Siyosat
AQSh davlat kotiblari O‘zbekistonga necha marotaba tashrif buyurgan?
Shu vaqtgacha O‘zbekistonga davlat kotiblaridan-da martabaliroq amerikalik amaldor kelmagan. 1992 yildan beri AQSh tashqi siyosatiga mas’ul Davlat departamentiga 11 kishi rahbarlik qilgan bo‘lsa, ularning to‘rt nafari O‘zbekistonga kelmagan. Entoni Blinken O‘zbekistonga tashrif buyurgan yettinchi davlat kotibidir.
«Erkin OAV uchun shart-sharoit yaratish — propagandaga eng yaxshi javobdir» — AQSh davlat kotibi
AQSh davlat kotibi Entoni Blinken Toshkentda jurnalistlarga bergan intervyusida tashqi propaganda va dezinformatsiyaga qarshi kurashishda mustaqil va ochiq OAV uchun sharoit yaratish zarur ekanini qayd etdi. «Odamlarga nima to‘g‘ri va nima noto‘g‘riligini o‘zlari hal qilish imkoniyatini berish kerak», — dedi u.
AQSh davlat kotibining O‘zbekistonga tashrifi qanday o‘tdi?
AQSh davlat kotibi Entoni Blinkenning O‘zbekistonga tashrifi TIV rahbari v.b. Baxtiyor Saidov bilan uchrashishdan boshlandi. U «Hast Imom» majmuasiga bordi va Access dasturi talabalari bilan ko‘rishdi. Qolaversa, Blinken Shavkat Mirziyoyev qabulida ham bo‘ldi, keyin esa OAV vakillari bilan uchrashdi.
O‘zbekiston prezidenti AQSh davlat kotibini qabul qildi
Shavkat Mirziyoyev va AQSh davlat kotibi Entoni Blinken ikki mamlakat o‘rtasida savdo-iqtisodiy, investitsion va innovatsion hamkorlikni rivojlantirish, shuningdek, Amerika yetakchi kompaniyalarining O‘zbekiston bozoridagi ishtirokini kengaytirish masalalarini muhokama qildi.
Senatning o‘ttiz yettinchi yalpi majlisi 2 mart kuni chaqiriladi
Oliy Majlis Senatining o‘ttiz yettinchi yalpi majlisi 2 mart kuni chaqiriladi. Unda raqobat, davlat boji va tibbiyot hamda pedagog xodimlarining xizmat vazifalarini bajarishiga to‘sqinlik qilganlik uchun javobgarlikni kuchaytirish to‘g‘risidagi qonunlar ko‘rib chiqiladi.
«AQSh Markaziy Osiyo mamlakatlariga nisbatan Rossiyaga qarshi sanksiyalar oqibatlarini yumshatishga yordam beradi» — Entoni Blinken
AQSh Rossiyaga qarshi sanksiyalar Markaziy Osiyo uchun iqtisodiy salbiy ta’sir ko‘rsatishini tushunadi, shu bois ularni yumshatish va kamaytirish uchun barcha sa’y-harakatlarini qiladi, dedi AQSh davlat kotibi. U MOda savdoni diversifikatsiya qilish va ish o‘rinlari yaratish uchun $25 mln ajratilishini ma’lum qildi.
O‘zbekiston prezidenti amaliy tashrif bilan Ozarbayjonda bo‘ladi
Prezident Shavkat Mirziyoyev amaliy tashrif bilan Ozarbayjonda bo‘ladi. Davlat rahbari Bokuda bo‘lib o‘tadigan Qo‘shilmaslik harakati sammitida ishtirok etadi. Mazkur harakat harbiy-siyosiy bloklar va tashkilotlarda ishtirok etmaslikni o‘z tashqi siyosatining asosi etib e’lon qilgan 120 ta davlatni birlashtirgan.
AQSh davlat kotibi Entoni Blinken O‘zbekistonga keldi
AQSh davlat kotibi Entoni Blinken boshchiligidagi Amerika delegatsiyasi Toshkent xalqaro aeroportiga qo‘ndi. Toshkentda uning «mintaqaviy va ikki tomonlama masalalar bo‘yicha hamkorlikni yanada rivojlantirish» bo‘yicha muzokaralar o‘tkazishi rejalashtirilgan. U 1 mart kuni Hindistonga jo‘nab ketadi.
Murodxon Axmedov Xorazm viloyatiga prokuror bo‘ldi
Bosh prokuror buyrug‘i bilan Murodxon Axmedov Xorazm viloyati prokurori lavozimiga tayinlandi. U shu paytga qadar Farg‘ona viloyati prokurori o‘rinbosari lavozimida ishlagan.
To‘ra Bobolov yangi lavozimda ish boshlagani ma’lum bo‘ldi
2022 yil dekabrda Surxondaryo viloyati hokimi lavozimidan ozod etilgan To‘ra Bobolov Savdo-sanoat palatasi raisining birinchi o‘rinbosari sifatida ish boshlagan. U O‘zbekiston-Ozarbayjon ishbilarmonlar kengashi yig‘ilishida birinchi o‘rinbosar va kengash hamraisi bo‘lib ishtirok etdi.
Sardor Umurzakov Qatar amiriga prezident maktubini yetkazdi
O‘zbekiston prezidenti Administratsiyasi rahbari Sardor Umurzakov Qatar amiri Shayx Tamim bin Hamad Ol Soniyga Shavkat Mirziyoyevning maktubini yetkazdi. Unda ikki tomonlama munosabatlar haqida so‘z borgan.
Shavkat Mirziyoyev va Rejep Tayyip Erdog‘an telefon orqali muloqot qildi
Shavkat Mirziyoyev Rejep Tayyip Erdog‘an bilan telefon orqali muloqotda uni tavallud kuni bilan tabrikladi. Shuningdek, zilzilalar munosabati bilan yana bir bor dalda so‘zlarini izhor etdi va zarur yordamni ko‘rsatishga tayyorligini tasdiqladi. Turkiya yetakchisi ham O‘zbekistonga chuqur minnatdorlik bildirdi.
«Hamma aytadi: OAVni yopib qo‘y, deb. Yo‘q, yopmayman» — prezident so‘z erkinligi haqida
Prezident Shavkat Mirziyoyev Qarshida faollar bilan suhbatda OAV, so‘z erkinligi haqida to‘xtaldi. U ko‘pchilik OAVni yopib qo‘yishni aytishini ma’lum qildi. «Yo‘q, yopmayman. Yana oldingiday prokuror, SNB (MXX) tekshiruvchi bo‘laversinmi? Biz niyatimizga yetdikmi? Birimiz ikki bo‘ldimi?» — deya so‘radi u.
Shavkat Mirziyoyev kursantlar bilan tushlik chog‘ida Putin va Bayden nutqlarini tilga oldi
O‘zbekiston prezidenti Qarshidagi harbiy aviatsiya bilim yurti kursantlari bilan tushlikda Rossiya va AQSh prezidentlari nutqlarini tilga oldi. «Har bir davlat o‘z suvereniteti, o‘z xalqi manfaatlari haqida o‘ylashi uchun kuchli mudofaa bo‘lishi kerak. Shunda davlat o‘zini hurmat qilishga majbur qiladi», — dedi u.
Rossiyaning tajovuzkor revizionizmi Markaziy Osiyo davlatlariga ham ta’sir qiluvchi global tahdiddir — Jozep Borrel
Yevropa diplomatiyasi rahbari Jozep Borrel Rossiyaning tajovuzkor revizionizmi va beqarorlashtiruvchi harakatlari Markaziy Osiyo mamlakatlariga ham ta’sir qiluvchi global tahdid ekanini aytdi. Unga ko‘ra, Rossiya istilosi Yevropa va Markaziy Osiyo uchun haddan tashqari qaramlikdan qochish zarurligini ta’kidladi.
Qonunchilikka hokim xalq deputatlari Kengashining raisi bo‘lmasligi haqida norma kiritilishi mumkin
Qonunchilik palatasidagi qo‘shma yig‘ilishda qonun bilan «hokim lavozimini egallab turgan shaxs bir vaqtning o‘zida tegishli xalq deputatlari Kengashining raisi lavozimini egallashi mumkin emas» degan norma o‘rnatilayotgani ma’lum qilindi.
Qonunchilik palatasida Konstitutsiyani o‘zgartirish bo‘yicha loyiha muhokamasi qayta tiklanmoqda
Oliy Majlis Qonunchilik palatasining ikki mas’ul qo‘mitasi bugun Konstitutsiyaga o‘zgartirishlar kiritish to‘g‘risidagi qonun loyihasini muhokama qiladi. Hujjat noyabr oyida qayta ko‘rib chiqish uchun qaytarib yuborilgandi.
Shavkat Mirziyoyev Qashqadaryoga jo‘nab ketdi
24 fevral kuni prezident Shavkat Mirziyoyev ijtimoiy-iqtisodiy islohotlarning borishi bilan tanishish maqsadida Qashqadaryoga jo‘nab ketdi.
AQSh davlat kotibi kelasi hafta O‘zbekistonga keladi
AQSh davlat kotibi Entoni Blinken qator mintaqaviy va ikki tomonlama masalalar bo‘yicha hamkorlikni rivojlantirishni muhokama qilish uchun kelasi hafta O‘zbekistonga keladi. Shuningdek, u mintaqa davlatlari tashqi ishlar vazirlarining C5+1 formatidagi uchrashuvida qatnashadi.
Ukraina elchisi: «O‘zbekistonning qo‘llovi biz uchun juda muhim»
Ukrainaning Toshkentdagi elchisi Nikolay Doroshenko Rossiya bosqiniga bir yil to‘lishi arafasida «Gazeta.uz»ga intervyu berdi. Elchi Ukrainadagi hozirgi vaziyat, O‘zbekiston bilan munosabatlar holati, Ukraina tomoni hamkorlik istiqbollarini qanday ko‘rayotgani va O‘zbekiston tomonining yordami haqida gapirdi.
Eng ko‘p o‘qilgan xabarlar | So‘nggi yangiliklar
- Kanadaning O‘zbekistondagi yangi elchisi tayinlandi
- O‘zbekiston va Kuvayt sheriklik munosabatlarini rivojlantirish to‘g‘risida qo‘shma bayonot qabul qildi
- O‘zbekiston prezidenti va Kuvayt amiri tor doirada va rasmiy delegatsiyalar a’zolari ishtirokida muzokara o‘tkazdi
- Senat diniy sohadagi davlat siyosati konsepsiyasini tasdiqlash to‘g‘risidagi qonunni ko‘rib chiqadi
Qo‘shimcha imkoniyatlardan foydalanish uchun saytda ro‘yxatdan o‘ting