Архив
Банк ҳисобварақалари бўйича маълумотни солиқ қўмитасига узатиш низоми лойиҳаси қайта кўрилади
Банк ҳисобварақалари бўйича маълумотни солиқ қўмитасига узатиш низоми лойиҳаси муҳокамадан олиб ташланди. ДСҚ бу ҳақида Сенатга хат жўнатиб маълум қилди. Сенат тадбиркорларнинг ҳуқуқ ҳамда манфаатларига дахлдор барча меъёрий ҳужжатлар доимий назорат остида бўлишини маълум қилди.
АҚШда биринчи COVID-19 вакцинаси инсонда синовдан ўтказилди
АҚШда коронавирусга қарши вакцина синовдан ўтказилган аёл ўз таассуротлари билан ўртоқлашди. Биринчи куни унинг ҳарорати бир оз кўтарилган, кейинроқ қўли оғриган, бироқ сўнгра аҳволи яхшиланган.
Яна 8 нафар бемор коронавирусдан тузалди
8 нафар коронавирус бемори тузалиб, улар реабилитацияга жўнатилди. Ўзбекистонда коронавирусдан тузалганлар сони 107 кишига етди.
«Валюта олди-сотдисида ҳеч қандай чекловлар бўлмайди» — МБ раҳбари
МБ раиси Мамаризо Нурмуродов валюталарни сотиб олиш ва сотишда ҳеч қандай чекловлар жорий этилмаслиги, курс бозор омиллари асосида шакллантирилишини маълум қилди. Унинг сўзларига кўра, алмашув курси «ўзининг табиий нуқтасига яқинлашмоқда». Валютага бўлган талаб кескин ўсган.
Украинанинг Ўзбекистондаги элчиси тайинланди
Николай Дорошенко Украинанинг Ўзбекистондаги элчиси этиб тайинланди. У олдин Қирғизистонда элчи бўлиб ишлаган.
Тадбиркорларга шахсий автомашиналарини бошқариш учун енгилликлар берилади
Тадбиркорларга шахсий автомашиналарини бошқариш учун енгилликлар берилиши режалаштирилмоқда. Республика махсус комиссиясининг қарори 1−2 кун ичида чиқади.
Коронавирусга қарши курашаётган тиббиёт ходимлари таркиби алмашди
Эпидемиология, микробиология ва юқумли касалликлар институти клиникасининг 67 нафар тиббиёт ходими реабилитацияга кузатилди. Уларнинг ўрнини навбатдаги ходимлар эгаллашди.
Коронавирус беморлари сони 1275 кишига етди
Ўзбекистонда коронавирус беморлари сони 61 кишига кўпайиб, 1275 кишига етди.
Коронавирусдан тузалган кишини ҳақоратлаган шахс жаримага тортилади
Коронавирусдан тузалган ёки карантинда бўлган кишини ҳақорат қилган шахсга 9 млн сўмгача маъмурий жарима белгиланган.
ХВЖ: 2020 йилда Ўзбекистон ялпи ички маҳсулоти 1,8 фоизни ташкил этади
Халқаро валюта жамғармаси 2020 йилда жаҳон иқтисодиёти 3 фоизга тушишини прогноз қилмоқда. Ўзбекистон ялпи ички маҳсулотининг эса 1,8 фоизгача пасайиши кутилмоқда.
Бахром Ашрафханов Ўзбекистоннинг Озарбайжондаги элчиси этиб тайинланди
Пенсия жамғармасига раҳбарлик қилган Бахром Ашрафханов Ўзбекистоннинг Озарбайжондаги элчиси этиб тайинланди.
Андижонда 74 нафар тиббиёт ходими коронавирусга чалинган
Андижон вилоятида 74 нафар тиббиёт ходими коронавирусга чалинган.
Тадбиркор бош вазир ўринбосарини босим ўтказаётганликда айблади
Sulton Tex Group хусусий корхонаси раҳбари Нурбек Эргашев президентга мурожаат қилиб, бош вазир ўринбосари Ўктам Барноев «ноқонуний талаблари» бажарилмагани учун унинг компаниясини пахта-тўқимачилик кластерлари рўйхатидан чиқариб юборганини маълум қилди. Фермерлар уларни кластер билан шартномаларни бекор қилиш ва кооперативга ўтишга мажбурлашаётганини хабар қилди. Корхона автомобиллари жарима майдончасига олиб кетилмоқда.
Транспорт вазирига янги ўринбосар тайинланди
Чориев Жасурбек Эргашевич Ўзбекистон Республикаси транспорт вазирининг ўринбосари лавозимига тайинланди.
Инқирозга қарши курашиш жамғармасининг даромад ва харажатлари — Молия вазирлиги
Инқирозга қарши курашиш жамғармасининг ҳисобига 1,596 трлн сўм (157,7 млн доллар) келиб тушган бўлса, жамғарма харажатлари 756 млрд сўмга (74,7 млн доллар) тенг бўлди. Маблағларнинг катта қисми шифохона ва карантин учун махсус муассасаларни қуришга йўналтирилган.
Ўзбекистон Венгрияга 500 мингта тиббий ниқоб жўнатди
Ўзбекистон Венгрияга коронавирус билан курашиш учун 500 мингта тиббий ниқоб жўнатди.
Карантин май ойида ҳам давом этиш эҳтимоли юқори — бош вазир ўринбосари
Бош вазир ўринбосари Жамшид Қўчқоров карантин чораларининг май ойида ҳам давом этиш эҳтимоли юқорилигини маълум қилди. Унинг сўзларига кўра, Ўзбекистоннинг ЯИМи биринчи чоракда 4,1−4,4 фоиз атрофида ўсган, экспорт 11 фоизга, импорт эса 10 фоизга қисқарган.
АҚШ Жаҳон соғлиқни сақлаш ташкилотини молиялаштиришни тўхтатади
АҚШ Жаҳон соғлиқни сақлаш ташкилотини молиялаштиришни вақтинча тўхтади. Трамп бу қарорни ташкилот ўзининг асосий вазифасини бажара олмагани билан асослади. Ўз навбатида, БМТ бош котиби ҳозир ЖССТ учун ресурсларни камайтириш вақти эмаслигини таъкидлади.
Марказий банк асосий ставка пасайтирилганига изоҳ берди
Марказий банк асосий ставканинг 16 фоиздан 15 фоизга пасайтирилиши юзасидан изоҳ берди. Асосий омиллар ташқи ва ички талабнинг қисқариши шароитида иқтисодий фаолликнинг секинлашуви ҳамда инфляция прогнозларининг пасайиши билан боғлиқ.
Долларнинг расмий курси 10,1 минг сўмдан ошди
Марказий банк ҳафтада иккинчи марта валюта курсларини янгилади. Доллар 427 сўмга кўтарилиб, 10121 сўмга етди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг