Jamiyat
Qozog‘istondagi YTHda 2 nafar o‘zbekistonlik halok bo‘ldi
Qozog‘istonning Aqto‘be viloyatida Toyota va Lacetti avtomobillari to‘qnashishi oqibatida 2 nafar o‘zbekistonlik halok bo‘ldi. Yana 6 kishi shifoxonaga yetkazildi. Mamlakat IIV holat yuzasidan tergov harakatlari boshlanganini bildirdi.
Farg‘onada xandaq qaziyotgan ishchini tuproq bosib qoldi
Yozyovon tumanida xandaq qaziyotgan ishchini tuproq bosib qoldi. Fuqaroga FVB xodimlari yordam ko‘rsatdi. Voqeaga ishchining xavfsizlik qoidalariga rioya qilmagani sabab bo‘lgani aytilmoqda.
16-may kuni O‘zbekistonda sodir bo‘lgan eng muhim xabarlar dayjesti
O‘zbekistonda Mastercard`ning vakolatxonasi ochilishi, Nukus voqealari bo‘yicha apellyatsiya sudi, tuman bosh imomligidan bo‘shatilgan “shukurullohdomla”, qo‘lga olingan Hello Tashkent, salam Tashkent guruhi adminlari, metroda yosh qizga shilqimlik qilgan 24 yoshli yigit va boshqalar — “Gazeta.uz”ning kun dayjestida.
O‘zbekiston bo‘ylab muzeylar kuni nishonlanadi
18-may — Xalqaro muzeylar kuni munosabati bilan O‘zbekiston davlat muzeylari tashrif buyuruvchilarni bepul qabul qiladi. Davlat san’at muzeyida Bahodir Jalolning “Mangulikdagi chiziq” ko‘rgazmasi ochiladi va rassom bilan uchrashuv o‘tkaziladi, Miniatyura muzeyida xattotlik bo‘yicha mahorat saboqlari o‘tkaziladi.
Toshkentda metroda yosh qizga shilqimlik qilgan shaxs 5 sutkaga qamaldi
12-may kuni Toshkent shahrida metro vagoni ichida yosh qizga shahvoniy shilqimlik qilgan yigitga nisbatan sud hukmi o‘qildi. Uning avval ham ma’muriy javobgarlikka tortilgani sabab jazo yengillashtirilmadi. Yigit 5 sutkaga qamaldi.
Nukus voqealari bo‘yicha apellyatsiyada ekspertlar so‘roq qilindi (+foto)
Nukus voqealari bo‘yicha apellyatsiyani ko‘rib chiqayotgan sud Dauletmurat Tajimuratovning advokati Sergey Mayorov iltimosiga ko‘ra ekspertlarni so‘roqqa taklif qildi. Himoyachi ularning javoblariga qo‘shilmasligini aytdi. U sudda qo‘yilgan 1−2-iyul voqealariga oid videoni “jurnalistlik hissiyotli xabar” deb atadi.
Shukrullo Egamberdiyev Toshloq tumani bosh imomligidan bo‘shatildi
O‘zbekiston musulmonlari idorasi Toshloq tumani bosh imomi Shukrullo Egamberdiyevni lavozimidan ozod qildi. Idoraning “Gazeta.uz”ga ma’lum qilishicha, bunga uning so‘nggi 6 oy davomida aholining noroziligiga uchragan videolari sabab bo‘lgan.
Uzum ekotizimi kafe, restoran va do‘konlardan Uzum Tezkor yetkazib berish servisini ishga tushirdi
Endi Uzum foydalanuvchilari o‘zlarining sevimli muassasalaridan taom buyurtma qilish imkoniyatiga ega. Tez orada do‘konlardan oziq-ovqat mahsulotlariga buyurtma berish ham mumkin bo‘ladi.
O‘zbekiston Xalqaro velosipedchilar ittifoqi reytingida yuqoriladi
O‘zbekistonda erkaklar va ayollar o‘rtasida velosportning shosse turi bo‘yicha “Oqtosh-Chorvoq Mountain” ko‘p kunlik musobaqasi o‘tkazildi. Unda qatnashgan milliy terma jamoa Xalqaro velosipedchilar ittifoqi reytingida bir necha pog‘onaga ko‘tarildi.
IIV Telegram`da ayollarning suratlarini tarqatishda gumonlangan guruh adminlarini qo‘lga oldi
IIV Kiberxavfsizlik markazi Telegram`da xotin-qizlarning behayo suratlarini tarqatishda gumonlangan fuqarolarni qo‘lga oldi. Ular tasvirlarni ko‘rish yoki o‘chirtirish uchun pul talab qilgan. Vazirlik ushbu holatdan jabrlanganlardan 102 raqamiga xabar berishlarini so‘radi.
“Bobo-buvisi uzoqdaligi yomon, lekin mentalitetdan uzoqdaligimiz yaxshi”. Xorijda yashab, bola o‘stirayotgan o‘zbekistonliklar hikoyasi
Bola tarbiyasi nozik masala — go‘yoki bir umrlik imtihon. Musofirchilikda, begona muhit va o‘zga madaniyat ichida farzand tarbiyalash esa ikki karra mashaqqat. “Gazeta.uz” ko‘p yillardan beri xorijda yashab, bolalarini hayotga tayyorlayotgan o‘zbekistonlik ota-onalar tajribasini jamladi.
Namangandagi bog‘da 12 yoshli bola boshidan jarohat olib vafot etdi
Namangan shahridagi istirohat bog‘ida 12 yoshli bola attraksionda aylangan vaqtida boshidan jarohat olib vafot etdi. Holat yuzasidan jinoyat ishi qo‘zg‘atildi. Tarqalgan videolarga ko‘ra, voqea 30 ga yaqin o‘quvchi maktab jamoasi bilan aylanishga chiqqanda sodir bo‘lgan.
Jizzax viloyatida bo‘lim prokurori $1,3 ming pora olgani aytilmoqda
Jizzax viloyati prokuraturasi bo‘lim prokurori jinoyat ishi qo‘zg‘atishni rad etganini iddao qilib, “xizmati” uchun tadbirkordan 1300 dollar so‘raganlikda gumonlanmoqda, u pullarni olgan vaqtida ushlandi. Shuningdek, DXX Andijon viloyatida ham pora olganlikda gumonlanayotgan mansabdorlarni qo‘lga oldi.
Yil boshidan beri 2 kishi ovqatdan zaharlanib vafot etdi
O‘zbekistonda 2023-yilning o‘tgan davrida 107 nafar fuqaro ovqatdan zaharlangan (22 nafari bolalar), 2 bemor vafot etgan. Zaharlanishlar eng ko‘p uy sharoitida tayyorlangan konserva mahsulotlarini iste’mol qilish oqibatida kelib chiqqan.
“Oltin qalam” mukofotining 2023-yilgi g‘olib va sovrindorlari aniqlandi
Jurnalistika sohasidagi “Oltin qalam” XVII Milliy mukofoti uchun g‘olib va sovrindorlar taqdirlandi. Bosh milliy mukofot g‘olibi — O‘zMUning Jurnalistika fakulteti jamoasiga Gentra avtomobili topshirildi.
Toshkentda IIO xodimiga qarshilik ko‘rsatgan fuqaro 10 sutkaga qamaldi
Tarmoqlarda Shayxontohur tumanida fuqaroning IIO xodimlari bilan janjallashayotgani aks etgan video tarqaldi. Poytaxt IIBBning ma’lum qilishicha, fuqaroning mashinasi jarima maydonchasiga joylashtirilgan. Biroq hujjatlashtirish jarayonida u IIO xodimlarining talablarini bajarmay, qarshilik ko‘rsatgan.
Toshkentda Amir Temur ko‘chasining bir qismi noma’lum muddatga yopildi
15-maydan Toshkentdagi Amir Temur ko‘chasining bir qismi noma’lum muddatga yopildi. Bu vaqtda ko‘cha bo‘ylab yangi elektr tarmog‘ini qurish ishlari olib boriladi.
15-may kuni O‘zbekistonda sodir bo‘lgan eng muhim xabarlar dayjesti
Tadbirkorlarga alohida imtiyozlar dasturi, yopiq eshiklar ortida ko‘riladigan 12 yoshli qizning o‘ldirilishiga oid sud ishi, OTMlarga kirish imtihonlari yana yopiq binolarda o‘tkazilishi, 2 o‘quvchini urib yuborgan 19 yoshli Damas haydovchisi, hafta o‘rtasida yomg‘ir va boshqalar — “Gazeta.uz”ning kun dayjestida.
IIV Toshkentda bo‘lib o‘tgan boks bo‘yicha JCHdagi tartibsizliklar haqidagi xabarlarni rad etdi
Tarmoqlarda Toshkentda bo‘lib o‘tgan boks bo‘yicha jahon chempionatidagi ommaviy tartibsizliklar haqida xabarlar tarqaldi. O‘zbekiston IIV 13-may kuni tashkilotchilar charm boks qo‘lqoplarini tekinga tarqatgani, muxlislar esa bir-birlariga navbat bermasdan tartibsiz harakat qilganini bildirdi.
Toshkentda qalbaki 200 ming so‘mliklarni tayyorlagan shaxs qo‘lga olindi
Toshkentning Chilonzor tumanida nominal qiymati 200 ming so‘m bo‘lgan qalbaki banknotalar tayyorlagan shaxs qo‘lga olindi. U shunday qalbaki banknotlarning har birini 60 ming so‘mdan sotgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting