Архив
Арманистон ҳукумати ЕИга аъзо бўлиш тўғрисидаги қонун лойиҳасини маъқуллади
Арманистон ҳукумати Европа Иттифоқига аъзо бўлиш жараёнини бошлаш тўғрисидаги қонун лойиҳасини маъқуллади. Энди ҳужжат парламентга юборилади. Бош вазир Никол Пашинян бундай қарор фақат умумхалқ референдуми орқали қабул қилиниши мумкинлигини айтди.
Кўп қаватли уйлар яқинидаги ерларни бетонлаштирганлик учун жавобгарлик кучайтирилиши мумкин
Ўзбекистонда 1 июлдан кўп қаватли уйлар массивларидаги тупроқ ва яшил қопламали умумий фойдаланишдаги ҳудудларни ўзбошимчалик билан бетонлаштирганлик, қурилма ва конструкцияларни ўрнатганлик учун жавобгарлик чоралари кучайтирилиши мумкин. Бу давлат дастури лойиҳасида қайд этилган.
2025 йилдан меҳнати самарали деб топилган тиббиёт ходимларига устама тўланиши мумкин
2025 йилга мўлжалланган давлат дастури лойиҳасига кўра, меҳнати самарали деб топилган тиббиёт ходимларининг маошига қўшимча устама тўланиши мумкин. Бунинг учун ходимларнинг меҳнат самарадорлигини баҳолаш кўрсаткичлари ишлаб чиқилади.
Ўзбекистонда «Бир миллион яшил оила» умуммиллий ҳаракатини йўлга қўйиш режалаштирилмоқда
Президент фармони лойиҳасига кўра, 2025 йилда «Экофаол фуқаро» ҳаёт тарзини кенг тарғиб қилишга қаратилган «Бир миллион яшил оила» умуммиллий ҳаракатини йўлга қўйиш режалаштирилмоқда.
Фарғонада уйда сақланаётган Калифорния форси илони ҳайвонот боғига ўтказилди
Фарғона шаҳридаги хонадонда Калифорния форси илони боқилаётгани аниқланган. Фуқарога бу қонунга зид экани тушунтирилгандан сўнг илон Фарғона ҳайвонот боғига ўтказилган.
Аи-80 бензини сотуви 2025 йил охиригача чекланиши мумкин
Президент фармони лойиҳаси билан 2025 йил якунигача Ўзбекистонда «Евро-4»дан паст экологик тоифадаги ёқилғини сотиш ва ишлатишни чеклаш таклиф этилмоқда. Аввалроқ Аи-80 бензиндан воз кечиш мақсади 2028 йилга қолдирилганди. Шунингдек, ИЭСларда мазутдан фойдаланишни тақиқлаш режалаштирилмоқда.
Тошкент ҳайвонот боғидаги жирафа нобуд бўлди
Тошкент ҳайвонот боғидаги жирафа ҳалок бўлди. Унинг ўлимига ошқозон буралиши сабаб бўлди. Ҳозирда зоопаркда иккита жирафа қолган. 2022 йилда олиб келинган биринчи жирафа ҳам касаллик туфайли нобуд бўлганди.
Лос-Анжелесдаги ўрмон ёнғинлари туфайли камида 5 киши ҳалок бўлди
АҚШнинг Лос-Анжелес шаҳрида ўрмон ёнғинлари туфайли камида 5 киши ҳалок бўлди, 100 мингдан ортиқ кишини эвакуация қилиш режалаштирилган. Калифорния ҳукумати фавқулодда ҳолат эълон қилган. Дастлабки зарар миқдори 50 млрд доллардан ортиққа баҳоланмоқда.
Facebook ва Instagram фактчекерлардан воз кечмоқда. Цукерберг қилмоқчи бўлган асосий ўзгаришлар
Meta фактчекерлардан воз кечади, «цензура миқдорини кескин камайтиради», Facebook, Instagram ва Threads каби платформаларида кўпроқ сиёсий контентни тавсия қилади, дея маълум қилди Марк Цукерберг. Айрим танқидчилар ҳамда ОАВ бу ўзгаришларни «шунчаки Трампга хушомад ва ортга қадам» деб баҳоламоқда.
Ўзбекистон АҚШнинг янги маъмурияти билан яқин ҳамкорликни йўлга қўймоқчи
Ўзбекистон АҚШнинг янги маъмурияти вакиллари билан яқин ҳамкорлик ўрнатиш ва олий даражадаги ташрифни ташкил этишни режалаштирмоқда, дейилади 2025 йилга мўлжалланган давлат дастури лойиҳасида. Мамлакат АҚШ билан хавфсизлик соҳасида ҳамкорликни кенгайтиришни ҳам кўриб чиқмоқда.
Канадада Ўзбекистон бош консулхонаси очилиши мумкин
Ўзбекистонда, 2025 йилга мўлжалланган давлат дастури лойиҳасидан маълум бўлишича, Канадада бош консулхона очиш имконияти кўриб чиқилмоқда. Шунингдек, Бразилия, Аргентина ва Америка қитъасининг бошқа давлатлари билан алоқаларни ривожлантириш кўзда тутилмоқда.
8 январь куни эълон қилинган энг муҳим янгиликлар дайжести
Чегара масаласида қўшнилар билан учрашган бош вазир, Ўзбекистонда тақиқланган экстремистик саҳифаларнинг янгиланган рўйхати, қарздорлар учун мажбуриятлар реестри лойиҳаси, қишлоқ хўжалигини суғурталаш жамғармасини ташкил этиш таклифи ва бошқалар — «Газета.uz»нинг кунлик дайжестида.
Ўзбекистон шаҳарларидан қўшни мамлакатлар, хусусан, Хитойга янги автобус қатновлари жорий этилади
Ўзбекистоннинг турли шаҳарларидан қўшни давлатларга янги автобус қатновлари ташкил этиш режалаштирилмоқда. Хусусан, Бухоро — Туркистон, Тошкент — Уфа, Нукус — Урумчи йўналишлари йўлга қўйилади. Транспорт вазирлиги қатновларни амалга ошириш истагидаги ташувчиларга ҳамкорлик таклиф қилди.
Номаълум шахслар рейд вақтида Янгийўл тумани экобўлими бошлиғи ва бош мутахассисига жароҳат етказди
Тошкент вилояти Янгийўл туманида назорат рейд тадбири вақтида 4 нафар номаълум шахс туман экология бўлими бошлиғи ва бош мутахассисига жароҳат етказди. Улар машинасида йўлни тўсиб, инспекторлар фаолиятига тўсқинлик қилди. Ходимларга шифохонада биринчи ёрдам кўрсатилди, ИИБ вазиятни ўрганмоқда.
Фоторепортаж: Тошкентдаги Пушкин хиёбонининг реконструкцияси қандай кетяпти ва қачон якунланади?
Тошкентнинг Яккасарой туманидаги Пушкин хиёбонида реконструкция бошланганига уч ойдан ошди. Аҳоли бу ердаги дарахтларнинг кесилишидан хавотирда эди. Ҳудуд ҳозир баланд тўсиқлар билан ўраб олинган, лойиҳа билан қурилиш майдонининг ичидагина танишиш мумкин. «Газета.uz» иш қандай кетаётганини ўрганди.
Мулоҳаза: Нима учун маъмурий қамоқ кўп ҳолларда ҳуқуқбузарлик муаммосини ҳал қилмайди ва уни суиистеъмол қилишдан қандай тийилиш мумкин?
Ўзбекистонда маъмурий қамоқ ҳуқуқбузарликка қарши курашнинг баҳсли чораси бўлиб қолмоқда. Унинг кенг қўлланиши тизимнинг инсонпарварлигига шубҳа уйғотади. Маъмурий қамоқ қачон ўринли, уни қўллаш бўйича ёндашувни қандай ўзгартириш керак? Ҳуқуқшунослар Ҳусаин Раджапов ва Фарҳод Фозилов мулоҳазаси.
Туристик кластерларни ташкил этиш тартиби белгиланди
Ҳукумат қарори билан туристик кластерларни ташкил этиш тартиби тасдиқланди. Туроператор — меҳмонхона — транспорт хизматларини кўрсатадиган, меҳмонларни сақлаш ва ҳунармандчилик маҳсулотлари сотиш учун шароити мавжуд тадбиркорлар туристик кластер мақомини олишга ариза юбориши мумкин.
Ўзбекистонда қарздорлар учун мажбуриятлар реестри пайдо бўлади
Депутатлар мажбуриятлар реестрини жорий этиш тўғрисидаги қонун лойиҳасини биринчи ўқишда қабул қилди. Унда суд ва бошқа ҳужжатлар бўйича мажбуриятларини бажара олмайдиган қарздорлар маълумотлари бўлади. Бунда жорий этилган чекловлар мажбурият бажарилгунга қадар ўз кучида қолади.
Дания, Гренландия ва Канада Дональд Трампнинг ҳудудий даъволарига жавоб берди
Дания, Гренландия ва Канада бош вазирлари АҚШнинг сайланган президенти Дональд Трампнинг ушбу ҳудудлар устидан назорат ўрнатиш истагини билдирган баёнотларига изоҳ берди. «Гренландия Гренландия халқига тегишли», — деб жавоб берди гренланд ҳукумати раҳбари.
Метапневмовирус янги бўлмаган, мавсумий ва кенг тарқалган вирус — ЖССТ
ЖССТ метапневмовирус бўйича изоҳ бераркан, у янги вирус эмаслигини таъкидлади. У кенг тарқалган бўлиб, қиш ва баҳорда айланиб юради ва шамоллашга ўхшаш респиратор аломатларни келтириб чиқаради. Вирусли инфекция учун одатий профилактика чоралари — қўлларни ювиш ва хонани шамоллатиш.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг