Jahon
Telegramda videomuloqotlar paydo bo‘lishi e’lon qilindi
Pavel Durov Telegramda videomuloqotlar paydo bo‘lishini e’lon qildi. Uning ishga tushirilishi 2020 yilning oxirigacha rejalashtirilgan. Shuningdek, 400 mln faol foydalanuvchiga ega messendjer ta’limga hissa qo‘shish maqsadida barcha fanlar va darajalar uchun test sinovlari ma’lumotlar bazasini yaratishini ma’lum qildi.
Tramp AQSHga immigratsiyani chekladi
Donald Tramp AQSHga immigratsiyani 60 kunga to‘xtatib qo‘yish to‘g‘risidagi farmonni imzoladi. Ta’qiq koronavirus pandemiyasi tufayli ishini yo‘qotgan amerikaliklarni himoya qilishga qaratilgan.
“Kamp Nou” maydonining nomi bir mavsumga o‘zgaradi
Ispaniyaning Barselona futbol klubi koronavirus pandemiyasiga qarshi kurash uchun mablag‘ yig‘ish maqsadida 2020−2021 mavsumiga “Kamp Nou” maydonining nomini homiylarga sotishga qaror qildi.
Buyuk Britaniya koronavirusga qarshi vaksinani odamlarda sinashni boshlaydi
Buyuk Britaniyadagi Imperial kollej va Oksford universiteti olimlari tomonidan ishlab chiqilgan vaksinalarni odamlarda sinash boshlanadi.
Mixail Saakashvili Ukraina bosh vaziri o‘rinbosari bo‘lishi mumkin
Ukraina prezidenti Vladimir Zelenskiy Mixail Saakashviliga islohotlar bo‘yicha bosh vazir o‘rinbosari lavozimini taklif qilgan. Mamlakat parlamenti Saakashvili nomzodini 24 aprel kuni ko‘rib chiqadi.
BMT Bosh assambleyasi koronavirus bo‘yicha rezolyutsiya qabul qildi
BMT Bosh assambleyasi koronavirus pandemiyasiga qarshi kurashga qaratilgan global harakatga chaqiruvchi rezolyutsiyani qabul qildi. Unga ko‘ra, davlatlar hayotiy zarur dori-darmonlar, vaksinalar va shaxsiy himoya vositalaridagi spekulyatsiyaga chek qo‘yishga hamda haddan tashqari zaxiralarini yaratishdan voz kechishga kelishdi.
IKEA rahbari karantindan keyin bebi-bum bo‘lishini bashorat qildi
Ingka Group kompaniyasi karantindan keyin ko‘plab chaqaloqlar tug‘ilishini (bebi-bum) kutayotganligini, shu bois bolalar jihozlarini ishlab chiqarishga investitsiya kiritishini ma’lum qildi. Karantin davrida IKEA do‘konlaridan eng ko‘p xarid qilinayotgan mahsulotlar oshxona jihozlari ekanligi aytilgan.
Pandemiya oziq-ovqat inqirozini chuqurlashtirishi mumkin — FAO
2019 yil yakunlariga ko‘ra, dunyoning 55 davlatida 135 million kishi oziq-ovqat taqchilligidan aziyat chekmoqda. Koronavirus pandemiyasi vaziyatni yanada og‘irlashtirishi mumkin, deyiladi FAO hisobotida.
Qozog‘istonda kompaniyalarga naqd pul yechishda cheklovlar o‘rnatildi
Qozog‘iston Markaziy banki kompaniyalar uchun naqd pul yechishga cheklovlar joriy etdi. Qayd etilishicha, bu yashirin iqtisodiyotga qarshi kurashga qaratilgan bo‘lib, operatsiyalar shaffofligini oshiradi va pul yuvishga to‘siq bo‘ladi.
Tramp AQSHga immigratsiyani to‘xtatmoqchi
AQSH prezidenti Donald Tramp Amerika fuqarolarining ish joylarini saqlab qolish uchun mamlakatga immigratsiyani to‘xtatish to‘g‘risidagi farmonni imzolashini aytdi.
Amerika neftining narxi nol dollardan pastladi
Tarixda birinchi marta, neftni sotish uchun xaridorga pul to‘lash kerak. WTI markali qayta ishlanmagan neftning may oyida yetkazib berish narxi 0 dollardan pastladi (-7 AQSH dollari atrofida). Neftga bo‘lgan talabning pasayishi sababli dunyo bo‘ylab 160 mln barrel neft tankerlarda turib qolgan.
AQSHda davlat qarzi rekord darajaga yetishi mumkin
2020 yil AQSHda davlat qarzi va korporatsiyalar qarzi rekord darajagacha o‘sishi mumkin. Federal byudjet defitsiti 4 trln dollargacha yetishi kutilmoqda — bunday holat 1945 yildan beri kuzatilmagan.
Chet eldagi 73 nafar O‘zbekiston fuqarosida koronavirus qayd etilgan
Xorijdagi 73 nafar O‘zbekiston fuqarosida koronavirus infeksiyasi qayd etilgan. Ulardan 42 nafari Rossiyada, 11 nafari AQSHda bo‘lsa, Gretsiya va Qozog‘istonda 6 nafar o‘zbekistonlikda virus aniqlangan.
Rossiyada ishlash uchun patent muddati 15 iyungacha uzaytirildi
Rossiyada ishlash uchun patentlarning amal qilish muddati avtomatik tarzda 15 iyungacha uzaytirildi. Ushbu tartib vaqtincha ro‘yxatda turish, chet el fuqarolarining vizalariga ham tegishli. Ish beruvchilar patentga ega bo‘lmagan xorijiy fuqarolarni ishchilar sifatida jalb qilish va ulardan foydalanish huquqiga egalar.
Rustam Emomali Tojikiston Milliy majlisining raisi etib saylandi
Dushanbe hokimi va Tojikiston prezidentining o‘g‘li Rustam Emomali mamlakat parlamentining yuqori palatasiga rais etib saylandi.
Putin koronavirus sababli G‘alaba paradini qoldirdi
Rossiya prezidenti Vladimir Putin 9 mayda o‘tkazilishi rejalashtirilgan G‘alaba kuni paradi va «O‘lmas polk» yurishlarini koronavirus pandemiyasi tufayli boshqa kunga qoldirishni buyurdi. U paradning aniq muddatini aytmadi, lekin 2020 yilda o‘tkazilishini ta’kidladi.
Bill Geyts jamg‘armasi JSSTni moliyalashtirish miqdorini oshiradi
Bill & Melinda Gates Foundation Jahon sog‘liqni saqlash tashkilotini (JSST) moliyalashtirish miqdorini 250 million dollargacha oshiradi. Bu mablag‘lar koronavirus pandemiyasiga qarshi kurashga yo‘naltiriladi.
Germaniya karantin choralarini yumshatishga qaror qildi
Germaniya kansleri Angela Merkel karantin choralari qisman olib tashlanishini ma’lum qildi. Hozircha do‘konlar va maktablar ochiladi.
Dunyoda COVID-19 tasdiqlangan holatlar soni 2 milliondan oshdi
Dunyoda aniqlangan koronavirus holatlari soni 2 milliondan oshdi. COVID-19 holatlarining aksariyati AQSH, Ispaniya va Italiyada qayd etildi.
AQSHda birinchi COVID-19 vaksinasi insonda sinovdan o‘tkazildi
AQSHda koronavirusga qarshi vaksina sinovdan o‘tkazilgan ayol o‘z taassurotlari bilan o‘rtoqlashdi. Birinchi kuni uning harorati bir oz ko‘tarilgan, keyinroq qo‘li og‘rigan, biroq so‘ngra ahvoli yaxshilangan.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting