Архив
Шахматчи Нодирбек Абдусатторов сенсацион тарзда Магнус Карлсенни мағлуб этди
Гроссмейстер Нодирбек Абдусатторов Tata Steel Chess супертурнирида классик шахмат бўйича амалдаги жаҳон чемпиони Магнус Карлсен устидан сенсацион ғалабага эришди.
Даулетмурат Тажимуратов судда ўз ҳимояси учун нималар деди?
Тажимуратов судда унинг айбини тасдиқловчи далиллар тақдим этилмагани, амалдорлар фарқли кўрсатмалар берганини маълум қилди. У намойишларгача давлат органларидан жим турмасликни сўрагани ва мустақиллик учун уринмаганини айтди. Айни вақтда, «мустақилликни орзу қилиш жиноят эмас»лигини таъкидлади.
Ўзбекистонда 250 та микро ГЭС қурилиши режалаштирилмоқда
Ўзбекистонда микро ГЭСлар қуриш учун 250 та истиқболли участка аниқланди. Ҳисоб-китобларга кўра, улар йилига 675 млн киловатт-соат электр энергияси ишлаб чиқариш имкониятига эга бўлади. ГЭСлар ёнида гибрид ГЭСлар қуриш режалаштирилмоқда.
Жаҳонгир Ортиқхўжаев депутат ва сенаторлик дахлсизлигини сақлаб қолмоқда
Тошкентнинг собиқ ҳокими Жаҳонгир Ортиқхўжаев пойтахт ҳокимлигидан кетганидан сўнг унга дахлсизлик ҳуқуқини берувчи кенгаш депутати ва сенаторлик лавозимларини сақлаб қолмоқда. Хусусан, у Сенат ва Кенгашнинг розилигисиз жавобгарликка тортилиши, ҳибсга ёки қамоққа олиниши мумкин эмас.
19 январь куни Ўзбекистонда содир бўлган энг муҳим хабарлар дайжести
Ўзбекистонда тезлик 60 км/соатгача пасайтирилган кўчалар, маҳкумларни алмашишни режалаштираётган Ўзбекистон-Қозоғистон, қирғизистонлик сиам эгизакларини операцияда ажратиб олган ўзбек шифокорлар, «ҳозир ҳеч кимга қизиқ бўлмай қолган» ковид статистикаси ва бошқалар — «Газета.uz»нинг кун дайжестида.
Ўзбекистоннинг турли ҳудудлари аҳолиси қаҳратонни қандай ўтказмоқда?
Тошкентликлар пойтахтнинг сўнгги аёзли кунлардаги оғир аҳволи вилоятлар аҳолиси учун одатий экани ҳақида кўп эшитди. «Газета.uz» Ўзбекистон ҳудудлари аҳолиси билан суҳбатлашиб, бу йилги қиш аввалгиларидан нимаси билан фарқ қилаётгани, газ, «свет» ва транспорт муаммолари ҳақида сўради.
Тожикистондан келтирилган салкам 5 кг наркотик модда мусодара қилинди
ДХХ гиёҳванд моддаларнинг ноқонуний айланмасига қарши кўп босқичли тезкор тадбир ўтказди. Жараёнда Навоий ва Самарқанд вилоятларида Тожикистондан кириб келган 5 килограммга яқин гашиш ва опий моддалари аниқланди. Ҳолатлар юзасидан жиноят иши қўзғатилиб, тергов ҳаракатлари олиб борилмоқда.
Метан «заправка»лар айрим машиналарга таниш-билиш қилиб, газ тўлдириб бераётгани рад этилди
«Ўзтрансгаз» баъзи «заправка»лар машиналарга таниш-билиш қилиб, газ тўлдириб бераётганини рад этди. Унга кўра, куннинг маълум қисмида 1 соатдан 3 соатгача давлат ташкилотлари автомобилларига хизмат кўрсатилмоқда. Ҳарорат кўтарилгач, барча шохобчалар одатдаги иш тартибига қайтади.
Ўзбекистон ва Қозоғистон маҳкумларни ўзаро алишиши мумкин
Қозоғистонда депутатлар Ўзбекистон билан маҳкумларни алишиш бўйича келишувни маъқуллади. Бош прокурор ўринбосари 225 нафар ўзбекистонлик маҳкум жазони ватанида ўташ истагини билдирганини айтди. «Ўзбекистонда 20 нафар судланган фуқароларимиз бор, улар ҳам қайтишга қарши эмас, деб ўйлаймиз», деди у.
Ўзбекистонлик шифокорлар сиам эгизакларини операция ёрдамида ажратиб олди (фото)
Неонатал хирургия маркази шифокорлари танасининг қорин қисми бирлашган қирғизистонлик сиам эгизакларини жарроҳлик йўли билан ажратиб олди. Болаларнинг аҳволи стабил дея баҳоланмоқда. Яқинда улар уйига рухсат берилиши мумкин. ССВ раҳбари ушбу операцияда қатнашган шифокорларни тақдирлади.
Ўзбекистон ҳудудларининг қаерларида ҳаракат тезлиги 60 км/соат этиб белгиланди?
17 январь куни йўл ҳаракати хавфсизлигини таъминлаш бўйича республика махсус комиссияси баёни билан Қорақалпоғистон, Тошкент шаҳар ва вилоятларнинг айрим ҳудудларида транспорт воситаларининг ҳаракат тезлиги соатига 60 километр этиб белгиланди. Ушбу чеклов қайси кўчаларда амал қилиш ҳақида маълумот.
Тошкентнинг Кичик ҳалқа йўли ичида ҳаракат тезлиги 60 кмгача пасайтирилди
Йўл ҳаракати хавфсизлигини таъминлаш бўйича республика махсус комиссияси Тошкентнинг Кичик ҳалқа йўли ичидаги ҳудудларда транспортларнинг ҳаракат тезлигини 70 кмдан 60 кмгача пасайтиришга оид қарорни қабул қилди.
«Эшитиш академияси»да иккита эшитиш воситасини битта нархда сотиб олиш мумкин
«Эшитиш академияси» эшитиш қобилиятини йўқотиш қандай намоён бўлишини ва эшитиш воситалари муҳимлиги ҳақида сўзлаб берди ҳамда махсус таклифни эълон қилди.
Қозоғистон ва Россия газ етказиб бериш бўйича «йўл харитаси»ни имзолади
Қозоғистон бош вазирининг биринчи ўринбосари Роман Скляр ва «Газпром» раҳбари Алексей Миллер Қозоғистонга Россия газини етказиб бериш бўйича «йўл харитаси»ни имзолади.
«Бу ҳозир ҳеч кимга қизиқ эмас» — ССВ Ўзбекистонда коронавирус статистикасини эълон қилиш тўхтатилгани ҳақида
Ўзбекистонда ковид статистикаси эълон қилинмаётганига бир ойдан ошди. Соғлиқни сақлаш вазирлиги касалланиш ҳолатлари кескин камайгани учун ахборот бериш тўхтатилганини билдирди. СЭС бошлиғи ўринбосари Нурмат Отабековнинг сўзларига кўра, ҳозирда кунига 15−20 та касалланиш ҳолати қайд этилмоқда.
Қозоғистонда новвойхона портлаб, икки ўзбекистонлик жароҳатланди
Олмаота вилояти Есик шаҳрида новвойхона портлаб, ёнғин юз берди. Оқибатда 2 нафар Ўзбекистон фуқароси куйиш жароҳати билан шифохонага олиб кетилди.
Фото: Ўзбекистоннинг аномал совуқда музлаб қолган кўл ва шаршаралари
Аномал совуқ кунларда Ўзбекистондаги сув ҳавзалари, кўл ва шаршаралар музлаб қолди. Уларнинг нафақат доимий кўриниши, балки музлаган ҳолати ҳам алоҳида жозибадор. «Газета.uz» ана шундай тасвирларни жамлади.
Навоийда қурилаётган ШЭС учун Хитойдан турбина ва генераторлар келтирилмоқда
Томди туманида қурилаётган, қуввати 500 МВт бўлган шамол электр станцияси учун Хитойнинг Ланжоу шаҳридан махсус транспорт воситалари орқали турбина ва генераторлар олиб келинмоқда. Лойиҳа йил якунида ишга туширилиши ва Марказий Осиёдаги энг йирик ШЭС бўлиши кутилмоқда.
Бишкекдан Истанбулга учаётган самолёт Тошкентга фавқулодда қўнди
Turkish Airlines авиакомпаниясининг Бишкек-Истанбул йўналишидаги самолёти ноқулай об-ҳаво шароити сабабли Тошкент аэропортига қўнди. Ҳозирда унинг белгиланган манзилга парвозини амалга ошириш имконияти кўриб чиқилмоқда.
Тошкент халқаро аэропортига олиб борувчи кўприк қисман ёпилди
Пойтахтнинг Бобур кўчасидаги Тошкент халқаро аэропортига олиб борувчи кўприк 19 январдан қисман номаълум муддатгача ёпилди. Бу вақтда ҳудудда йўл таъмирлаш ишлари олиб борилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг