Архив
Фото: Тошкентда 34,2 минг қути контрабанда тамаки маҳсулотлари ёқиб юборилди
Янгиҳаёт туманидаги заводларнинг бирида 297,4 млн сўмлик 34,2 минг қути контрабанда тамаки маҳсулотлари ёқиб юборилди. Божхона қўмитаси ноқонуний олиб кириш ҳолатлари кўпроқ водий вилоятларида учрашини маълум қилди. Йил бошидан бери 19,2 млрд сўмлик тамаки маҳсулотлари олиб қўйилди.
Октябрь ойида кўчмас мулк сотиб олишга бўлган талаб бироз пасайди
Кўчмас мулк бозори таҳлили йил бошидан буён сотиш ҳажмининг 9,2 фоизга ўсганини кўрсатди. Шу билан бирга, Тошкент шаҳрида уй-жойларнинг ўртача нархи қарийб 20 фоизга ошди. Экспертларнинг фикрича, уй-жой ижарасига бўлган талабнинг ортиши октябрь ойида савдо ҳажмининг бироз пасайишига хизмат қилди.
Мирзо Улуғбек туманидаги қурилиши тугалланмаган IT-парк биносида ёнғин чиқди
Чоршанба куни пойтахтнинг Мирзо Улуғбек туманидаги қурилиши тугалланмаган IT-парк биносининг 21-қаватида пенопласт қолдиқлари ёниб кетиб, 5 кв.м майдонни зарарлади. ФВБ ёнғинни 10 дақиқада ўчирди. Воқеадан ҳеч ким жароҳат олмади. Ҳозир унинг келиб чиқиш сабаби ва моддий зарар миқдори аниқланяпти.
«Дўстлик» боғи яқинида қурилиш компанияси яна 6 туп дарахтни нобуд қилди
Тошкентдаги «Дўстлик» боғи яқинида Vinera Tower компанияси қурилиш учун ҳудуддаги 6 туп дарахтни рухсатномасиз бошқа жойга кўчириб, уларни нобуд қилгани маълум бўлди. Бунда табиатга 218,3 млн сўм зарар етказилгани аниқланди. Компания олдин ҳам дарахт кесгани учун 430,5 млн сўм жарима тўлаган.
Иккита ҳолатда 4,4 млрд сўм кредит маблағлари талон-торож қилингани аниқланди
Оққўрғонда тадбиркор кредитга олинган 100 та қорамолни сотиб, 2,3 млрд сўмни ўзлаштиргани аниқланди. Тошкент шаҳрида эса корхона раҳбари банк кредити эвазига олинган металл маҳсулотларни 2,1 млрд сўмга сотиб, ҳужжатларни сохталаштиргани маълум бўлди. Гумонланувчиларга нисбатан жиноят иши қўзғатилди.
«ТТЗ»дан «Машинасозлар» метросигача экспресс автобус йўналиши ташкил этилди
23 ноябрь, чоршанба кунидан бошлаб «ТТЗ» — «Машинасозлар» метроси йўналишида ҳаракатланувчи автобуслар иш бошлади. Автобуслар фақат 4 та бекатда — «ТТЗ» бозори, «Буюк Ипак йўли» метроси, Шифокорлар малакасини ошириш институти, «Ашхобод» боғи бекатларида тўхтайди. Йўл ҳақи 2500 сўмни ташкил этади.
ЖЧ-2022: Франция Австралияни 4:1 ҳисобида мағлуб этди
D гуруҳидан жой олган Франция — Австралия баҳсида кўпчилик томонидан кутилганидек францияликларнинг қўли баланд келди. Ўйиндаги дастлабки голни австралияликлар киритди, бироқ Франция терма жамоаси ўйин тизгинини тезда ўз қўлига олди.
Банклар долларнинг сотиш ва сотиб олиш курсини бироз кўтарди
Тижорат банкларида 23 ноябрь куни доллар 11 260 — 11 265 сўмдан сотилмоқда. Сотиб олиш курси эса 11 180 — 11 240 сўм.
Псковдаги ўзбек талабалари «нотинч вазият» туфайли президентга мурожаат йўллашди
Россиянинг Псков давлат университетида ўқийдиган ўзбекистонлик талабалар «нотинч вазият» сабаб ўқишларини Ўзбекистондаги ОТМларга истисно тариқасида кўчиришни сўраб президент Шавкат Мирзиёевга видеомурожаат йўллашди. «Псков шаҳрига ҳам уруш ўз таъсирини ўтказмоқда», дея таъкидлаган улар.
Мирзиёев ва Макрон Луврда Ўзбекистон кўргазмасини очдилар (фото)
Шавкат Мирзиёев ва Эммануэль Макрон Луврда «Ўзбекистон воҳалари хазиналари. Карвон йўллари чорраҳасида» кўргазмасини очдилар. Кўргазмадан Ўзбекистон ва бошқа мамлакатлардаги музейлардан келтирилган буюмлар ўрин олган. 70 та экспонат кўргазма учун махсус реставрация қилинди.
ЖЧ-2022 да кетма-кет иккита ўйин нурсиз дуранг билан якунланди
22 ноябрь куни бўлиб ўтган Дания — Тунис ҳамда Мексика — Полша баҳслари 0:0 ҳисоби билан якунланди. Биринчи ўйинда бир неча бор офсайд ҳолатида голлар киритилди. Иккинчи учрашувда эса Левандовский пенальтидан гол ура олмади.
«Шаҳарга фақат қурувчининг кўзи билан қарамаслик керак». Тошкент транспорт бош режаси ҳақида суҳбат
Тошкентни транспорт коллапсидан қандай қутқариш мумкин? Транспорт тизими бошқарилиши керак, дейди SIMETRA транспорт компанияси эксперти Владимир Валдин. У пойтахт транспортини ривожлантириш йўналишлари ва транспорт муаммоларини шаҳар даражасида идрок этиш борасидаги фикрлари билан ўртоқлашади.
22 ноябрь куни Ўзбекистонда содир бўлган энг муҳим хабарлар дайжести
Парижда йирик компаниялар раҳбарлари билан учрашган Шавкат Мирзиёев, мақсадсиз сарфланган 705 млрд сўм бюджет маблағлари, ис газидан ўлган 17 ёшли қашқадарёлик қиз, Германиядан Самарқандга чартер рейслар, Япония ордени билан тақдирланган Азиз Абдуҳакимов ва бошқалар — «Газета.uz»нинг кун дайжестида.
«Ўзмиллийбанк» ва Франциянинг банкларидан бири ҳамкорлик шартномасини имзолади
«Ўзмиллийбанк» АЖ ва Франциянинг Societe Generale банки 50 млн евролик келишувга эришди. Шартнома икки банк ўртасидаги ҳамкорликни ривожлантириш имконини беради.
Фото, видео: Ўзбекистон ва Франция президентлари учрашув ўтказди
Франция президенти Эммануэль Макрон Париждаги Елисей саройида Ўзбекистон етакчиси Шавкат Мирзиёевни кутиб олди.
«Араб Мессиси» Мессидан устун келди: Аргентина — Саудия Арабистони 1:2
C гуруҳидан жой олган Аргентина — Саудия Арабистони баҳси кутилмаган 1:2 ҳисоби билан якунланди. 1-таймда Месси пенальти зарбасини муваффақиятли амалга оширган бўлса, 2-таймда Эрве Ренар шогирдлари нафақат ҳисобни тенглаштиришди, балки олдинга ҳам чиқиб олишди.
Самарқандда 5 машина иштирокидаги ЙТҲда 1 киши вафот этди
Каттақўрғон туманида Lada Granta, Cobalt, Damas, Lacetti ва Tico иштирокида авария содир бўлди. Оқибатда Damas ҳайдовчиси шифохонага олиб кетилаётган вақтда вафот этди.
Қашқадарёда 17 ёшли қиз ис газидан вафот этди
Қарши шаҳрида ижарада яшовчи қиз ҳаммомда ис газининг кўпайиб кетиши оқибатида заҳарланиб, вафот этди. Шаҳар прокуратураси терговга қадар текширув ҳаракатларини бошлади. 17 ёшли қиз ноябрда ис гази сабаб вафот этганларнинг олтинчиси бўлди.
Тошкентдаги биринчи пуллик автотураргоҳлар қаерларда ташкил этилади?
Тошкент шаҳар транспорт бошқармаси биринчи пуллик автотураргоҳларни жойлаштириш бўйича режаларини эълон қилди. 10 та марказий кўчада 57 та паркомат ўрнатган ҳолда 2251 та тўхташ жойи ташкил этилади. Шунингдек, 2 та эвакуатор ва 2 та қоидаларни назорат қилувчи электрон тизим (паркон) харид қилинади.
«Битта вазирлик бошқаларнинг устидан қўриқчи бўлиши билан муаммо ҳал бўлмайди» — Тимур Ишметов
Қўйи палатанинг навбатдаги мажлисида Ўзбекистонда қарийб 705 млрд сўмлик бюджет маблағлари мақсадсиз сарфлангани маълум бўлди. Молия вазири Тимур Ишметов бунга жавобан бюджет тақсимотини тўғри амалга оширишда барча вазирликлар жавобгар эканини айтиб, уларни масъулиятли фаолият олиб боришга чақирди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг