saylanadi. Prezident tomonidan tayinlanadigan senatorlar soni esa 16 tadan 9 taga kamaytiriladi.
Ayrim lavozimlarni surunkasiga 2 martadan ortiq egallash taqiqlanishi mumkin
Konstitutsiyaviy qonun loyihasiga ayni bir shaxsning surunkasiga 2 muddatdan ortiq ushbu lavozimga saylanishi (tayinlanishi) mumkin emasligiga oid qoida kiritilmoqda. Bu lavozimlarga prezident, Senat raisi, hokimlar, bosh prokuror va boshqalar kiradi.
Mo‘g‘uliston O‘zbekistonda elchixona ochishni rejalashtirmoqda
Mo‘g‘uliston 2023 yilda O‘zbekistonda elchixona ochishni rejalashtirmoqda. Ikki mamlakat tashqi ishlar vazirlari Baxtiyor Saidov va Batmunx Batsetseg uchrashuvida ushbu masala muhokama qilindi.
Eng ko‘p o‘qilgan xabarlar | So‘nggi yangiliklar
- Kanadaning O‘zbekistondagi yangi elchisi tayinlandi
- O‘zbekiston va Kuvayt sheriklik munosabatlarini rivojlantirish to‘g‘risida qo‘shma bayonot qabul qildi
- O‘zbekiston prezidenti va Kuvayt amiri tor doirada va rasmiy delegatsiyalar a’zolari ishtirokida muzokara o‘tkazdi
- Senat diniy sohadagi davlat siyosati konsepsiyasini tasdiqlash to‘g‘risidagi qonunni ko‘rib chiqadi
Qo‘shimcha imkoniyatlardan foydalanish uchun saytda ro‘yxatdan o‘ting