Siyosat
Tashqi ishlar vaziriga yangi o‘rinbosarlar tayinlandi
Furqat Sidiqov tashqi ishlar vazirining birinchi o‘rinbosari, Bahromjon A’loyev TIV rahbari o‘rinbosari etib tayinlandi.
Deputatlar Qirg‘iziston bilan chegara haqidagi qonunlarni ma’qulladi. O‘zbekiston nima evaziga nima oladi?
Qonunchilik palatasi O‘zbek-Qirg‘iz davlat chegarasining ayrim uchastkalari hamda Andijon (Kampir-obod) suv ombori suv resurslarini birgalikda boshqarish to‘g‘risidagi hujjatlarni ratifikatsiya qilish to‘g‘risidagi qonunlarni ma’qulladi. Bosh vazir Abdulla Aripov hududlar almashinuvi tafsilotlarini ma’lum qildi.
Saida Mirziyoyeva prezident Administratsiyasining axborot siyosati bo‘yicha sho‘’ba mudiri lavozimiga tayinlandi
Prezident farmoyishi bilan Saida Mirziyoyeva prezident Administratsiyasi Ijro etuvchi apparatining Kommunikatsiyalar va axborot siyosati bo‘yicha sho‘’ba mudiri lavozimiga tayinlandi. Shuningdek, u ijtimoiy soha, madaniyat va ta’lim sohalaridagi islohotlar ijrosining borishini ham nazorat qiladi.
Shavkat Mirziyoyev Istanbulda sodir etilgan portlash sabab Turkiya prezidentiga ta’ziya yo‘lladi
O‘zbekiston prezidenti Istanbul shahrida yuz bergan portlash oqibatida insonlar qurbon bo‘lgani va jiddiy jarohat olgani munosabati bilan Rejep Tayyip Erdo‘g‘anga ta’ziya bildirdi.
«Kasaba uyushmalari hech qachon o‘z dolzarbligini yo‘qotmagan» — prezident
Bundan buyon ham doimiy qo‘llab-quvvatlash asnosida ishchi va xizmatchilarning mehnat huquqlarini ta’minlash va ularning ish haqi miqdorini oshirib borish bo‘yicha barcha imkoniyatlar safarbar etiladi, deya ta’kidladi prezident Shavkat Mirziyoyev. Kasaba uyushmalari kunida Toshkentda Kasaba uyushmalari saroyi ochildi.
TDT sammiti yakunlari bo‘yicha 10 dan ortiq hujjat qabul qilindi
Samarqandda bo‘lib o‘tgan TDT sammitida a’zo davlatlar o‘rtasida Savdoni yengillashtirish strategiyasi tasdiqlandi va Soddalashtirilgan bojxona koridorlari tizimini shakllantirish to‘g‘risidagi bitim imzolandi. Shuningdek, Turkiy investitsiya fondini qisqa muddatlarda tashkil etishga qaror qilindi.
Foto: TDT a’zo davlatlarning birinchi xonimlari Samarqandda uchrashdi
Samarqandda 10 noyabr kuni O‘zbekiston, Turkiya, Ozarbayjon va Vengriyaning birinchi xonimlari maxsus tashkil etilgan «O‘zbekiston ranglari» ko‘rgazmasiga tashrif buyurdi.
TDT sammitida Shimoliy Kipr bo‘yicha alohida qaror imzolanmadi — Vladimir Norov
Turkiya prezidenti Rajab Toyyib Erdog‘an TDT Davlat rahbarlari kengashi yig‘ilishidagi nutqida Shimoliy Kipr tashkilotga kuzatuvchi sifatida a’zo bo‘lgani haqida gapirdi. O‘zbekiston TIV rahbari Shimoliy Kiprni mustaqil davlat sifatida tan olish haqida gap bo‘lish mumkin emasligini ta’kidladi.
Kun fotosi: TDTga a’zo va kuzatuvchi davlatlar yetakchilari Registonda daraxt ekishdi
Turkiy davlatlar tashkiloti sammitining asosiy tadbiridan so‘ng, O‘zbekiston, Turkiya, Ozarbayjon, Qozog‘iston, Qirg‘iziston, Vengriya va Turkmaniston yetakchilari Registon maydonida daraxt ekishdi. Shu kunning o‘zida O‘zbekistonda 2,5 mln tup, qolaversa, Ozarbayjonda 111 ming tup daraxt ekish ko‘zda tutilgan.
Erdog‘an va Berdimuhamedov «Turkiy dunyoning oliy ordeni» bilan mukofotlandi
Mukofotlarni topshirarkan, Shavkat Mirziyoyev Erdog‘anning «turkiy davlatlar mustaqilligini mustahkamlashdagi jonbozligi»ni, Berdimuhamedovning «yosh avlod tarbiyasiga katta ijobiy ta’sir ko‘rsayotgan ma’rifiy asarlari»ni qayd etib o‘tdi. Marhum adib Chingiz Aytmatov Alisher Navoiy mukofoti bilan taqdirlandi.
Turkiy davlatlar tashkilotining Raqamlashtirish markazi tashkil etilishi mumkin
TDT sammitida Qozog‘iston prezidenti Qasim-Jomart Toqayev tashkilotning Raqamlashtirish markazini tashkil etish taklifini ilgari surdi. Tuzilma savdo, transport, suv resurslaridan foydalanish, axborot xavfsizligi va boshqa tarmoqlar uchun zarur raqamli yechimlarni ishlab chiqish imkonini beradi.
Mirziyoyev: «Jahondagi ziddiyatli voqealar turkiy dunyoning umumiy xavfsizligiga ham ta’sir o‘tkazayapti»
O‘zbekiston prezidenti TDT sammitida «so‘nggi paytlarda jahonning turli nuqtalaridagi ziddiyatli voqealar turkiy dunyoning umumiy xavfsizligiga ham ta’sir o‘tkazayapti», deya ta’kidladi. Bundan tashqari, Shavkat Mirziyoyev Afg‘oniston masalasi hech qachon nazardan chetda qolmasligi ham muhimligini eslatib o‘tdi.
2023-yil — Turkiy sivilizatsiyaning yuksalish yili bo‘ladi
Shavkat Mirziyoyev Turkiy davlatlar tashkiloti sammiti ishtirokchilariga O‘zbekistonning 2023-yilni Turkiy sivilizatsiyaning yuksalish yili, deb e’lon qilish taklifini qo‘llab-quvvatlagani uchun minnatdorchilik bildirdi. “Men ishonaman, Turkiy dunyoni buyuk kelajak kutmoqda”, — dedi u.
«Biz har qanday qiyinchiliklarni do‘stlik orqali yengib o‘tishga qodirmiz». Shavkat Mirziyoyev turkiy davlatlar haqida
TDT sammitida Shavkat Mirziyoyev a’zo mamlakatlar bugungi kunda keskin geosiyosiy ziddiyatlar va global iqtisodiy inqiroz bilan bog‘liq sinovlarni boshdan kechirayotganini ta’kidladi. «Qiyinchiliklarni do‘stlik, hamkorlik va bir-birimizni qo‘llab-quvvatlash orqali yengib o‘tishga qodirmiz», — dedi Shavkat Mirziyoyev.
Adliya vazirligi Toshkent budjetiga oid hujjatlar “o‘chirilgani” bo‘yicha izoh berdi
Adliya vazirligi E-qaror portalida Toshkent hokimligining shahar budjetiga oid hujjatlari avval “o‘chirilgani”, so‘ngra qayta tiklangani yuzasidan izoh berdi. Vazirlik ma’lumotlariga ko‘ra, faqat hokimlar hujjatlarni e’lon qilish va ulardan foydalanishni cheklash huquqiga ega.
«Yangi dunyo tartibi uchun kurash mamlakatlarimiz xavfsizligi va rivojlanishiga tahdid soladi» — Vladimir Norov
O‘zbekiston tashqi ishlar vaziri Vladimir Norov Turkiy davlatlar tashkilotini suverenitet, hududiy yaxlitlik va xavfsizlikka tahdidlarni yengish uchun birgalikdagi imkoniyatlarni oshirishga chaqirdi.
Turkiya prezidenti O‘zbekistonning «Oliy darajali Imom Al-Buxoriy» ordeni bilan taqdirlandi
Turkiya prezidenti Rejep Tayyip Erdog‘an O‘zbekistonning «Oliy darajali Imom Al-Buxoriy» ordeni bilan taqdirlandi. Unga bu yuksak mukofotni davlat rahbari Shavkat Mirziyoyev topshirdi.
TIV Ukraina razvedkasining O‘zbekiston urushda Rossiyaga ko‘maklashayotgani haqidagi bayonotini asossiz deb atadi
O‘zbekiston TIV Ukraina elchisi bilan uchrashuvda, Ukraina Mudofaa vazirligining O‘zbekiston sanksiya cheklovlarini chetlab o‘tib, Rossiyaga ikki maqsadli mahsulotlar yetkazib bergani haqidagi «asossiz bayonoti» yuzasidan «jiddiy xavotir bildirdi».
Shavkat Mirziyoyev va Viktor Orban Samarqandda muzokara o‘tkazdi
Samarqand shahrida Turkiy davlatlar tashkiloti sammiti doirasida O‘zbekiston va Vengriya yetakchilari uchrashuv o‘tkazdi. Shavkat Mirziyoyev va Viktor Orban muzokara sanoat, kimyo tarmog‘i, farmatsevtika, bank-moliya, transport va logistika sohalaridagi investitsiya loyihalari yuzasidan fikr almashdi.
Shavkat Mirziyoyev «Jahonning eng nufuzli 500 musulmoni» ro‘yxatiga kiritildi
O‘zbekiston prezidenti Shavkat Mirziyoyev «Jahonning eng nufuzli 500 musulmoni» («The Muslim 500») ro‘yxatiga kiritildi. Undan Turkiya, Qozog‘iston, Ozarbayjon rahbarlari ham o‘rin olgan. Qolaversa, ro‘yxatda O‘zbekiston musulmonlari idorasining sobiq raisi, marhum Usmonxon Alimov ham qayd etildi.
Qo‘shimcha imkoniyatlardan foydalanish uchun saytda ro‘yxatdan o‘ting