Архив
Safia ва Madina-Muxlisa Star ўртасида истироҳат боғидаги ер учун баҳс: ким ҳақ?
Safia ва Madina-Muxlisa Star компаниялари Тошкентнинг «Боғишамол» истироҳат боғи ҳудудидаги 1,2 гектарлик ер учун судлашмоқда. Аввалроқ Safia яқиндагина 40 млрд сўм эвазига қурилган янги завод биносини сақлаб қолишни сўраб президентга мурожаат қилган эди. Madina-Muxlisa Star эса шаҳар ҳокимлиги ерни захирага олиш ва уни қандолатчилик фирмасига ажратиш тўғрисида ноқонуний қарор қабул қилган, деб ҳисобламоқда. Туман ҳокимлиги ҳам изоҳ берди. «Газета.uz» барча томонларнинг фикрларини тўплади.
82 турдаги хом ашё ва ярим тайёр маҳсулотлар импорт божидан озод қилинди
Президент қарори билан 82 турдаги хом ашё ва ярим тайёр маҳсулотлар импорт божхона божидан озод қилинди. Мазкур ҳужжат давлат раҳбарининг тадбиркорлар билан учрашувида билдирилган таклифлардан келиб чиқиб қабул қилинди.
Президент сайловларида овоз бериш. Қўлланма
Сайлов участкасини қандай аниқлаш мумкин? Сайлов бюллетени қандай тўлдирилади ва уни суратга олиш мумкинми? «Газета.uz» сайлов куни қандай ва қаерда овоз бериш мумкинлиги ҳақидаги саволларга жавоб беради.
Нима тайёрлаймиз: сомса
Сомса-шўрва, дангаса сомса, «Пармуда», кабоб, товуқ ва пишлоқли — Zira.uz барчага манзур келадиган сомсалар рецептлари рўйхатини тақдим этади.
Жаҳон янгиликлари дайжести
Россияликларнинг аксарияти ишланмайдиган кунларда Ўзбекистонга учмоқчи экани, Байденнинг Хитой билан совуқ урушни хоҳламаслиги, Трампнинг янги ижтимоий тармоғига хакерлар ҳужум қилгани, Беларусда ниқоб режими бекор қилингани, Актёр Алек Болдуинни тасвирга олиш пайтида тасодифан оператор ва режиссёрни отиб қўйгани ва бошқа янгиликлар — «Газета.uz»нинг жаҳон янгиликлари дайжестида.
22 октябрь куни Ўзбекистонда содир бўлган энг муҳим хабарлар дайжести
Абдулазиз Камиловнинг Россия ОАВлари учун ўтказган матбуот анжумани, Ногиронлар, Карлар ва Кўзи ожизлар жамиятлари Сенатга мурожаати, фарзанд асраб олиш тартибларини соддалаштиришга қаратилган қонунни имзоланиши — «Газета.uz»нинг 22 октябрдаги энг муҳим хабарлари дайжестида.
АҚШ ҳарбийларини Ўзбекистонга жойлаштиришга зарурат йўқ, Вашингтонда бу ҳақда билишади — ТИВ
ТИВ раҳбари Абдулазиз Камилов АҚШ ҳарбийларини Ўзбекистонга жойлаштириш имкониятлари ҳақидаги саволга жавоб берар экан, Ўзбекистон ва АҚШ ўртасидаги стратегик шерикчилик тўғрисидаги декларациясида «ўзаро муносабатларимиз чегаралари» белгилаб берилганини эслатди. «Кўплаб сиёсий маслаҳатлашувларда америкаликларга бу нарса Ўзбекистон учун мутлақо қабул қилинмаслиги етказилган», — деди вазир.
Тошкент КХШТга қайтиш заруриятини кўрмаяпти — Абдулазиз Камилов
Ўзбекистон ҳукумати ҳозирча КХШТга қайтиш заруриятини кўрмаяпти, аниқ таҳдидларни акс эттириш вазифаси бор, дея маълум қилди Ўзбекистон ташқи ишлар вазири Абдулазиз Камилов. «Бироқ ҳодисалар, вазиятнинг қандай ривожланишини Худо билади. Ҳамкорлик шакллари ҳам ўзгариши мумкин», — дея қўшимча қилди у.
TEXNOPARK Shivaki саноат совутиш тизимларини таклиф қилади
TEXNOPARK МЧЖ ҳар қандай эҳтиёжлар ва иш шароитлари учун Shivaki иқлим тизимларини таклиф қилади. Ускуналар учун уч йиллик кафолат берилади.
Ўзбекистонга Янгиобод ва Чоркесардаги уран майдонлари экологиясини қайта тиклаш учун €2 млн ажратилади
ЕТТБ бошқарувидаги Марказий Осиё учун Экологик қайта тиклаш ҳисоби Янгиобод ва Чоркесардаги эски уран шахталарини ёпиш учун 2 млн евро миқдорида грант ажратади.
«Ўзбекистон ва Россия ўртасидаги муносабатлар ривожланиш чўққисида» — ТИВ раҳбари
Ташқи ишлар вазири Абдулазиз Камилов ҳозирда Ўзбекистон ва Россия ўртасидаги муносабатлар ўз ривожланишининг энг юқори чўққисида эканлигини таъкидлади. У, шунингдек, Ўзбекистонда рус тили миллатлараро мулоқот тили бўлиб қолаётганини, Россияда ўзбек тилига қизиқиш борлиги ҳақида қўшимча қилди. Вазир ноябрда бўлиши кутилаётган Ўзбекистон президентининг Россияга ташрифи учун катта ҳужжатлар тўплами тайёрланганлигини маълум қилди.
«Толибон мафкурасини Ўзбекистонга олиб кириш умуман имконсиз» — Абдулазиз Камилов
Ташқи ишлар вазири Абдулазиз Камилов Ўзбекистон ҳукумати мамлакатга толиблар мафкурасининг кириб келишидан хавфсирамаслигини таъкидлади. «Толиблар қандайдир мафкурани экспорт қилишни бошлашига жуда кўп вақт талаб этилади», деди у. Вазир ҳаракат ва унинг раҳбарларининг дунёқараши ўзгариб бориши мумкинлигини ҳам қайд этди.
Тошкентда икки автомобиль юзма-юз тўқнашди, бир киши ҳалок бўлди
Тошкентнинг Олмазор туманида 19 ёшли Nexia-3 ҳайдовчиси қарама-қарши йўналишга чиқиб кетди ва Spark билан тўқнашди. Натижада Spark йўловчиси ҳалок бўлди.
561 та компания 123 млн долларлик валюта кредитларини сўмга ўтказишга рози бўлди — Марказий банк
Тижорат банклари томонидан валютада 1 млн долларгача қарзи бўлган (умумий қарздорлик 2,5 млрд доллар) 15 мингдан ортиқ корхоналарнинг хорижий валютада ажратилган кредитларни сўмга ўтказиш бўйича таклифлар юборилган. Марказий банк раисининг айтишича, 561 та компания валютадаги кредитларини сўмга ўтказишга розилик билдирган, лекин бу амалиёт келгусида ҳам давом этади.
Долларнинг расмий курси яна кўтарилди
Долларнинг сўмга нисбатан расмий курси 11,02 сўмга кўтарилиб, 10 703,02 сўм этиб белгиланди. Шунингдек, евро ва рубль курслари ҳам кўтарилди.
Қарийб 422 минг фуқаро сайловда муддатидан олдин овоз берди
Марказий сайлов комиссияси маълумотига кўра, 14−20 октябрь кунлари президентлик сайловларида муддатидан олдин овоз бериш жараёнларида жами 421 618 нафар фуқаро қатнашди.
Аёллар, тинчлик ва хавфсизлик глобал индексида Ўзбекистон 74-ўринни эгаллади
Ўзбекистон Аёллар, тинчлик ва хавфсизлик глобал индексида 170 та мамлакат ичидан 74-ўринни эгаллади. Рейтинг аёлларнинг хавфсизлиги, уларнинг парламентдаги улуши, дискриминацион нормалар сингари категориялар асосида тузилган.
Самарқандда KFC ресторани очилади
23 октябрь куни Самарқандда янги КFC ресторанининг тантанали очилиш маросими бўлиб ўтади. Тадбир доирасида шоу дастур бўлиб ўтади ва меҳмонлар совғалар ютиб олишлари мумкин бўлади.
Энди унча оғир бўлмаган жиноятни содир этганлар ҳам фарзанд асраб олиши мумкин
Президент фарзанд асраб олиш тартибларини соддалаштиришга қаратилган қонунни имзолади. Унга кўра, ҳаётга, соғлиққа қарши, гиёҳвандлик ва бошқа жиноятларни қасддан содир этганлар бола асраб олиши мумкин эмас деб белгиланмоқда. Унча оғир бўлмаган жиноятни содир этган ва жазо муддатини ўтаганларга эса фарзанд асраб олишга рухсат берилади. Қолаверса, фарзандликка олувчи ва олинувчи ёшидаги фарқ 15 ёшдан кам бўлмаслиги шарт.
«Қонун қабул қилинишини бир неча йиллардан бери кутаётгандик». Ногиронлар, Карлар ва Кўзи ожизлар жамиятлари Сенатга мурожаат қилди
Ногиронлар, Карлар ва Кўзи ожизлар жамиятлари сенаторлар рад этган «Ижтимоий тадбиркорлик тўғрисида»ги қонунни маъқуллашни сўраб, Сенатга мурожаат қилди. Унда имконияти чекланган шахслар ушбу қонунни бир неча йилдан бери кутаётгани, аслида «бошидан ўтказган» инсонгина ҳолат қандайлигини билиши таъкидланган. Жумладан, сўнгги 3 йилда Карлар жамияти корхоналарининг даромади 5 бараваргача тушиб кетгани, улардаги ишчилар сони эса 2000 йилдаги 4900 кишидан 2020 йилга келиб 1479 нафарга камайгани айтилган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг