Архив
Марказий банк раиси — жаримага тортилаётган банклар номи нега очиқланмаётгани ҳақида
Марказий банк раиси Мамаризо Нурмуратов регулятор томонидан жаримага тортилаётган банклар номи нега очиқланмаётганини изоҳлади. «Аҳолида нотўғри тушунча шаклланмаслиги учун банкнинг ички фаолияти билан боғлиқ ҳолатларда чора кўрилган банклар номини эълон қилмасликка қарор қилдик», — деди у.
Наманган вилояти ҳокими «Навбаҳор» футбол клубига 2,5 млрд сўм ажратди
Наманган вилояти ҳокими Шавкатжон Абдуразаковнинг фармойиши билан «Навбаҳор» футбол клубига вилоят бюджети захира жамғармасидан 2,5 млрд сўм маблағ ажратилди.
Европа Иттифоқининг ёқилғидан чиқадиган CO2 эмиссияси сўнгги 60 йилдаги энг паст даражага етди
Европа Иттифоқида қазиб олинадиган ёқилғидан чиқадиган карбонат ангидрид (CO2) эмиссияси ўтган йили сўнгги 60 йилдаги энг паст даражага тушди. Бу натижага асосан «яшил» энергиядан фойдаланиш ҳисобига эришилди.
Ўзбекистонда дориларнинг телеканаллардаги рекламаси ССВ томонидан тасдиқланади
Президент қарорига кўра дорилар билан боғлиқ хавф-хатарларни аниқлаш ва уларга жавоб беришга қаратилган фармакологик назорат тизими яратилади. Дориларнинг телерадиоканаллардаги рекламаси ССВ томонидан тасдиқланади. Дори омборларида зарур сақлаш амалиёти (GSP) мажбурий бўлади.
Маҳаллалар уюшмасининг ҳудудий бошқармаларига раҳбарлар тайинланди (рўйхат)
Янги ташкил этилган Ўзбекистон маҳаллалари уюшмасининг ҳудудий бошқармаларига бошлиқлар тайинланди. Улар орасида вазир, собиқ ҳокимлар, ҳоким ўринбосарлари, бошқарма бошлиқлари ва бошқалар бор. Рўйхат.
ЕТТБ Ўзбекистон учун янги беш йиллик стратегияни тасдиқлади
ЕТТБ Ўзбекистон учун янги беш йиллик стратегияни тасдиқлади. Ундаги асосий устуворликларга декарбонизация, сувни тежаш ва қайта тикланадиган энергия манбаларини қўллаб-қувватлаш, хусусий секторни ривожлантириш, иқтисодий бошқарув ва ишбилармонлик муҳитини яхшилаш киради.
Тошкентда 2023 йилда жамоат автобусларидан 241,7 млн марта фойдаланилди
Тошкент шаҳрида 2023 йил давомида жамоат автобуслари кунига ўртача 662,3 мингдан ортиқ йўловчига хизмат кўрсатди. Умумий ҳисобда йил давомида автобуслардан 241,7 млн марта фойдаланилди.
Дам олиш кунлари ёмғир ёғиши кутилмоқда
Шанба куни Ўзбекистонга Туркманистондан илиқ ва нам ҳаво массалари кириб келиб, айрим жойлардагина ёғингарчилик бўлади. Ҳарорат кечаси −2…−5 даражагача пасаяди, кундузи +10 даражагача етади. Якшанбада ёмғир республиканинг барча ҳудудларига тарқалади. Тоғли ҳудудларда қор кўчиши хавфи бор.
Эрдоған Швециянинг НАТОга аъзо бўлишини маъқуллади
Швециянинг НАТОга аъзо бўлиши ҳақидаги ҳужжат Туркия президенти Ражаб Тоййиб Эрдоған томонидан имзоланди. Швециянинг альянсга қўшилиш аризасини ратификация қилмаган фақатгина Венгрия қолди.
Фарғонада 25 сотих ерни 160 минг долларга сотмоқчи бўлган эркак ушланди
Бувайда туманида маиший хизмат кўрсатиш шохобчаси учун ажратилган 25 сотих ерни ҳужжатларсиз 160 минг долларга сотмоқчи бўлган шахс қўлга олинди.
Сардор Рустамбоев Ўзбекистоннинг Ҳиндистондаги элчиси бўлди
Сардор Рустамбоев Ўзбекистоннинг Ҳиндистондаги элчиси этиб тайинланди. У 2018 йилдан буён мамлакатнинг Франциядаги элчиси сифатида ишлаб келаётганди.
Тошкентда автобусларни тозаламаган механиклар жаримага тортилди
Пойтахтда санитар ҳолати талаб даражасида бўлмаган 80-сонли автобуслардан бири йўналишга чиқарилгани аниқланди. Хизмат вазифасига совуққонлик билан қараган навбатчи механикларга ўртача ойлик маошининг 20 фоизи миқдорида жарима қўлланилди.
Шаҳрихон бозоридаги ёнғинни 20 та қутқарув бригадаси ўчирди
Андижон вилояти Шаҳрихон туманидаги кийим-кечак бозорида кучли ёнғин содир бўлди. Воқеа жойига 20 та қутқарув бригадаси етиб келган, ёнғин икки соатдан кўпроқ вақт давомида ўчирилган. Жабрланганлар йўқ.
Японияда аниме студиясига ўт қўйган шахс ўлимга ҳукм қилинди
Япония суди 2019 йилда Kyoto Animation аниме студиясига ўт қўйишда айбланган шахсни ўлимга ҳукм қилди. Ёнғин оқибатида 36 киши ҳалок бўлган, 30 дан ортиқ киши жароҳатланганди. Воқеа мамлакатдаги энг даҳшатли қирғинлардан бирига айланган. Судланувчи студия унинг ишини ўғирлаган деб ҳисоблаган.
1 апрелдан чиқинди хизматлари нархига ҚҚС ҳисобланади
2024 йил 1 апрелдан бошлаб чиқиндиларни тўплаш ва олиб чиқиб кетиш хизматлари учун ноль ставка бўйича солиқ солиш бекор қилинади. Санитар тозалаш нархлари қийматига 12 фоиз ҚҚС солинади. Бу Тошкент шаҳрида 8400 сўмни ташкил қилади.
25 январь куни эълон қилинган энг муҳим янгиликлар дайжести
Президентга совға қилинган BYD автомобили, Тошкентда йўлга қўйилиши мумкин бўлган канат транспорти, 14 фоиз даражада қолдирилган асосий ставка ва бошқалар — «Газета.uz»нинг кунлик дайжестида.
Африка дунёнинг терроризм марказига айланиб қолди — БМТ раҳбари
Бир неча йил ичида Африка тез кенгайиб бораётган терроризмнинг глобал марказига айланиб қолди, деди БМТ раҳбари. У халқаро ҳамжамиятни бу «жаҳаннамга қарши у назорат остидан чиқиб кетмай туриб, ҳозир курашишга» чақирди.
Тошкент ва Самарқандда фуқароларни АҚШ, Канада ҳамда Францияга жўнатишни ваъда қилганлар қўлга олинди
Тошкент шаҳри ва Самарқанд вилоятида фуқароларни АҚШ, Канада ва Францияга жўнатишни ваъда қилганлар қўлга олинди. Улар хизматлари учун 32 минг долларгача пул талаб қилган.
Самарқанддан Хоразмга цемент қопларида 10 килограммга яқин опий ташилгани аниқланди (видео)
Самарқанддан Урганчга олиб борилган цемент қопларидан 9,7 килограмм опий топилди. Маълум бўлишича, гиёҳвандлик моддаси Тожикистондан олиб ўтилган.
Ёмғир ёғиши билан Тошкент шаҳрида ҳавонинг ифлосланиши камайди
Тошкент шаҳрида ҳавонинг PM2,5 зарралари билан ифлосланганлик даражаси эрталаб ЖССТ тавсия қилган меъёрдан 21 баравар ошиб кетганди (104,8 мкг/м3). Куннинг иккинчи ярмида бошланган ёмғирдан кейин ҳаво сифати «зарарли»дан «ўртача» даражага кўтарилди ва PM2,5 кўрсаткичи 30 дан пастга тушди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг