Архив
Антарктидада рекорд даражадаги юқори ҳарорат қайд этилди
Метеорологлар март ойида Антарктидада рекорд даражадаги юқори ҳароратни (ўртача ойлик даражадан 40 даража юқори) ва қитъага хос бўлмаган ёмғирларни қайд этишди. Антарктидадан катталиги Рим ёки Нью-Йоркка тенг муз бўлаги ажралиб чиқди.
Тошкентдаги «Ғалаба боғи» мажмуаси 30 апрелга қадар ёпилди
Тошкентнинг Олмазор туманидаги «Ғалаба боғи» ёдгорлик мажмуаси ва «Шон-шараф» давлат музейи таъмирланаётгани туфайли боғга кириш 30 апрелгача тўхтатилади.
Ўзбекистоннинг савдо баланси дефицити нега ўсиб бормоқда ва уни қандай бартараф этиш мумкин?
Сўнгги йилларда Ўзбекистонда савдо баланси дефицити ортиб бормоқда. Меҳнат мигрантларининг пул ўтказмалари ҳажман қисқариши хавфи кучаймоқда, Ўзбекистоннинг асосий ҳамкорларидан бири Россияда макроиқтисодий кўрсаткичларнинг пасайиши кутилмоқда, бу эса, ўз навбатида, Ўзбекистоннинг ушбу мамлакатга экспортига салбий таъсир кўрсатиши мумкин. Иқтисодиёт фанлари доктори, ЖИДУ профессори Нишонбой Сирожиддинов Ўзбекистоннинг яқин келажакдаги макроиқтисодий барқарорлигини таъминлаш имконини берувчи иқтисодий сиёсат йўналишларини таҳлил қилади.
Ўтган 3 ойда 25 млрд сўмдан ортиқ табиий газдан ноқонуний фойдаланилган
Январь-март ойларида улгуржи истеъмолчилар томонидан 28 млн кубдан ортиқ табиий газ ноқонуний ишлатилгани маълум қилинди. Бу билан газ таъминоти корхоналари манфаатларига 25 млрд сўмдан ортиқ зарар етказилган.
Фермер ер ажратиб беряпти, деб эшитиб борганмиз — чироқчиликлар ИИО ходимлари билан зиддият ҳақида
Қашқадарё вилояти Чироқчи тумани Оқолтин МФЙда фуқаролар ва ички ишлар ходимлари ўртасида зиддият юзага келди. Вилоят ИИБ фермер ўз дала майдонини шудгор қилаётганда аҳоли вакиллари қаршилик кўрсатганини маълум қилди. Фуқаролар эса фермер еридан аҳолига тарқатиляпти, деб эшитиб келганларини таъкидлади. «Халққаям ер берсин, болаларимиз Россияда ишсиз юрибди», — деди можаро иштирокчиларидан бири.
Йил бошидан буён Россиядан 133 минг меҳнат муҳожири қайтиб келди
Йил бошидан буён Россиядан Ўзбекистонга 133 минг нафар меҳнат муҳожири қайтган бўлса, шундан 50 минг нафари март ойида келди, деб хабар қилди Ташқи меҳнат миграцияси масалалари агентлиги. Россияда ишлаётган ўзбекистонликлар ўртасида ўтказилган сўров респондентларнинг 60 фоизи ҳали қайтишни режалаштирмаганини кўрсатди. Шунингдек, Россияда иш ҳақини вақтида ололмаётган ўзбекистонликлар сони кескин ортгани айтилди.
Ўзбек чегарачилари ноқонуний юк олиб ўтмоқчи бўлган қирғизистонликларга ўқ узди, икки киши ҳалок бўлди
Ўзбекистон чегарачилари Қирғизистон ҳудудидан ноқонуний юк олиб ўтмоқчи бўлган шахсларга қарата ўқ узди. Уларнинг икки нафари ҳалок бўлди, қолганлари Қирғизистон ичига қочиб кирган.
5 апрель куни Ўзбекистонда содир бўлган энг муҳим хабарлар дайжести
1 декабрдан қоидабузар ҳайдовчилар учун жарима балларини ҳисобланиши, ҳокимларга ўз ҳудудида радар ўрнатишга рухсат берилгани, жисмоний шахсларнинг тўлов ҳужжатларига СТИР ўрнига ЖШШИРни киритиши, 1 сентябрдан бошланадиган мактаб директорларини сертификатлаш тизими, «Газета.uz» да эълон қилинган мақолага муносабат билдирган Интеллектуал мулк агентлиги ва бошқалар — «Газета.uz» нинг 5 апрелдаги энг муҳим хабарлари дайжестида.
Forbes 2022 йил учун дунё миллиардерлари рейтингини эълон қилди
Forbes’нинг 2022 йилги миллиардерлар рейтингида SpaceX ва Tesla асосчиси Илон Маск 219 млрд доллар билан 1-ўринни эгаллади. Франсуаза Беттанкур Майерс (74,8 млрд доллар) дунёнинг энг бой аёли бўлди. Шунингдек, Россиянинг Топ-15 миллиардерлари бойлигининг камайгани қайд этилди. Дунёнинг энг кўп миллиардерлари яшайдиган шаҳарлари ва давлатлари рўйхати ҳам эълон қилинди.
Олий суд блогер Отабек Сатторий иши бўйича чиқарилган ҳукмни ўзгаришсиз қолдирди
Олий суд муқаддам 6,5 йилга қамалган сурхондарёлик блогер Отабек Сатторийга оид жиноят ишига кассация тартибида берилган шикоятни кўриб чиқиб, ҳукмни ўзгаришсиз қолдирди.
Буча кўчаларидаги жасадлар рус қўшинлари олиб чиқилишидан олдин у ерда бўлган — NYT
The New York Times журналистлари Украинанинг Буча шаҳридан олинган сунъий йўлдош тасвирларини таҳлил қилиб, тинч аҳолининг жасадлари кўчаларда март ойи ўрталарида, шаҳар ҳали Россия ҳарбийлари назорати остида бўлган пайтда пайдо бўлган деган хулосага келишди.
Долларнинг расмий курси пасайди
Долларнинг сўмга нисбатан расмий курси 23,43 сўмга арзонлаб, 11 385,07 сўмни ташкил қилди. Шунингдек, евро курси ҳам пасайди, рубль курси эса кўтарилди.
1 сентябрдан мактаб директорларини сертификатлаш тизими жорий этилади
1 сентябрдан мактаб директорларини сертификатлаш тизими жорий этилади ва шунга кўра улар лавозимга тайинланади. Шунингдек, Шавкат Мирзиёев «янги ўқув йилига қадар табиий ва аниқ фанларга ихтисослашган 173 та мактаб ташкил этилиши шартлиги ва бунга вилоят, шаҳар ва туман ҳокимлари жавобгар эканлигини» таъкидлади.
Мактаб ўқитувчиларини қайта тайёрлаш бўйича умуммиллий лойиҳа бошланди
Шавкат Мирзиёев мактаб ўқитувчиларини янги методика асосида қайта тайёрлаш бўйича умуммиллий лойиҳа бошланганини эълон қилди. Унга кўра, келгуси 3−4 йилда барча ўқитувчилар янги методика асосида ўқитилади. Бунинг учун ҳар бир вилоят кесимида «тренерлар гуруҳлари» шакллантирилади. Ушбу мақсадлар учун қўшимча 100 млн доллар йўналтирилади.
Humo карталари фаолияти вақтинча чекланди
5 апрель куни Humo миллий тўлов тизимида маблағларни икки маротаба ечиб олиш ҳолатлари кузатилди. Шу сабабли носозлик бартараф этилгунига қадар Humo ўз терминаллари ва тўлов иловалари ишини вақтинча чеклади.
«Мактаб таълими эски қолипдан чиқа олмаяпти» — Шавкат Мирзиёев
Президент мактаблардаги таълим сифати ва муаллимлар салоҳияти пастлигини танқид қилди. Унинг сўзларига кўра, бугунги кунда мактабнинг энг катта муаммоси ўқитиш методикаси мутлақо эскирганлигида. «Афсуски, мактаб таълими эски қолипдан чиқа олмаяпти», — деди Шавкат Мирзиёев. Қолаверса, январдаги йиғилишда юклатилган топшириқларни бажармаган айрим ҳокимларга охирги марта 3 ой муддат берилди, кейин, жиддий чора кўрилади.
ДХХ кучли таъсир қилувчи дори воситалари айланмаларига чек қўйди
ДХХ Тошкентнинг бир қатор туманларида кучли таъсир қилувчи дори воситалари айланмасига чек қўйди. Шунингдек, Юнусобод туманида мариахуана тайёрланадиган нарколаборатория аниқланди.
Ўзбекистон ҳакамлик судлари судьяси пора билан қўлга тушгани ҳақидаги хабарлар рад этилди
Ўзбекистон ҳакамлик судлари ассоциацияси Тошкент шаҳар ҳакамлик судьяси 2,5 минг доллар пора олаётганда ушлангани ҳақидаги хабарларни рад этди. Жиноят устида қўлга олинган шахснинг Халқаро арбитраж суди судьяси экани маълум қилинди.
Германияда моддалар савдоси билан шуғулланувчи «Гидра» даркнет-сайти ёпилди
Германия полицияси гиёҳванд моддалар савдоси билан шуғулланувчи «Гидра» даркнет платформасининг серверларини ёпди. Умумий суммаси 23 млн еврога тенг 543 биткоин платформа билан боғлиқ ҳисоблардан мусодара қилинди. Маълумотга кўра, бу дунёдаги энг кўп товар айланмасига эга бўлган ноқонуний савдо майдончаси бўлган бўлиши мумкин.
«Инсон ҳуқуқлари учун масъулиятни зиммага олиш керак» — Amnesty International
Ўзбекистонда инсон ҳуқуқлари соҳасидаги яхшиланишлар билан бир қаторда, сўз эркинлиги, уюшмалар ва тинч йиғилишлар эркинлигига нисбатан чекловлар сақланиб қолмоқда, дейилади Amnesty International ҳисоботида. Дунёда сўз, виждон эркинлиги, йиғилиш эркинлиги ва бошқа эркинликларга нисбатан тазйиқ кучаймоқда, дея таъкидлади инсон ҳуқуқлари ташкилоти.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг