Тошкентда бўлиб ўтган қўл жанги бўйича Жаҳон чемпионатида Ўзбекистон терма жамоаси 30 та медални (8 та олтин, 11 тадан кумуш ва бронза) қўлга киритди ва умумжамоа ҳисобида биринчи ўринни эгаллади.
Европа тикланиш ва тараққиёт банки Наманган вилоятининг учта туманида сув таъминоти ва канализация инфратузилмасини қуриш учун 70 млн доллар миқдорида кредит ажратади.
Ўзбекистонда коронавирус инфекцияси қайд этилганлар сони 102 минг 163 нафарни ташкил қилмоқда. Шунингдек, сўнгги кун ичида 268 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Футбол бўйича Ўзбекистон миллий терма жамоаси ЖЧ-2022 саралаши доирасидаги ўйинда Сингапур дарвозасига жавобсиз 5та тўп киритди. Жалолиддин Машарипов дублга эришган бўлса, Элдор Шомуродов ва Одил Аҳмедов ҳам ўз ҳисобларига гол ёздириб қўйишди. Шунингдек, Ирфон Фанди автогол соҳибига айланди.
Effect.uz сайти журналистлари Aндижон вилоятида фуқаролар мурожаатларини ўрганиб турган вақтида калтакланганлиги айтилмоқда. Мазкур ҳолат Андижон вилояти прокуратураси томонидан ўрганилмоқда.
Ўзбекистонда ҳар бирининг майдони камида 20 сотих бўлган уй-иссиқхоналар ташкил этилади. Ўзбекистонда ишлаб чиқарилмайдиган тайёр ҳолдаги иссиқхоналар 2021 йил 31 декабрига қадар божхона божидан озод қилинди.
Тошкентда ўтказилган рейдлар давомида 1 тоннадан зиёд «Андижон музқаймоқ» таркибида ичак таёқчаси ва олтинранг стафилококк аниқлангани сабабли истеъмолга яроқсиз деб топилди.
Тошкент ҳокими Жаҳонгир Ортиқхўжаев пойтахтдаги тозалаш иншоотларидан чиқаётган бадбўй ҳидни бартараф этиш бўйича йиғилиш ўтказиб, муаммони назоратига олди.
Ҳукумат Ўзбекистонга импорт қилишда божхона тўловлари ва ҚҚСдан озод қилинган 676 турдаги технологик ускуналар рўйхатини тасдиқлади. Улар орасида ядро реакторлари, қандолатчилик саноати, какао кукуни ёки шоколад ишлаб чиқариш учун ускуналар, йўловчи самолётлари, тиббий асбоб-ускуналарнинг айрим турлари ва бошқалар бор.
Буркина-Фасода жангариларнинг қишлоққа ҳужуми натижасида 160 кишининг ҳалок бўлгани, Google’нинг Францияга 220 млн евро миқдорида жарима тўлаши, Чернобиль зонасида туризмнинг ривожлантирилиши ва бошқа янгиликлар — «Газета.uz»нинг жаҳон янгиликлари дайжестида.
Кўчма савдо билан шуғулланмоқчи бўлган тадбиркорлар «К-SAVDO» ахборот тизими орқали электрон рўйхатдан ўтишлари керак бўлади. Савдо жойи онлайн аукционда сотилади.
Европа иттифоқи Ўзбекистонга агроозиқ-овқат секторини қўллаб-қувватлаш ва қишлоқ аҳолиси турмуш даражасини яхшилашга 11 млн евро ажратди.
Aлишер Қодировнинг интервюсидан фикрлар, Ўзбекистон ва Тожикистон ўртасида автобус қатнови тикланиши, Шавкат Мирзиёевнинг ҳафта давомидаги иш графики, Самарқанд ЕТТБнинг «Яшил шаҳарлар» дастурига киритилиши — «Газета.uz»нинг 7 июндаги энг муҳим хабарлари дайжестида.
Ўзбекистонда 348 мингдан ортиқ киши коронавирусга қарши тўлиқ эмланиб бўлди. Уларнинг аксарияти AstraZeneca вакцинаси билан эмланган.
Тошкент шаҳрининг Олмазор туманида 35 ёшли пиёдани Lacetti автомобили уриб юбориши оқибатида, пиёда тан жароҳатлари олиб, шифохонада вафот этган.
Қонунчилик палатаси вице-спикери Алишер Қодиров ЛГБТ ҳамжамияти аъзоларини фуқароликдан маҳрум қилиш зарурлиги тўғрисидаги таклифларига изоҳ берди. Унинг фикрига кўра, «бундай одамлар 100 йилдан кейин ҳам ўзбек жамиятида яшай олмайди, шунинг учун уларга ёрдам керак». Сиёсатчининг сўзларига кўра, унинг баёнотларидан сўнг, юзга яқин ЛГБТ вакиллари унга миннатдорчилик билан мурожаат қилишган.
Самарқанд Европа тикланиш ва тараққиёт банкининг шаҳарлар барқарорлигини таъминлаш бўйича 3 млрд евролик дастурига кирган Ўзбекистоннинг биринчи шаҳри бўлди. Шаҳарга электробуслар сотиб олиниб, экологияни яхшилаш бўйича ҳаракатлар режаси ишлаб чиқилади.
Долларнинг расмий курси 8 сўмга кўтарилди ва жами 10 547 сўм этиб белгиланди. Шунингдек, рубль курси ҳам кўтарилди, евро эса арзонлади.
1 июлдан жисмоний шахсларга СТИР бериш бўйича давлат хизматларини кўрсатиш амалиёти бекор қилинади. Давлат орган ва ташкилотлари СТИРни солиқ органидан мустақил равишда сўраб олади.
Чекишдан воз кечиш қийин бўлиши мумкин. Жаҳон соғлиқни сақлаш ташкилоти чекишни ташлашнинг 100 дан ортиқ сабабларини келтирди.
Қўшимча имкониятлардан фойдаланиш учун сайтда рўйхатдан ўтинг