Архив
Ўзбекистон Озарбайжон билан 500 млн долларлик қўшма инвестиция жамғармасини ташкил этади
Ўзбекистон-Озарбайжон ҳудудлараро форумида ўзаро савдо ва иқтисодий ҳамкорликни ривожлантириш бўйича 11 та ҳужжат имзоланди. Томонлар лойиҳаларни ўз вақтида молиялаштириш учун $500 млнлик қўшма инвестиция жамғармасини ташкил этишга келишиб олди.
Жиззахда ота қизининг синфдошларини калтаклади
Жиззах шаҳридаги 11-мактабда ота қизининг 3 нафар синфдошини калтаклади. Воқеага болаларнинг қизга гап отгани сабаб бўлгани айтилмоқда. Ҳолат бўйича жиноят иши қўзғатилди.
Фарғона, Қашқадарё, Хоразм ва Самарқандда содир бўлган ЙТҲларда 6 киши вафот этди
16−23 февраль кунлари Фарғона, Қашқадарё, Хоразм ва Самарқанд вилоятларида ўлим билан боғлиқ 4 та ЙТҲ содир бўлди. Уларда 6 нафар инсон вафот этди.
Ҳафта давомида ҳарорат аста-секин кўтарилади
Ўзбекистонда ҳафта давомида ҳаво аста-секин исиб, ҳарорат кундузи +22 даражагача етади. 27−28 февраль кунлари тоғларда қор кўчиши хавфи бор. 3 мартда эса Кавказ ҳудудларидан бироз нам ҳаво кириб келиши ҳисобига баъзи жойларда ёмғир ёғади.
Фото: Қорақалпоғистонликлар «Жуўери гуртик» кунини нишонлади
Қорақалпоғистонликлар илк бор миллий таом — жуўери гуртик байрамини ўтказди. Ташаббус жамоатчилик томонидан илгари сурилди. Таомнинг энг катта порцияси Нукусдаги президент мактабида тайёрланди. Байрамни бошқа мамлакатларда яшовчи қорақалпоғистонликлар ҳам нишонлади.
Сардор Умурзаков Қатар амирига президент мактубини етказди
Ўзбекистон президенти Администрацияси раҳбари Сардор Умурзаков Қатар амири Шайх Тамим бин Ҳамад Ол Сонийга Шавкат Мирзиёевнинг мактубини етказди. Унда икки томонлама муносабатлар ҳақида сўз борган.
Қозоғистон Хитойнинг Украинадаги уруш бўйича «тинчлик режаси»ни қўллаб-қувватлади
Қозоғистон Марказий Осиё давлатлари орасида биринчи бўлиб Хитойнинг «Украина инқирози»ни ҳал қилиш бўйича «тинчлик режаси»га муносабат билдирди. Аввалроқ Россия ташаббусни қўллаб-қувватлаган. Зеленский таклифда «тинчлик режаси»ни кўрмаган, Байден эса буни фақат Россия учун манфаатли деб ҳисоблайди.
«Ўзавтойўлбелги» корхонаси мансабдорлари 2,7 млрд сўмни талон-торож қилгани айтилмоқда
«Ўзавтойўлбелги» ДУК мансабдорлари 2 млрд 701 млн сўм миқдоридаги бюджет маблағларини талон-торож қилганликда гумонланмоқда. Улар ўзларига таниш фирмалар билан 9 млрд сўмлик шартнома тузиб, йўл белгиларини ясаш ва чизишда фойдаланиладиган маҳсулотларни қиммат нархларда харид қилган.
Ўзбекистонлик боксчилар «Странжа» турнирида 18 та медаль билан биринчи ўринни эгаллади
Болгарияда 74-бор «Кичик жаҳон чемпионати» номини олган «Странжа» турнири ўтказилди. Унда ўзбекистонлик боксчилар 7 та олтин, 5 та кумуш ва 6 та бронза олиб, умумжамоа ҳисобида яна 1-ўринни эгаллади. Ўтган йили улар турнирни 7 та медаль билан якунлаганди.
Транспорт вазирлиги Европага автотранспортда юк ташувчиларга мурожаат қилди
Ўзбекистон Транспорт вазирлиги Польша Беларусь билан чегарадаги назорат пунктини вақтинча ёпгани учун миллий ташувчилардан Европага юк ташувлари жараёнида ушбу ҳолатни инобатга олишларини сўради. Ҳозирда Литва орқали тўсиқларсиз ҳаракатланишни таъминлаш юзасидан музокаралар олиб борилмоқда.
Банкларда долларнинг сотиш курси 11 405 сўмгача кўтарилди
Тижорат банклари 27 февраль куни аҳолидан 1 АҚШ долларини 11 290 — 11 355 сўмдан сотиб олмоқда, сотиш курси эса аксарият банкларда 11 405 сўм.
Қорақалпоғистонда ўқувчиларга сифатсиз озиқ-овқат берилгани аниқланди
Кегейли туманидаги қатор мактабларда ўқувчиларга истеъмолга яроқсиз, зараркунандалар билан зарарланган озиқ-овқат берилгани, улар йўловчи транспортида етказиб берилгани аниқланди. Айбдорларга чора кўриш бўйича ишлар олиб борилмоқда.
АҚШ ва ЕИ Россияга қарши янги санкциялар киритди. «Мегафон» экспорт чекловлари остида қолди
АҚШ, ЕИ ва бошқа давлатлар Россияга қарши санкцияларни кенгайтирди. IT-компаниялар, банклар, жисмоний шахслар ҳам чекловлар остида қолди. Жумладан, МегаФонга нисбатан экспорт чекловлари жорий этилди. У санкциялардан уч кун олдин Ўзбекистондаги қўшма корхона таъсисчилари сафидан чиққан эди.
Қорақалпоғистондаги сув тошиши бўйича қатор мансабдорларга жиноят иши қўзғатилди
Тўрткўл туманида канал тошиши оқибатида уйлар ва экин майдонини сув босгани айтилганди. Ҳолат бўйича туман ирригация бўлими ва ирригация тармоқлари бошқармаси мансабдорларига жиноят иши очилди. Аввалроқ воқеага кемирувчилар сабабчилиги тахмин қилинганди.
Шавкат Мирзиёев ва Режеп Таййип Эрдоған телефон орқали мулоқот қилди
Шавкат Мирзиёев Режеп Таййип Эрдоған билан телефон орқали мулоқотда уни таваллуд куни билан табриклади. Шунингдек, зилзилалар муносабати билан яна бир бор далда сўзларини изҳор этди ва зарур ёрдамни кўрсатишга тайёрлигини тасдиқлади. Туркия етакчиси ҳам Ўзбекистонга чуқур миннатдорлик билдирди.
Бензин бозори
«Икки бармоқ 72-бензинни, олти бармоқ эса 66-бензинни англатаркан… Бу ер ҳар хил маркали машиналар билан тўлиб кетган… Бензинфурушлар ўз «говмушлари»ни соғиб сотаётгандек бемалол юришибди… Энг ёмони, давлатнинг минг-минг тонналаб ёқилғиси шу хил йўллар билан сув бўлиб кетяпти».
Хонанда Каниза «ахлоқсиз» видеолари учун лицензиясидан маҳрум этилди. У «Ўзбекконцерт»ни танқид қилди
Хонанда Каниза Аҳмедова «ахлоқсиз» видеолари учун лицензиясидан бир ойга маҳрум қилинди. Унинг айтишича, танқидларга сабаб бўлган видеода қўшиқчи «иштонсиз» бўлмаган, балки одамнинг тери рангидаги шим кийган. У «Ўзбекконцерт»ни танқид қилиб, маданият вазирининг «саройига» ташриф буюришини айтган.
Бағдод хотиралари: АҚШ босқинидан кейинги илк ойларда оддий ироқлик нималарни ҳис қилган?
АҚШ ҳарбийлари Ироққа бостириб кириб, Саддам Ҳусайн тузумини ағдарганига 2023 йил мартида 20 йил тўлади. Ироқлик журналистнинг хотирлашича, озодлик ҳавоси бир соатгина эсган, холос. Чунки «ҳеч қандай режа мазкур ноқонуний босқинни «озодликка олиб чиқиш»га айлантира олмасди».
Туркия зилзиладан кейин 612 кишига нисбатан тергов бошлади
Туркия ҳукумати зилзилалар оқибатида биноларнинг қулашига алоқадор пудратчилар, иш бошқарувчилар ва бошқалардан иборат 612 нафар кишига нисбатан тергов бошлади. Вайрон бўлган биноларнинг кўпчилиги сифатсиз материаллар ва усуллардан фойдаланган ҳолда қурилгани айтилмоқда.
Камида 5 йил иш стажи бор аёлларни ОТМга имтиҳонсиз қабул қилиш тартиби йўқ — Олий таълим вазирлиги
Тармоқларда 5 йил иш стажига эга бўлган хотин-қизлар ОТМга имтиҳонларсиз қабул қилиниши ҳақида хабарлар тарқалди. Олий таълим вазирлиги бундай тартиб йўқлигини, иш тажрибаси бор аёллар ҳам имтиҳон топшириши ва уларга 500 та базавий тўлов-контракт асосидаги квота ажратилишини билдирди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг