Архив
Тошкентнинг «Эски шаҳар» ҳудудида Миллий савдо шаҳарчаси барпо этилади
10 та йирик тижорат банки томонидан умумий қиймати 1,5 млрд доллар бўлган лойиҳалар тақдим этилди. Асака банки иштирокида Тошкент шаҳрининг «Эски шаҳар» ҳудудида савдо шаҳарчаси барпо этилиши, Ўзсаноатқурилишбанк томонидан эса «Ургут» да умумий қиймати 100 млн доллардан ортиқ лойиҳани амалга оширилиши режалаштирилмоқда.
ТИВ халқаро журналистга аккредитация бермади. Журналист ТИВ ходими унга тегажоғлик қилганини айтмоқда
Guardian, Al Jazeera, The Diplomat халқаро нашрлари учун ёзадиган мустақил журналист Агнешка Пикулицка-Вилчевска Ўзбекистон Ташқи ишлар вазирлиги унга аккредитация бермаганлигини маълум қилди. Аккредитация бўйича жавоб қонун бўйича 2 ойда эмас, 6 ойда берилган. Журналист ТИВ ходими унга тегажоғлик қилганини, ижобий мақолалар ёзишини сўраганлигини айтмоқда.
Жаҳон янгиликлари дайжести
Қирғизистонда Мудофаа вазирлигининг қайта тузилаётгани, Италияда коронавирусга қарши вакцинациянинг таҳдид остида қолгани, Жанубий Кореяда карантин чекловларининг 14 февралга қадар узайтирилгани ва бошқа янгиликлар — «Газета.uz»нинг жаҳон янгиликлари дайжестида.
Собиқ вазир Қарши давлат университетига ректор этиб тайинланди
Жисмоний тарбия ва спорт вазири лавозимида ишлаган Дилмурод Набиев Қарши давлат университети ректори этиб тайинланди.
Ўн нафар Ўзбекистон фуқароси Россиядан экстрадиция қилинди
Россия Федерацияси Бош прокуратураси мулкка қарши жиноятлар ва гиёҳванд моддалар савдосида айбланаётган ўн нафар Ўзбекистон фуқаросини жиноий жавобгарликка тортиш учун Ўзбекистон Республикасининг ваколатли органларига топширди.
Фарғонада ёқилғи ишлаб чиқариш заводи ишчилари ишсиз қолишдан хавотирда
Фарғона вилоятидаги Олтиариқ ёқилғи ишлаб чиқариш заводи ишчилари деярли 11 ойдан бери корхонага хом ашё етказилмаганлигини, иш тўхтаб қолиб, март ойидан ишчилар сони қисқартирилиши мумкинлигини айтмоқда. Фарғона нефтни қайта ишлаш заводи раҳбарияти «Дарё» нашрига завод ёпилмаслигини, иш ўринлари қисқартирилиши, лекин ходимлар ишдан бўшатилмаслигини маълум қилган.
Қозоғистонлик ҳайдовчилар гувоҳнома ва «техпаспортлар» олиб юрмаслик ҳуқуқига эга бўлди
Қозоғистонда ҳайдовчилар ўзи билан ҳайдовчилик ва транспорт воситаларини қайд қилиш гувоҳномасини олиб юрмасликка рухсат берилди. Полиция ходимлари ҳайдовчилар маълумотларини планшетлар орқали текширишади.
Қобул Дўсов маст ҳолда машина ҳайдаб, ЙПХ ходимлари билан тортишди
Собиқ депутат Қобул Дўсов маст ҳолда машина бошқариб, ЙПХ ходимлари билан тортишди. Тошкент ИИББ ҳолат юзасидан маълумот берди.
Фанлардан ўз вақтида баҳо олмаган талабалар учинчи семестр учун қўшимча маблағ тўлайди
Олий таълим вазирлиги ўқиш давомида фанлардан ўз вақтида баҳо олмаган талабалар учун учинчи семестр ташкил этилишини маълум қилди. Ёзда бўлиб ўтадиган ушбу семестрда қатнашадиган талабалар қўшимча маблағ тўлашлари керак бўлади.
Тошкентда «Nexia» пиёдани уриб юборди. Пиёда вафот этди
Тошкент шаҳрида «Nexia» автомобили йўлни белгиланмаган жойида кесиб ўтаётган пиёдани уриб юборди. ЙТҲ натижасида 38 ёшли пиёда тиббиёт муассасасига етиб бормай вафот этди.
Чилонзор савдо комплексида 25 минг долларга аукцион орқали дўкон олиб бермоқчи бўлган шахслар ушланди
Аукцион орқали бозор муҳандиси ва унинг шериги 25 минг АҚШ долларига Чилонзор савдо комплексида қурилиши режалаштирилаётган дўконни олиб бермоқчи бўлгани аниқланди. Фуқаролар ашёвий далиллар билан ушланиб, ҳолат юзасидан жиноят иши қўзғатилди.
Январь ойида инфляция 1% ни ташкил этди
Январь ойида инфляция 1% ни ташкил этди. Озиқ-овқат маҳсулотлари 1,2 фоизга, ноозиқ-овқат маҳсулотлари 0,5 фоизга, хизматлар 1,4 фоизга қимматлашди. Инфляциянинг асосий омилларидан бири мевалар ва сабзавотлар нархларининг мавсумий ўсиши бўлди.
Ўзбекистонга 2020 йилда автомобиллар импорти экспортга нисбатан 2,3 бараварга кўп бўлган
2020 йилда Ўзбекистондан автомобиллар экспорти пул кўринишида 30,4 фоизга, яъни 208,7 млн долларга етди. Автомобиллар импорти 2,3 бараварга кўп бўлди. UzAuto Motors томонидан энг кўп ишлаб чиқарилган автомобиль модели — Cobalt.
4 минг доллар эвазига Миллий гвардияга ишга киритиб қўймоқчи бўлган шахс ушланди
Қашқадарё вилоятида юқори лавозимдаги танишлари орқали Миллий гвардияга ишга киритмоқчи бўлиб, 4 минг АҚШ доллари сўраган шахс аниқланди. Фуқарога нисбатан жиноят иши қўзғатилди.
Ҳафта давомида илиқ об-ҳаво бўлиши кутилмоқда
Февральнинг биринчи ҳафтаси давомида илиқ ва кам булутли баҳорий об-ҳаво бўлади. Яқин кунларда бир қатор вилоятларда ёғингарчиликлар бўлиши кутилмоқда, кейин эса ёғингарчиликлар кузатилмайди.
Банкларда ID-картадан фойдаланиш мумкин бўлади
Эндиликда банклар мижозлари банк хизматидан фойдаланишда шахсларини тасдиқлаш учун ID-картадан фойдаланишлари мумкин бўлади.
Фарғона-Урганч мунтазам авиақатнови йўлга қўйилди
Ўзбекистонда туризм ва ишбилармонлик фаолиятини ривожлантириш мақсадида 3 ва 6 февраль кунлари Урганч-Фарғона-Урганч йўналиши бўйича самолётлар қатнови амалга оширилади. 11-февралдан бошлаб ушбу парвлзлар мунтазам равишда пайшанба ва шанба кунлари амалга оширилади.
Мактаб таъмирига ажратилган пуллардан 631 млн сўмни талон-торож қилган корхона раҳбарларига жиноят иши қўзғатилди
Самарқанд вилоятида ўрта таълим мактабининг қурилиш-монтаж ишлари учун ажратилган пуллар МЧЖ раҳбарлари томонидан талон-тарож қилинганлиги аниқланди. Бундан ташқари, учта маҳаллада қурилган сув чиқариш иншоотида яна бир жамият раҳбарлари томонидан 240,5 млн сўм талон-торож қилингани маълум бўлди.
Доллар курси кетма-кет тўртинчи ҳафта қимматламоқда
Долларнинг расмий курси 21 сўмга қимматлади ва жами 10 540 сўм этиб белгиланди. Евро ва рубль курслари эса бироз пасайди.
«Технопарк» сув ҳисоблагичларини ишлаб чиқаришни режалаштирмоқда
«Технопарк» компанияси электрон сув ҳисоблагичларини ишлаб чиқариши мумкин. Лойиҳа қиймати 77,7 млрд сўмни ташкил этади. Ҳокимлик томонидан ташкил этилган компания ақлли газ ҳисоблагичлари, кир ювиш машиналари, музлатгичлар, лифтлар ва бошқа техника воситаларини ишлаб чиқаради.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг