Архив
Ҳуқуқни муҳофаза қилувчи органларда махсус унвон учун хизмат қилиш муддатлари ўзгарди
Президент қарори билан, ИИО, божхона, миллий гвардия ва ҳарбий хизматдаги махсус унвонлар учун хизмат қилиш муддатларига ўзгартиришлар киритилди.
Ўзбекистон аҳолисининг аксарият қисмида маймунчечакка қарши жамоавий иммунитет мавжуд — Санэпидқўмита
Ўзбекистон аҳолисининг 1980 йилдан аввал туғилган қисми чин чечак касаллигига қарши тўлиқ эмланган. Санэпидқўмитанинг таъкидлашича, чин чечакка қарши эмлашдан кейин ҳосил бўлган иммунитет маймунчечакка қарши ҳам ишлайди ва касалликнинг кенг тарқалиш хавфини пасайтиради.
«Ташаббусли бюджет»нинг 2-мавсумига овоз бериш бошланди
«Ташаббусли бюджет» лойиҳасининг 2024 йил 2-мавсумидаги лойиҳаларга овоз бериш бошланди. Жараён 31 август соат 23:59 га қадар давом этади. Лойиҳалар учун 2 трлн сўмдан ортиқ маблағ йўналтирилади.
21 август куни эълон қилинган энг муҳим янгиликлар дайжести
Президентнинг тадбиркорлар билан мулоқотдаги нутқининг лингвистик таҳлили, парламент сайловларида қатнашишга рухсат олган сиёсий партиялар, ФНҚИЗнинг бир қисмини сотиб олаётган АҚШ компанияси, ЙҲҚни бузганлик учун жавобгарликни кучайтириш ташаббуси ва бошқалар — «Газета.uz»нинг кунлик дайжестида.
«Ўзтемирйўлйўловчи» Рақобат қўмитасининг қарори юзасидан апелляция беради
Рақобат қўмитаси «Ўзтемирйўлйўловчи» АЖ Фарғона филиали воситачилик йиғими сабаб йўловчилардан 660 млн сўмга яқин ортиқча маблағ ундирганини, шу сабабли жарима жазоси қўлланишини айтганди. Темирйўл компанияси қарор юзасидан апелляция беради, чунки «йиғим ташувчи томонидан мустақил белгиланган».
Иброҳим Раисий вертолётининг қулашига ёмон об-ҳаво сабаб бўлган
Май ойида ҳалок бўлган Эрон президенти Иброҳим Раисий вертолёти ноқулай об-ҳаво шароити ва ортиқча юк — меъёрдан кўп йўловчилар туфайли қулагани аниқланди.
Air Products 140 млн долларга ФНҚИЗ ишлаб чиқариш активларининг бир қисмини сотиб олади
Saneg Фарғона нефтни қайта ишлаш заводидаги иккита водород ишлаб чиқариш блокини АҚШнинг Air Products компаниясига 140 млн долларга сотмоқда. Шартнома ҳали тўлиқ хусусийлаштирилмаган завод улушини ўтказишни назарда тутмайди, дея аниқлик киритди Saneg масъуллари.
Озарбайжон президенти 22 август куни Ўзбекистонга келади
Озарбайжон президенти Илҳом Алиев Шавкат Мирзиёев таклифига биноан 22−23 август кунлари Ўзбекистонда бўлади. Тошкентда давлатлараро олий кенгаш биринчи мажлисини, шунингдек, икки мамлакат бизнес вакиллари учрашувини ўтказиш режалаштирилган.
Жиззахда ерни насос орқали суғоришда қарийб 1,4 млрд сўмлик электрдан ноқонуний фойдаланилгани аниқланди
Зомин туманидаги фермер хўжалиги раҳбари ерни насос орқали суғориш мобайнида ускуналарни ўзгартириб, қарийб 1,4 млрд сўмлик электр энергиясини ўғирлагани маълум бўлди. Унга нисбатан жиноят иши қўзғатилди.
Ўзбекистонда ер участкаларининг ягона классификатори жорий этилади
2025 йилдан Ўзбекистонда ер участкалари ва капитал қурилиш лойиҳалари ягона классификаторини жорий этиш режалаштирилмоқда. Бу билан асосий фаолият турини қайсиларига алмаштириш мумкинлиги, қандай ёрдамчи иншоотларни жойлаштира олиш аниқ белгилаб берилади.
Сенат қўмитаси ва ЙҲХХ йўл ҳаракати қоидаларини бузганлик учун жавобгарликни кучайтиришни муҳокама қилди
Йўл ҳаракати қоидаларини қўпол равишда бузиш жиддий қоидабузарлик сифатида баҳоланиши керак. ЙТҲлар вақтида таҳлил қилинмаяпти, аҳоли гавжум жойларда светофорлар йўқ, ҳокимликлар зарур чораларни кўрмаяпти. Сенатда ЙҲХХ янги раҳбари билан муаммолар ва уларни бартараф этиш йўллари муҳокама қилинди.
Демократик партия Камала Ҳаррисни АҚШ президентлигига номзод сифатида тасдиқлади
Демократик партия Камала Ҳаррисни президентликка номзод сифатида расман тасдиқлади. У Америка етакчи партияларидан бирининг давлат раҳбари лавозимига номзоди илгари сурилган биринчи қора танли аёл ва биринчи осиёлик аёлга айланди.
Тошкентда дарахт кесган фуқаро 17,3 млн сўм тўлайдиган ва 100 туп кўчат экадиган бўлди
Сергели туманида фуқаро 1 туп можжевельник (арча) кесгани аниқланди. Оқибатда табиатга 8,8 млн сўм зарар етган. Ҳуқуқбузар жами 17 млн 340 минг сўм товон тўлаши белгиланди. Компенсация тарзида эса 100 туп кўчат экиш мажбурияти юклатилди.
Президент тадбиркорлар билан мулоқотда энг кўп қайси сўзларни ишлатди?
ИТИМнинг лингвистик таҳлилига кўра, Шавкат Мирзиёев Нукусда ўтган тадбиркорлар билан очиқ мулоқотда салкам 5000 та сўздан фойдаланди. Энг кўп ишлатилган сўзлар «тадбиркор», «корхона», «хизмат», «экспорт», «бозор», «ер», «банк» ва бошқалар бўлди. Батафсил.
Ўзбекистонликлар АТТО карталаридан Қирғизистонда ҳам фойдаланиши мумкин бўлади
Ўзбекистон ва Қирғизистондаги йўлкира тўловларининг автоматлаштирилган тизими операторлари АТТО ва Tulpar интеграция қилинади. Жараён тугагач, Қирғизистон фуқаролари Ўзбекистонда Tulpar карталари орқали, Ўзбекистон фуқаролари эса Бишкекда АТТО орқали тўлов қилишлари мумкин бўлади.
Рақобат қўмитаси «Ўзтемирйўлйўловчи»га йўловчилардан ундирилган ортиқча ҳақ бўйича жарима қўллади
«Ўзтемирйўлйўловчи» компанияси йўловчиларнинг чипталаридан воситачилик йиғим қиймати бўйича 660 млн сўмга яқин ортиқча ҳақ ундиргани аниқланди. Рақобат қўмитаси унга ва худди шу ҳолат бўйича «Шаҳар атрофида йўловчи ташиш» компаниясига молиявий жарима қўллади, пуллар истеъмолчиларга қайтарилади.
Ўзбекистондаги барча сиёсий партияга парламент сайловларида қатнашиш учун рухсат берилди
Марказий сайлов комиссияси барча сиёсий партияга Қонунчилик палатаси ва маҳаллий кенгашлар депутатлар сайловида қатнашиш учун рухсат берди.
Ўзбекистонда 2023 йилда ҳайдовчилик гувоҳномаси йўқ шахслар 707 та ЙТҲ содир этди, уларда 212 киши вафот этди
Ўзбекистонда 2023 йилда ҳайдовчилик гувоҳномасидан маҳрум этилган шахслар қайта рулга ўтириб, 707 та ЙТҲ содир этди. Уларда 212 нафар шахс вафот этди, 546 нафар шахс жароҳатланди.
«Фарзандларингизни севсангиз, хавфсиз автоўриндиқлардан фойдаланинг» — АҚШ элчиси
«Газета.uz» АҚШ элчиси Жонатан Ҳеникдан Ўзбекистонда йўл ҳаракати хавфсизлиги соҳасидаги вазиятни қандай яхшилаш мумкинлиги ҳақида сўради. «Биринчи ва энг муҳими — хавфсизлик камарларини тақиш. Биз бекорга автомобилларни хавфсизлик камари билан жиҳозламаймиз», — деди у.
Фуқароларни Англияга жўнатишни ваъда қилган шахс қўлга олинди
Нуробод туманида 5 кишини Англияга ноқонуний ишга юбормоқчи бўлган шахс ушланди. У фуқаролардан бунинг учун 10 400 доллар олган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг