Ўзбекистонда якшанба куни деярли 390 кишида коронавирус аниқланди, 3 нафар коронавирус бемори вафот этди.
Президент Шавкат Мирзиёев қўшни мамлакатдаги фожиали воқеалар ва уларнинг натижасида кўплаб ҳарбийлар ва аҳоли вакиллари нобуд бўлгани ҳамда кўрилган катта талофатлар муносабати билан Қозоғистон халқи ва президентига таъзия изҳор этди.
Таълим сифатини назорат қилиш инспекцияси нодавлат таълим муассасаларига қишки таътилни 24 январга қадар узайтиришни, ушбу муддат ичида эса ўқувчиларнинг онлайн фан олимпиадалар, интеллектуал ўйинлар ва турли танловларда иштирокини таъминлашни тавсия қилди. Қолаверса, ушбу давр учун ота-оналардан тўлов ундирилмаслик сўралди.
Ўзбекистонга Беларус ва Украинадан импорт қилинадиган гўштни етказиб бериш кечикмоқда. Бу кўплаб юклар учун транзит йўлаги ҳисобланган Қозоғистондаги инқироз билан боғлиқ. «Газета.uz» билан суҳбатда бўлган уч тадбиркор етказиб беришдаги узилишлар нархларга ҳам таъсир кўрсатиши мумкинлигини таъкидлади.
Сурхондарёнинг Бойсун туманида кечаси кучсиз зилзила содир бўлди. Бу ва бошқа ҳудудларда ер ости силкинишлари кучи 2 дан 3 баллгачани ташкил этди.
Қирғизистон ТИВ қозоқ телеканалларида қирғиз мусиқачиси Викрам Рузахунов погромлар қатнашчиси сифатида кўрсатилгани учун Қозоғистонга норозилик нотасини юборди. Қирғизистон Миллий хавфсизлик давлат қўмитаси раҳбари унинг террорчи эмаслигини маълум қилди. Президент Садир Жапаров ҳам вазиятга изоҳ берди.
Ўзбекистонда коронавирус пандемиясининг иккинчи тўлқини тугаши биланоқ кунлик коронавирус ҳолатларида яна кескин ўсиш кузатилди. 8 январь куни пандемия бошидан буён қиш мавсумидаги энг юқори кўрсаткич қайд этилди, кейинроқ мамлакатда омикрон штамми аниқлангани айтилди. Ҳозиргача Ўзбекистонда коронавирус тўлқинлари асосан баҳорнинг охирида бошланиб, қишгача давом этаётган эди.
ССВ 7 январь куни Ўзбекистонга кириб келган чет эл фуқаросида коронавируснинг «омикрон» штамми аниқланганини маълум қилди. 8 январь ҳолатига COVID-19 билан касалланиш ҳолатлари рекорд даражада қайд этилиб (369 та ҳолат), умумий касалланишлар сони 200 мингдан ошди.
COVID-19`га қарши кураш бўйича махсус комиссия карантин чораларини кучайтириш тўғрисида қарор қабул қилди. Барча ташкилотларга ходимларни фақат эмланганидан кейин иш жойига киритишга рухсат берилади. Давлат органларига ҳар қандай тадбир ўтказиш тақиқланади. Аҳолини тўлиқ эмлаш жараёни жадаллаштирилади.
Туркманистон президенти 50 йилдан кўпроқ вақтдан бери ёниб турган «Дўзах дарвозаси» газ кратерини сўндиришни буюрди.
Ўзбекистонда бир ойда киши бошига минимал истеъмол харажатлари 13,2 фоизга ошиб, 498 минг сўмни ташкил этди. Минимал истеъмол харажатларининг оширилиши натижасида айрим турдаги пенсия ва нафақалар миқдорлари ҳам камида шу суммага етказилиши кутилмоқда.
ХТВ мактабларда қишки таътил 24 январга қадар узайтирилганини маълум қилди. Мазкур қарор мактаб раҳбарлари ва педагоглар учун янги Миллий ўқув дастурлари асосида малакаларини ошириш курсларини ташкил этиш мақсадида қабул қилинди.
Президент ташрифи чоғида ўрнатилган чекловларга бўйсунмасдан Malibu`га қарши ўқотар қурол ишлатилгани, нархи азонлашган АИ-80 бензини, Ўзбекистонда «омикрон» аниқланмаганини айтган Нурмат Отабеков, Деновдаги портлаш юзасидан Ҳукумат комиссияси хулосаси, Қозоғистондаги вазиятнинг Ўзбекистон иқтисодиётига таъсири ва бошқа хабарлар — «Газета.uz» нинг 8 январдаги энг муҳим хабарлари дайжестида.
Ўзбекистонда январь ойи бошидан бери 10 мингдан ортиқ истеъмолчи 100 мингга яқин харид чекини кэшбек учун рўйхатдан ўтказди. Фуқароларда йиғилган кешбэк суммаси эса 941 млн сўмни ташкил қилмоқда.
Санитария-эпидемиологик осойишталик хизмати бошлиғи ўринбосари Нурмат Отабековнинг сўзларига кўра, Ўзбекистонда коронавируснинг «омикрон» штамми аниқланмаган. «Бироқ, ортиқча хотиржамликка берилиш ҳам ярамайди… Янги штаммнинг юртимизга кириб келиш эҳтимоли йўқ эмас», — деди у.
Ҳукумат комиссияси хулосасига кўра, Денов шаҳридаги «савдо мажмуасидаги чақнашда портловчи моддалар қўлланилмаган». Мажмуа остидан ўтган, бироқ, фойдаланишда бўлмаган қувурнинг 6 та жойидан сизиб чиққан газ бино ичида тўпланган ва портлаш юзага келган. Воқеадан бир кун олдин шаҳар газ таъминоти бўлими ушбу узилмай қолган газ қувури линиясини тармоққа улагани айтилмоқда.
Шанба куни эрталабки биржа сессияси якунларига мувофиқ, АИ-80 маркали бензиннинг нархи 6,3 фоизга пасайиб, бир тонна учун — 7,47 млн сўмни ташкил қилди.
Бандлик ва меҳнат муносабатлари вазирлиги БҲМнинг 8500 баравари миқдоридаги — 2,3 млрд сўм захира маблағларини тўлдирмаганлиги сабабли учта хусусий бандлик агентлиги лицензиясини вақтинча тўхтатди.
ФВВ Деновдаги савдо мажмуасида юз берган портлаш оқибатида жами 226 та кўчмас мулкка 22,6 млрд сўмлик зарар етганини маълум қилди. Талофат кўрган биноларнинг 25 таси яроқсиз деб топилган, шундан 13 та хонадон эгалари бошқа жойга кўчирилиб, уйлари таъмирлаб берилмоқда.
Бананли крамбл, қатламачалар, шоколад ва бананли маффинлар, шоколад ва ёнғоқ солиб пиширилган бананли нон, печеньелар ва қуймоқлар — Zira.uz бананли ширинликлар рецептлари рўйхатини тақдим этади.
Қўшимча имкониятларга эга булиш учун сайтда рўйхатдан ўтинг