Чоршанба куни Ўзбекистоннинг 10 та ҳудудида коронавирусни юқтириб олиш ҳолатлари аниқланмади. Кун давомида Тошкент шаҳри, Сурхондарё, Андижон ва Навоийда жами 14 кишининг ПЗР-тести мусбат натижани кўрсатди.
Ўзбекистонда Интерпол томонидан Европа мамлакатларида ўта йирик ҳажмдаги ўғриликларни содир этган уюшган жиноий гуруҳга алоқадорликда гумонланиб қидирилаётган эркак қўлга олинди.
2024 йилгача барча давлат органлари ва муассасаларида раҳбарнинг камида битта ўринбосари аёл киши бўлади. Бу президент фармонида назарда тутилган.
АҚШ давлат котиби Энтони Блинкен Ўзбекистонга «Украина ва Афғонистон халқларига кўрсатаётган инсонпарварлик ёрдами» учун миннатдорчилик билдирди. Абдулазиз Комилов билан музокараларда икки томонлама муносабатлар, минтақавий хавфсизлик ва C5+1 форматидаги ҳамкорлик масалалари муҳокама қилинди.
Россия 2021 йилда Ўзбекистоннинг энг йирик савдо шериги мақомини қайтариб олди. Бу мамлакатдан озиқ-овқат, нефть маҳсулотлари, ёғоч ва бошқа товарлар катта ҳажмда келтирилади. Украина эса Ўзбекистоннинг дори воситалари, ярим тайёр металл буюмлари ва бошқаларни экспорт қиладиган тўққизинчи йирик савдо ҳамкори ҳисобланади. «Газета.uz» Ўзбекистоннинг ушбу икки давлат билан савдо-иқтисодий муносабатлари қандай йўлга қўйилгани, ҳарбий можаро ва санкциялар фонида қандай хавф-хатарлар борлигини ўрганиб чиқди.
Молия вазирлиги департамент директори Отабек Фазилкаримов соғлиқни сақлаш вазирининг ўринбосари лавозимига тайинланди.
Жарқўрғон тумани ҳокимининг ёрдамчиси фуқародан 60 сотих ер майдонини олиб бериш эвазига 5,5 млн сўм сўрагани хабар қилинди. У пулни олаётган вақтда ашёвий далиллар билан ушланган.
Жанубий Кореяда мухолифатдаги Фуқаролик кучлари партиясидан номзод, собиқ бош прокурор Юн Сок Ёл мамлакатнинг янги президенти этиб сайланди.
1 майдан Ўзбекистонда «Автомобиль тарихи» давлат хизмати йўлга қўйилади. У автомобилнинг агрегат маълумотлари, босиб ўтган масофаси, ЙТҲ содир этилганлиги, тақиқ бор-йўқлиги ва бошқа ахборотларни ўз ичига олади. Хизмат нархи БҲМнинг 10 фоизини ташкил этади.
Украинанинг уруш кетаётган ҳудудларидан эвакуация қилинаётган ўзбекистонликлар, пластик карталардан пул ўғирлаганлик учун жавобгарлик кучайтирилиши, автомобиль олди-сотдисини нотариал расмийлаштирганлик учун давлат божи камайтирилиши, Олимпия шаҳарчаси лойиҳаси, яшин урган 3 нафар қашқадарёлик ва бошқалар — «Газета.uz» нинг 9 мартдаги энг муҳим хабарлари дайжестида.
Қашқадарёда «Шўртангазкимё» МЧЖнинг Ташқи сув таъминоти насос станцияси ходими 6 туп соғлом, 4 туп санитар ҳолатини йўқотган қайрағоч дарахтини таг қисмидан кесиб ташлагани аниқланди. Бунинг оқибатида у табиатга 32,4 млн зарар етказгани айтилмоқда. Унга нисбатан маъмурий иш қўзғатилиб, ҳужжатлар судга юборилди.
Қашқадарёнинг қатор туманларида кучли шамол биноларнинг томини учириб, симёғочларнинг қулашига сабаб бўлди. Уч киши жароҳатланди. Аввалроқ, вилоятнинг Деҳқонобод туманида 3 кишини яшин ургани, улардан бирининг вафот этгани хабар қилинган эди.
Ҳукумат қарори билан Спортни ривожлантириш вазирининг маслаҳатчиси лавозимига Авазжон Каримов тайинланди.
Fitch агентлиги Россиянинг суверен кредит рейтингини «B» дан «С» гача, яъни «дефолт бўлиши муқаррар» даражасига қадар пасайтирди. Компания рейтингни 27 майда қайта кўриб чиқишни мўлжаллаган эди, бироқ мамлакатдаги ҳодисалар сабабли режадан четга чиқишга қарор қилинди. Morgan Stanley таҳлилчилари Россияда апрель ўрталаридаёқ дефолт бошланишини кутишмоқда.
Қонунчилик палатаси депутатлари бир қатор давлат божи миқдорларини камайтиришга оид қонун лойиҳасини кўриб чиқмоқда. Жумладан, ҳужжатда барча автомобилларнинг олди-сотди шартномасини нотариал расмийлаштирганлик учун давлат божини ягона — 810 минг сўм, «гендоверност» учун эса — 540 минг сўм этиб белгилаш назарда тутилган.
Деҳқонобод туманида 3 кишини яшин урди. Натижада улардан бири вафот этди, қолган иккисига тиббий ёрдам кўрсатилмоқда.
Эндиликда пластик карталар ва банк ҳисобрақамлардан пул ўғрилаш оғирлаштирувчи ҳолат сифатида эътироф этилади. Олий Мажлис Қонунчилик палатаси Жиноий жавобгарлик тўғрисидаги кодекснинг 168 ва 169-моддаларига ўзгартиш ва қўшимчалар киритишни кўзда тутган қонунни қабул қилди.
Ўзгидромет Тошкент шаҳрида яқин 2 соат ичида кучли момақалдироқ билан ёмғир ёғиши, шунингдек шамол тезлиги 12−14 м/сгача кучайишини маълум қилди.
Uzbekistan Airways авиакомпаниясига иккинчи А321neo NX ҳаво кемаси олиб келинди. Самолёт Тошкент — Лондон, Тошкент — Сеул, Тошкент — Куала Лумпур каби йўналишларда қатновни амалга оширади.
22 февраль куни Германия канцлери Олаф Шольц «Шимолий оқим-2» лойиҳасининг сертификациясини тўхтатди. Кўп ўтмай АҚШ ушбу лойиҳа операторига қарши чекловлар қўйгани маълум қилинди. 24 февраль куни Россия Украинада «махсус ҳарбий операция» эълон қилганлиги ортидан эса газ нархлари кескин ошишни бошлади. Айни вазиятда Европа ва Россиянинг энергетика соҳасидаги кўплаб мутахассислари Европанинг Россия газисиз яшай олиш имкониятини таҳлил қилишмоқда.
Қўшимча имкониятларга эга булиш учун сайтда рўйхатдан ўтинг