Архив
Давлат кадастрлари палатасига раис тайинланди
Мохир Валиев Кадастр агентлигининг Давлат кадастрлари палатаси раиси этиб тайинланди.
Тоғли Қорабоғдаги ҳарбий ҳаракатлар якунланиши ҳақида келишув имзоланди
Арманистон, Россия ва Озарбайжон раҳбарлари Тоғли Қорабоғдаги ҳарбий ҳаракатларнинг тўхтатилиши тўғрисида баёнот имзолади. Арманистон бош вазири Никол Пашинян Озарбайжонга ён бериб, бир нечта туманларни, шунингдек тан олинмаган республиканинг бир қисмини Бокуга ўтказишга рози бўлди. Қарор эълон қилинганидан кейин Ереванда норозилик намойишлари ва тартибсизликлар бошланди.
Самарқанд вилоятига янги прокурор тайинланди
Бунга қадар Сирдарё вилояти прокурори лавозимида фаолият олиб борган Равшан Машарипов Самарқанд вилояти прокурори этиб тайинланди.
Озарбайжон Россия вертолётини уриб туширди
9 ноябрь куни тунда Озарбайжон Россия вертолётини уриб туширди. Озарбайжон ушбу ҳодиса тасодифан содир этилгани ва Россияга қарши қаратилмаганлиги ҳақида таъкидламоқда. Вертолёт экипажининг 2 аъзоси ҳалок бўлган.
Моргенштернга Mercedes-Benz`ни Ўзбекистонга олиб келиш қанчага тушади?
Россиялик рэпер Моргенштерн танловда ғолиб бўлган бухоролик йигитга Mercedes-Benz машинасини совға қилиш учун Ўзбекистонга ташриф буюришни режалаштираётган эди. Мусиқачи қиммат «растаможка»дан шикоят қилган эди. Давлат божхона қўмитаси маълумотига кўра, Моргенштерн камида 353,8 млн сўм ($34 минг) бож тўлашига тўғри келади.
Самарқанд вилояти ҳокими «Автомашинасиз 10 кун» акциясини ўтказишни таклиф қилди
Самарқанд вилоятида «Автомашинасиз 10 кун» акциясини ўтказиш режалаштирилмоқда. Вилоят ҳокими Эркинжон Турдимов таклифига биноан 11 ноябрдан 21 ноябргача ҳокимлардан тортиб, бюджет ташкилотлари раҳбар ва ходимлари ишга пиёда бориб келади. Велосипед ёки жамоат транспортидан ҳам фойдаланиш мумкин.
«Ўзбекнефтгаз» АИ-95 бензини нархини арзонлаштирди
«Ўзбекнефтгаз» компаниясининг UNG ёқилғи қуйиш шохобчалари тармоғи орқали сотилаётган АИ-95 маркали бензин нархи арзонлаштирилди.
Хоразмда темир йўлда ухлаб ётган маст фуқаро сабабли поезд шошилинч тўхтатилди
Маст фуқаро темир йўлда ухлаб ётгани сабабли «Хива-Урганч-Тошкент» поезди 16 дақиқага тўхтаб қолди. Ҳозирда ҳодиса юзасидан суриштирув ишлари ўтказилмоқда.
Шавкат Мирзиёев Шанхай ҳамкорлик ташкилоти видеоанжуманида қатнашади
Президент Шавкат Мирзиёев 10 ноябрь куни Шанхай ҳамкорлик ташкилотига аъзо давлатлар раҳбарлари кенгашининг видеоанжуман шаклида ўтадиган мажлисида иштирок этади.
«Бирор вазирлик ёки ҳокимият молиявий назоратдан устун бўлмаслиги керак» — Тимур Ишметов
«Бирор вазирлик ёки ҳокимият давлат молиявий назоратидан устун бўмаслиги керак, унгача фойдаси йўқ», — деди молия вазири Тимур Ишметов. Маълум бўлишича сўнгги икки йилда 2477 нафар шахс 371 млрд сўм бюджет маблағларини талон-торож қилган. Ҳозирда улар қонун олдида жавоб бермоқда.
Депутат UzAuto Motors’ни 85 фоизлик олдиндан тўлов қилиш шарти учун танқид қилди
Депутат Расул Кушербаевнинг айтишича, қонунчиликка кўра шартнома шартлари кучга кириши учун 15% олдиндан тўлов кифоя бўлганлиги сабабли, харидорлар UzAuto Motors билан шартномалар тузишда олдиндан 85 фоиздан камроқ миқдорида тўлов қилишлари мумкин. «Қонун бўйича бунга ҳақли бўлсангиз ҳам асло бунинг иложи йўқ, чунки улар монополист диктовкаси билан тузилган шартноманинг битта ҳарфини ҳам ўзгартиришмайди», — дея таъкидлади депутат.
Хитой (6G) алоқа синови учун сунъий йўлдошини учирди
Хитой дунёдаги биринчи олтинчи авлод (6G) алоқа синови учун сунъий йўлдошини учирди. Cунъий йўлдошда экинлар ва ўрмон ёнғинларини кузатиш технологиялари ҳам мавжуд.
Россиядаги ёнғин оқибатида Ўзбекистон фуқароси жароҳат олди
Россиянинг Самара шаҳрида уй ёниб кетиши оқибатида 4 киши вафот этди, 5 нафар одам жароҳат олди. Жароҳат олганлар ичида Ўзбекистон фуқароси ҳам бор.
Hyperloop вакуумли капсула йўловчилар билан илк бор синовдан ўтказилди
Virgin Hyperloop компанияси вакуумли поезд капсуласининг биринчи йўловчи синовларини ўтказди. Туннель орқали ўтиш пайтида янги транспорт тури 48 м/с тезликкача кўтарилди.
Илмий нашрлар бўйича миллий базанинг электрон платформаси ташкил этилади
Ҳукумат қарори билан илмий нашрлар бўйича миллий базанинг электрон платформаси яратилиши белгиланмоқда. Унга республикада нашр қилинган илмий журналлардаги мақолаларнинг электрон шакли киритилади.
2021 йилдан «Олтин давр» халқаро мусиқа ярмаркаси ўтказилади
2021 йилдан республикада ўтказиладиган халқаро мусиқа фестиваллари ва анжуманлари доирасида «Олтин давр» халқаро мусиқа ярмаркаси ўтказилади. Унда асосий эътибор маҳаллий ва хорижий санъатшуносларнинг ўзаро ҳамкорлигига қаратилади.
Бухорода санитария-эпидемиология назорати бошқармаси бошлиғи пора билан ушланди
Бухоро вилояти Давлат санитария-эпидемиология назорати бошқармаси бошлиғи пора олаётганида ушланган. У карантин қоидаларини бузган корхонага жарима тайинламаслик эвазига 400 АҚШ доллари ва 500 минг сўм пора талаб қилган.
Мактабгача таълим муассасаларида хитой тили ўргатилади
Давлат мактабгача таълим муассаларида хитой тилини қўшимча чет тили сифатида ўргатишни йўлга қўйиш, шунингдек, Тошкентда рақамли болалар боғчасининг пилот лойиҳасини ишга тушириш таклиф қилинмоқда.
Ҳафта ўртасида тоғли ҳудудларда қор ёғиши кутилмоқда
10−11 ноябрь кунлари мамлакат ҳудуди совуқ ҳаво массалари таъсирида бўлиб, қуруқ об-ҳаво кузатилади. 12 ноябрь куни Волга бўйидан совуқ антициклон республикага кириб келади. Ўзбекистон ҳудудининг баъзи жойларида ёмғир ёғиши, тоғли ҳудудларда қорга айланиши кутилмоқда.
МДҲ Ҳукумат раҳбарлари мажлиси бўлиб ўтди
Ўзбекистон раислигида Мустақил Давлатлар Ҳамдўстлиги Ҳукумат раҳбарлари кенгашининг видеоконференцалоқа шаклидаги мажлиси бўлиб ўтди. Мажлис якунлари бўйича транспорт, энергетика, қурилиш, таълим, маданият, туризм, жисмоний тарбия ва спорт соҳаларини, шунингдек, ёшлар сиёсатини ривожлантиришга оид жами 23 ҳужжат имзоланди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг