Siyosat
O‘zbekiston mamlakatda Eron dronlari ishlab chiqarilishi haqidagi bayonotlarni qat’iyan rad etdi
Mudofaa sanoati davlat qo‘mitasi ukrainalik jurnalist Dmitriy Gordon va uning mehmoni Leonid Nevzlin O‘zbekistonda Eron dronlari yig‘ilishi haqida aytgan fikrlarini rad etdi. Bu kabi xabarlar O‘zbekistonning boshqa davlatlar bilan munosabatlariga salbiy ta’sir qilishi mumkin, dedi qo‘mita.
O‘zbekiston va Turkiya chegaralarda axborot almashinuvi bo‘yicha hamkorlik qiladi
Prezidentning «Xalqaro shartnomani tasdiqlash to‘g‘risida»gi qarori qabul qilindi. Unga muvofiq, O‘zbekiston hamda Turkiya hukumatlari o‘rtasida davlat chegaralari orqali tovarlar va transport vositalarining o‘tishi haqida oldindan axborot almashish to‘g‘risidagi bayonnoma tasdiqlandi.
«Qonundan tashqari hech narsaga burningizni tiqishga haqqingiz yo‘q». Akmal Saidov Hisob palatasi raisi o‘rinbosariga tanbeh berdi
Qonunchilik palatasi majlisida Hisob palatasi raisi o‘rinbosari O‘tkir Jumanov nobudjet jamg‘armalar faoliyati ham «topshiriq bo‘lsa, tekshirilishini» ta’kidladi. Akmal Saidov esa Hisob palatasining «qonundan tashqari hech narsaga burnini tiqishga haqqi yo‘q»ligini aytib, unga tanbeh berdi.
Deputatlar manfaatlar to‘qnashuvi to‘g‘risidagi qonunni qabul qildi
Oliy Majlis Qonunchilik palatasi deputatlari tomonidan «Manfaatlar to‘qnashuvining oldini olish to‘g‘risida»gi qonun qabul qilinib, Senatga yuborildi. Mazkur qonunning qabul qilinishi davlat xizmatida tanish-bilishchilik, qarindosh-urug‘chilikning oldi olinishiga xizmat qilishi kutilmoqda.
Shavkat Mirziyoyev Qozog‘iston prezidentini Respublika kuni bilan tabrikladi
Shavkat Mirziyoyev Qasim-Jomart Toqayevga mamlakatning milliy bayrami — Respublika kuni munosabati bilan tabrik yo‘lladi. O‘zbekiston rahbari Qozog‘iston prezidentiga mustahkam salomatlik, mas’uliyatli davlatchilik faoliyatida ulkan muvaffaqiyatlar, qozoq xalqiga esa farovonlik, baxtu saodat va ravnaq tiladi.
Prezident — IIOni «insonparvar va xalqchil tizim»ga aylantirish haqida
Prezident ichki ishlar organlari xodimlari kuni bilan soha vakillarini tabriklab, barcha jabhalar qatori IIO faoliyatini liberallashtirish, sohada ochiqlik va oshkoralik muhitini kuchaytirish, «insonparvar va xalqchil tizimga» aylantirish maqsadida muhim chora-tadbirlar amalga oshirilayotganini qayd etdi.
Shavkat Mirziyoyev 27 oktabrda Ostonaga boradi
Sherzod Asadov Shavkat Mirziyoyevning hafta davomidagi ish rejasi haqida ma’lumot berdi. Bu hafta prezident «Yevropa Ittifoqi — Markaziy Osiyo» sammitida ishtirok etish uchun Qozog‘iston poytaxtiga boradi. Bundan tashqari, Yevropa Kengashi prezidenti Sharl Mishelni qabul qiladi.
Si Szinpin XKP rahbarligiga qayta saylandi, Shavkat Mirziyoyev tabrik yo‘lladi
Shavkat Mirziyoyev XXR raisi Si Szinpinni Xitoy Kommunistik partiyasi Markaziy qo‘mitasi bosh kotibi lavozimiga uchinchi muddatga qayta saylangani bilan tabrikladi. «Siz, aziz birodarim bilan bundan keyin ham do‘stona va ochiq muloqotlarni davom ettirishga tayyorligimni bildiraman», — deyiladi tabrikda.
O‘zbekiston va Turkmaniston prezidentlari Ashxobodda «Toshkent» bog‘ini ochib berdi
Shavkat Mirziyoyev va Serdar Berdimuhamedov Ashxobodda «Toshkent» bog‘ining tantanali ochilish marosimida ishtirok etdi. Shu yerda «Xorazm — Toshovuz» chegaraoldi savdo zonasining qurilishiga bag‘ishlangan marosim ham bo‘lib o‘tdi.
Shavkat Mirziyoyevga Turkmaniston davlat universitetining faxriy professori unvoni berildi
Shavkat Mirziyoyevga Maxtamquli nomidagi Turkmaniston davlat universitetining faxriy professori unvoni berildi. «O‘zbekistonda, Turkmanistonda bo‘lgani kabi, ta’lim-tarbiya tizimida tub islohotlar amalga oshirilmoqda», — deya ta’kidladi prezident oliygohga tashrifi davomidagi nutqida.
Gurbanguli Berdimuhamedov Shavkat Mirziyoyevga alabay kuchugini sovg‘a qildi
Shavkat Mirziyoyev Turkmaniston Parlamentining yuqori palatasi raisi Gurbanguli Berdimuhamedov bilan uchrashdi. Unda Gurbanguli Berdimuhamedov O‘zbekiston rahbariga turkman xalqi alohida qadrlaydigan alabay zotli kuchuk sovg‘a qildi.
Suv xo‘jaligi vaziridan viloyatlar hokimlarigacha: Prezident ayrim rahbarlarni ogohlantirdi
Prezident qarori bilan bir qator amaldorlar ogohlantirildi. Ularning orasida suv xo‘jaligi vaziri, Avtomobil yo‘llari qo‘mitasi raisi va “O‘zbekiston temir yo‘llari” AJ boshqaruvi raisi ham bor.
O‘zbekiston va Turkmaniston o‘rtasida Strategik sheriklikni chuqurlashtirish to‘g‘risida deklaratsiyani imzolandi
O‘zbekiston va Turkmaniston prezidentlari Strategik sheriklikni chuqurlashtirish to‘g‘risidagi deklaratsiyani imzoladi. Qolaversa, ikki mamlakat o‘rtasida elektr eneregetikasi, bojxona ishi, veterinariya va chorvachilik, kinematografiya va boshqa yo‘nalishlar yuzasidan kelishuvlarga erishildi.
Shavkat Mirziyoyev Turkmaniston prezidenti bilan muzokaralar o‘tkazdi
Shavkat Mirziyoyev 21 oktabr kuni Turkmanistonga tashrif buyurdi. Dastlab «O‘g‘uzxon» saroyida rasmiy kutib olish marosimi bo‘ldi. Prezidentlar tor va kengaytirilgan doirada muzokaralar o‘tkazdi.
Ayollar va bolalar bo‘yicha o‘tkazilgan so‘rov natijalari yakuniga ko‘ra qonunlar o‘zgarishi mumkin — Tanzila Narbayeva
Senat raisi ayollar va bolalar bo‘yicha o‘tkazilgan so‘rov natijalari asosida amaldagi qonunlar yangilanishi mumkinligini ta’kidladi. YUNISEFning O‘zbekistondagi vakolatxonasi rahbari Munir Mamedzade bu borada nafaqat hokimiyat, balki jamiyatning o‘zi ham ishtirok etishi muhimligini qayd etdi.
O‘zbek va xorijiy tillar bo‘yicha lug‘at va so‘zlashgichlarning yangi avlodini yaratish kechiktirib bo‘lmas vazifa — prezident
Shavkat Mirziyoyev 21 oktabr — davlat tili bayrami bilan o‘zbek xalqini tabrikladi. Bu borada axborot-kommunikatsiya texnologiyalarining tilini o‘zbekchalashtirish, o‘zbek va xorijiy tillar bo‘yicha lug‘at hamda so‘zlashgichlarning yangi avlodini yaratish kechiktirib bo‘lmas vazifadir, deya ta’kidladi prezident.
Prezident Turkmanistonga jo‘nab ketdi
O‘zbekiston prezidenti Shavkat Mirziyoyev prezident Serdar Berdimuhamedovning taklifiga binoan rasmiy tashrif bilan Turkmanistonga jo‘nab ketdi. Tashrif davomida, jumladan, Ashxobodda «Toshkent» bog‘ini ochish va Chegaraoldi savdo markazini qurish bo‘yicha loyihani birgalikda boshlab berish rejalashtirilgan.
O‘zbekiston va Ozarbayjon mudofaa vazirlari 2023-yilga mo‘ljallangan hamkorlik rejasini imzoladi
O‘zbekiston va Ozarbayjon Mudofaa vazirliklari o‘rtasida 2023-yilga mo‘ljallangan hamkorlik rejasi imzolandi. Ikki mamlakat vazirlari harbiy, harbiy-texnikaviy, harbiy-ta'lim sohalaridagi hamkorlikni, shuningdek, mintaqaviy xavfsizlikni ta’minlash masalalarini muhokama qildi.
Shavkat Mirziyoyev YeIning Markaziy Osiyo bo‘yicha maxsus vakili Terxi Xakalani qabul qildi
O‘zbekiston prezidenti 19 oktabr kuni Yevropa Ittifoqining Markaziy Osiyo bo‘yicha maxsus vakili Terxi Xakalani qabul qildi. Uchrashuvda Afg‘onistondagi vaziyatni tez fursatda tinch yo‘l bilan tartibga solish va uning iqtisodiy tiklanishiga ko‘maklashish masalalari ko‘rib chiqildi.
Deputatlar Turkiya bilan mahkumlarni topshirish bo‘yicha bitimni ratifikatsiya qilishni ma’qulladi
Qonunchilik palatasi O‘zbekiston va Turkiya hukumatlari o‘rtasida mahkumlarni topshirish to‘g‘risidagi bitimni ratifikatsiya qilish to‘g‘risidagi qonunni birdaniga uchinchi o‘qishda qabul qildi.
Qo‘shimcha imkoniyatlardan foydalanish uchun saytda ro‘yxatdan o‘ting