Тошкентдаги республика «Ипотека банк» ходимида коронавирус инфекцияси аниқланди. У билан мулоқотда бўлган ҳамкасблари 14 кунлик карантин назоратига, қолган ҳамкасблари эса ўз уйларида тиббий назоратга олинган.
Ўзбекистонда кузатилаётган иссиқ об-ҳаво ҳафта охиригача сақланиб туради. Кундузги ҳарорат +34…+39 даражани ташкил этади.
Давлат солиқ қўмитаси Марказий аппарати барча ходимларидан олинган COVID-19 тест таҳлиллари натижалари манфий бўлиб чиқди. ДСҚ Марказий аппарати карантин талабларига қатъий риоя қилган ҳолда аввалги режимда ишлашни давом эттиради.
2021 йил якунига қадар Андижон вилоятининг барча шаҳар ва туманларида жами 16 та рақамли технологиялар ўқув маркази очилади. Уларда, жумладан, ёшларни ўқитиш ва ахборот технологиялари йўналишида ҳар йили 5 мингдан зиёд ўқитувчилар малакаси оширилади.
Жанубий Кореядан Ўзбекистонга тиббий каравотлар партияси етказиб берилди. Умумий қиймати 135 минг доллардан зиёдроқ бўлган яна бир қисм инсонпарварлик юкларининг келиши кутилмоқда.
«Ўзагросуғурта» АЖ Бухородаги табиий офат оқибатида вилоятнинг қишлоқ хўжалиги ва тадбиркорлик субъектлари билан содир бўлган суғурта ҳодисалари юзасидан жами 2,7 млрд сўм тўлаб берди. Хусусан, компанияда мол-мулкини суғурталаган қоракўллик фермерга кучли шамолдан етказилган зарар учун қарийб 1 млрд сўм қоплаб берилди.
Коронавирус беморлари сони 16 нафарга ортиб, жами 3180 кишини ташкил этмоқда. Янги ҳолатлар карантиндагилар (6), Қорақалпоғистонда (4), Самарқандда (5) ва Тошкент вилоятларида (1) қайд этилди. Республикада инфекциядан 602 киши даволанмоқда, улардан 3 нафарининг аҳволи оғир, деб баҳоланмоқда.
Давлат солиқ қўмитаси ҳузуридаги малака ошириш маркази ходимида коронавирус аниқланди. Ҳозирда бутун Марказий аппарат ходимлари COVID19 га тест топширмоқда.
Шавкат Мирзиёев Рамазон ҳайити табригида бу йилги Рамазонда сабру қаноат, шукроналик, руҳий покланиш, меҳр ва кўмакка муҳтожларга янада эътиборли бўлиш, савобли амаллар қилишдек олижаноб фазилатлар ҳар қачонгидан ҳам яққол намоён бўлганини таъкидлади.
Чет элдан ватандошларни олиб келиш учун яна 17 та чартер рейси жадвали эълон қилинди. Кейинги икки ҳафта ичида «Ўзбекистон ҳаво йўллари» Москва, Санкт-Петербург, Екатеринбург, Новосибирск, Ростов-Дону, Истамбул, Қоҳира ва Шаржадан Ўзбекистон фуқароларини олиб келади.
Тошкентдаги «Ўрикзор» савдо мажмуасида сотувчи бўлиб ишловчи фуқарода коронавирус инфекцияси тасдиқланди, бозор вақтинчалик ёпилди.
Мусулмонлар идораси нима учун карантин вақтида Рамазон ҳайити намозини ўқиш мусулмонлар зиммасидан соқит бўлишига аниқлик киритди. Шунингдек, коронавирус юқтириш эҳтимоли борлиги учун ҳайит байрамини нишонлашда карантин чораларига қатъий риоя қилиш тавсия этилди.
«Газета.uz» ўқувчиларидан етим болалар ва ота-она қарамоғидан маҳрум бўлган болалар жойлаштирилган меҳрибонлик уйлари ва ихтисослаштирилган муассасаларга ўз муносабатларини билдиришларини сўрамоқда.
Битирувчилар учун «Сўнгги қўнғироқ» тадбири бу йил онлайн тарзда бўлиб ўтади, уни Uzreport TV телеканали, Тошкент шаҳар ҳокимлиги ва Халқ таълими вазирлиги ташкиллаштиришмоқда. Тадбирни 25 май соат 8:30 дан бошлаб томоша қилиш мумкин бўлади.
Цемент импорти бўйича қўйилган чеклов бир ой ўтиб олиб ташланди.
Бош прокуратура Сардоба сув омбори билан боғлиқ жиноят иши бўйича икки кишининг гумонланувчи тариқасида ишга жалб этилганини маълум қилди. Улар қамоққа олинган.
Тошкентда ер усти метроси устунлари яқинида ер ўпирилишига сув қувури устига ўрнатилган П шаклидаги ҳимояловчи бетон плитанинг юк машиналари оғирлигини кўтара олмасдан синиб кетгани сабаб қилиб кўрсатилди.
Ўзбекистонда тасдиқланган коронавирус ҳолатлари сони 8 тага кўпайиб, жами 3036 тага етди. Кун давомида 69 та янги COVID-19 ҳолати қайд этилган бўлса, 46 таси аҳоли орасида аниқланди.
Самарқанд вилоятининг Пастдарғом тумани маркази Жума шаҳрида ҳаракат вақтинча тўхтатилди. Мазкур қарор коронавирус туман бўйлаб тарқалмаслиги мақсадида қабул қилинди.
Соғлиқни сақлаш вазирлиги Навоий вилоятида коронавирусга чалиниш ҳолатлари сони ортганини хабар қилди. Вилоятда 66 та ҳолат тасдиқланган бўлса, инфекция юқтирганлар орасида хориждан келганлар йўқ. Асосий ўчоқ — Зарафшон шаҳри.
Қўшимча имкониятларга эга булиш учун сайтда рўйхатдан ўтинг