Президентнинг пойтахт кўчаларини кенгайтириш бўйича берган топшириғидан сўнг, ИИВ томонидан пойтахтда кенгайтириладиган кўчалар, қайта очиладиган йўллар ҳамда янги қуриш режа қилинган йўналишлар рўйхати эълон қилинди. Батафсил.
«Шоввозсой» дам олиш маскани нафақат темирйўлчиларга, балки, президент Администрацияси, Вазирлар Маҳкамаси, турли вазирлик, идора ва давлат ташкилотлари, маҳаллий ҳокимликлар, республика аҳолиси ва чет эллик инвесторларга хизмат кўрсатади, дея баёнот берди «Ўзбекистон темир йўллари».
Украинанинг МДҲнинг ҳаво макони тўғрисидаги шартномасидан чиқаётгани, Беларусда муҳим товарлар нархларига чекловлар қўйилгани, Хитой судининг фуқарога уй ишлари учун рафиқасига пул тўлашни буюргани ва бошқа янгиликлар — «Газета.uz»нинг жаҳон янгиликлари дайжестида.
Давлат тест маркази директори ўринбосари Сардор Ражабовнинг маълум қилишича, «ҳозирда Давлат тест маркази ва тегишли вазирликлар билан биргаликда фанлар мажмуаси ишлаб чиқилган. Аввалги йил билан солиштирадиганда, жуда катта фарқ бўлмайди». Фанлар мажмуаси кечикаётганига блогерлар ўз муносабатини билдирди.
Ўзбекистонда 1 апрелдан бошлаб интернет (шу жумладан, ижтимоий тармоқлар ва мессенжерлар) орқали савдо қиладиганлар иш бошлагани тўғрисида солиқ органларига хабар беришлари ва махсус рақамли кодларни олишлари шарт бўлади. Ушбу тартиб солиқ йиғимини 196 млрд сўмга ошириши кутилмоқда.
Сув тежовчи технологиядан фойдаланган қишлоқ хўжалиги ишлаб чиқарувчиларига субсидиялар берилади. Бироқ, беш йилгача бўлган муддатда технология ишлатилмаса, йиллар кесимида субсидиянинг 100 фоизидан 20 фоизгача миқдори қайтариб олинади. Технологиядан фойдаланмаслик ҳолати ҳақида видео тасвирларни юборган шахслар рағбатлантирилади.
Президент Тошкентда тирбандликлар юзага келаётган ўндан ортиқ кўчада қисқа муддатларда қўшимча ҳаракат йўналишларини очиш бўйича топшириқ берди.
Австралия ҳукумати ва Facebook онлайн-платформаларда янгиликларнинг жойланиши учун ОАВларга пул тўлашга мажбур қилиб қўювчи қонун лойиҳаси бўйича келишувга эришишди. Аввалроқ компания Австралия ОАВларининг тармоқдаги барча постларини блоклаган эди.
Овозли мулоқот учун мўлжалланган Clubhouse дастурининг Android учун мўлжалланган версияси ҳам ишлаб чиқилади. Дастурни яратишга Instagram’нинг Android версияси устида ишлаб келаётган Мопева Огундипе жалб қилинган.
Президентнинг Япония ва Туркияга ташрифлари вақтида имзоланган 31 та инвестиция лойиҳанинг ижроси кечикмоқда. Мазкур лойиҳалар жами 2,7 млрд долларлик инвестиция жалб қилиши кўзланган эди. Ушбу лойиҳаларнинг энг катта улуши энергетика ва уй-жой коммунал хизмат кўрсатиш соҳаларига тўғри келади. Сенат ушбу кечикишларга сабаб бўлган омилларни маълум қилди.
Долларнинг расмий курси 11 сўмга қимматлади ва жами 10 554 сўм этиб белгиланди. Евро ва рубль курслари ҳам бироз қимматлади.
Ўзбекистон экспортида Хитой етакчи бўлиб, январь ойида умумий экспорт хажми 147 млн долларни ташкил этган. Хитой, шунингдек, Ўзбекистон импортида ҳам етакчи ўринни егаллаган — импорт хажми 337,2 млн доллар.
Ўзбекистонда қўшимча 587 мегаватт электр қуввати етказиб берадиган 11 та янги гидроэлектр станциялари қурилиши режалаштирилмоқда.
Ташрифга тайёргарлик кўриш масалалари икки мамлакат ташқи ишлар вазири биринчи ўринбосарлари томонидан муҳокама қилинди. Ташриф қачон уюштирилиши ҳозирча маълум эмас.
Компанияларга ўзлари ишлаб чиқарган олтин ёмбиларни сотишга, тамға қўйишда механик ёки лазер усулидан фойдаланишга рухсат берилади. Заргарлик буюмларини ички ва ташқи бозорларда онлайн сотиш мумкин бўлади. Савдо суммаси БҲМнинг 600 бараваридан ошмаган тақдирда мижозни текшириш талаб этилмайди. Заргарлик саноатини ривожлантириш бўйича қарор ҳақида батафсил.
Тошкент вилоятида Мисрнинг Solyphar компанияси янги фармацевтика заводини қуради. 20 млн долларлик инвестиция киритилиб, 120 турдаги дори маҳсулотларини ишлаб чиқариш йўлга қўйилади.
Тошкент шаҳрида амалий фанлар университети ташкил этилиши мумкин. Талабалар «Бизнес ахборот тизимлари», «Бизнес бошкаруви», «Ахборот хавфсизлиги» хамда «Электрон тижорат» йўналишлари бўйича қабул қилинади. Дарслар ўзбек, рус ва инглиз тилларида олиб борилади.
Тошкентда иқтисодиёт, ахборот технологиялари, юриспруденция ва халқаро муносабатлар йўналишларида кадрлар тайёрлайдиган янги «Diplomat university» номли хусусий университет очилиши мумкин.
24 февраль куни Европа Чемпионлар лигасининг навбатдаги нимчорак финал учрашувлари бўлиб ўтади. Бугун «Боруссия Мёнхенгладбах» — «Манчестер Сити» ҳамда «Аталанта» — «Реал Мадрид» жамоалари баҳслашади.
Шуҳрат Мусаев Наманган вилоят ҳокимининг ўринбосари — Маҳалла ва оилани қўллаб-қувватлаш бошқармаси бошлиғи этиб тайинланди. Бундан аввал, у вилоят касаба уюшмалари ташкилотлари бирлашмаси раиси бўлган.
Қўшимча имкониятларга эга булиш учун сайтда рўйхатдан ўтинг