Jahon
Rossiyaning qator hududlariga dronlar hujum qildi. Pskov aeroportida 4 ta Il-76 samolyoti zararlandi
Tunda Rossiyaning 6 ta hududiga, jumladan, Pskovdagi xalqaro aeroportga dronlar hujumi uyushtirildi. Voqea oqibatida 4 ta Il-76 samolyoti zarar ko‘rdi va yong‘in yuzaga keldi. Boshqa hududlarda uchuvchisiz texnikalar havo mudofaa tizimlari tomonidan urib tushirilgan.
BMT: Ukrainada halok bo‘lgan tinch aholi soni 9500 dan oshdi
Rossiyaning keng miqyosli bosqini boshlanganidan buyon Ukrainada tinch aholi o‘limi soni 9,5 mingdan oshdi, 17 mingdan ortiq kishi jarohat oldi. Qurbonlarning haqiqiy soni bundan ham ko‘proq bo‘lishi mumkin, deya ta’kidladi BMT.
Qirg‘izistonda prokuratura Kloop nashrini tugatish bo‘yicha sudga da’vo kiritdi
Bishkek prokuraturasi “Kloop Media” jamoat fondini (Kloop.kg sayti) tugatish to‘g‘risida sudga da’vo kiritdi. Da’vo arizasida aytilishicha, nashrning aksariyat materiallari “sof salbiy xarakterga ega” va “hozirgi hukumatning amaldagi siyosatini keskin tanqid qilishga” qaratilgan.
Qozog‘iston rahbari qirg‘iz-qozoq chegarasidagi “vaziyatni tartibga solish” bo‘yicha topshiriq berdi
Qozog‘iston prezidenti Qosim-Jomart Toqayev yuzlab yuk mashinalari to‘planib qolgan qirg‘iz-qozoq chegarasidagi “vaziyatni tartibga solish” bo‘yicha topshiriq berdi. Qirg‘iziston Iqtisodiyot vazirligi avvalroq Qozog‘istonni tovarlar harakati erkinligini cheklayotganlikda ayblagandi.
Parijda 1-sentabrdan elektrosamokatlarni ijaraga berish to‘xtatiladi
Parij ko‘chalarida 1-sentabrdan elektrosamokatlarni ijaraga berish xizmatlari faoliyatini yakunlaydi. Shahar hokimiyati bu masala bo‘yicha aprel oyida referendum o‘tkazgan va natijalarga ko‘ra bunday kompaniyalar bilan shartnomalarni yangilamaslikka qaror qilingan.
Tojikistonda kuchli yog‘ingarchilik oqibatida 13 kishi halok bo‘ldi
Tojikistonda yakshanba kuni yog‘ib o‘tgan kuchli yomg‘irlar sababli Vahdat va Rudakiy hududlarida 13 kishi halok bo‘ldi. Mamlakat prezidenti halok bo‘lganlarning oila a’zolariga hamdardlik bildirib, ularga yordam ko‘rsatilishini ma’lum qildi.
Uchinchi Jahon urushining oldini olish mumkinmi?
Insoniyat taqdiri AQSh va Xitoy qay darajada murosaga kela olishiga bog‘liq. Har ikki kuch qarshi tarafning strategik xavf tug‘dirishiga o‘z-o‘zini ishontirib bo‘lgan. Xitoy va AQSh bir-biri bilan keng qamrovli urush tahdidisiz birga yashay oladimi? Amerikalik nufuzli diplomat Genri Kissinjer mulohazalari.
Britaniyada COVID-19 qurbonlarining oilalari hukumatni sudga berdi
COVID-19 pandemiyasi boshida vafot etgan britaniyaliklarning oilalari hukumatni, shuningdek, bir qator qariyalar uylari va kasalxonalarni sudga berishdi. Ularning ta’kidlashicha, rasmiylar o‘z yaqinlarini virusdan himoya qilish uchun yetarlicha harakat qilmagan.
Qozog‘iston universitetlarida sun’iy intellekt majburiy o‘qitiladi
Qozog‘iston Fan va oliy ta’lim vazirligi kelgusi yildan mamlakat universitetlarida talabalarning sun’iy intellekt bo‘yicha asosiy ko‘nikmalarni o‘zlashtirishlari uchun ushbu yo‘nalish bo‘yicha majburiy kurslarni yo‘lga qo‘yishni rejalashtirmoqda.
Germaniya hukumati fuqarolik berishni osonlashtirmoqda
Germaniya hukumati mamlakat pasportini 5 yilda olishni nazarda tutuvchi qonun loyihasini ma’qulladi. Shuningdek, fuqarolik til bilish, volontyorlik ishlaridagi faollik va professional sifatlar kabi omillarga qarab 3 yilda ham berilishi mumkin. Boshqa fuqaroliklardan voz kechish talab etilmaydi.
Putin Prigojin samolyoti halokati bo‘yicha izoh berdi
RF prezidenti Tver viloyatidagi aviahalokatda vafot etganlarning oila a’zolariga hamdardlik bildirdi. Yevgeniy Prigojin haqida o‘tgan zamonda gapirar ekan, uni “murakkab taqdirli odam” va “iqtidorli tadbirkor” deb atadi. Uning qo‘shimcha qilishicha, ekspertiza vaqt talab etadi.
Yaponiya “Fukusima-1” AES suvini okeanga to‘kishni boshladi
Yaponiya “Fukusima-1” AESning tozalangan radioaktiv suvini okeanga to‘kishni boshladi. Jarayon 30 yildan ortiq davom etishi kutilmoqda. MAGATE rejani xavfsiz deb tan oldi. Xitoy esa okeanga tashlanishiga qarshi chiqdi va yapon dengiz mahsulotlari importini to‘xtatib qo‘ydi.
Turkiya Markaziy banki asosiy stavkani 25 foizgacha oshirdi
Turkiya Markaziy banki asosiy stavkani birdaniga 750 bazis punktiga — 17,5 foizdan 25 foizgacha oshirdi. Mamlakat regulyatori inflyatsiya prognozining sezilarli yaxshilanishiga erishilgunga qadar zaruratga qarab pul-kredit siyosatini qattiqlashtirishda davom etmoqchi.
BRIKSga yana 6 ta davlat qo‘shiladi
Janubiy Afrika Respublikasidagi sammitdan so‘ng BRIKSga 6 ta davlat — Argentina, Misr, Efiopiya, Eron, Saudiya Arabistoni va BAA qo‘shilishi ma’lum bo‘ldi. JAR prezidenti Siril Ramafosa bu mamlakatlar ittifoqqa qo‘shilish uchun taklif etilganini tasdiqladi.
RFning Tver viloyatida yo‘lovchilari orasida Yevgeniy Prigojin ham borligi aytilayotgan shaxsiy samolyot halokatga uchradi
Tver yaqinida, Rossiya Telegram-kanallari ma’lumotlariga ko‘ra, “Vagner” XHK rahbari Yevgeniy Prigojinga tegishli shaxsiy samolyot quladi. Dastlabki ma’lumotlarga ko‘ra, bortdagilarning barchasi halok bo‘lgan. Rosaviatsiya yo‘lovchilar ro‘yxatida Yevgeniy Prigojinning ism-familiyasi ham borligini ma’lum qildi.
Hindistonning “Vikram” moduli Oy yuzasiga muvaffaqiyatli qo‘ndi (video)
Hindistonning bortida oykezari bo‘lgan “Vikram” moduli Oy yuzasiga muvaffaqiyatli qo‘ndi. Mamlakat bu bilan SSSR, AQSh va Xitoydan keyin o‘z apparatini Oy yuzasiga qo‘ndirgan to‘rtinchi davlatga aylandi.
“Tolibon” hokimiyatga kelgach, yuzlab sobiq afg‘on rasmiylari va harbiylari qatl etildi — BMT
BMTning Afg‘onistonga yordam missiyasi “Tolibon” hokimiyatga kelganidan beri ag‘darilgan afg‘on hukumati amaldorlari va askarlarining kamida 218 ta holatda sudsiz qatl etilganini qayd etdi.
XMT: Sun’iy intellekt ish o‘rinlarini egallamaydi, balki ularni to‘ldiradi
Xalqaro mehnat tashkiloti tadqiqoti ko‘pchilik ish o‘rinlari faqatgina qisman avtomatlashtirilishi hamda ChatGPT kabi generativ sun’iy intellekt ish o‘rinlarini egallamasligi, balki ularni to‘ldirishini ko‘rsatdi. Kanselyariya ishlari ko‘proq xavf ostida.
Qirg‘iziston-Qozog‘iston chegarasida yuzlab yuk mashinalaridan iborat navbat paydo bo‘ldi. Asosiy ma’lumotlar
Qirg‘iz-qozoq chegarasidagi “Aq-Tilek” NO‘Pda yuzlab yuk mashinalari to‘plandi. Qirg‘iziston matbuotida bunga qo‘shnilarga suv yetkazish to‘xtatilgani sabab bo‘lishi mumkinligi haqidagi xabarlar paydo bo‘ldi. Qozog‘iston chegarachilari cheklovlar qo‘yilmagani va o‘tkazish ko‘rsatkichlari yozgi mavsumga xosligini aytishdi.
Qozog‘istonda 11 kishi Sirdaryoda cho‘kib ketib halok bo‘ldi
Qozog‘istonning Turkiston viloyatida suzishga borgani aytilayotgan 20 kishining 11 nafari Sirdaryoda cho‘kib ketib halok bo‘ldi. Ularning 5 nafari bolalar. Hudud cho‘milish uchun mo‘ljallanmagani ta’kidlandi.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting