Jamiyat
Interpol qidiruviga berilgan shaxs Latviyadan O‘zbekistonga ekstraditsiya qilindi
O‘ta yirik miqdorda firibgarlik sodir etgani uchun qidiruvga berilgan shaxs Latviyadan O‘zbekistonga ekstraditsiya qilindi. Xabarlarga ko‘ra, u o‘zini AQSh elchixonasi xodimi sifatida tanishtirib, hujjatlarni rasmiylashtirish, xorijga chiqishga ruxsat olishda o‘z xizmatlarini taklif qilib kelgan.
Nukus ishi bo‘yicha 39 nafar sudlanuvchining hukmlari 17 mart kuni e’lon qilinadi
O‘tgan yil iyul oyida Qoraqalpog‘istonda sodir bo‘lgan voqealar bo‘yicha 39 nafar sudlanuvchiga nisbatan hukmlar 17 mart kuni e’lon qilinadi.
14 mart kuni O‘zbekistonda sodir bo‘lgan eng muhim xabarlar dayjesti
Surxondaryoning buzilgan yo‘llarida Malibu haydagan Shavkat Mirziyoyev, Konstitutsiyaviy qonunni referendumga qo‘yishni ma’qullagan Senat, AYOQSHlarda Ai-92 benziniga 7500 so‘mlik chegirma, YPX xodimlari haqida video olgani uchun qamalgan jizzaxlik fuqaro va boshqalar — «Gazeta.uz»ning kun dayjestida.
Toshkentda qariyalar uyining devori qulab tushdi. Hodisada hech kim jabrlanmadi
Toshkentda kuzatilgan uzluksiz yog‘ingarchiliklar tufayli Olmazor tumanidagi qariyalar uyining devori qulab tushdi. Hodisada hech kim jabrlanmadi. Faqatgina devor oldida turgan Nexia 3 avtomobili shikastlangan.
Uzbekistan Airways yoshlar uchun mahalliy qatnovlarga 21 foizlik chegirma e’lon qildi
Uzbekistan Airways 23−31 mart kunlari 12 yoshdan 30 yoshgacha bo‘lganlar uchun mahalliy aviaqatnovlarga 21 foizlik chegirma e’lon qildi. Chegirma Yoshlar turizmi haftaligi o‘tkazilishi munosabati bilan taqdim etilmoqda.
Shoir va dramaturg Mengliboy Murodov 80 yoshida vafot etdi
Yozuvchilar uyushmasi a’zosi Mengliboy Murodov 80 yoshida vafot etdi. Adib “Mening bola qalbim”, “Ko‘ngildagi qo‘shiqlar”, “Umidli dunyo” kitoblari muallifi hisoblanadi. “Gunoh” romani mustaqillikning 17 yilligida o‘tkazilgan “Eng ulug‘, eng aziz” tanlovida 3-o‘ringa loyiq ko‘rilgan.
Video: Shavkat Mirziyoyev Surxondaryoning buzilgan yo‘llarida Malibu haydadi
O‘zbekiston prezidenti Surxondaryodagi Boysun-Denov yo‘nalishi bo‘ylab yo‘l sifati yuzasidan fuqarolardan kelib tushayotgan murojaatlarni inobatga olib, sifatsiz yo‘lda Malibu haydadi. Shavkat Mirziyoyev bu yo‘llarda harakat qilib bo‘lmasligini ta’kidladi.
Korrupsiyaga qarshi kurashishda qoniqarsiz ishlagan davlat idoralari ma’lum qilindi
Ekspertlar Suv xo‘jaligi, Energetika vazirligi hamda Surxondaryo va Andijon viloyatlari hokimliklarining korrupsiyaga qarshi kurashish ishlarini qoniqarsiz deb baholadi. Bunga rahbarlarning ushbu yo‘nalishda shaxsiy tashabbusi yetarli emasligi ham sabab bo‘lgan. Eng yaxshi natija Soliq qo‘mitasida qayd etildi.
Namanganda o‘zini kanalga tashlagan 54 yoshli erkak halok bo‘ldi
To‘raqo‘rg‘onlik erkak o‘zini Shimoliy Farg‘ona kanaliga tashlab, halok bo‘ldi. 54 yoshli fuqaroning nega bunday qilgani hozircha noma’lum. Holat yuzasidan surishtiruv olib borilmoqda.
O‘zbekistonda elektr, gaz yoki vodoprovodga noqonuniy ulanish o‘g‘irlik etib belgilandi
Qonun bilan elektr, issiqlik, gaz yoki vodoprovoddan tijorat maqsadlarida noqonuniy foydalanish o‘g‘irlik deb belgilandi. MJtK va JKga kiritilgan o‘zgartishlarga ko‘ra, endi ushbu jinoyatni sodir etganlar 6 mln so‘mgacha jarimaga tortilishi yoki 5 yilga qamalishi mumkin.
Jizzaxda YPX xodimlari haqida video suratga olgan fuqarolar qamaldi — IIV
Tarmoqlarda jizzaxlik ikki fuqaro YPX xodimlari haqida suratga olgan hazilomuz video tarqaldi. IIV ma’lum qilishicha, ularning biri 15 sutka, boshqasi esa 10 sutkaga qamaldi.
Toshkentda 4 ta avtomobil ishtirokida YTH sodir bo‘ldi
Olmazor tumanida Epica, 2 ta Cobalt va Matiz to‘qnashib ketdi. YTH oqibatida 2 haydovchi va yo‘lovchilar jarohatlandi.
“O‘zbekneftgaz” AYOQSHlarida Ai-92 benzini 7500 so‘mdan sotilmoqda
14 martdan UNG Petro yonilg‘i quyish shoxobchalari tarmog‘ida Ai-92 benzini bir litri uchun 7500 so‘mdan sotilmoqda. Shu vaqtgacha uning narxi 9000 so‘m atrofida edi.
Navoiyda tuman xalq ta’limi bo‘limi mansabdorlariga jinoyat ishi qo‘zg‘atildi
Xatirchi tumani xalq ta’limi bo‘limi mansabdorlariga jinoyat ishi qo‘zg‘atildi. Ular 43,6 mln so‘m miqdoridagi rag‘batlantirish va ish haqlarini noqonuniy hisoblab, budjet mablag‘larini talon-toroj qilganlikda gumonlanmoqda.
Sirdaryo viloyati prokurori Sanjar Mavlonov o‘z xohishiga ko‘ra ishdan ketdi
Bir yil avval Sirdaryo viloyati prokurori etib tayinlangan Sanjar Mavlonov o‘z xohishiga ko‘ra ishdan bo‘shatildi. Uning jinoyat ustida qo‘lga olingan bo‘lishi mumkinligi haqidagi xabarlar rad etildi.
13 mart kuni O‘zbekistonda sodir bo‘lgan eng muhim xabarlar dayjesti
Rossiyaning Ukrainaga qarshi mojarosida O‘zbekiston qaysi tarafdaligini aytgan prezident, Toshkentda o‘zini 7-qavatdan tashlagan rossiyalik, amaldorlarning xizmat safarlari va tadbirlarda sovg‘a olishi taqiqlangani, maktabda trenddagi qo‘shiqqa video olgan direktor va boshqalar — «Gazeta.uz»ning kun dayjestida.
Toshkentda Rossiya fuqarosi o‘zini 7-qavatdan tashlab yubordi
Toshkent markazida bir kishi turar-joy binosining 7-qavatidagi derazadan o‘zini tashlab halok bo‘ldi. O‘zbekiston Bosh prokuraturasi uning Rossiya fuqarosi ekanligini ma’lum qildi.
Toshkentdagi maktabda trenddagi qo‘shiqqa video olgan direktor va o‘rinbosarlar ogohlantirildi
Yakkasaroydagi 91-maktabda direktor va uning o‘rinbosarlari mashhur «Za dengi da» qo‘shig‘iga qalbaki dollar sochgan holda olgan hazilomuz videosi tarqaldi. Tuman hokimligi pedagoglar jiddiy ogohlantirilganini ma’lum qildi. O‘qituvchilardan birini esa ishdan bo‘shatishmoqchi ekani aytilmoqda.
Samarqandda madaniy meros obyektiga jiddiy zarar yetkazgan tadbirkor qamalgani ma’lum qilindi
Samarqand shahridagi xususiy mulkda bo‘lgan moddiy madaniy meros obyektiga zarar yetkazilgani haqida xabar tarqaldi. Madaniy meros agentligi aybdor tadbirkor ozodlikdan mahrum etilganini ma’lum qildi.
Toshkent viloyatida 420 ming gektar yerni $700 mingga sotishga uringanlar qo‘lga olindi
DXX Ohangaron tumanida 420 ming gektar yerni $700 mingga sotishda gumonlangan ferma rahbari, uning otasi va mahalla raisini qo‘lga oldi. Shuningdek, Jizzax va Andijonda ham noqonuniy yer sotish holatlari aniqlandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting