Архив
«Ҳукумат ва фуқаролик жамиятининг ҳаракатлари керак». АҚШ элчиси — Тошкентдаги ҳаво сифати ҳақида
АҚШ элчиси Жонатан Хеник ва USAID миссияси раҳбари Дэвид Хофман Тошкент ҳавоси ҳақида гапирди. «Ҳар ким буни шахсий муаммо сифатида қабул қилиши керак, чунки бу барчага — „сиз, оилангиз ва фарзандларингизга“ тааллуқли. Шунингдек, ҳукуматни муаммони ўрганиб, чора кўришга ундаш зарур», — деди элчи.
«Капитал суғурта» жаримага тортилди ва фаолияти вақтинча тўхтатилди
«Капитал суғурта» қонунчиликда белгиланган меъёрларга риоя қилинмагани сабаб 162 млн сўм миқдорида жаримага тортилди. Шунингдек, суғурта фаолиятини амалга ошириш бўйича берилган лицензияси 11 январь санасидан бошлаб 10 кун муддатга тўхтатилди.
Фарғонада электрдан ноқонуний фойдаланган корхона 4 млрд сўм жаримага тортилди
Қўқонда қандолатчилик корхонасида электрга майнинг қурилмалари уланиб, ноқонуний равишда фойдаланиб келинаётгани аниқланди. Тадбиркорга жами 4 млрд сўмлик қоидабузарлик далолатномаси расмийлаштирилди.
11 январь тонгида ҳам Тошкент ҳавоси зарарлилигича қолмоқда
Эрталаб Тошкент ҳавосидаги РМ2,5 зарралари кеча кечки пайтдаги билан солиштирганда бироз ўзгарди — 85,5 мкг/м3 ёки ЖССТ тавсияларидан 17 баравар юқори. Шаҳардан куюнди ҳиди келмоқда.
«Ўзсаноатқурилишматериаллари» — цемент ишлаб чиқариш учун солиқ ставкаси пасайтирилгани ҳақида
«Ўзсаноатқурилишматериаллари» уюшмаси цемент ишлаб чиқарувчи корхоналар учун оҳактош бўйича солиқ ставкаси қарийб 4 баравар камайтирилганига изоҳ бериб, бу чора маҳаллий заводларнинг рақобатбардошлигини оширишга қаратилганини яна бир бор таъкидлади.
Эски ТошМИдаги собиқ кадет корпусининг тарихий биносида демонтаж ишлари олиб борилмоқда
Эски ТошМИдаги собиқ кадетлар корпуси биноси профнастил панжара билан ўралди, ҳудудда демонтаж ишлари бошланди. Бино Россия тиббиёт университети филиали учун тайёрланмоқда. Шаҳар маданий мерос бошқармаси реконструкция лойиҳасини ҳали тасдиқлагани йўқ, аммо «ишни назорат қилмоқда».
10 январь куни эълон қилинган энг муҳим янгиликлар дайжести
Шамолда томи учиб кетган ҳокимлик биноси, ўзбек-қозоқ чегараси ҳақида ёзган Назарбоев, Тошкентнинг «ташриф қоғози»га айланадиган бозорлар, Латвияда машҳурликка эришган ўзбекистонлик курьер, кешбэк тизимига киритилаётган чеклов ва бошқалар — «Газета.uz»нинг кунлик дайжестида.
2024 йил тарихдаги энг иссиқ йил бўлиши мумкин — олимлар
Олимларнинг фикрича, жорий 2024 йил 2023 йилдаги рекорд даражадан ҳам иссиқроқ бўлиши мумкин. Бу Эль-Ниньо, яъни Тинч океанининг экваториал қисмида сув сатҳидаги ҳароратнинг аномал кўтарилиши билан боғлиқ. Ушбу ҳодиса ўтган йилги ҳароратга ҳам таъсир қилганди.
«Док-1 Макс» иши бўйича суд: Сардор Кариев терговда унга руҳий ва жисмоний тазйиқ ўтказилганини айтди
Фармацевтика агентлиги собиқ раҳбари Сардор Кариев «Док-1 Макс» иши бўйича терговда унга тазйиқ ўтказилганини билдирди.
Ўзбекистон ва Туркия ҳуқуқ-тартибот идоралари одам савдосида айбланаётган «Мадам Клод»ни қўлга олди
Ўзбекистон ва Туркия ҳуқуқ-тартибот идоралари «Мадам Клод» номи билан танилган Нилуфар Мирхановани қўлга олди. У одам савдосида айбланиб қидирувга берилган эди. Айбланувчи Ўзбекистонга депортация қилинди.
Тошкент ва Наманган вилоятларида қор кўчиш хавфи эълон қилинди
11−16 январь кунлари Тошкент ва Наманган вилоятларининг тоғли ҳудудларида қор кўчиш хавфи эълон қилинди. Аввалроқ Ўзгидромет 11 январдан Ўзбекистон ҳудудига нам ва салқин ҳаво кириб келиши, тоғли ҳудудларда қор ёғишидан огоҳлантирганди.
Цемент ишлаб чиқарувчиларга имтиёзлар берилди. Бунинг атроф-муҳит ва инсон саломатлигига таъсири муҳокама қилиниши керак
Цемент ишлаб чиқарувчилар учун ер қаъридан фойдаланганлик солиғи миқдори режа қилингани каби 2 баравар эмас, 4 бараварга пасайтирилди. Қарор иқтисодий рағбатлантириш дея изоҳланди, аммо бу рағбатнинг атроф-муҳит ва инсон соғлиғига таъсири атрофлича муҳокама қилинмади. «Газета.uz» масалани ўрганди.
Бир фоизли кешбэк бериладиган ойлик харидлар суммасига чеклов киритилмоқда
Энди харидорлар бир ойда сотиб олган товарлар (хизматлар) қийматининг фақат БҲМнинг 60 бараваридан ошмаган қисми учун 1 фоизли кешбэк олиши мумкин бўлади. Бу айни вақтда ойига 204 минг сўмдан кўп кешбэк ололмасликни англатади. Олдин бу бўйича максимал сумма белгиланмаганди.
Салим Абдувалиев қирғизистонлик депутатга нисбатан Ўзбекистонда қўзғатилган жиноят ишлари бўйича сўроқ қилинган
Ўзбекистон ва Қирғизистон ҳуқуқ-тартибот идоралари Қирғизистон парламенти депутати Эмиль Жамғирчиевга нисбатан қўзғатилган жиноий иш доирасида тадбиркор Салим Абдувалиевни биргаликда сўроқ қилган. Депутат Қирғизистонда «тартибни тиклаш» учун «Салимбой»дан ёрдам сўраган, деди республика МХДҚ раҳбари.
«Ижтимоий ҳимоя ягона реестри»га кирганлар сотиб олганда ҚҚС қайтариладиган товарлар рўйхати кенгайди
«Ижтимоий ҳимоя ягона реестри»га киритилган жисмоний шахсларнинг харидлари учун ҚҚС қайтариб бериладиган товарлар рўйхатига ун, шакар, дори воситалари ва тиббий хизматлар ҳам киритилди.
Тошкентда эркак онасининг энагасини калтаклади
Пойтахтнинг Янгиҳаёт туманида маст эркак онасининг энагасини калтаклади. Ҳолат бўйича жиноят иши қўзғатилиб, тергов ҳаракатлари олиб борилмоқда.
Олимжон Тўйчиев Турин политехника университетига ректор бўлди
Инновацион ривожланиш агентлиги директори сифатида ишлаб келган Олимжон Тўйчиев Турин политехника университетига ректор этиб тайинланди.
Форишда кучли шамол ҳокимлик биносининг томини учириб юбориши оқибатида 6 та машина шикастланди
Жиззах вилоятининг Фориш тумани ҳокимлиги биноси томи кучли шамол сабаб учиб кетди. Томнинг тунука ва тахталари ҳокимият автотураргоҳида турган 6 та автомобиль устига тушиб, зарарлади.
Шаҳрисабз ва Паркент туманларида дам олиш масканлари қурилади
Шаҳрисабз ва Паркент туманларида тоғ туризми учун дам олиш масканлари қурилиши режа қилинмоқда. Шунингдек, Қашқадарёдаги Майданак платосида енгил конструкцияли ҳостеллар қуриш, мавжуд биноларни савдо ва хизмат кўрсатиш учун қайта фойдаланишга топшириш, ҳудудни ободонлаштириш режалаштирилмоқда.
Эквадорда қуролли ҳужумлар ортидан фавқулодда ҳолат эълон қилинди. Асосий маълумотлар
Эквадорда телеканалга жонли эфир вақтида қуролли шахслар бостириб кириб, ходимларни гаровга олди ва «мафия билан ўйнашмасликни» айтди. Мамлакатда ҳужумлар сабаб 10 киши ҳалок бўлди. Президент «ички қуролли конфликт» режимини эълон қилди. Аввалроқ йирик жиноий гуруҳ раҳбарлари қамоқдан қочганди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг