Адвокат Даврон Аҳмедов терговчилар ва ҳимоячилар имкониятлари тенг эмаслиги, шу сабабли адвокатлар тергов ҳужжатларини ўрганиш, далилларни тайёрлашга улгурмаслиги, идоралар эса махфийлигини айтиб, сўровларга эътибор бермаслигини таъкидлади. Йиғилишларни ОАВда ёритиш масаласи ҳам тўлиқ ҳал этилмаган.
BYD Ўзбекистонга киргач, нархлар тушиб бормоқда, деди BYD Uzbekistan Factory бош директори Шафқатбек Алимов. Унга кўра, Жиззахдаги заводдан чиқадиган машиналар нархи четдан олиб келинадиганлари нархидан арзон бўлади. Завод 3 та янги моделни ишлаб чиқармоқчи, маҳаллийлаштиришни 60 фоизга етказмоқчи.
БМТ бош котибининг Ўзбекистонга ташрифи, қисман хусусийлаштирилаётган «Фотон» заводи, Ўмон учун 14 кунлик визасиз режим, Toncoin савдосини легаллаштирган Қозоғистон ва бошқалар — «Газета.uz»нинг кунлик дайжестида.
Президент энергия самарадорлигини оширишга доир йиғилишда энегрия истеъмолида ўғирликлар кўпайганини таъкидлади. У буни ноқонуний уланишларнинг олдини олиш билан эмас, оқибатига қарши курашилаётгани билан изоҳлади. Энергия сарфини қатъий назорат қилиш, масъуллар жавобгарлигини ошириш зарур, деди у.
Депутат Дониёр Ғаниев электр энергияси таннархини шакллантириш бўйича аниқ ҳисоб-китоблар йўқлигини таъкидлади. «Ҳозир биз нархларни гўёки таннархгача олиб келяпмиз, лекин бундай шаффофлик йўқ тизим билан таннархлар яна икки баробар ошиб кетмаслигига ким кафолат беради?» — деди у.
Парранда гриппи тарқалишини кузатаётган олимлар H5N1 пандемияси «секинлик билан ривожланмоқда» деб қўрқмоқда, деб ёзди Reuters. ЖССТ аввалроқ сутэмизувчиларда вирус билан касалланиш жиддий муаммо эканини тан олган эди.
Франция парламенти сайловларининг биринчи турида Марин Ле Пеннинг «Миллий бирлашув» партияси етакчилик қилди. Бу ўта ўнглар учун тарихий рекорд. Агар партия иккинчи турда кўпчилик овозни қўлга кирита олса, бош вазирлик лавозимини Ле Пеннинг протежеси — 28 ёшли Жордан Барделла эгаллаши мумкин.
Ўзбекистонга келган БМТ бош котиби Антониу Гутерришга президент олий даражали «Дўстлик» орденини топширди. Бош котиб, шунингдек, Сенат раиси билан учрашди, Ҳазрати Имом мажмуаси ва пойтахт маҳаллаларидан бирига борди, Тошкент вилоятида «яшил» энергетика соҳаси билан танишди. Фото.
Ўмон Ўзбекистон фуқаролари учун 14 кунга визасиз режим жорий қилди. Ушбу муддатдан кўпроққа қолишни истаганлар аэропортга киришда виза олишлари мумкин.
Қозоғистонда энди Toncoin криптовалютаси билан тегишли лицензияга эга платформаларда эркин савдо қилиш мумкин. Қарор Павел Дуровнинг мамлакатга ташрифи чоғида қабул қилинди.
«Газета.uz»даги мақоладан сўнг Бош прокуратура Чилонзор туман прокуратурасининг журналист Рамина Ягафарованинг ўлими юзасидан жиноят иши қўзғатишни рад этиш ҳақидаги қарорини ўрганишга киришди. Аввалроқ экспертиза ўлим сабаби нотўғри даволаш эканини кўрсатганди.
Июлнинг катта қисмида ҳарорат +35…+40, жанубда ва чўл ҳудудларда +43 даражагача бўлади, баъзи кунлари 2−3 даражага юқори бўлиши кутилмоқда. Жуда иссиқ (+40 ва ундан юқори) кунлар сони 2−5, шимолда 6−8 кунни ташкил этиши мумкин.
Мактаблар олдида фоторадарлар ўрнатилади, IT бўйича 1 млрд сўмгача грантлар ажратилади, фармназорат тизими ташкил этилади, 6 та шаҳарда сув таъминоти хусусий секторга берилади, айрим беморлар бепул даволанади, давлат хизматларини кўрсатишда Face ID жорий этилади — 1 июлдан нималар ўзгаради?
Душанба, сешанба кунлари Волгабўйидан келган салқин ҳаво оқими сабабли ҳарорат +30…+33 даражагача пасаяди. Чоршанбадан салқин ҳаво чекинади, аммо кучли иссиқ кутилмайди: ҳарорат +38, жанубда +41 даражагача исиши мумкин.
Эндиликда автомобилни тасарруф этиш (сотиш, ҳадя қилиш, айирбошлаш, гаровга қўйиш) ишончномасини нотариусга бормасдан ҳам тасдиқлатиш мумкин. Қолаверса, яна иккита нотариал хизмат онлайн форматга ўтказилди.
Июнь охирида Ўзбекистонда сабзавот ва мевалар ҳамда деярли барча асосий озиқ-овқат маҳсулотлари нархининг мавсумий пасайиши фонида 0,2 фоизли дефляция қайд этилди. Шу билан бирга, йиллик инфляция 10,6 фоизгача тезлашди. Дори-дармонлар нархи ошишда давом этмоқда, давлат боғчалари тўлови эса ошди.
Сурхондарё вилояти прокуратураси бўлим катта прокурори 10 минг доллар пора олгани айтилмоқда. У тадбиркорга сув тежовчи технологияларни ўрнатиш масалаларида кўмаклашишини билдирган. Гумонланувчи процессуал тартибда ушланди.
Ўзбекистонда бирламчи уй-жой учун халқаро амалиётга мувофиқ ипотека мавжуд эмас. Кредит фақат объект фойдаланишга топширилгандан кейингина ажратилади. Realting.uz кўчмас мулк платформасининг шарҳида иккиламчи уй-жой учун банклар қандай шартларда ипотека кредитларини таклиф қилиши ҳақида сўз боради.
Самарқандда фуқароларни 18 минг доллар эвазига Англияга, Андижонда 3 минг эвазига Канадага ноқонуний ишга юбормоқчи бўлганлар ушланди. Қорақалпоғистонда эса 1,5 минг долларга Сербия ёки Болгарияга виза олиб беришни ваъда қилган шахс қўлга тушди.
Самбо бўйича катталар ўртасидаги Осиё-Океания чемпионатида Ўзбекистон терма жамоаси 8 та олтин, 1 та кумуш ва 10 та бронза медални қўлга киритди. Улар бу натижа билан иккинчи ўринни банд қилди.
Қўшимча имкониятларга эга булиш учун сайтда рўйхатдан ўтинг