Siyosat
Markaziy Osiyo davlatlari mintaqadagi tahdidlarga qarshi birgalikda kurashmoqda — O‘zbekiston TIV
Dushanbeda chegara xavfsizligi va chegara nazorati sohasida hamkorlikka bag‘ishlangan konferensiya o‘tkazildi. Unda O‘zbekiston tashqi ishlar vaziri Vladimir Norov Markaziy Osiyo davlatlari o‘rtasidagi yaqin munosabatlar mintaqadagi umumiy tahdidlarga qarshi birgalikda kurashish imkonini berishini ta’kidladi.
Rustam Saparbayev Jo‘qorg‘i Kenges raisi o‘rinbosari etib saylandi
Qoraqalpog‘iston Jo‘qorg‘i Kengesining rais o‘rinbosari etib Saparbayev Rustam Tursinbayevich saylandi. Bunga qadar u Qoraqalpog‘iston Respublikasi Vazirlar Kengashi raisining jamoat va diniy tashkilotlar bilan aloqalar bo‘yicha o‘rinbosari lavozimida faoliyat yuritgan.
Prezident matbuot xizmati taqdimot slaydlarining fotosuratlarini xiralashtirmoqda
«Gazeta.uz» prezident matbuot xizmati fotosuratlarida taqdimot slaydlari xiralashtirilayotganiga e’tibor qaratdi. Taqdimot suratlari tufayli jurnalistlar muhim loyihalar haqidagi xabarlarni to‘ldirish imkoniga ega bo‘lishardi. UPD: Prezident matbuot kotibi vaziyat o‘nglanishini ma’lum qildi.
Shavkat Mirziyoyev 20−21-oktabr kunlari Turkmanistonda bo‘ladi
Shavkat Mirziyoyev 20−21-oktabr kunlari davlat tashrifi bilan Turkmanistonda bo‘ladi. Ikki mamlakat rahbarlarining tor va kengaytirilgan tarkibdagi muzokaralari o‘tkaziladi. Shuningdek, prezident hafta davomida mahalla infratuzilmasi, ma’muriy islohotlar va qishloq xo‘jaligi borasida muhokamalar o‘tkazadi.
O‘zbekiston MDH doirasida erkin savdodagi cheklovlarni to‘liq bekor qilishga tayyor — prezident
O‘zbekiston MDH doirasida erkin savdodagi cheklovlarni to‘liq bekor qilishga tayyor, deya ma’lum qildi Shavkat Mirziyoyev Ostonadagi sammitda. Uning ta’kidlashicha, dunyodagi yangi xatarlar sharoitida hamkorlikda yangi — «Termiz-Peshovar» va «Xitoy-Qirg‘iziston-O‘zbekiston» logistika yo‘laklarini rivojlantirish muhim.
Shavkat Mirziyoyev shaxtadagi portlash munosabati bilan Turkiya prezidentiga hamdardlik yo‘lladi
O‘zbekiston prezidenti Turkiya shimolidagi shaxtada yuzaga kelgan portlashda insonlar qurbon bo‘lgani munosabati bilan mamlakat prezidentiga hamdardlik yo‘lladi. So‘nggi ma’lumotlarga ko‘ra, 41 kishi halok bo‘ldi.
O‘zbekiston MDH davlatlarini o‘zaro savdodagi to‘siqlarni tezkor bartaraf etishga chaqirdi
Shavkat Mirziyoyev MDH davlatlari rahbarlari sammitidagi nutqida o‘zaro savdo yo‘lidagi to‘siqlarni tezkor bartaraf etish va yangi logistika yo‘laklarini hamkorlikda rivojlantirishga chaqirdi. Davlat rahbari MDH mamlakatlari yosh olimlarining I kongressini kelasi yili O‘zbekistonda o‘tkazishni ham taklif qildi.
Zo‘ravonlik uchun jazo kuchaytiriladi, qonunlarga esa o‘zgartishlar kiritiladi — Tanzila Narbayeva
Senat raisi zo‘ravonlik holatlariga qarshi kurashish uchun qonunlarga o‘zgartish va qo‘shimchalar kiritish bo‘yicha hujjatlar paketi tayyorlangani va yaqinda prezidentga axborot berilishini ma’lum qildi. «Jamoatchilik vakillari „Hamma jim o‘tiribdi“, degan fikrda bo‘lmasligi kerak», — deya ta’kidladi Tanzila Narbayeva.
Shavkat Mirziyoyev Ostonada Rejep Tayyip Erdog‘an bilan uchrashuv o‘tkazdi
Ostonada o‘tayotgan Osiyoda hamkorlik va ishonch choralari bo‘yicha kengash sammiti doirasida Shavkat Mirziyoyev Turkiya prezidenti Rejep Tayyip Erdog‘an bilan uchrashdi.
«Boshqa muammolar qalqib chiqishi natijasida Afg‘oniston masalasi ikkinchi darajaga tushib qolmoqda» — Shavkat Mirziyoyev
Shavkat Mirziyoyev Ostonada Osiyoda hamkorlik va ishonch choralari bo‘yicha kengashning oltinchi sammitida nutq so‘zladi. Unda prezident yangi geosiyosiy voqelik butun Osiyo qit’asi barqarorligiga salbiy ta’sir ko‘rsatayotganini aytdi. Afg‘oniston masalasi ham ikkinchi darajaga tushib qolganini ta’kidladi.
O‘zbekiston BMT Assambleyasida Rossiyaning Ukraina hududlarini anneksiya qilganini qoralamadi
BMT Ukraina hududlarining RF tomonidan anneksiya qilinishini qoralab, Moskvadan Ukrainaning Donetsk, Zaporoje, Lugansk va Xerson viloyatlari hududi maqomi haqidagi qarorni bekor qilishini talab qildi. Rezolyutsiyani 143 davlat qo‘llab-quvvatladi, 5 davlat qarshi, 35 davlat qatorida O‘zbekiston betaraf qoldi.
O‘zbekiston delegatsiyasi MDH Tashqi ishlar vazirlari Kengashi yig‘ilishida ishtirok etdi
12 oktabr kuni Ostonada Vladimir Norov boshchiligidagi O‘zbekiston delegatsiyasi MDH Tashqi ishlar vazirlari Kengashi yig‘ilishida ishtirok etdi. Muzokaralar davomida «Hamdo‘stlik sport poytaxtlari» davlatlararo dasturi qabul qilindi. Keyingi yig‘ilish 2023 yil 14 aprelda Toshkent shahrida o‘tkazilishi belgilandi.
Shavkat Mirziyoyev Tatariston prezidenti Rustam Minnixanov bilan uchrashdi
Shavkat Mirziyoyev 11 oktabr kuni Tatariston prezidenti Rustam Minnixanov boshchiligidagi delegatsiyani qabul qildi. Uchrashuvda Tatariston bilan amaliy sheriklikni kengaytirish va iqtisodiyotning ustuvor tarmoqlarida qo‘shma innovatsion loyihalarni ilgari surish masalalari ko‘rib chiqildi.
Ekologiya qo‘mitasi rahbarining ikki o‘rinbosari ishdan bo‘shatildi
Prezident Administratsiyasida bo‘lib o‘tgan yig‘ilishda Davlat ekologiya qo‘mitasi raisining birinchi o‘rinbosari Umarbek Xalilov hamda rais o‘rinbosari Islombek Boqijonov lavozimidan ozod etildi.
O‘zbekiston va Gayana Kooperativ Respublikasi o‘rtasida diplomatik aloqalar o‘rnatildi
10 oktabr kuni Nyu-Yorkda O‘zbekiston va Gayana Kooperativ Respublikasi o‘rtasida diplomatik munosabatlar o‘rnatish to‘g‘risida Qo‘shma kommunike imzolandi. Bu orqali O‘zbekiston bilan diplomatik munosabatlar o‘rnatgan davlatlar soni 142 taga yetdi.
O‘zbekistonning Kiyevdagi elchixonasi o‘zbekistonliklarni Ukrainani tark etishga chaqirdi
Ukraina shaharlariga raketa hujumlari kuchaygani ortidan O‘zbekistonning Kiyevdagi elchixonasi vatandoshlarni Ukrainani tark etishga va bu mamlakatga safar qilishdan tiyilishga chaqirdi.
Qirg‘izistonda O‘zbekiston bilan chegara chizig‘i bo‘yicha kelishuv shartlari ma’lum qilindi
Qirg‘iziston Milliy xavfsizlik davlat qo‘mitasi rahbari Qamchibek Tashiyev mamlakat parlamentiga O‘zbekiston bilan chegara chizig‘i bo‘yicha kelishuv tafsilotlarini tushuntirib berdi. Qirg‘izistonga 19 ming ga dan ziyod yer, O‘zbekistonga esa Kampir-Obod suv ombori suv hududi o‘tadi. Suv ombori birgalikda boshqariladi
Shavkat Mirziyoyev 12 oktabr kuni Qozog‘istonga boradi
Shavkat Mirziyoyev 12−14 oktabr kunlari Osiyoda hamkorlik va o‘zaro ishonch choralari bo‘yicha kengash yig‘ilishi, “Markaziy Osiyo — Rossiya” sammitida ishtirok etish uchun Qozog‘istonga boradi. Sammit doirasida Vetnam va Pokiston yetakchilari bilan ham muzokaralar o‘tkazadi.
Yevrokengash rahbari O‘zbekistonga tashrif buyuradi
Yevropa kengashi prezidenti Sharl Mishel oktabr oyi oxirida O‘zbekistonga tashrif buyurib, Shavkat Mirziyoyev bilan muzokaralar o‘tkazishni rejalashtirmoqda.
O‘zbekiston prezidenti MDH norasmiy sammitida ishtirok etdi
O‘zbekiston prezidenti Shavkat Mirziyoyev 7 oktabr kuni Rossiya prezidenti Vladimir Putin tashabbusi bilan Sankt-Peterburgda o‘tkazilgan MDHga a’zo davlatlar rahbarlarining norasmiy uchrashuvida ishtirok etdi. Davlat rahbari shu kunning o‘zida amaliy tashrifini yakunlab, Toshkentga qaytib keldi.
Qo‘shimcha imkoniyatlardan foydalanish uchun saytda ro‘yxatdan o‘ting