Qirg‘iziston prezidenti imzolagan qonun bilan barcha davlat xizmatchilariga qirg‘iz tilini bilish majburiy etib belgilandi. Ish jarayonida ham qirg‘iz tilidan foydalanish majburiyati yuklanmoqda.
Rossiya prezidentining matbuot kotibi Dmitriy Peskov 17-iyuldan boshlab Turkiya hamda BMT ishtirokida Ukraina bilan tuzilgan don shartnomasi amalda tugatilganini ma’lum qildi. U bunga bitimdagi Rossiya talablari bajarilmaganini sabab sifatida keltirgan.
Ommaviy namoyishlardan so‘ng g‘oyib bo‘lgan “axloq politsiyasi” Eron ko‘chalariga qaytdi. Piyoda va avtomobil patrullari ayollarning hijob o‘rash majburiyatini nazorat qiladi.
Qrim ko‘prigida portlash sodir bo‘ldi va unda harakatlanish vaqtincha to‘xtatildi. Rasmiy ma’lumotlarga ko‘ra, voqea oqibatida ikki kishi halok bo‘lgan, bir nafar bola yaralangan.
Minglab Ukraina fuqarolar Rossiya Ukraina tomonidan bosib olingan hududlardagi rasmiy va norasmiy qamoqxonalarda saqlanmoqda. Ular qiynoqqa solinib, qul sifatida mehnatga majburlanmoqda, deyiladi Associated Press surishtiruvida.
Yevroparlament deputatlari ko‘pchilik ovoz bilan Qirg‘izistonda so‘z erkinligiga bosim to‘g‘risidagi rezolyutsiyani qabul qildi. Hujjatda mamlakat rasmiylari bir qator munozarali qonun loyihalarini qaytarib olishga va qator jurnalistlarga nisbatan ayblovlarni olib tashlashga chaqirilgan.
NATO sammitida “Katta yettilik” davlatlari Ukraina xavfsizligini uzoq muddatda ta’minlashga va’da berdi. Bunda Ukraina qurolli kuchlarini qo‘llab-quvvatlash, iqtisodiyotni mustahkamlash, shuningdek, mamlakatga texnik va moliyaviy yordam ko‘rsatish ko‘zda tutilgan.
Bishkek sudi Qirg‘iziston Madaniyat vazirligi da’vosi bo‘yicha “Azattiq” radiosini yopish to‘g‘risidagi qarorini bekor qildi — tomonlar kelishuvga erishdi. Nashr mamlakatda 2022-yilda qirg‘iz-tojik chegarasidagi mojaro haqida xabar bergani uchun bloklangan, unda, rasmiylarga ko‘ra, “noto‘g‘ri ma’lumotlar” mavjud edi.
Qozog‘iston prezidenti Qasim-Jomart Toqayev mamlakat poytaxtining ichimlik suvi taqchilligi, issiqlik ta’minoti, kanalizatsiya va “bir xil ko‘rinishdagi quti binolar bilan to‘ldirilgan” me’moriy ko‘rinishi bilan bog‘liq muammolarini sanab o‘tdi. Bularning aksariyati Toshkentga ham taalluqli.
Janubiy Afrika Respublikasining Yohannesburg shahrida 2012-yildan beri birinchi marta qor yog‘di. Hodisa namlikning ko‘tarilishi va sovuq harorat tufayli kuzatilgan. Olimlar bunga global isishning hech qanday aloqasi yo‘qligini ta’kidladi.
Qozog‘iston prezidenti blogerlarni reklama yorlig‘ini qo‘yish va daromadlaridan soliq to‘lash majburiyatini yuklovchi qonunni imzoladi. Shuningdek, ular soxta xabarlar tarqatgani uchun jarimaga tortiladi.
Turkiya prezidenti Rejep Tayyip Erdog‘an Shvetsiyaning NATOga a’zo bo‘lishini qo‘llab-quvvatlashga rozi bo‘ldi. NATO bosh kotibi Yens Stoltenberg Turkiya rahbari, Shvetsiya bosh vaziri va Yevropa kengashi rahbari bilan bo‘lib o‘tgan muzokaralardan so‘ng buni tasdiqladi.
Qishdagi anomal sovuqda Markaziy Osiyo mamlakatlaridagi piyoz hosilining yo‘qotilishi Rossiyada bu sabzavot narxining keskin oshishiga olib keldi. May oyida Rossiyada piyozning o‘rtacha narxi kilogrammiga 73,3 rublga yetdi. Mamlakatga eng ko‘p piyoz yetkazib beruvchi davlatlardan biri O‘zbekiston hisoblanadi.
NATO davlatlari Ukrainaning harbiy blokka a’zo bo‘lish bo‘yicha arizasini tezlashtirilgan tartibda ko‘rib chiqishga kelishdi. “Bu bizning NATO`ga yo‘limizni qisqartiradi”, — dedi Ukraina Tashqi ishlar vaziri.
Qirg‘iziston rahbari Sadir Japarovning jiyani Bishkekda bojxonadagi jinoiy sxemalarda ishtirok etganlikda gumonlanib qo‘lga olindi. Japarovning matbuot xizmati hibsga olingan shaxs prezident bilan qarindosh ekanini tasdiqlab, “korrupsiyaga qarshi kurashda istisno yo‘qligini” ta’kidladi.
JSST yaqin oylarda butun dunyo bo‘ylab ekstremal ob-havo hodisalari, jumladan, qurg‘oqchilik, suv toshqini va anomal issiq kutilayotgani va ular inson salomatligiga tahdid solishini bildirdi. Avvalroq Butunjahon meteorologiya tashkiloti ham anomal issiqdan ogohlantirgandi.
May oyida O‘zbekiston xorijga 11 tonna oltin sotib, dunyoda oltin sotish bo‘yicha ikkinchi o‘ringa chiqdi. Turkiya 63 tonna ko‘rsatkich bilan qimmatbaho metall savdosi bo‘yicha yana mutlaq yetakchiga aylandi.
Qirg‘izistonda jamoatchilik noroziligidan so‘ng urilgan ukrain tanklari uchun pul va’da qilgan rossiyalik qo‘shiqchi Grigoriy Lepsning konserti bekor qilindi. Leps oktabr oyida O‘zbekistonda konsert berishni rejalashtirgan.
Germaniyada Markaziy Osiyo davlatlarining yetti nafar fuqarosi terrorchilik guruhi tuzishda gumonlanib qo‘lga olindi. Niderlandiyada ham teraktlar tayyorlashda gumon qilinayotgan Tojikiston va Qirg‘izistonning yana ikki fuqarosi ushlangan.
BMT ma’lumotlariga ko‘ra, Belarusda inson huquqlari bilan bog‘liq “halokatli” vaziyat yuzaga kelgan va jazosizlik tufayli mamlakatda “qo‘rquv muhiti” hukm surmoqda. 1500 dan ortiq odam siyosiy ayblovlar bilan hibsda saqlanmoqda.
Qo‘shimcha imkoniyatlarga ega bulish uchun saytda ro‘yxatdan o‘ting