Нью-Йорк ҳакамлар ҳайъати Доналд Трампни порноактрисага тўланган пулни яшириш учун ҳужжатларни қалбакилаштиришда айбдор деб топди. Шу тариқа, у жиноий ишда айбдор деб топилган биринчи АҚШ президенти бўлди. Ҳукм 11 июль куни эълон қилинади.
Жума куни Шавкат Мирзиёев Бухоро вилоятига боради. Ташрифда лойиҳалар билан танишиш, янги объектларни ишга тушириш ва вилоятни ижтимоий-иқтисодий ривожлантириш юзасидан йиғилиш ўтказиш режа қилинмоқда.
Тарифлар оширилганидан сўнг май ойида Ўзбекистонда 2023 йилнинг шу даврига нисбатан электр истеъмоли 324 млн кВт/соатга, газники 125 млн куб метрга камайди, деди энергетика вазири. Унинг айтишича, абонентлар ва корхоналар сони кўпайиши билан истеъмолнинг камайиши энергия тежамкорлигидан далолатдир.
Ҳар йили баҳорда, 30 апрелда Халқаро болаларни жисмоний жазолашга чек қўйиш куни нишонланади. ЮНИСЕФ вакили Антония Людеке ўз мақоласида болаларни зўравонликларсиз тарбиялаш, уларнинг қадр-қимматини ҳурмат қилишга асосланган ўқитиш усулларига ўтишнинг аҳамияти ҳақда сўз юритади.
112 ягона диспетчерлик хизмати 1 июндан бошлаб Тошкент шаҳри ва вилоятида, кейинчалик босқичма-босқич бошқа ҳудудларда ишга туширилади. Бу рақам фавқулодда вазиятлар вақтида шошилинч ёрдам олишга мўлжалланган бўлиб, АҚШдаги 911 хизматининг аналоги ҳисобланади.
Дунё аҳолисининг деярли 80 фоизи 2023 йилда камида 31 кун давомида аномал иссиқликни бошдан кечирди. Тадқиқотчиларнинг таъкидлашича, антропоген омиллар таъсирида юзага келган иқлим инқирози бўлмаганда, бу кунлар анча кам бўлар эди.
2026 йилгача ЖСТга аъзо бўладиган Ўзбекистон, энергия самарадорлиги рейтингини жорий этиш таклифи, тартибга солинаётган хорижий консультантларни жалб қилиш тизими, 35 млрд долларга етган давлат қарзи ва бошқалар — «Газета.uz»нинг кунлик дайжестида.
Ўзбекистонда Ислом дунёси таълим, фан ва маданият ташкилоти (ICESCO) минтақавий ваколатхонаси очилиши мумкин. Қўлёзмаларни сақлаш ва реставрация қилиш бўйича тажриба алмашиш, араб тили ўқитувчиларини тайёрлаш ҳам кўзда тутилган. Президент ташкилот бош директори билан шу масалаларни муҳокама қилди.
АҚШ ва Украина июнь ойида Италияда бўлиб ўтадиган G7 саммити доирасида хавфсизлик бўйича икки томонлама битим имзолаши кутилмоқда. Бу Киевнинг НАТО давлатлари билан тузган икки томонлама келишувлари ичида энг муҳимига айланади, деб ёзмоқда Financial Times.
2024 йил 1 январь ҳолатига кўра, Ўзбекистоннинг давлат қарзи бир йил давомида 5,7 млрд долларга ўсиб (режа қилинган 2,9 млрд доллар ўрнига), 34,9 млрд долларга етди. Олти йил ичида қарз 3 баравар ошди. Ўтган йили давлат қарзига хизмат кўрсатиш харажатлари кескин ортди.
Президентга иқтисодиёт тармоқларида энергия самарадорлигини ошириш бўйича таклифлар тақдим этилди. Энергия аудитини ўтказишнинг янги тартиби йўлга қўйилади, раҳбарларга энергия самарадорлиги бўйича KPI`лар ўрнатилади, ташкилотлар, ҳудудлар ва бинолар учун энергия истеъмоли рейтинги жорий этилади.
Давлат органлари турли соҳалар бўйича 50 дан ортиқ хорижий консультантларни жалб қилган. Таҳлилга кўра, одатда улар учун KPI белгиланмайди, тизимли таҳлил, тавсияларни амалга ошириш тартиби ва очиқ ҳисобот мавжуд эмас. Президентнинг янги қарори мана шу муаммоларни ҳал этишга қаратилган.
2023 йилда Ўзбекистонга 30 та давлатдан умумий қиймати 197 млн 842 минг доллар миқдоридаги гуманитар ёрдам юклари кириб келди. У асосан Германия, Хитой, Швейцария, АҚШ ва Бельгиядан юборилган ва катта қисми соғлиқни сақлаш соҳасига тўғри келади.
Хоразм вилоятида «шикоятчилар» рўйхатлари шакллантирилиб, унга «ариза ташкиллаштиришни одат қилиб олган ва норози кайфиятни кучайтиришга ҳаракат қиладиган» 44 нафар фуқаро киритилди, деб ёзди Kun.uz. Бундай рўйхатлар қонунчиликка зид ва жиноий жавобгарликка сабаб бўлади.
Экология вазирлиги собиқ МХХ биноси ҳудудидаги эман дарахтларини Улуғбек қишлоғига кўчиришга рухсат бермаган (бундай тартиб йўқ). Жараёнга масъул компания раҳбари кўчирилган дарахтларни суратга олмоқчи бўлган фотографга тўсқинлик қилди. У ўзини агрессив тутиб, фотографга энергетик ичимлик сепди.
Жаҳонгир Азимов Миллий масс-медиа фонди директори этиб тайинланди. У аввал «Дунё» ахборот агентлиги ва «Газета.uz» нашрида ишлаган ҳамда Тошкентдаги Вебстер университетида дарс берган. Акрамжон Фозилов мазкур фонднинг васийлик кенгаши раиси бўлди.
Лицензиялаш тизими тўғри йўлга қўйилмаса, бу омил мамлакатда бизнес юритиш ва ривожлантиришга жиддий тўсиқ бўлади. Давлат хизматлари кўрсатишни ислоҳ қилиш бўйича халқаро эксперт Гиоргий Цхакая ўз колонкасида ислоҳотларни қандай тўғри олиб бориш ҳақида ҳикоя қилади.
ЮНИСЕФ Қашқадарё вилоятига 150 минг она-болага тиббий хизмат кўрсатишни яхшилаш учун кислород ускуналарининг биринчи партиясини етказди. Улар ёрдамида янги туғилган чақалоқларнинг омон қолиш кўрсаткичлари ошиши таъкидланди.
«Ўзбекистон Жаҳон савдо ташкилотига аъзо бўлиш бўйича ўз мажбуриятларида собит, бунга эришиш учун барча имкониятларни ишга соламиз», — деди бош вазир ўринбосари Жамшид Ходжаев. ЖСТнинг расмийга таяниб билдиришича, Ўзбекистон 2026 йилгача ташкилотга аъзо бўлишни режа қилмоқда.
Давлат хавфсизлик хизмати ходимлари Тошкент, Самарқанд ва Наманган вилоятларида жами 78 кг гиёҳвандлик воситаларини мусодара қилди. Гиёҳванд моддалар Тожикистон ва Афғонистондан олиб келингани аниқланди. Видео.
Қўшимча имкониятларга эга булиш учун сайтда рўйхатдан ўтинг