Архив
«Фақат аукцион орқали». Тошкент ҳокими ва ИТСВ раҳбарининг биринчи ўринбосари — технопаркдаги ер ажратишлар ҳақида
Президент 210 гектар майдонда барпо этиладиган «Янгиҳаёт» технопарки лойиҳаси билан танишар экан, Тошкент шаҳар ҳокими Жаҳонгир Ортиқхўжаев ва ИТСВ раҳбарининг биринчи ўринбосари Aзиз Воитовга ер ажратишлар таниш-билиш орқали бўлмайдими, дея савол берди. «Фақат аукцион орқали», деб жавоб беришди иккала раҳбар ҳам бир овозда.
Ўзбекистонга қарийб 136 минг доза Sputnik Light вакцинаси олиб келинди
Тошкент халқаро аэропортида Ўзбекистон Sputnik Light вакцинасининг қарийб 136 минг дозасини қабул қилиб олди. Мазкур турдаги вакциналарнинг умумий миқдори 343 минг дозадан ошди.
4 нафар судья ишдан бўшатилди, 10 нафарига интизомий чора кўрилди
Андижон, Бухоро ва Тошкент вилоятларида туман судлари раислари ва судьялар ўз аризасига кўра ишдан олинди. Шунингдек, республика бўйлаб 10 нафар судьялар масъулиятсизлиги учун интизомий жазога тортилди.
UNFPA Қорақалпоғистон ССВга саратоннинг эрта босқичларини даволаш ускуналарини тақдим этди
БМТнинг Аҳолишунослик жамғармаси (UNFPA) Қорақалпоғистон ССВга саратон олди касалликларини бирламчи босқичда даволаш ускуналарини тақдим этди. Эндиликда чекка ҳудудларда яшовчи аёллар онкология марказларига эмас, балки поликлиникаларнинг ўзида саратон олди касалликларни даволаш хизматларидан фойдаланишлари мумкин.
Энди божхона органларига ёши 30 дан ошган мутахассислар ҳам қабул қилинади
«Давлат божхона хизмати тўғрисида»ги қонунга киритилган ўзгартишларга кўра, энди божхона хизматига ёши 30 дан ошган юқори малакали мутахассислар ҳам қабул қилинади. Шунингдек, божхоначилар энди ҳар 2 йилда эмас, балки ДБҚ раисининг буйруғига асосан малака оширади. Қолаверса, божхона органларига пуллик хизмат кўрсатишга ҳам рухсат берилмоқда.
Самарқандда етти киши такси ҳайдовчиларидан пул ундириб келгани аниқланди
Самарқандда етти нафар фуқаро такси ҳайдовчиларидан тамагирлик йўли билан пул ундириб келишгани аниқланди. Сўралган пулларни бермаган ҳайдовчилар эса ёлланма спортчилар томонидан таъқиб қилиниб, калтакланган. Гумондорларга нисбатан жиноят иши қўзғатилди.
Пекин-2022 қишки Олимпиада ўйинлари ниҳоясига етди
Халқаро олимпия қўмитаси президенти Томас Бах 24-Олимпиада ўйинлари якунланганини тантанали эълон қилди. Бу йилги ўйинларда умумжамоа ҳисобида 37 та медаль билан Норвегия етакчи бўлди. Жамоавий натижаларга кўра, 2-ўринни Германия ва 3-ўринни Хитой Халқ Республикаси эгаллади.
Бошқаларнинг ногиронлигини кўриб, илҳомланиш инсонийликка қанчалик тўғри келади?
«Газета.uz» колумнисти Дилмурод Юсупов ногиронлиги бўлган инсонларни бошқаларда шукроналик ҳиссини уйғотиш мақсадида восита сифатида ишлатишни қоралади. «Бошқа инсонларнинг ногиронлик ҳолатини кўриб, илҳомланиш қанчалик инсонийлик фазилатларимизга тўғри келади?», — дейди у.
Ўзбекистондаги ягона троллейбус тизими инқирозни бошдан кечирмоқда
Урганч ва Хива ўртасидаги троллейбус линияси нафақат Ўзбекистондаги ягона ушбу турдаги жамоат транспорти тизими, балки дунёдаги иккита шаҳарлараро линиядан бири ҳисобланади. Ноябрдан бошлаб компаниянинг электр энергиясидан қарздорлиги сабабли мазкур йўналишда машиналар ҳаракати тўхтатилган. «Газета.uz» республикадаги энг ёш троллейбус тизими ҳамда мамлакатнинг бошқа шаҳарларида аллақачон тугатилган тизимлар ҳақида ҳикоя қилади.
20 февраль куни Фарғона водийси электр таъминотида узилишлар кузатилади
Якшанба куни соат 09:30 дан 16:00 га қадар Фарғона водийсини электр энергияси таъминоти билан қисқа узилишлар бўлиши мумкин. Бунга сабаб баҳорги мавсумга тайёргарлик кўриш учун юқори кучланишли электр узатиш тармоғида таъмирлаш ишлар олиб борилиши экани айтилди.
«Секин-секин божхона тўловлари ноль бўлиши керак». Шавкат Мирзиёев — «иномарка"лар импорти бўйича
Президент автомашиналар импортига божхона тўловлари босқичма-босқич «ноль бўлиши» кераклигини айтди. Шавкат Мирзиёев харидорлар олдиндан тўлов амалга оширилганига қарамай, машина учун бир йил кутишга мажбур бўлишини адолатсизлик деб атади.
«Шахсий транспортдан кўра жамоат транспорти афзаллигини таъминлашимиз керак» — Транспорт вазирлиги
Транспорт вазири ўринбосари Абдусамат Мўминов Ўзбекистон шаҳарларидаги тирбандликлар муаммосини фақатгина йўлларни кенгайтириш ва янги йўл ўтказгичларини қуриш билан ҳал этиб бўлмаётганини айтди. «Шахсий транспортдан кўра жамоат транспорти афзаллигини таъминлашимиз керак», — деди у. Пойтахт кўчаларида пиёдалар ва велосипед йўлакларини ажратиб турувчи техник тўсиқлар, хавфсизлик оролчалари, тартибга солинмаган пиёдалар ўтиш жойларида светофор бошқаруви жорий этилади.
«Агар ташқи қарз бўлмаганида ойлик ҳам, метро ҳам бўлмас эди» — президент
Шавкат Мирзиёев Ўзбекистон ташқи қарзни қонун нуқтаи назаридан олаётгани, қолаверса, шунинг ҳисобига ҳам ойлик, ҳам метро бўлаётганини таъкидлади. «Шунча тиббиёт ходимлари ёки муаллимларнинг ойликлари ошмас эди. Ўтираверар эдик олдингига ўхшаб қарсак чалиб, баландпарвоз гап гапириб», — деди президент.
Нима тайёрлаймиз: тўйимли таомлар
Татарча гўштли перемячлар, фрикаделкали оддий пирог, гўштли юпқа, бедана тухумли тефтеллар, гўштли «уячалар», газ печида пиширилган картошка ва фрикаделкалар — Zira.uz тўйимли таомлар рецептлари рўйхатини тақдим этади.
Ўзбекистонда антирадар аниқлай олмайдиган «ақлли» қурилмалардан фойдаланиш бошланди
Наманган вилоятида антирадарлар аниқлай олмайдиган лазер тизимига эга «ақлли» қурилмалар ўрнатилмоқда. Туркия компанияси вилоятда «ақлли радар системаларини» ишлаб чиқариш учун 10 млн долларлик инвестиция киритди.
Миллий автомобиль заводимиз шунчалик ҳимоя қилишга арзийдими?
Автомобилсозлик соҳасида кутилаётган ўзгаришлар истеъмолчиларга фойда келтирадими? «Газета.uz» колумнисти Миркомил Холбоевнинг фикрича, импорт божларининг пасайтирилиши ички бозорга деярли таъсир кўрсатмайди ва фақат энг бой аҳоли манфаатларига хизмат қилади. Иқтисодчи жамият ҳақиқий фойда кўриши учун савдони эркинлаштириш муҳимлигини таъкидлайди.
Сирдарёда икки фуқаро экстремистик ғояларни тарғиб қилганликда гумонланмоқда
Сирдарё вилоятида икки фуқаро ижтимоий тармоқларда экстремистик ва террорчилик материалларини тарқатганликда гумон қилинмоқда. Улардан бири Telegram`да виртуал гуруҳ очиб, ақидапарастликни тарғиб қилувчи аудио ва видео материалларни жойлаштиргани айтилмоқда. Ҳолат юзасидан жиноят иши қўзғатилди.
Ҳоким ёрдамчиларига ипотека кредити учун 150 млн сўмгача субсидия берилади
Ҳукумат қарори билан ҳоким ёрдамчилари ва уларнинг фаолиятини самарали ташкил этишга масъул бўлган республика вакилларига ипотека кредити учун уй-жой нархининг 50 фоизигача — бироқ 150 млн сўмдан ошмаган миқдорда субсидия тўлаб берилади. Қолаверса, уларга мукофот пули, маошига устама тўлов, уй ижараси ва шахсий машинасида юргани учун бензин пули, чипталар учун конпенсация ҳам берилади.
Ўзбекистон Vision Zero элементларини ҳаётга тадбиқ қилмоқчи
Ўзбекистон ҳаракат хавфсизлигини таъминлаш учун 10 дан ортиқ хорижий давлат тажрибаси, жумладан, Vision Zero стратегиясини ҳаётга тадбиқ этмоқчи. ИИВ раҳбари ўринбосари Бекмурод Абдуллаевнинг сўзларига кўра, ушбу тажриба Фарғона вилоятида яхши натижа берган. Эндиликда пиёдаларга йўлларни кесиб ўтиш учун шароит яратиш билан бирга қоида бузганларини жазолаш ҳам кўзда тутилмоқда. UNICEF ҳамкорлигида эса болалар учун видео ва китоб шаклида қўлланмалар ишлаб чиқилади.
Сабрим туфайли муваффақиятга эришдим — Элдор Шомуродов
Футболчи Элдор Шомуродов УЕФАга берган интервьюсида Италиягача бўлган йўли, Ўзбекистон терма жамоаси сардорлиги қандай кечаётгани, Европа футболи ва менталитетининг фарқи ҳақида гапирди. Интервьюнинг ўзбек тилидаги тўлиқ матни.
Қўшимча имкониятлардан фойдаланиш учун сайтда рўйхатдан ўтинг