Архив
Тошкент шаҳридаги 50-мактабда ёнғин содир бўлди
Тошкент шаҳри марказидаги 50-мактабда ёнғин содир бўлди. Унинг майдони 10 квадрат метрни ташкил этди. Қурбонлар йўқ, деб хабар берди ФВВ.
Ўзбекистонда 6 ойда ўртача ойлик иш ҳақи 4,3 млн сўмни ташкил этди — Статистика агентлиги
Статистика агентлигининг ҳисоботига кўра, Ўзбекистонда январь-июнь ойларида ўртача ойлик иш ҳақи 4,3 млн сўмни ташкил этган. Иш ҳақининг энг юқори кўрсаткичлари Тошкент шаҳри (7 миллион сўм), Навоий вилояти (5,6 миллион сўм) ва Тошкент вилоятида (4,3 миллион сўм) кузатилган.
Бухорода 2 шахс фуқарони техникумга ўқишга киритиш эвазига $1000 олгани айтилмоқда
Шофиркон туманида 2 шахс фуқарони юқори ваколатли танишлари орқали жамоат саломатлик техникумига ўқишга киритиб қўйишни ваъда қилиб, ундан 1000 доллар олганликда гумонланмоқда. Ҳолат тергов остида.
Нукус ИИБнинг собиқ бошлиғи Нукус туманига ҳоким бўлди
Зияуатдин Заитов Нукус тумани ҳокими этиб тасдиқланди. У бунгача Чимбой тумани ИИБ бошлиғи, Қўнғирот тумани ҳокими, Вазирлар Кенгаши раисининг биринчи ўринбосари лавозимларида ишлаган. Ўтган йилнинг июль воқеалари вақтида Нукус шаҳри ИИБни бошқарган.
Оториноларингология илмий-амалий тиббиёт маркази ташкил этилади
1 сентябрдан юридик шахс мақомига эга бўлган Республика ихтисослаштирилган оториноларингология ва бош-бўйин касалликлари илмий-амалий тиббиёт маркази ташкил қилинади. 2024/2025 ўқув йилидан марказда оториноларингология ихтисослиги бўйича кадрларни клиник ординатура орқали тайёрлаш ташкил қилинади.
Дунёда ҳар йили 1,3 миллионга яқин одам тамаки тутунидан вафот этмоқда — ЖССТ
Тамаки назорати соҳасида ижобий ўзгаришлар бор, аммо унинг истеъмоли «жамоат саломатлиги учун асосий таҳдидлардан бири» бўлиб қолмоқда, дейилади ЖССТ ҳисоботида. Ҳар йили дунёда 1,3 миллионга яқин одам пассив чекиш (тамаки тутуни) қурбони бўляпти.
Фарғонада эркак телефонига жавоб бермаган Yandex ҳайдовчисининг машинасини шикастлади
Фарғона шаҳрида эркак телефонига жавоб бермаган Yandex ҳайдовчиси машинасининг ойналарини тош билан синдирди. 22 ёшли ҳайдовчи буюртмачининг манзилига келганида телефони ўчиб қолган ва у билан боғланолмаган. Машинага етказилган моддий зарар миқдорини аниқлаш бўйича экспертиза тайинланди.
Ташландиқ жойда қандай қилиб яшил боғ барпо этиш мумкин? Репортаж
Яшнобод тумани Алимкент кўчасидаги собиқ трамвай йўллари ўрни кўплаб йиллар мобайнида ташландиқ ҳолатга келиб қолди. Ҳозир эса бу ерда — дарахтлар, буталар ва узумлар экилган. Биз унга ким ғамхўрлик қилаётгани ва одамлар тошга айланган шаҳардаги янги оазис ҳақида қандай фикрдалигини ўргандик.
Банкларда доллар курси 11 690 сўмга етди
Тижорат банклари 2 август куни аҳолидан 1 АҚШ долларини 11 575−11 630 сўмдан сотиб олмоқда, сотув курси эса 11 670−11 690 сўм.
«Туркманистон» авиакомпанияси дронлар ҳужумидан сўнг Москвага парвозларни тўхтатди
Москвага дронлар ҳужумидан сўнг «Туркманистон» авиакомпанияси Россия пойтахтига парвозларни тўхтатди. Қарор «парвоз хавфсизлигини таъминлаш мақсадида хавфни баҳолаш» асосида қабул қилинган.
UNG Petro шохобчаларида Аи-92 бензини нархи ошди
«Ўзбекнефтгаз» АЖга қарашли UNG Petro ёнилғи қуйиш шохобчаларида Аи-92 бензинига чегирмалар якунланди. Унинг бир литри энди 7500 сўм эмас, 8600 сўмни ташкил этмоқда.
Сенат қатор қонунларга ўзгартиш ва қўшимчалар киритиш масаласини кўриб чиқади
Сенатнинг 4 августдаги ялпи мажлисида «Адвокатура тўғрисида», «Волонтёрлик фаолияти тўғрисида», «Ҳайвонот дунёсини муҳофаза қилиш ва ундан фойдаланиш тўғрисида»ги ҳамда крипто-активлар айланмаси соҳасида лицензиялаш ва рухсат бериш тизимини яхшилашга оид қонунларга ўзгартириш киритиш кўриб чиқилади.
1 август куни Ўзбекистонда содир бўлган энг муҳим воқеалар дайжести
1 августдан кучга кирадиган ўзгаришлар, тест синовларидан чиққан абитуриентлар, пора билан ушланган санъат ва маданият институти бўлим бошлиғи, блогер Абдуқодир Мўминовнинг суд иши тафсилотлари, июль ойида 9 фоиздан пастга тушган йиллик инфляция ва бошқалар — «Газета.uz»нинг кун дайжестида.
Энергетика вазирлиги Ўзбекистонда электр энергияси узилиши сабабларини санаб ўтди
Ўзбекистон ёқилғи-энергетика комплексидаги «оғир вазият» туфайли деярли барча ҳудудларда куннинг маълум вақтларида электр энергиясини узишга тўғри келмоқда, деяб хабар қилди Энергетика вазирлиги. Чекловлар таъмирлаш ишлари, йирик аварияларнинг олдини олиш ва бошқа омиллар билан изоҳланди.
Рублнинг қадрсизланиши Ўзбекистон иқтисодиётига қандай таъсир қилади?
Россия рублининг қадрсизланиши Россиядан Ўзбекистонга пул ўтказмалари ҳажмига, шунингдек, ўзбекистонлик экспортёрлар даромадига салбий таъсир қилади, дея маълум қилди Марказий банк раҳбари Мамаризо Нурмуратов.
Ўзбекистон халқ артисти Нуриддин Ҳамроқулов 77 ёшида вафот этди
Ўзбекистон халқ артисти Нуриддин Ҳамроқулов 77 ёшида вафот этди. «Оламни асранг», «Раъно», «Сой кўрдим», «Ажаб сирлар» сингари юзлаб қўшиқлар ижрочиси бўлган санъаткор 1987 йилда «Ўзбекистон халқ артисти» унвони, 2020 йилда «Дўстлик» ордени билан тақдирланган.
Автомобилсозликми ё бошқами, ҳимоядаги соҳанинг бефойдалиги аҳолига вақт ўтиб сезилади — Миркомил Холбоев
Иқтисодчи Миркомил Холбоев «Мифономика» подкастининг протекционизмга бағишланган сонида қайсидир соҳа узоқ вақт ҳимоя қилинса, вақт ўтиши билан аҳоли унинг фойдасизлигини сезишини таъкидлади. «Масалан, 2000 йилда одамларимизда бизга автомобиль заводи керакми, деган савол бўлмаган», — деди у.
Расул Кушербаев нима учун ЎзЛиДеПдан кетишга қарор қилганини айтди
Расул Кушербаев ЎзЛиДеП партиясидан «ўз ўрнини кўрмаётгани учун» кетишга қарор қилганини айтди. У буни узоқ вақтдан бери режалаштирганини билдирди. Интернетда тахмин қилинганидек, унинг бошқа партияга аъзо бўлиш режаси ҳозирча йўқ.
Ўзбекистон ва Жанубий Корея мудофаа вазирлари ҳамкорликни муҳокама қилди
Ўзбекистон Мудофаа вазири Баҳодир Қурбонов Тошкентда жанубий кореялик ҳамкасби Ли Жонг Суп билан учрашди. The Korea Herald нашри учрашувдан мудофаа ва қурол-яроғ саноати соҳасидаги ҳамкорликни ривожлантириш мақсад қилингани ҳақида ёзди.
Қонунчилик палатаси томонидан «Педагогнинг мақоми тўғрисида»ги қонун лойиҳаси қабул қилинди
«Педагогнинг мақоми тўғрисида»ги қонун лойиҳаси Қонунчилик палатаси депутатлари томонидан қабул қилинди. Май ойида ушбу қонун лойиҳаси «яна ҳам такомиллаштириш кераклиги» сабаб фақатгина концептуал тартибда қабул қилинганди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг