Архив
Президент арзон турар жойлар лойиҳалари тақдимоти билан танишди
Сардоба ҳамда Мирзаобод туманлари тажрибаси асосида беш қаватли уйлар лойиҳаси ишлаб чиқилди. Хонадонлар жойлашуви ва хоналар ички майдонини мақбуллаштириш, қурилиш материалларини лойиҳага мос ўлчамда ишлаб чиқиш ҳамда ҳовли ва йўлакларга сенсорли электр чироқлари ўрнатилиши ҳисобига уйларнинг нархи 30 фоизгача арзонлашиши таъкидланди.
1 ноябрдан нималар ўзгаради?
Янги тартиблар, оширилаётган маошлар, кексалар учун туризм ойлиги, бекор бўлаётган имтиёзлар, мобил операторлари учун имтиёзлар — 1 ноябрдан нималар ўзгаради?
Жаҳон янгиликлари дайжести
Туркия президентининг француз маҳсулотларини бойкот қилишга чақириғи, Исроилда COVID-19га қарши махалий вакцинанинг синовдан ўтказилиши, Teslaнинг ўн минглаб автомобилларини қайтариб олиши ва бошқа янгиликлар — «Газета.uz»нинг жаҳон янгиликлари дайжестида.
Газ қазиб олиш ҳажмининг пасайиши бюджет ташкилотларида кўмирга талабни оширди
2020 йилда Ўзбекистоннинг бюджет ташкилотларига 405,4 минг тонна ёки ўтган йилга нисбатан 18,3 фоизга кўпроқ кўмир етказиб берилди. Бу газ қазиб олиш ҳажмининг қарийб 20 фоизга пасайиши сабабли юз бермоқда.
9 ойда қарийб 20 минг оилага дарз кетди
2020 йилнинг январь-сентябрь ойларида 19 970 та бекор қилинган оиланинг 49,8 фоизи фарзандсиз, 50,2 фоизи эса бир ва ундан кўп фарзандли ҳисобланади. Энг кўп ажралиш ҳолатлари Тошкент шаҳрига тўғри келмоқда.
Президент электр энергиясини рақобатли бозорга ўтказиш босқичларини ишлаб чиқишга топшириқ берди
Президент электр энергияси рақобатли бозорига ўтиш босқичлари ва қоидаларини белгиловчи ҳужжат ишлаб чиқиш зарурлигини таъкидлади. Ҳозирда инвесторлар билан энергияни қатъий нархларда харид қилиш бўйича узоқ муддатли шартномалар имзоланмоқда.
Амир Темур қабрининг очилиши — «Ўзархив» баъзи фотосуратларни эълон қилди
«Ўзархив» агентлиги Самарқанд шаҳрида жойлашган Гўри Амир мақбарасидаги Амир Темур қабрининг очилиши акс этган баъзи фотосуратларни эълон қилди.
9 ой давомида Ўзбекистондан 1,6 млн фуқаро чет элга кетган
Январь-сентябрь ойларида Ўзбекистонга туристик мақсадларда келган чет эл фуқаролари сони 1,4 млн кишини, чет элга кетган Ўзбекистон фуқаролари сони эса 1,6 млн кишини ташкил этди. Ушбу даврда чет элга кетганларнинг 87,2 фоизи ўз қариндошларини йўқлаш мақсадида бўлган.
Регби бўйича «Олтин Овал» кубоги ноябрь-декабрь ойларида ўтказилади
Регби федерацияси раиси Содиқ Сафоев йил якунига қадар Тошкентда «Талабалар лигаси», Регби-7 бўйича Ўзбекистон чемпионати ҳамда 3 та ёш тоифасида «Олтин Овал» кубоги ўтказилишини маълум қилди.
Маҳаллий ремдесивир дори воситаси Ўзбекистонда рўйхатдан ўтказилди. ССВ 39 мингта дозасини сотиб олди
Jurabek Laboratories ремдесивир препаратини ишлаб чиқаришни ўзлаштирди. Соғлиқни сақлаш вазирлиги компаниядан қарийб 12 миллиард сўмга 39 минг доза сотиб олди. «Газета.uz»га берган интервьюсида компания вакили ушбу дори қандай қилиб рўйхатдан ўтказилгани, уларнинг умумий дори воситаси нима учун Американинг Gilead патент қонунчилигини бузмаслиги ва ЖССТ ремдесивирнинг самарасизлиги ҳақида баёнот берганини сўзлаб берди.
«Биз вакцинани олиб келишимиз керак бўлса, албатта синовини ўтказишимиз керак» — Иброҳим Абдураҳмонов
Инновациялар вазирлиги раҳбари Иброхим Абдураҳмонов Хитой вакцинаси ҳақида гапирар экан, ҳеч ким Ўзбекистон аҳолисидан «тажриба қуёнчалари» ясамоқчи эмаслигини айтди. Унга кўра, препаратни қўллашдан олдин ҳамма нарсани текшириш керак, ва кўнгиллилар кеча-кундуз шифокорлар назорати остида бўлишади.
Бўстон тумани ҳокими фермерларни ҳақоратлади. Вилоят ҳокимлиги унга «огоҳлантириш» берди
Андижон вилояти Бўстон тумани ҳокими Садбархон Мамитованинг фермерларни соя режасини бажармагани учун ҳақоратлагани акс этган аудио тарқалди. Ҳоким яқинда коронавирусдан даволаниб чиққани ва стрессда қаттиқроқ гапириб юборганини айтди. Вилоят ҳокимлиги унга «огоҳлантириш» берди.
Чирчиқ дарёси, Зангиота ва Янгийўлдан COVID шифохоналарига тегишли чиқиндилар топилганди. ССВ буни рад этди
Чирчиқ дарёсида, шунингдек, Янгиёл ва Зангиота туманларида COVID шифохоналарига тегишли чиқиндилар топилган. Бу ҳукумат баённомасига мувофиқ, тиббий чиқиндиларни қайта ишлаш билан шуғулланувчи компания иши тўхтатилганидан бир неча ҳафта ўтиб содир бўлмоқда. Соғлиқни сақлаш вазирлиги эса мазкур маълумотларни рад этиб, шифохоналар ҳудудидан чиқиндилар чиқмаганини айтмоқда.
Қуролли Кучлар Ҳарбий-тиббиёт академияси очилади
Президент фармони билан ТошТА ҳузуридаги ҳарбий-тиббиёт факультети негизида икки йиллик мажбурий ўқитиладиган Ҳарбий-тиббиёт академияси ташкил этилади.
Гўшт нархи ўсишининг сабаблари эълон қилинди
Иқтисодий тараққиёт ва камбағалликни қисқартириш вазирлиги гўшт нархининг ўзгаришига учта омил таъсир кўрсатганини таъкидлади. Унга кўра, ем-хашак базасининг мавсумий камайиши, Қозоғистондан қорамол импортининг қисқариши, август ойида гўшт маҳсулотларига бўлган талабнинг ошиши гўшт нархининг ўсишига олиб келган.
Миллий ўқув дастурини ишлаб чиқиш режалаштирилмоқда
Ўзбекистонда 2021 йил 1 мартга қадар Миллий ўқув дастурини ишлаб чиқиш режалаштирилмоқда. Тегишли президент фармони лойиҳасида ўқув режасини такомиллаштириш, умумий ҳафталик ўқув юкламасини камайтириш ва ўзаро узвий боғлиқ фанларни бирлаштириш кўзда тутилган. ОТМга кириш тестларига абитуриентларнинг мантиқий фикрлаши ва талабаликка тайёр эканини баҳоловчи компетенциявий тестлар киритилиши мумкин.
«Бу кичик Сардоба» — Паркент тумани посёлкасидаги вайрон бўлган уйларнинг эгалари
Паркент туманидаги бир қатор дала ҳовлилар жойлашган посёлкаларнинг бирида 20 октябр куни сув цистернаси ёрилди. «Газета.uz» мухбири жабрланган аҳоли ва туман ҳокимияти билан суҳбатлашиб, цистерна кимга тегишли эканлиги, дала ҳовли эгаларининг ҳозирда қандай эҳтиёжлари борлиги ва улар нимага суянишлари мумкинлигини ўрганди.
Тоғли Қорабоғ бўйича навбатдаги тинчлик сулҳи ҳам кучга кириши биланоқ бузилди
Тоғли Қорабоғ бўйича сўнгги бир ой ичида тузилган иккинчи тинчлик битими ҳам шу куннинг ўзидаёқ бузилди. Соат 9:00 да Тоғли Қорабоғда ўт очишни тўхтатиш бўйича Вашингтонда имзоланган янги сулҳ кучга кирган эди. Битим кучга кириши билан Озарбайжон Мудофаа вазирлиги Арманистон Қуролли кучлари яна ҳужум қилганини эълон қилди. Икки мамлакат битимни бузишда бир-бирини айбламоқда.
Долларнинг расмий курси арзонлади
Долларнинг расмий курси деярли 12 сўмга арзонлади ва жами 10 359 сўм этиб белгиланди. Евро ва рубль курслари эса кўтарилди.
Ўзбекистоннинг айрим ҳудудларида зилзила сезилди
Тожикистон-Қирғизистон чегарасида содир бўлган зилзила кучи Ўзбекистон ҳудудида ҳам сезилди. Ер ости силкинишлари кучи Фарғонада 4 баллни ташкил этди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг