Архив
Иқтисодиёт вазирига янги ўринбосарлар тайинланди
ИМВда қатор тайинловлар амалга оширилди: МҲТИ директори Умид Абидхаджаев ва ДХШ лойиҳалари департаменти директори Илҳом Умрзаков вазир ўринбосарлари бўлди. Ғазнақўм раиси Мурод Бекберганович Пенсия жамғармасига раҳбар этиб тайинланди, унинг ўрнини эса вазир ўринбосари Абдулазиз Хайдаров эгаллади.
Тошкент вилояти ҳокимига оила ва аёллар бўйича янги ўринбосар тайинланди
Нилуфар Нормирзаева Тошкент вилояти ҳокимининг оила ва хотин-қизлар масалалари бўйича ўринбосари этиб тайинланди. У бунгача Янгийўл тумани ҳокимига ўринбосар бўлган.
Тошкент вилоятида эркак ва аёл номаълум моддадан заҳарланиб вафот этди (манба аниқланмоқда)
Ижтимоий тармоқларда янги турмуш қурганлар никоҳ тўйининг эртасига ис газидан вафот этгани ҳақида маълумот тарқалди. Бош прокуратура маълумотларига кўра, бирга яшаган жуфтлик номаълум моддадан заҳарланиб вафот этган.
ССП ва РТВ тунги бизнесни ривожлантириш учун ҳудудлар ажратишни таклиф қилди
Стратегик ислоҳотлар агентлигида тунги иқтисодиётни ривожлантириш масалалари муҳокама қилинди. ИМВ вакили тунги вақтда ишлашнинг ягона стандартларини ишлаб чиқиш, ИИВ уни назорат қилувчи алоҳида орган тузиш, ССП ва РТВ вакиллари эса бунинг учун ихтисослаштирилган ҳудудлар ажратишни таклиф қилди.
Жанубий Корея Конституциявий суди президентга импичмент ишини кўришни бошлади
Жанубий Корея Конституциявий суди президент Юн Сок Ёлга ҳарбий ҳолат жорий этишга урингани учун импичмент масаласини кўриб чиқишни бошлади. Судьялар уни лавозимидан четлаштириш ёки қайта тиклаш тўғрисида қарор қабул қилиши керак. Ҳуқуқ органлари Юнни исён кўтариш иши бўйича сўроққа чақирди.
Туманларда маҳалла банкирлари иш бошлайди
Президент туманларда маҳалла банкирлари фаолиятини йўлга қўйиш таклифини маъқуллади. Улар маҳалла бизнес имкониятларини ўрганади, аҳоли ғояларини лойиҳаларга айлантиради. Банклар, шунингдек, резидентларни кредит олиш, қайтариш, бизнес очиш ва маҳсулотини сотишга ўргатади.
Давлат банклари оилавий тадбиркорлик учун $1 млрд кредит жалб қилади
Ўзбекистонда 9 та давлат банкига 2025 йилда оилавий тадбиркорлик дастурини амалга ошириш учун 1 млрд доллар миқдорида кредит жалб этиш тавсия этилди. Кичик бизнесни қўллаб-қувватлаш мақсадида банклар томонидан 300 млн сўм миқдорида шартсиз кредитлар ҳам ажратилади.
«Бошпана сўраш ёки истеъфо ҳақида ўйламаганман». Башар Асад Москвадан мактуб йўллади
Сурия собиқ президенти Башар Асад Москвадан мактуб эълон қилиб, у «охиригача Сурияни тарк этмоқчи бўлмагани, бу воқеалар пайтида истеъфога чиқиш ёки бошпана сўраш ҳақида ўйламагани»ни айтди. Асаднинг таъкидлашича, айнан Москва уни мамлакатдан зудлик билан эвакуация қилишни сўраган.
Банкларга ҳаракатсиз мулкларни бозор қийматида тўғридан-тўғри сотишга рухсат берилади — президент
Президент банкларга ҳаракатсиз мулкларни бозор қийматида тўғридан-тўғри сотишга рухсат берилишини маълум қилди. Шавкат Мирзиёев ҳозирда банклар балансида 3 мингта ҳаракатсиз мулк борлиги, улардан тезроқ қутилса, қўшимча ресурс ва 150 минг иш ўрни яратиш учун захира пайдо бўлишини айтди.
Беш нафар болани уриб юборган (иккитаси ҳалок бўлган) ҳайдовчига ахлоқ тузатиш жазоси берилди
Cobalt ҳайдовчиси Янгийўлда 5 нафар болани уриб юборди, улардан 2 нафари ҳалок бўлди. Судья унинг жазосини енгиллаштириб, қамоқдан озод қилди. Бир ҳафтадан кейин айнан шу судья ўлим билан боғлиқ ЙТҲ содир этган бошқа ҳайдовчига икки йил озодликдан маҳрум қилиш жазосини тайинлади.
Европа Иттифоқи Россияга қарши 15-санкциялар пакетини қабул қилди
Европа Иттифоқи кенгаши Россияга қарши санкцияларнинг 15-пакетини маъқуллади. 54 нафар жисмоний шахс ва 30 та, жумладан, Хитой, Ҳиндистон, БАА ва бошқа мамлакатлар ташкилотлари чекловларга учради. Янги чоралар Россиянинг «соядаги флоти»га ҳам қаратилди.
Шавкат Аюпов Фанлар академиясига президент бўлди
Физика-математика фанлари доктори, сенатор Шавкат Аюпов Фанлар академияси президенти этиб сайланди. У бунга қадар академиянинг Математика институти директори бўлиб ишлаган.
Самарқанд вилояти ҳокимига янги ўринбосар тайинланди
Зебо Саидова Самарқанд вилояти ҳокимининг ўринбосари бўлди. У бунга қадар шаҳар ҳокими ўринбосари бўлиб ишлаган.
Ўзбекистон иқтисодий комплексидаги 297 нафар раҳбар ишдан олинди
Ўзбекистон иқтисодий комплексидаги 297 нафар раҳбар маҳаллаларда камбағалликни қисқартириш бўйича ишларда сусткашлик ва масъулиятсизликка йўл қўйгани учун ишдан олинди. «Маҳаллага тушиб, одамларимиз ва тадбиркорлар муаммосини ҳал қилмаган раҳбар ишламайди», — деди Шавкат Мирзиёев.
Ўзбекистонда 2025 йилда 600 минг кишига ижтимоий карта берилади
Президент кейинги йилда 600 минг киши ижтимоий карта билан таъминланишини маълум қилди. Ушбу карта билан электр, газ ва ўқиш харажатларига компенсация олиш мумкин бўлади.
Депутатлар чиқинди қарзлари учун электр тўловларини чеклаш масаласини муҳокама қила бошлади
Қонунчилик палатаси чиқинди хизматларидан қарз мавжуд бўлганда электр энергияси учун тўловни чеклашни назарда тутувчи қонун лойиҳасини кўриб чиқишга киришди. Депутат икки йилда барча коммунал хизматларни ва қарздорликни бирлаштирадиган ягона биллинг тизими яратилишини маълум қилди.
Ички аудит хизмати ходимларининг фаолияти самарадорлигини баҳолаш тартиби тасдиқланди
Ички аудит хизмати ташкил этилган вазирлик ва идоралар ҳамда ҳокимликлар масъул ходимлари фаолияти самарадорлигини баҳолаш тартиби белгиланди. Жараён ички аудит хизмати раҳбари томонидан ҳар чоракда амалга оширилади.
Қирғизистон ҳукумати раҳбари ишдан бўшади
Қирғизистон Вазирлар Маҳкамаси ва президент администрацияси раҳбари Акилбек Жапаров «бошқа ишга ўтиши муносабати билан ўз аризасига кўра» лавозимидан озод этилди. Жапаровнинг вазифаларини вақтинча бажариш Адилбек Касималиевга юклатилди.
Ўзбекистонда онлайн қимор ўйинлари ва букмекерликни ташкил этиш бўйича талаблар тасдиқланди. Асосий қоидалар
Ҳукумат Ўзбекистонда қимор ўйинлари, лотерея ва букмекерлик фаолиятини ташкил этиш учун талаб ва шартларни тасдиқлади. Ташкилотчилар учун лицензия муддати 5 йил этиб белгиланди, уларнинг устав капитали камида 56,25 млрд сўм бўлиши шарт. Шунингдек, бир қатор тақиқ ва чекловлар ҳам белгиланган.
Ҳафтанинг биринчи ярмида ёғингарчилик кузатилмайди
Ўзбекистонда ҳафтанинг биринчи ярми ёғингарчиликсиз ўтиши кутилмоқда. Ҳарорат кечаси -2, кундузи +7 даражагача кўтарилади. Жума куни баъзи жойларда қор ва ёмғир ёғади. Ўзгидромет шарҳи.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг