Май ойидан бери Тошкентдаги бирламчи ва иккиламчи бозордаги уй-жойлар нархи арзонлашиб бормоқда, деб маълум қилди Прогнозлаш ва макроиқтисодий тадқиқотлар институти. Хусусан, бирламчи бозорда 1 кв.м учун май ойидаги $943,6 нарх июлда $919,9 га, иккиламчи бозорда эса $891,1 дан $882,6 гача тушган.
Президент Конституциявий суддаги вакант судья лавозимига Олий суд раиси лавозимида фаолият юритаётган Козимжон Комилов номзодини таклиф қилди. Олий суд раҳбарлигига эса президент маслаҳатчиси Бахтиёр Исломов номзоди илгари сурилди.
Япониянинг амалдаги бош вазири Фумио Кисиданинг Вазирлар Маҳкамаси тўлиқ таркиб билан истеъфога чиқди. Истеъфо Япония ҳукуматида бўлиши кутилаётган ўзгаришлар фонида юз берди.
Тошкент вилоятининг Қибрай тумани учун иссиқлик энергиясига янги тарифлар 25 августдан кучга киради.
2017 йилдан бери Олий судга раислик қилган, 13 июлда лавозимга қайта тайинланган Козимжон Комилов истеъфога чиқарилди. Унинг ўрнини президент маслаҳатчиси Бахтиёр Исламов эгаллаши кутилмоқда.
Сешанба куни Чўлпон-Отада Ўзбекистон ва Қирғизистон ҳукуматлари делегациялари учрашди. Қирғизистон ҳукумати махсус вакили Назирбек Борубаевнинг сўзларига кўра, томонлар олдин келишилмаган 208 км чегарани аниқлаштириб олмоқчи, қолаверса, йил якунигача барча саволларни ҳал этишни режалаштирмоқда.
Фарғона НҚИЗнинг собиқ ходими Санобархон Ҳайдарова корхонага кириш жойида ўзини устига бензин қуйиб, ёқиб юборганди. У 10 август куни эрталаб шифохонада вафот этди. Завод аёлнинг вояга етган фарзандларининг таълим харажатларини қоплаш ва зарурат бўлса, ишга жойлашишда ёрдам беришини маълум қилди.
Insta-блогер Асал Ходжаеванинг (Asalhoney) ўлдирилиши бўйича судланган шахс жиноят тафсилотларини сўзлаб берди, деб хабар қилди UzReport.
Ўзбекистоннинг Россиядаги элчихонаси ватандошларни хорижий давлатлар ҳудудида кўнгилли батальонлар тузиш ва ҳарбий ҳаракатларда иштирок этишдан огоҳлантирди, қолаверса, эхтиёткор бўлишга чақирди. Аввалроқ Пермдаги ўзбеклар ташкилоти раҳбари Жаҳонгир Жалолов шундай даъват билан чиққан эди.
ОТМга кириш учун 8 август куни тест топширган абитуриентларнинг натижалари эълон қилинди. Улар тўплаган балларини тўрт хил усулда билиб олишлари мумкин. Бундан ташқари, ёмғир сабаб Намангандаги имтиҳонлар белгиланган вақтидан кечроқ бошланди.
2023 йилдан «Ўзбекистон Республикаси фахрий донори» кўкрак нишони билан тақдирланган шахсларга 4,5 млн сўм тўланади. Улар жамоат транспортидан бепул фойдаланади, санаторийларга навбатсиз йўлланма олади. Йилига 3 марта қон топширганлар ва уларнинг қариндошларига зарур бўлганда, қон бепул берилади.
Шавкат Мирзиёев экспортёрлар учун энг мақбул йўналишларни ишлаб чиқиш ва уларнинг транспорт харажатларини камайтириш, экспорт юкларини Европага олиб ўтиш учун қўшимча рухсатномалар олиш масалаларини ҳал этиш бўйича топшириқлар берди.
Жиззах вилоятида Cobalt ҳайдовчиси йўлнинг ўнг томонида велосипед бошқариб кетаётган бола ва унинг синглисини уриб юборди. Ҳодиса оқибатида саккиз ёшли бола вафот этди.
Ҳиндистонда бўлиб ўтган шахмат Олимпиадасида ҳар бир досканинг энг яхшиларига индивидуал мукофотлар ҳам топширилди. Жаҳонгир Воҳидов тўртинчи доскада олтин, иккинчи доскада Карлсенни ортда қолдирган Нодирбек Абдусатторов кумуш медални қўлга киритди. Нодирбек Якуббаев бронза медалига сазовор бўлди.
Шахмат олимпиадасида ғолиб бўлган Ўзбекистон, турнир чемпионларини телефонда табриклаган президент, 16,5 йилга қамалган блогер Asalhoney`нинг қотили, коллеж ва техникумларга қабул квоталари, Муқимий кўчасидаги ёнғин, Тошкентда бошланган экологик рейд ва бошқалар — «Газета.uz» да кун дайжести.
Тошкент ҳокими Жаҳонгир Ортиқхўжаев собиқ Миллий боғ ҳудудида жойлашган пляжли кўл 15 август куни очилишини маълум қилди. «Газета.uz» фотомухбири боғда бўлиб, қурилиш ишларининг бориши билан танишди.
Президент Шавкат Мирзиёев телефон орқали Ўзбекистон шахматчиларини Ҳиндистонда ўтказилган шахмат Олимпиадасидаги ғалабаси билан табриклади. Давлат раҳбари матбуот хизмати суҳбат видеосини эълон қилди.
Тошкентда илк бор мактаб ва боғчалар олдида транспорт оқимини сокинлаштириш дастури тайёрланмоқда. Маслаҳатчилар — Аркадий Гершман ва Александр Девяткин. Биринчи босқичда тез ва арзон ечимлар: белгилар, устунчалар, нотекисликлар қўлланилади. Лойиҳа «кўплаб одамларнинг ҳаётини сақлаб қолиш мумкин».
Ўзбекистонда «Оқила аёллар» ҳаракати ташкил этилди. Ҳаракат аъзолари фаол ва ташаббускор аёллардан иборат бўлади. Улар ёш қизларда оилага садоқатни сингдириш, хотин-қизларга қабул қилинаётган ҳужжатлар мазмун-моҳиятини халқчил тилда тушинтириш ва бошқалар билан шуғулланади.
Наманган вилоятининг Янгиқўрғон туманида «Ўрдатепа» археология ёдгорлиги вайрон қилиниб, унинг ўрнига икки фуқаро уй қургани аниқланди. Аввалроқ худди шу тумандаги «Гаистонтепа» археологик ёдгорлиги бутунлай вайрон бўлгани хабар қилинган эди.
Қўшимча имкониятларга эга булиш учун сайтда рўйхатдан ўтинг