Архив
Ўзбекистонда Қурбон ҳайити 16 июнда нишонланади
Президент қарорига кўра, Қурбон ҳайити 16 июнь — якшанба куни нишонланади. Ҳафтасига 5 кун ишлайдиган ўзбекистонликлар кетма-кет 4 кун дам олади: 17 июнь кўчирилган дам олиш куни, 18 июнь эса барча ходимлар учун қўшимча дам олиш куни бўлади.
БМТ Хавфсизлик кенгаши АҚШнинг Ғазода ўт очишни тўхтатиш бўйича резолюция лойиҳасини қабул қилди
БМТ Хавфсизлик кенгаши АҚШ президенти Жо Байденнинг Ғазо секторида ўт очишни тўхтатиш ва гаровга олинганларни озод қилиш режасига розилик билдиришга чорловчи резолюция лойиҳасини қабул қилди. Овоз беришда қатнашган мамлакатларнинг 14 таси ҳужжатни ёқлади.
Тожикистондаги зилзила кучи яна Ўзбекистон жанубида сезилди
Тожикистонда содир бўлган 4,3 магнитудали зилзила кучи Сурхондарё вилояти туманларида 2−3 балл даражасида сезилди. Ер силкиниши бир кун аввал ҳам худди шу ҳудудларда қайд этилганди.
Бухорода боласини 2 йилдан буён калтаклаб келган аёл 3 йилга қамалди
Шофиркон туманида боласини икки йилдан буён калтаклаб, қийнаб келган аёл 3 йилга озодликдан маҳрум қилинди. 6 ёшли болага васий тайинланиб, унга топширилди. Болалар омбудсмани аёлни оналик ҳуқуқидан маҳрум қилиш масаласи ҳам кўрилаётганини билдирди.
«Вазият назорат остида». «Ҳисорак» сув омборидан сув сизиб чиқди (+видео)
Қашқадарёдаги «Ҳисорак» сув омборидаги техник тадбирлар вақтида тўғондан сув сизиб чиқди. ФВВ ҳодисада ҳеч ким жароҳатланмагани, сув омборига шикаст етмагани ва вазият тўлиқ назорат остида эканини билдирди.
10 июнь куни эълон қилинган энг муҳим янгиликлар дайжести
Электромобилни уйда қувватлантириш учун тунги тарифлар, «Яшил макон» доирасида экилмай, қўшиб ёзилган 1 млн кўчат, 10 июнь — Цивилизациялар ўртасидаги мулоқот куни, Қозоғистондаги рейдларда ушланаётган ўзбекистонликлар ва бошқалар — «Газета.uz»нинг кунлик дайжестида.
Президент: «Энергияни тежаш йўқотишларни камайтириш ҳисобига бўлиши шарт»
Президент иссиқ ойларда объектларни совутишга қишдаги билан бир хил энергия сарфланаётганини таъкидлаб, айрим бинолар учун энергия самарадорлиги бўйича техник шартлар ишлаб чиқишни топширди. «Тежаш йўқотишларни камайтириш, тежамкор технологияларни жорий қилиш ҳисобига бўлиши шарт», — деди у.
«ҲЭТ» электр энергияси истеъмолининг кунлик нормаси мавжудлигини рад этди
«Ҳудудий электр тармоқлари» электр энергиясининг кунлик нормаси 6,6 кВт/соатни ташкил этиши ҳақидаги хабарларни рад этди.
Кўмир импорти учун уч йил муддатга револьвер кредитлар бериш режалаштирилмоқда
Президент электр энергияси ишлаб чиқаришни кўпайтириш бўйича кўрсатмалар берди. Унга кўра, мазут ва кўмир 2 йилга бождан озод қилинади, кўмир импорти учун 3 йилга револьвер кредитлар берилади. 1 октябргача 600 минг тонна кўмир ва 350 минг тонна мазут захирасини яратиш вазифаси қўйилди.
Павел Дуров ёзда Марказий Осиёга келишни режалаштирмоқда
Telegram асосчиси Павел Дуров ёзда Марказий Осиёга келишни режалаштирмоқда. Унинг сўзларига кўра, саёҳатдан мақсад — одамлар Telegram`дан қандай фойдаланиши ва уларнинг рақамли эҳтиёжлари қандай эканини ўрганиш.
«Саидазиз медгородок» ва яна 28 кишига нисбатан суд бошланади
11 июнь куни «Саидазиз медгородок» номи билан танилган Саидазиз Саидалиев, шунингдек, яна 28 кишига нисбатан суд жараёни бошланади. Улар Жиноят кодексининг товламачилик, фирибгарлик, безорилик, жиноий уюшма ташкил этиш каби жами 14 та моддаси бўйича айбланмоқда.
Ўзбекистонда электромобилни уйда қувватлашни рағбатлантирувчи тунги тариф жорий қилинади
Ўзбекистонда электромобилни хонадонда қувватлантириш учун рағбатлантирувчи тунги тариф жорий этилади. Бунда қувватлаш ускунасига ҳисоблагич ўрнатганлар машинасини тунги вақтда қувватлантиргани учун электр энергиясига арзон тарифда ҳақ тўлайди.
«Яшил макон» лойиҳаси доирасида 1 миллиондан ортиқ экилмаган кўчат ҳисоботларга қўшиб ёзилгани аниқланди
Бош прокуратура «Яшил макон» умуммиллий лойиҳаси доирасида 541 та ҳолатда амалда экилмаган 1 миллиондан зиёд кўчатлар ҳисоботларга қўшиб ёзилганини аниқлади. Шунингдек, 441 та ҳолатда 580 минг туп кўчатлар суғориш тизими мавжуд бўлмаган жойларга экилган.
Тошкент шаҳри Транспорт бош бошқармасига бошлиқ тайинланди
Фазлиддин Бахромов Тошкент шаҳри Транспорт ва йўл-транспорт инфратузилмасини ривожлантириш бош бошқармаси бошлиғи этиб тайинланди.
ITPU талабалари Испанияда амалиёт ўташ борасидаги таассуротлари билан ўртоқлашди
IT Park University`нинг аълочи талабалари май ойида Испанияда амалиёт ўтади. Улар ўз тажрибалари ҳақида сўзлаб берди, шунингдек, бир қатор тренинг ҳамда семинарлардан олган таассуротлари билан ўртоқлашди.
Ўзбекистон Туркия тажрибаси асосида тоғ-адирларни ўзлаштиради
Президент ҳузурида Туркия ва Саудия Арабистони билан иқтисодий ҳамкорлик режалари кўриб чиқилди. Биринчи давлат билан тўқимачилик, чарм ва электротехника маҳсулотларига божларни пасайтириш, иккинчиси билан транспорт, рақамлаштириш ва энергетика соҳаларидаги лойиҳаларни амалга ошириш режалаштирилган.
Россиянинг Харьковдаги ҳужуми «боши берк кўчага кириб қолди» — Bloomberg
Россиянинг Харьков вилоятида янги фронт очишга уриниши «боши берк кўчага кирди» ва Украинага қурол-яроғ етказиб бериш қайта тикланиши фонида «Россия ютуғи учун ойналар ёпилиб бормоқда», — деб ёзмоқда Bloomberg нашри.
Қозоғистонда ноқонуний миграция бўйича рейдларда 27 нафар ўзбекистонлик ушланди
Қозоғистоннинг Олмаота шаҳрида ноқонуний миграция бўйича рейдларда 27 нафар ўзбекистонлик ушланди. Улардан 3 нафарига маъмурий жавобгарлик тайинланди, қолганлари иш жойига қайтарилди. Мамлакат бўйлаб миграция ҳуқуқбузарликларини аниқлаш мақсадида «Нелегал-2024» рейд тадбирлари ўтказилмоқда.
«Менинг боғим» лойиҳасига старт берилди
Иқтисодиёт ва молия вазирлиги «Менинг боғим» лойиҳасига старт берилганини маълум қилди. Бу орқали бюджетдан «Яшил макон» лойиҳасига ажратиладиган маблағларнинг камида ярми жамоатчилик фикри асосида шаклланган лойиҳаларни молиялаштиришга йўналтирилади.
Тошкентда кабель тармоғидаги ёнғин сабаб айрим давлат хизматларини кўрсатишда узилишлар юзага келди
Ички ишлар вазирлиги биноси яқинида ерости кабелида юз берган ёнғиндан сўнг паспорт ва манзил билан боғлиқ хизматларни кўрсатишда узилишлар кузатилмоқда, деб хабар қилди Адлия вазирлиги ва Тошкент шаҳар ИИББ. Шунингдек, яқин атрофдаги аҳоли пунктларида электр энергияси вақтинча узилган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг