Архив
Кремль яна Ўзбекистон томони «тушуниш билдирганини» таъкидлади
Ўзбекистон ва Россия президентлари телефон орқали мулоқот қилиб, мамлакатлар ўртасидаги дипломатик алоқаларнинг 30 йиллиги муносабати билан табриклар алмашишди. Шунингдек, Украинадаги вазият муҳокама қилинди. Кремль яна бир маротаба Шавкат Мирзиёев Россиянинг «позицияси ва ҳаракатлари ҳақида тушуниш билан фикр билдирганини» маълум қилди.
Хитой жанубида йўловчи самолёти қулаб тушди
Бортида 132 киши бўлган Boeing-737−800 Хитой жанубида қулаб тушди. Қидирув-қутқарув ишлари олиб борилмоқда.
Икки ойда ташқи савдо айланмаси 8,7 млрд доллардан ошди
2022 йилнинг январь-февраль ойларида Ўзбекистоннинг ташқи савдо айланмаси 8,7 млрд доллардан ошди. Бу ўтган йилнинг мос даврига нисбатан 4,01 млрд доллар ёки деярли 85 фоизга кўпроқ. Экспорт ҳажми 4,1 млрдга етган, бунда олтин экспортининг улуши 57,7 фоизни ташкил этган. Импорт ҳажми эса 4,6 млрд долларни ташкил қилган, автомобиллар импорти 7,1 баробарга кўпайган.
Дорбозлар шоусига хуш келибсиз!
Аҳрорбек Ғуломовнинг «Аҳрорбек дорбоз» труппасига Ўзбекистоннинг турли ҳудудларидан артистлар йиғилган бўлиб, олти йилдирки акробатлар ва масхарабозларнинг чиқишлари билан томошабинларни ҳайратга солиб келмоқда. Дастурнинг мағзи — дорбозлар. Кўчма цирк қандай яшайди, артислар қадимги анъаналарини нима учун сақлаб келмоқдалар ва ушбу анъаналар замирига долзарб муаммолар қандай қилиб сингдирилган — «Газета.uz» мухбири Мадина Аъзам фоторепортажида.
Наврўз байрамининг 1970−1990 йилларда нишонланиши
Наврўз байрамини нишонлаш кўп асрлардан бери анъанага айланган. Баҳорни халқ сайиллари, санъаткорлар ҳамда дорбозларнинг чиқишлари билан қарши олиш урф бўлган. «Газета.uz» 1970−1990 йиллардаги архив фотосуратларини тақдим этади.
Тошкентдаги Наврўз сайли — фото
Ўзбекистоннинг барча ҳудудларида Наврўз сайллари бўлиб ўтди. Тошкент шаҳридаги сайллардан бири — «Газета.uz» фотомухбири Мадина Аъзам фотосуратларида.
Самарқандда болаларга игна тиқиб келган боғча тарбиячисига нисбатан жиноий иш қўзғатилди
Самарқанд шаҳридаги «Golden Kids» хусусий боғчасида болаларга игна тиқиб, уларни қўрқитиб келган тарбиячига нисбатан жиноят иши қўзғатилди. Вилоят Мактабгача таълим бошқармаси ҳолатни ўрганмоқда.
Фото: Самарқанднинг янги аэропорти очилди
Самарқандда очиқ китоб кўринишидаги замонавий аэропорт мажмуаси очилди. У соатига 800 кишига хизмат кўрсатиш ва ҳафтасига 120 рейсларни қабул қилиш салоҳиятига эга. Бошқа аэропортлардан фарқли равишда, терминалга автомобилда келиш мумкин, бино эса тўсиқлар билан ўралмаган.
Умра зиёратини ташкиллаштириш қисман сайёҳлик фирмаларига берилиши мумкин
Мусулмонлар идораси Умра зиёратини қисман сайёҳлик фирмалари орқали ташкиллаштириш масаласи муҳокама қилинаётганлигини маълум қилди. Рамазон ойидан кейин Умра мавсумининг охиригача зиёратчиларнинг сафар харажатлари амалдаги қийматда сақлаб қолиниши айтилди.
Бокс: Бектемир Мелиқўзиев Давид Сегаррани нокаутга учратди
Ўзбекистонлик боксчи Бектемир Мелиқўзиев перулик Давид Сегарра устидан ғалаба қозонди. Иккинчи раундда Мелиқўзиевнинг аниқ зарбаси рақибини нокаутга учратди (видео).
Ўзбекистон бахтли мамлакатлар рейтингида 11 поғона пастлади
2022 йил учун бахтли мамлакатлар рейтингида (World Happiness Report) Ўзбекистон 11 поғона пастлаб, 53 ўринни эгаллади. Натижада Марказий Осиё ва МДҲ мамлакатлари орасида рейтингдаги етакчилик 40 ўринни қайд этган Қозоғистонга ўтди.
Президент 75 нафар шахсни афв этди
Наврўз арафасида президент Шавкат Мирзиёев жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 75 нафар шахсни афв этиш бўйича фармонни имзолади. Улар орасида 18 нафар чет эл фуқаролари, 17 нафар аёллар, 6 нафар ногиронлар бор.
Наврўз арафасида вилоятларга қўшимча автобуслар қатнови йўлга қўйилади
Наврўз байрами арафасида амалдаги шаҳарлараро автобус қатновларига қўшимча равишда кунига яна 10 дан ортиқ қатновлар йўлга қўйилади. Транспорт вазирлиги ноқонуний таксичиларга тўғри келиб қолмаслик учун чипталарни «Тошкент» автовокзалидан харид қилишни сўрамоқда.
Алишер Навоий шоҳ ва Лабзак кўчаларининг айрим қисмлари вақтинча ёпилади
Йўл таъмирланиши туфайли шанба куни соат 21:00 дан якшанба куни соат 06:00 га қадар Алишер Навоий шоҳ кўчасининг Абай ва Шароф Рашидов кўчалари кесишмасидаги ҳудуди вақтинча ёпилади. Шунингдек, Лабзак кўчасининг Алишер Навоий шоҳ кўчасидан Абдулла Қодирий кўчасигача бўлган қисмида ҳаракат тўхтатилади.
«Умра» сафари харажатлари ошиши мумкин — Ўзбекистон мусулмонлари идораси
Ўзбекистон мусулмонлари идораси хабар беришича, Саудия Арабистонида меҳмонхона ва бошқа турдаги сервисларга талаб ошгани, қолаверса, Рамазон ойида ташкил этиладиган «Умра» тадбирлари ҳам нарх-навога таъсир кўрсатади. Шунга кўра, ҳар бир зиёратчи учун белгиланган суммага қўшимча тўлов қилиниши мумкин.
Қозоғистон ҳам Ўзбекистоннинг ковид-сертификатларини тан олди
Ўзбекистон ва Қозоғистон коронавирусга қарши эмланганлик тўғрисидаги сертификатларни тан олиш борасида келишувга эришди. Бундан буён сертификатга эга фуқаролардан мамлакатлар чегарасини кесиб ўтишда ПЗР-тести натижаси талаб этилмайди. Аввалроқ, Тожикистон, Туркия ва Буюк Британия ҳам Ўзбекистон ковид-сертификатларини тан олганди.
Тошкент кўчаларини инсонийлаштириш имконияти пайдо бўлди
«Газета.uz» танқидига учраган Навоий кўчасини реконструкция қилиш лойиҳаси россиялик экспертлар Аркадий Гершман ва Александр Девяткин иштирокида қайта кўриб чиқилди. Асосий тамойиллар — пиёдалар хавфсизлиги ва жамоат транспортининг устуворлиги этиб белгиланди. Илк маротаба расмийлар томонидан 50 км/соат тезлик шаҳар учун энг мақбул деб тан олинди. Ҳокимият янгиланаётган барча кўчаларда бир хил усуллардан фойдаланишга ваъда бермоқда.
2021 йилда ҳар учинчи қотиллик оилавий муаммолар туфайли содир этилган — ИИВ
Сенатнинг ялпи мажлисида ички ишлар вазири Пўлат Бобожонов 2021 йилда ҳар учинчи қотиллик (158 таси) ва оғир тан жароҳати етказиш жиноятларининг 190 таси оилавий муаммолар туфайли содир этилганини маълум қилди. Қолаверса, ўтган йили аниқланган жиноятларнинг 89 фоизи фош этилгани, қидирувдаги 4,6 мингдан ортиқ шахс эса ушлангани айтилди.
Тошкент вилоятида 4 гектар ерни $800 мингга сотмоқчи бўлган шахслар қўлга олинди
ДХХ Тошкент вилоятида 4 гектар ерни 800 минг долларга сотишга уриниб, олдиндан 100 минг долларни олганликда гумон қилинган икки фуқарони ушлади. Наманган ва Бухоро вилоятларида Косонсой ва Қоракўл давлат ўрмон хўжалиги ходимлари хўжаликка қарашли ерни фуқароларга ажратиб бермоқчи бўлганлиги айтилмоқда.
Ўзбекистонликларни Украинадан Польша орқали эвакуация қилиш якунланди
Ўзбекистон фуқароларини Польша орқали Украинадан эвакуация қилиш жараёни ниҳоясига етди. Польшадан жами 25 авиарейс воситасида 5786 нафар фуқаро ватанга олиб келинди. «Бошқа давлатлар орасида Ўзбекистон Украинадан ўз фуқароларини биринчи бўлиб эвакуация қилди», — деди Ўзбекистоннинг Польшадаги элчиси Баҳром Бобоев.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг