АҚШнинг Sierra Nevada Corporation компанияси Ўзбекистон учун олтита Pilatus PC-12 самолётини таъмирлаш бўйича шартнома имзолади. Лойиҳа қиймати 64,2 миллион долларни ташкил этади. Ишларни 2027 йил августида якунлаш режалаштирилган.
2024 йилдан буён қидирувда бўлган, фирибгарликда айбланаётган Барно Инотова Туркиядан Ўзбекистонга депортация қилинди. Ундан жабр кўрганлардан Бош консулхонага ёки ИИВга мурожаат қилиш сўралди.
Қорақалпоғистондаги 2-сонли тергов ҳибсхонасида 2 нафар вояга етмаган йигит катта ёшлилар билан бир камерада сақлангани аниқланди ва бу қонунга зид. Болалар омбудсмани аралашуви билан улар алоҳида камерага ўтказилди. Ҳибсхона мансабдорларига қаттиқ ҳайфсан жазоси қўлланди.
Жо Байден CBS телеканалига берган интервьюсида Дональд Трампнинг ғалаба қозонишига йўл қўймаслик ва демократияни сақлаб қолиш учун бўлажак сайловлардан воз кечгани ҳақида гапирди. «Президентлик катта шараф бўлса ҳам, энг муҳими — биз Трампни мағлуб этишимиз керак, керак, керак», — деди у.
Парижда ўтган Олимпия ўйинларида олтин медаль олган спортчиларнинг мураббийлари 50 минг доллар, кумуш олганларнинг мураббийлари 25 минг доллар, бронза медалини олганларники эса 12 500 доллардан мукофотланди.
Тўқимачи бекатидаги модернизация ишлари сабаб вақтинча ишлаши тўхтатилган Тошкент Марказий (Шимолий) вокзали 16 августдан фаолиятини қайта бошлайди.
Олимпиада ғолиблари ва совриндорларига 50 мингдан 200 минг долларгача бўлган пул мукофотлари, Tahoe ва BYD Song Plus автомобиллари, шунингдек, икки қаватли коттежлар ва квартиралар берилди. «Президент совғаси» деб ёзилган мукофотларни бош вазир ва Сенат раиси топширди.
Асака туманидаги 37-мактабда ўқитувчилар оғир қурилиш ишларига жалб қилинди. Хабар берилишича, иш жараёнида мактабнинг бошланғич синф ўқитувчиси йиқилиб, қўли синган. Улар ишга мактаб директорининг топшириғи билан чиққан.
Париж Олимпиадасидан қайтган ўзбекистонлик спортчиларни тантанали кутиб олиш жараёнлари «Газета.uz» фотомухбири Мурод Юсуф репортажида.
Ўзбекистон аҳолисига суюлтирилган газ етказиб бериш учун хусусий секторни жалб этиш режалаштирилмоқда. Президент бу масалани ўрганиб, таклифлар киритишни топширди. Бугунги кунда аҳолининг қарийб 47 фоизи суюлтирилган газ олади.
Миробод туман суди собиқ қишлоқ хўжалиги вазири Азиз Воитовга нисбатан жиноят ишини кўриб чиқишни бошлайди. У ўзлаштириш, мансаб ваколатини суиистеъмол қилиш ва мансаб сохтакорлиги кабиларда гумонланмоқда. Ишда икки тадбиркор ҳам айбланмоқда.
Тошкент маҳаллаларидаги ерларни сотиш платформаси, Термизда очилган ислом институти, Беруний хиёбонини яхшилаш бўйича таклифлар сўраётган ҳокимлик, Ўзбекистонга қайтиб келган олимпия терма жамоаси ва бошқалар — «Газета.uz»нинг кунлик дайжестида.
Париждан қайтган Ўзбекистон олимпия терма жамоаси Тошкентда тантанали кутиб олинди. Аэропортда спортчиларни Сенат раиси, бош вазир ва бошқа расмийлар кутиб олди.
Йилнинг биринчи ярмида 200 мингдан ортиқ хорижлик Жанубий Кореяга ўқиш ёки амалиёт ўташ учун борди. Ўзбекистон бу кўрсаткич бўйича бешинчи ўринни эгаллади — 5 минг киши. 2027 йилгача Корея ўз университетларига 300 минг чет эллик талабани жалб қилишни режалаштирмоқда.
Ўзбекистонда 1 сентябрдан бошлаб пенсиялар ва нафақалар 15 фоизга оширилади. 1 октябрдан эса бюджет ташкилотлари ходимларининг маоши 10 фоизга, ўқитувчилар ва тиббиёт ходимларининг маоши эса 15 фоизга кўтарилади.
Президент Солиқ қўмитасига қуёш панелларини ўрнатишда ер ва мол-мулк солиғи имтиёзларидан тўлиқ фойдаланиш бўйича чекловни олиб ташлаш топшириғини берди. Ҳозирда имтиёз фақат майдоннинг қайта тикланувчи энергия манбалари ускуналари ўрнатилган қисмига тегишли.
Click Ўзбекистонда қайта тикланадиган манбалар электр энергиясидан фойдаланишни тасдиқловчи I-REC яшил сертификатини олган биринчи тўлов тизими бўлди.
Денов туманида 32 ёшли эркак қўшнисининг 10 ёшли қизига уйида ҳеч ким йўқлигидан фойдаланиб, уятсиз қилиқлар қилганликда гумонланмоқда. Болалар омбудсмани сўрови асосида унга нисбатан жиноят иши қўзғатилди ва қамоқ эҳтиёт чораси қўлланди.
Ўзбекистон ИИВ матбуот хизмати YouTube`даги «Авторитет» канали томонидан тарқатилган Салим Абдувалиев («Салимбой») ўлими ҳақидаги хабарни рад этди.
Украинанинг Россиянинг Курск вилоятидаги ҳужумидан кўзланган якуний мақсад номаълумлигича қолмоқда. Россия Федерацияси фронтнинг бошқа ҳудудларидан қўшинларини Украина хоҳлаганчалик тез олиб чиқмаяпти. Аммо операция украиналикларнинг руҳиятини аллақачон кўтарган, деб ёзади The Economist.
Қўшимча имкониятларга эга булиш учун сайтда рўйхатдан ўтинг