Jahon
Rossiya armiyada xizmat qilish uchun shartnoma imzolagan xorijliklar uchun fuqarolikni olishni osonlashtiradi
Rossiya Davlat Dumasi RF armiyasida shartnoma bo‘yicha xizmat qiladigan chet elliklar mamlakat fuqaroligini soddalashtirilgan tartibda olishlari mumkinligi to‘g‘risidagi o‘zgartishlarni ma’qulladi. Moskvadagi «Saxarova» migratsiya markazida xorijliklarni harbiy xizmatga qabul qilish uchun infratuzilma yaratiladi.
Rossiya qonunchiligiga «safarbarlik» tushunchasi kiritilmoqda
Rossiya Davlat dumasi harbiy xizmatga qarshi jinoyatlarni og‘irlashtiruvchi o‘zgartirishlarni qabul qildi. Unga ko‘ra, xizmat davri safarbarlik yoki harbiy holat hisoblanib, bunda buyruqlarni bajarmaganlik, dezertirlik va xizmatdan bo‘yin tovlaganlik uchun javobgarlik kuchaytiriladi.
Qish yaqin: Yevropa qishga qanday tayyorgarlik ko‘rmoqda? Yevropaliklarni qanday qiyinchiliklar kutmoqda?
«Gazprom» «Shimoliy oqim-1» gaz quvuri orqali gaz ta’minoti noma’lum muddatga to‘xtatilganini e’lon qildi. Yevropa qishga Rossiya gazisiz tayyorgarlik ko‘rmoqda va hozirda Yevropa gaz omborlari 82 foizga to‘ldirilgan. Ammo qish mavsumidan qiyinchiliklarsiz chiqish uchun bu yetarlimi? Vaziyatni ko‘rib chiqamiz.
«Urushning tugashida Rossiyaning qadami juda muhim» — Erdog‘an Ukraina bilan bog‘liq vaziyat haqida
Turkiya prezidenti Pbs nashriga bergan intervyusi SHHT sammiti doirasida RF rahbari bilan bo‘lgan suhbatning taassurotlari haqida so‘z yuritdi. Shuningdek, u Rossiya va Ukraina o‘rtasidagi holat muammoli tus olayotgani, o‘zaro manfaatli kelishuv doirasida urushga tezroq barham berish kerakligini ta’kidladi.
«Xitoy-Qirg‘iziston-O‘zbekiston-Afg‘oniston» tranzit yo‘nalishi bo‘ylab birinchi poyezd qatnovi yo‘lga qo‘yildi
«Xitoy-Qirg‘iziston-O‘zbekiston-Afg‘oniston» multimodal yo‘lagini rivojlantirish maqsadida «Qashg‘ar-O‘sh-Andijon-G‘alaba-Hayraton» yangi tranzit yo‘nalishi bo‘ylab yuk poyezdini sinov o‘tkazish boshlandi. Yuk tarkibiga oziq-ovqat, maishiy texnika va xo‘jalik mollari kiradi.
O‘zbekiston bilan barcha chegaradosh hududlar hal qilingan, faqat Tojikiston bilan muammo yuzaga kelmoqda — Sadir Japarov
Qirg‘iziston prezidenti qirg‘iz-tojik cheragasidagi to‘qnashuvlar ortidan xalqqa murojaat yo‘lladi. U O‘zbekiston bilan barchasi hal qilinganligi, ammo Tojikiston bilan chegara hududlar muammoli ekanligini ta’kidladi. Shuningdek, prezident kelishmovchiliklarni faqatgina tinch yo‘l bilan hal etishga da’vat etdi.
BMT Bosh Assambleyasi Ukraina prezidentiga 77-sessiyada masofadan turib nutq so‘zlashga ruxsat berdi
BMT Bosh Assambleyasi Ukraina prezidentiga istisno tariqasida videomurojaat orqali bo‘lajak sessiyada nutq so‘zlash imkonini berdi. Bu qarorni 101 davlat, jumladan Qozog‘iston qo‘llab-quvvatladi. O‘zbekiston ovoz berishda betaraf qoldi.
Qirg‘izistonda motam e’lon qilindi, tomonlar 84 kishi halok bo‘lganini ma’lum qildi
Qirg‘iz-tojik chegarasidagi mojaro qurbonlari soni 84 nafarga yetdi. Qirg‘izistonda motam e’lon qilindi. Tojikiston qirg‘iz tomonini «qurolli tajovuzda» aybladi, Qirg‘iziston esa «mamlakat hududiy yaxlitligiga tajovuz» deb e’lon qildi. RF prezidenti davlat rahbarlari bilan muzokaralar o‘tkazdi.
Qirg‘iz-Tojikiston chegarasida mojaro. 17 sentabr kuni nimalar sodir bo‘ldi?
Qirg‘iziston va Tojikiston yana bir-birini o‘t ochishni to‘xtatish talabini buzganlik, hududlarni o‘qqa tutish hamda provokatsiyalarda aybladi, biroq kun oxiriga kelib otishmani to‘xtatishga kelishib oldi. Qirg‘iziston tomoni 24 kishi halok bo‘lgani va 129 kishi yaralanganini ma’lum qildi. Japarov murojaat bilan chiqdi.
Ostonaga o‘z nomi qaytarildi, Qozog‘iston prezidenti bir muddatga saylanadi
Qozog‘iston poytaxti nomi yana Ostonaga o‘zgartirildi, mamlakat prezidenti esa qayta saylanish huquqisiz yetti yillik muddatga saylanadi. Konstitutsiyaga kiritilgan o‘zgartirishlar Qasim-Jomart Tokayev tomonidan imzolandi.
Ilhom Aliyev Armanistonni harbiy provokatsiyada aybladi
Samarqandda bo‘lib o‘tgan SHHT sammitida Ozarbayjon prezidenti Ilhom Aliyev Armanistonni harbiy provokatsiyada aybladi. Shuningdek, u BMT Xavfsizlik kengashining ayrim rezolyutsiyalari samarasizligi haqida ham gapirdi. Armaniston Ozarbayjon hududini faqat SSSR chegaralaridagina tan olishga tayyorligini bildirdi.
Qirg‘iziston chegaradagi mojaro tufayli 136 mingdan ortiq fuqarosini evakuatsiya qildi
Qirg‘iz-tojik chegarasidagi mojaro davom etdi. Qirg‘iziston 136 mingdan ortiq fuqarosini evakuatsiya qildi, 87 kishi jabrlangan. O‘zbekistonliklar qirg‘izlarga non tarqatayotgani aytilmoqda. Tojikiston esa qirg‘iz tomoni jangovar vertolyotlar va uchuvchisiz uchish apparatlari yordamida hujum qilayotganini bildirgan.
Qirg‘iz-tojik chegarasining butun perimetrlari bo‘ylab qurolli to‘qnashuvlar sodir bo‘ldi
Qirg‘iz-tojik chegarasida vaziyat yana keskinlashib, chegara bo‘ylab qurolli to‘qnashuvlar bo‘lgani, bunda og‘ir harbiy qurollardan foydalanilgani aytildi. Tomonlar hodisada bir-birini aybladi. Keyinroq 2 davlat milliy xavfsizlik qo‘mitalari rahbarlari o‘t ochishni to‘xtatish to‘g‘risida kelishib olgani ma’lum qilindi.
Vladimir Zelenskiy Kiyevda avtohalokatga uchradi
15 sentabrga o‘tar kechasi Ukraina prezidenti korteji va yengil avtomobil o‘rtasida to‘qnashuv sodir bo‘ldi. Vladimir Zelenskiy jiddiy jarohat olmagani aytilmoqda.
Nikol Pashinyan Samarqanddagi SHHT sammitida qatnashmasligi ma’lum qilindi
Armanistondagi vaziyat tufayli mamlakat bosh vaziri Nikol Pashinyanning Samarqanddagi SHHT sammitida qatnashmasligi ma’lum qilindi. Avvalroq u «Armanistonning hududiy yaxlitligini tiklash va Ozarbayjon qurolli kuchlarining olib chiqib ketilishini ta’minlash» uchun KXSHTga yordam so‘rab murojaat qilgan edi.
Turkiya Turkmaniston fuqarolari uchun vizasiz kirishni bekor qildi
Turkiya hukumati Turkmanistonning iltimosiga ko‘ra, turkmanistonliklar uchun vizasiz rejimni bekor qildi. Avvallari mazkur davlat fuqarolari Turkiyada turizm maqsadida 30 kungacha vizasiz qolishi mumkin edi.
OAV: Rossiya yashirin xalqaro siyosiy kampaniyaga kamida $300 mln sarflagan
Xalqaro siyosiy voqealarga ta’sir o‘tkazish maqsadida Rossiya butun dunyo bo‘ylab siyosiy kuchlarni moliyalashtirish uchun kamida $300 mln ajratgan, deya xabar beradi Amerika OAV nashrlari. Maqolalarda Osiyo davlatlarining biridagi prezidentlikka nomzodga millionlab dollar berilganligi tilga olinadi.
Rossiya regulyatori xorijiy banklar filiallarini ochishdagi taqiqni bekor qilmoqchi
RF markaziy banki va Moliya vazirligi hukumat majlisida xorijiy banklarga mamlakat hududida filiallarini ochishga ruxsat berishni taklif qildi. Biroq tashabbus bilan faqat do‘stona mamlakatlarning kredit tashkilotlari Rossiyada o‘z filiallarini ochishlari mumkin bo‘ladi.
O‘zbekiston Ozarbayjon va Armaniston chegarasida tinchlikka erishilganini olqishladi
O‘zbekiston Tashqi ishlar vazirligi Ozarbayjon-Armaniston chegarasida yuzaga kelgan harbiy to‘qnashuv bartaraf etilganini olqishladi. Shuningdek, tomonlarni mavjud muammolarni tinchlik muzokaralari va maslahatlashuvlar doirasida hal etishga chaqirdi.
Dunyo bo‘yicha 770 mlndan ortiq aholi o‘qish va yozishni bilmaydi — YUNESKO
YUNESKO bosh direktori Odri Azule dunyoda 770 milliondan ortiq voyaga yetganlar o‘qish va yozishni bilmasligi haqida ma’lum qildi. Ularning 60 foizi ayollar hisoblanadi. Shuningdek, pandemiya natijasida 24 millionga yaqin o‘quvchi hech qachon maktab va boshqa ta’lim muassasalariga qaytmasligi mumkin.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Ar-Riyodda o‘tgan Rossiya va AQSh muzokaralari: nimalar muhim?
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- “Zelenskiyning reytingi — 4%”. Tramp Ukrainada saylovlar o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting