Архив
Ички ишлар органларида коррупциявий жиноятлар икки баравар кўпайган
2021 йилда ички ишлар органларининг 89 нафар ходими 119 та коррупциявий жиноят содир этган. Бу 2020 йилга нисбатан 2 баробарга кўп. Уларнинг аксарияти ҳокимият ёки мансаб ваколати доирасидан четга чиқиш ва пора «олди-берди"си билан боғлиқ.
«Кенгаш раиси ҳокимдан кучли бўлиши керак». Боёвут тумани ҳокими кенгаш раислигини депутатларга топширди
Сирдарё вилоятининг Боёвут тумани ва Ширин шаҳрида тажриба тариқасида ҳокимнинг халқ депутатлари кенгаши раиси мақоми бекор қилинмоқда. «30 та депутат ичидан кенгаш раиси сайланади. У мени бошқарадида энди… Бир умрлик орзуйим шу», — деди Боёвут ҳокими Дилфуза Уралова. Унинг сўзларига кўра, доимий ишловчи депутат ва сенаторлар фаолият йўлга қўйилади, уларга ойлик маош тўланади. Энди ҳоким ўзига эмас, балки кенгаш олдида ҳисобот беради.
Юқоричирчиқ туманлараро суди судьяси пора олганликда гумонланмоқда (тўлдирилди)
Фуқаролик ишлари бўйича Юқоричирчиқ туманлараро суди судьяси пора олганликда гумонланмоқда. У шериги билан ер билан боғлиқ низони ижобий ҳал қилиш учун 3 минг доллар олган вақтида қўлга олинган. Судьялар олий кенгаши уни жавобгарликка тортишга розилик берди.
Хабибулла Мирсоатов Тошкент шаҳар прокурори ўринбосари этиб тайинланди
Юнусобод тумани прокурори лавозимида ишлаб келган Хабибулла Мирсоатов Тошкент шаҳар прокурори ўринбосари бўлди. У Касаба уюшмалари федерацияси раҳбари Қудратилла Рафиқовнинг ўғли.
Жаҳон янгиликлари дайжести
Путин ва Макрон Кремлда музокараларни бошлагани, Украинанинг Ғарбдан 1,5 млрд доллар ёрдам олаётгани, Оттавада намойишлар туфайли фавқулодда ҳолат эълон қилингани, Хитойнинг Байсэ шаҳрида COVID-19 туфайли локдаун жорий қилингани ва бошқа янгиликлар — «Газета.uz» нинг жаҳон янгиликлари дайжестида.
7 февраль куни Ўзбекистонда содир бўлган энг муҳим хабарлар дайжести
Ягона имтиҳон маркази «Автотест» сингари монополия эмаслигинини айтган Русланбек Давлетов, 1 мартга қадар тўлов муддати узайтирилган контрактлар, «Қизилқумцемент» ни бозор нархидан арзонроққа сотган ҳукумат, TikTok`ни блоклаш самара бермаслигини айтган адлия вазири, тадбиркорларни огоҳлантирган Тошкент ҳокими ва бошқалар — «Газета.uz» нинг 7 февралдаги энг муҳим хабарлари дайжестида.
Тадбиркор мулкини бузиш, унга зарар етказиш бизнинг мақсадимиз эмас — Тошкент шаҳар ҳокими
Жаҳонгир Ортиқхўжаев тадбиркорларни пойтахтдан фақат қонуний йўл билан, онлайн-аукцион орқали ер сотиб олишга чақириб, ер олишга ёрдам берамиз деганларга ишонмасликни сўради. «Ўз маблағингизни эҳтиёт қилинг, ернинг қонуний эгаси бўлинг», — деди ҳоким. У аҳоли яшаш массивларида рухсатсиз иншоотлар қуриш «аҳоли тинчлиги ва хавфсизлигига салбий таъсир кўрсатмоқда», дея қўшимча қилди.
Йил давомида cўмнинг реал алмашув курси 2,9 фоизга ўсди
Сўмнинг реал самарали алмашув курси Ўзбекистоннинг асосий савдо-ҳамкор давлатлари валюталарининг заифлашиши ва яна бир неча факторлар туфайли 2,9 фоизга мустаҳкамланди. Ҳамкорлар орасида турк лираси 81 фоизга қадрсизланди, Хитой юани ягона мустаҳкамланган валюта бўлди. Россия ва Қозоғистон валюталари ҳам қадрсизланди.
«Ҳокимлар ҳудудларнинг беги эмас, халқнинг ёлланма ишчиси» — Русланбек Давлетов
Адлия вазири душанба кунги матбуот анжуманида раҳбарлар ўзини ҳудуди ёки соҳасини беги эмаслиги, балки улар халқнинг ёлланма ишчиси эканлигини таъкидлади. «У ёлланма ишчи, биз ҳам ёлланма ишчимиз», — деди Русланбек Давлетов. Қолаверса, давлат органлари ва ташкилотларида иш вақти тўғри йўлга қўйилмагани давлат хизматининг жозибадорлигига таъсир қилаётганини танқид қилди. «Шунинг учун ҳам ақлли одамлар келмаяпти давлат хизматига», — деди у.
«Қайси ҳудудда тадбиркор кириб келса, давлат ўз функциясини тугатади». Адлия вазири Ягона имтиҳон маркази ҳақида
Адлия вазири Русланбек Давлетов Тошкентдаги ҳайдовчилик гувоҳномасини берувчи Ягона имтиҳон маркази «Автотест» сингари монополия эмаслигини, қолаверса, лицензияни қурилиш битганидан кейин олиш ҳам мумкинлигини айтди. «Агарда қайси ҳудудда шу талабларга мос равишда хусусий сектордан тадбиркор кириб келса, давлат ўзининг шу функциясини тугатади», — деди у.
Россия Ўзбекистон ва Қозоғистонга «рақамли дипломатлар»ни юборади
2022 йилдан бошлаб Россиянинг IT-маҳсулотларини тарғиб қилувчи «рақамли дипломатлар» мамлакатнинг Ўзбекистон, Қозоғистон ва яна 14 давлатдаги савдо ваколатхоналарида ўз фаолиятини бошлайди. Шунингдек, ушбу дипломатлар Россиянинг IT-компанияларига консалтинг ва ҳуқуқий ёрдам хизматларини кўрсатадилар.
2022 йил охирида инфляция 9 фоиздан паст бўлиши мумкин — Марказий банк
Марказий банк маълумотларига кўра, 2021 йил якунлари бўйича инфляция оралиқ мақсадли кўрсаткич даражасида — 10% бўлди. Бироқ, 2022 йил якунига қадар иқтисодиётда сақланиб қолаётган «нисбатан қатъий» пул-кредит сиёсати инфляциянинг пасайишига хизмат қилади. Шунингдек, тижорат банклари томонидан 2021 йилда иқтисодиётга ажратилган кредитлар 2020 йилга нисбатан 31 фоизга ўсгани айтилди.
Долларнинг расмий курси қаторасига бешинчи кун кўтарилди
Долларнинг сўмга нисбатан расмий курси 2,09 сўмга кўтарилиб, 10 855,11 сўмни ташкил этди. Шунингдек, евро курси пасайди, рубль курси эса кўтарилди. Ушбу алмашинув курслари 8 февралдан кучга киради.
Қарши туманига янги ҳоким тайинланди
Пиллачилик ва қоракўлчиликни ривожлантириш қўмитаси биринчи ўринбосари Беҳзоджон Юсупов Қарши тумани ҳокими этиб тайинланди. Қашқадарё ҳокими туманнинг олдинги раҳбари Мақсуда Мустафоева ҳокимлиги пайтида йўл қўйилган камчиликларга ҳам тўхталди. «2021 йилнинг ўзида ер ажратиш бўйича қонунга зид қарорлар туфайли давлатга 6 млрд сўм зарар етказилган», — деди Муротжон Азимов.
«Мен энди бориб дўппосламайман-ку». Русланбек Давлетов — Тошкент вилояти ҳокимлиги ҳақида
Адлия вазири президент фармони билан ҳокимларнинг ер ажратишига тақиқ қўйилган даврда Тошкент вилоятида 781 гектар ер тадбиркорга вақтинча бириктириб берилганини маълум қилганди. Вилоят ҳокимлиги эса бунга муносабат билдириб, ер ажратиш қонуний бўлганини айтди. Журналистнинг ҳокимлик вазирни нотўғри гапирганликда айблагани ҳақидаги саволига жавоб берар экан, Русланбек Давлетов шундай деди: «Мен энди бориб дўппосламайман-ку. Гапираверсин, шунинг учун ҳам судда гаплашамиз».
Талабалар учун контракт тўловлари муддати 1 мартга қадар узайтирилди
ОТМ талабалари ва профессионал таълим муассасалари ўқувчиларининг 1 семестр ўқиши учун контракт миқдорини тўлашнинг сўнгги муддати 2022 йилнинг 1 марти этиб белгиланди.
Қўлланма: ATTO транспорт картаси балансини тўлдириш
ATTO транспорт картасини тўлдириш учун навбатда туриб қолмаслигингизни таъминлаш учун «Газета.uz» инфо-киосклар ва мобил иловалар орқали транспорт картаси балансини қандай тўлдириш мумкинлиги ҳақида қўлланмани тақдим этади.
Ҳафта бошидаги ёғингарчилик пайшанбадан илиқ об-ҳавога ўзгаради
Ҳафта бошида Ўзбекистонга Кавказ ҳудудларидан салқин ва нам ҳаво кириб келиши эвазига айрим жойларда ёмғир ва қор ёғиши кутилмоқда. Пайшанбадан эса Эрон ҳудудларидан жуда илиқ ҳаво кириб келади ва кунлар исий бошлайди. Ҳафта давомида кечаси ва эрталаб туман тушади.
«Ўзининг диний ўлчовлари, уйидаги қарашлари билан жамиятга ўлчов қўйишга йўл қўймаймиз, қонун бор» — Адлия вазири
Адлия вазири Русланбек Давлетов диний ташкилотларнинг айрим вакиллари кимларгадир ҳукм ўқиши ҳуқуқий нуқтаи назардан нотўғрилигини қайд этиб, бу жамиятда бўлинишга олиб келаётганлигини, диний ташкилотлар бундай ихтилоф қилишга ҳаққи йўқлигини таъкидлади. У Адлия вазирлиги ушбу соҳадаги фаолиятни назорат қилишини эслатди. «Ўзининг диний ўлчовлари, уйидаги қарашлари билан жамиятга ўлчов қўйишга йўл қўймаймиз, чунки қонун бор», — деди Давлетов.
Ахборотни блоклаш техник жиҳатдан жуда қийин масала. Бу самара бермайди — адлия вазири TikTok ҳақида
Адлия вазири Русланбек Давлетов TikTok`ни блоклаш ҳақидаги таклифларга муносабат билдириб, ахборотнинг эркин тарқалиши тарафдори эканини, TikTok`ни блоклаш техник жиҳатдан жуда қийин масала эканини айтди. «TikTok`дан бошқа жойда ёмон контент йўқми, интернетга кирсангиз, бошқа бўлмағур сайтлар йўқми?», — деган вазир.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг