Jamiyat
5 yil ish stajiga ega fuqarolarni OTMga tavsiya etish huquqiga ega tashkilotlar ro‘yxati tasdiqlandi
86 ta vazirlik va tashkilotlarga iqtisodiyot tarmoqlarida kamida 5 yil ishlagan fuqarolarni OTMlarga suhbat asosida kiritish uchun tavsiya qilish huquqi berilmoqda. Bunda abituriyent «superkontrakt» asosida o‘qiydi va ularni ro‘yxatga olish 8−22 avgust oralig‘ida DTM sayti orqali amalga oshiriladi.
Toshkentda ekologik reydga start berildi
9 avgust kunidan boshlab Toshkent shahrida ekologik reyd o‘tkazilmoqda. Ekologiya, Milliy gvardiya, ichki ishlar xodimlaridan iborat Ekopatrul inspektorlari tuzildi, ular hududlarga bo‘linib, yo‘nalishlar kesimida butun shaharni o‘rganib chiqadi.
Yagona maktab formasi majburiy bo‘lmasligi hukumat qarori bilan tasdiqlab qo‘yiladi — XTV
Xalq ta’limi vaziri Baxtiyor Saidov joriy o‘quv yilidan yagona maktab formasi majburiy bo‘lmasligi haqidagi bayonoti to‘g‘risida hukumat qarori qabul qilinishi kutilayotganini ma’lum qildi. «Bu qonuniy tusga ega bo‘lib, hujjatda ham aks etadi», — dedi u.
Daraxt voqeasidan so‘ng Chilonzor hokimi ishdan bo‘shatildi, poytaxt hokimi esa hayfsan oldi
Toshkentda 101 tup daraxtga shikast yetkazilgani uchun prezident topshirig‘iga asosan Chilonzor tumani hokimi Shavkat Mavlonov va prokurori Izzat Bozorov ishdan bo‘shatildi. Qolaversa, poytaxt hokimi Jahongir Ortiqxo‘jayev va prokurori Ulug‘bek Qosimovga qattiq hayfsan berildi.
8 avgust kuni O‘zbekistonda sodir bo‘lgan eng muhim xabarlar dayjesti
O‘zbekistonda o‘tadigan 2026 yilgi shaxmat olimpiadasi, Farg‘onada kesib ketilgan 87 tup daraxt, 1-kundanoq testda telefondan foydalangan abituriyent, piyodani urib yuborgan Nishon tumani hokimining 1-o‘rinbosari, xususiylashadigan Paynet, iliq kunlar va boshqalar — «Gazeta.uz» da kun dayjesti.
«O‘g‘rilikni ochishga vazirlikning o‘zi tashabbus ko‘rsatgan». XTV — Andijon XTB boshlig‘i hibsga olinishi haqida
Andijon shahar hokimi Bahrom Haydarov hamda viloyat XTB boshlig‘i Azizbek Mirkomilov 48,5 mlrd so‘m budjet mablag‘larini o‘zlashtirganiga oid jinoyat ishini ochishda Xalq ta’limi vazirligi tashabbus ko‘rsatgani ma’lum bo‘ldi. Tergov yakunlanib, ish sudga oshirildi, dedi vazir o‘rinbosari Temur Komilov.
Gaz hisoblagichlarni o‘rnatishni oktabr oyiga qadar yakunlash rejalashtirilmoqda
Navoiy va Buxoro viloyatlarida hamda Toshkent shahrida markazlashgan issiqlik ta’minotiga ulangan hamda tabiiy gaz iste’moli yuqori bo‘lmagan 11,5 mingta ko‘p qavatli uylarda elektron gaz hisoblagichlar ushbu uylarning kirish qismidagi umumiy gaz quvurlariga o‘rnatiladi.
Buxoro viloyatidagi yana beshta maktab ichimlik suvi bilan ta’minlandi
«Zamin» fondi tomonidan Buxoro viloyatidagi yana beshta umumta’lim maktabi ichimlik suvi bilan ta’minlandi. Buxoro viloyatining Peshku va Jondor tumanlarida maktablar joylashgan hududdagi aholi ham suvdan foydalanish imkoniyatiga ega bo‘lishdi.
Toshkentdagi YTHda ikki kishi halok bo‘ldi
Toshkentning Mirobod tumanida 7 avgust kuni ikki avtomobil to‘qnashib ketdi. Ikki kishi halok bo‘ldi, uch kishi jarohat olib, shifoxonaga yotqizildi.
OTMga kirish testlarining birinchi kunidanoq telefondan foydalangan abituriyent aniqlandi
Farg‘ona viloyatida OTMga kirish imtihonlarining birinchi kunidanoq telefondan foydalangani uchun abituriyent testdan chetlatildi. Ijtimoiy tarmoqlarda esa raqami ko‘rinmagan test topshiriqlari kitobining rasmlari tarqaldi. DTM holat nazorat ostida ekaniga ishontirmoqda.
Nishon tumani hokimining birinchi o‘rinbosari xizmat mashinasida piyodani urib yubordi
Nishon tumani hokimining birinchi o‘rinbosari Erkin Boboqulov tungi vaqtda o‘zining boshqaruvida bo‘lgan xizmat mashinasida piyodani urib yubordi. Buning oqibatida jabrlanuvchi vafot etdi. Holat yuzasidan jinoyat ishi qo‘zg‘atildi, gumondorning aybi sudda o‘z tasdig‘ini topsa, 7 yilgacha qamalishi mumkin.
University of Digital Economics and Agrotechnologies ochiq eshik kunlariga taklif etadi
Raqamli iqtisodiyot va agrotexnologiyalar universiteti — University of Digital Economics and Agrotechnologies (UDEA)`ning tantanali ochilish marosimi bo‘lib o‘tadi.
Toshkent viloyatida 3,5 mlrd so‘m, Surxondaryoda esa $90 minglik kredit talon-toroj qilindi
Toshkent viloyatida fuqaro o‘g‘lini tanishining korxonasiga ishga kiritib, 3,5 mlrd so‘m kredit mablag‘iga olingan tovarlarni naqd pulga sotib yuborgani aniqlandi. Surxondaryoda esa fermer 90 ming dollar kreditni talon-toroj qilgani ma’lum bo‘ldi. Gumondorlarga nisbatan jinoyat ishi qo‘zg‘atildi.
Bu hafta kuchli issiq kutilmaydi — O‘zgidromet
Hafta davomida +34 darajadan yuqori bo‘lmagan quruq va nisbatan qulay ob-havo sharoiti saqlanib turadi, faqat dam olish kunlari harorat +38 darajagacha ko‘tariladi. Tog‘li hududlarda esa momaqaldiroqli yomg‘irlar yog‘adi.
Moratoriy davrida Farg‘onada 87 tupdan ortiq daraxt kesib tashlandi
Farg‘ona viloyati O‘zbekiston tumanida Elektr tarmoqlari korxonasi xodimlari 48 tup archa, 9 tup shumtol va 30 tupdan ortiq mevali daraxt noqonuniy kesib tashlagani aniqlandi. Ekoqo‘mita bu orqali o‘simlik dunyosiga 856,5 mln so‘m zarar yetkazilganini ma’lum qildi. Hujjatlar to‘planib, prokuraturaga yuborildi.
Poytaxtda dushanba kuni 4 ballik magnit bo‘roni bo‘lishi prognoz qilinmoqda
Dushanba kuni Toshkent shahrida 3 soat davomida 4 ballik magnit bo‘ronlari kuzatilishi prognoz qilinmoqda. Mutaxassislarning fikricha, bu vaqtda arterial gipertoniya va bronxial astmasi borlar ko‘proq aziyat chekadi, ko‘pchilikda orqa bosh miyada og‘riq turadi, shu bois kamroq harakat qilish tavsiya etiladi.
Chilonzorda yo‘lni kengaytirish jarayonida 101 tup daraxt shikastlangan — Davlat ekologiya qo‘mitasi
Ekologiya davlat qo‘mitasi mutaxassislari Chilonzor ko‘chasini rekonstruksiya qilish jarayonida 101 tup daraxtga shikast yetkazilgani, shundan 9 tup eman daraxti jiddiy zarar ko‘rganini aniqladi. Shuningdek, yo‘lni rekonstruksiya qilish bo‘yicha davlat ekoyekspertizasi xulosasi ham olinmagan.
Jizzaxda ayanchli avariya: Isuzu ostida qolgan Nexia-2`dagi 5 kishi halok bo‘ldi
Jizzaxda Isuzu yuk mashinasi rulida uxlab qolgan qashqadaryolik haydovchi boshqaruvni yo‘qotib, qarama-qarshi yo‘nalishda kelayotgan Nexia-2 bilan to‘qnashuv sodir etdi. Oqibatda Nexia-2dagi 5 kishi halok bo‘ldi.
Chilonzor ko‘chasini toraytirishga qaror qilindi. «Gazeta.uz» loyihani aholi bilan muhokama qilishni taklif etadi
Toshkent hokimligi Chilonzor ko‘chasi loyihasini qayta ko‘rib chiqib, yo‘laklar sonini 6 tadan 4 taga qisqartirish, ortib qolgan joyni yashil hududga aylantirishga qaror qildi. «Gazeta.uz» shoshmaslik, mutaxassislarni jalb qilish va aholini tinglashni taklif qiladi.
“Xalqaro olimpiada — bolani qiynovchi emas, o‘zini ko‘rsatishga imkoniyat beradigan maydon” — Aziza Abduvaliyeva
2021-yilda Xalqaro biologiya olimpiadasida oltin, 2022-yilda bronza medallarini qo‘lga kiritgan Aziza Abduvaliyeva “Gazeta.uz” bilan suhbatda “xalqaro olimpiada — bolaga o‘zini ko‘rsatish uchun maydon” ekanini aytdi. Shuningdek, biologiyani o‘rganishdagi muammolar, olimpiadadagi ishtiroki haqida so‘zlab berdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting