Jahon
Sudan keng ko‘lamli ocharchilik arafasida — BMT
BMT urush davom etayotgan Sudanda ocharchilik avj olayotgani, shuningdek, aholi zo‘ravonlik, vayronagarchilik, kasalliklar, aloqa yo‘qligi, ommaviy ko‘chishlarlardan jabr ko‘rayotganini bildirdi. 2025-yil mayigacha 24,6 mln kishi, ya’ni barcha sudanliklarning yarmiga yaqini shoshilinch oziq-ovqat yordamiga muhtoj bo‘ladi.
Tataristondagi yong‘inda 5 nafar o‘zbekistonlik halok bo‘ldi
Tataristonda ishchilarning vaqtinchalik yashash uyi yonib ketdi. U yerdan 6 erkakning jasadi topildi, ularning 5 nafari o‘zbekistonlik. Qozondagi Bosh konsulxona diplomatlarni voqea joyiga jo‘natdi va vaziyatni nazoratga oldi.
Albaniyada TikTok faoliyati kamida bir yilga taqiqlandi
Albaniya hukumati ijtimoiy tarmoqdagi janjaldan so‘ng 14 yoshli o‘smirning o‘ldirilishi ortidan TikTok faoliyatini taqiqladi. Cheklov 2025-yil boshida kuchga kiradi va bir yil amalda bo‘ladi. Platformaning o‘zi qotillik va TikTok`ning bog‘liqligini rad etmoqda.
Telegram monetizatsiya joriy etilganidan beri ilk bor daromadga kirdi
Uch yillik monetizatsiya tarixida ilk marta Telegram daromadga chiqdi, deb xabar berdi uning asoschisi Pavel Durov. 2024-yilda Telegram Premium obunachilari soni 12 milliondan oshdi. Kompaniya “kriptoaktivlarni hisobga olmaganda, 500 mln dollardan ortiq naqd pul zaxiralari bilan yilni yakunlamoqda”.
KXDR Rossiya-Ukraina urushida mingdan ortiq askarini yo‘qotdi — Janubiy Koreya
Janubiy Koreya Rossiyaning Kursk shahrida o‘tgan janglarda kamida 100 nafar Shimoliy Koreya askari halok bo‘lgani, 1000 dan ortiq askar yaralanganini ma’lum qildi. Shuningdek, Pxenyan qo‘shimcha kuchlar yuborishga tayyorlanayotgan bo‘lishi mumkin. KXDR Rossiya-Ukraina urushiga 10−12 ming nafar harbiy yuborgani aytiladi.
Turk OAV Bashar Asadning rafiqasi ajrashishga ariza bergani haqida yozdi, Kreml buni rad etmoqda
Suriya sobiq prezidentining rafiqasi Asma Asad ajrashish uchun ariza berdi, u sog‘lig‘idagi muammolar sababli Moskvadan o‘zi tug‘ilgan Londonga ketmoqchi, deb yozdi Haberturk nashri. Rossiya prezidenti matbuot kotibi esa bu ma’lumotlar haqiqatga to‘g‘ri kelmasligini aytmoqda.
AQSh amerikaliklarni Belarusni zudlik bilan tark etishga chaqirdi
AQSh Belarusda yashayotgan amerikaliklarni mamlakatni tark etishga, shuningdek, u yerga bormaslikka chaqirdi. Bunga “Belarus rasmiylarining mahalliy qonunlarni o‘zboshimchalik bilan amalga oshirayotgani, hibsga olish xavfi va tartibsizliklar ehtimoli” sabab qilib ko‘rsatilgan.
AQShda Senat hukumat ishini moliyalashtirishni ma’qulladi
AQSh Kongressi Senati hukumat ishini moliyalashtirishni uzaytiruvchi qonun loyihasini so‘nggi daqiqalarda yoqlab ovoz berdi, bu orqali hukumat idoralari ishi to‘xtatib qo‘yilishining oldi olindi. Prezident Jo Bayden hujjatni imzoladi.
Germaniyada odamlar ustiga mashina haydaldi, Shavkat Mirziyoyev voqea yuzasidan ta’ziya yo‘lladi
Germaniyaning Magdeburg shahrida Rojdestvo yarmarkasiga tashrif buyurganlar ustiga mashina haydaldi. Ikki kishidan 11 kishigacha halok bo‘ldi, 200 dan ortiq inson jarohat olgani aytilmoqda. Gumonlanuvchi qo‘lga olindi. Shavkat Mirziyoyev voqea yuzasidan Germaniya prezidentiga ta’ziya yo‘lladi.
AQSh Kongressi davlat xarajatlari to‘g‘risidagi qonun loyihasini rad etdi, hukumat faoliyati to‘xtab qolishi mumkin
AQSh Kongressining Vakillar palatasi respublikachilar taklif etgan hamda Donald Tramp va milliarder Ilon Mask qo‘llab-quvvatlagan hukumatni vaqtinchalik moliyalashtirish to‘g‘risidagi qonun loyihasini rad etdi. Hujjat yaqin vaqtda kelishilmasa, hukumat ishni to‘xtatishiga to‘g‘ri kelishi mumkin.
AQSh Ukrainaga 1,2 mlrd dollarlik harbiy yordamning yakuniy paketini e’lon qilmoqchi — Reuters
Bayden ma’muriyati Ukrainaga 1,2 mlrd dollarlik harbiy yordamning yakuniy paketini e’lon qilishga tayyorlanmoqda. Paketga havo hujumidan mudofaa tizimlari va artilleriya snaryadlari kiradi.
Malayziya 10 yil oldin yo‘qolgan MH370 reysini qidirishni davom ettirishga qaror qildi
Malayziya hukumati 10 yil oldin sirli tarzda yo‘qolgan MH370 Malaysia Airlines reysini qidirish ishlarini qayta tiklashga rozi bo‘ldi. Uning bortida 239 kishi bo‘lgan. Qidiruv ishlarini Amerikaning dengiz tubi tadqiqotlari bilan shug‘ullanuvchi Ocean Infinity kompaniyasi olib boradi.
“Kiyev osmonida duel, 3 yillik urushdan keyingi o‘zgarishlar”. Putinning jonli efir muloqoti tafsilotlari
Rossiya prezidenti yil yakunlarini jonli efirdagi matbuot anjumanida sarhisob qildi. Putin mamlakat iqtisodiyoti, “Oreshnik” quroli, Tramp bilan muloqotga tayyorligi, Suriyadagi vaziyat, Kiyev bilan muzokaralar va boshqalarga to‘xtaldi. Asosiy ma’lumotlar.
Janubiy Koreyadagi siyosiy inqiroz uning ittifoqchilarini hayratda qoldirdi — Reuters
Janubiy Koreyaning prezident Yun Sok Yol tashqi siyosatini olqishlagan va mamlakat ichidagi siyosiy kelishmovchiliklarga unchalik ahamiyat bermagan ittifoqchilari uning harbiy holat joriy etish haqidagi qaroridan hayratda qoldi, deb yozdi Reuters.
Isroilning G‘azodagi aholini suvdan mahrum etishi genotsiddir — HRW
Human Rights Watch tashkilotining ta’kidlashicha, Isroilning G‘azo aholisini suvdan mahrum etishi genotsid va qirg‘in aktlariga teng keladi. Hisobotda G‘azodagi falastinliklarning suv bilan ta’minlangani yashab qolish uchun zarur bo‘lgan 15 litrlik chegaradan ancha past ekani aytiladi. Isroil ayblovlarni rad etdi.
Duyshonkul Chotonov Qirg‘izistonning O‘zbekistondagi elchisi etib tayinlandi
Sadir Japarov Duyshonkul Chotonovni Qirg‘izistonning O‘zbekistondagi favqulodda va muxtor elchisi etib tayinladi. Chotonov ilgari Koreya va Vetnamda ham elchi bo‘lgan.
“Suriya tinchlikka tahdid solmaydi” — Suriya isyonchilari yetakchisi
Suriya isyonchilari yetakchisi va mamlakatning amaldagi rahbari Ahmad al-Sharaa Suriya o‘z qo‘shnilari yoki G‘arb uchun xavf tug‘dirmasligini aytdi. U urushdan tinkasi qurigan mamlakatga qarshi sanksiyalarni bekor qilishga chaqirdi va Suriya navbatdagi Afg‘onistonga aylanishi mumkinligi ehtimolini rad etdi.
Abxaziya parlamenti yaqinida otishma ro‘y berdi, bir deputat halok bo‘ldi
Abxaziya parlamenti binosi yaqinida ro‘y bergan otishmada ikki deputat yaralanib, ularning biri vafot etdi. OAV parlamentning boshqa bir deputati otishmada gumonlanayotgani haqida xabar berdi, u voqea joyidan g‘oyib bo‘lgan. Hodisa yuzasidan tergov boshlandi.
YI davlatlari o‘t ochish to‘xtatilgan taqdirda, tinchlikparvar kuchlarini Ukrainaga yuborishni muhokama qilmoqda — Reuters
Yevropa davlatlari o‘t ochish to‘xtatilgan yoki tinchlik bitimi tuzilgan taqdirda, o‘n minglab tinchlikparvar kuchlarini Ukrainaga yuborishni muhokama qilmoqda, deb yozadi Reuters. Muzokaralar hali dastlabki bosqichda.
Koreya voni kursi 15 yildagi eng past ko‘rsatkichga tushdi
Janubiy Koreya valyutasi AQSh dollariga nisbatan keskin pasayib, 2009-yildan beri ilk marta 1450 vondan oshdi. Mamlakatdagi siyosiy noaniqliklar vonni dollarga nisbatan sezilarli darajada zaiflashtirgandi, uning yanada tushishi AQShda asosiy foiz stavkasi 0,25 foizga pasayishi bilan bog‘liq.
Eng ko‘p o‘qilgan xabarlar | So‘nggi yangiliklar
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
- Armaniston bosh vaziri yangi konstitutsiya bo‘yicha referendum o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting