Архив
Ўзбекистон 43,4 млн долларга тенг бўлган 27,6 минг тонна гилос экспорт қилди
Ўзбекистон январь-май ойларида қиймати 43,4 млн. AҚШ долларига тенг бўлган 27,6 минг тонна гилос экспорт қилган. Бу 2020 йилнинг мос даврига нисбатан солиштирилганда 4,3 минг тоннага кўп.
Бўстонлиқда 25 гектар ерни 1,5 млн долларга сотмоқчи бўлган шахс қўлга олинди
Тошкент вилояти Бўстонлиқ туманида от спортига ихтисослашган МЧЖга ажратилган 25,4 гектар ер майдонини 1 млн. 500 минг АҚШ долларига сотишни режалаштирган шаҳс қўлга олинди. Шунингдек, Тошкент вилоятининг Зангиота, Наманган вилоятининг Косонсой ва Фарғона вилоятининг Қува туманларида ҳам ноқонуний ер сотиш билан боғлиқ ҳолатлар аниқланди.
Евро-2020. Мусобақанинг ½ финал жуфтликлари аниқланди
Европа чемпионатининг чорак финал учрашувлари якунига етди ва ярим финал жуфтликлари номи аниқ бўлди. Ярим финал ўйинлари 6 ва 7 июль кунлари ўтказилади.
3 июль куни Ўзбекистонда 2 нафар коронавирус бемори вафот этди, 467 та янги касалланиш ҳолатлари қайд этилди
Кеча Ўзбекистонда 467 нафар фуқарода коронавирус аниқланди. Шунингдек, сўнгги кун ичида 360 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Коронавирусга қарши эмланган талабаларга контракт тўловида 10%лик чегирма берилади
Республика махсус комиссиясининг қарорига мувофиқ, 18 ёшдан катта бўлган Самарканд ва Тошкент вилояти аҳолисини коронавирусга қарши ихтиёрий равишда эмлаш белгиланди. Шунингдек, вакцинация қилинган тўлов контракт асосида ўқийдиган талабаларга 2021−2022 ўқув йили учун базавий тўлов контрактига 10 фоиз миқдорида бир марталик чегирма бонуси берилади.
Бухоро вилояти ҳокими коронавирусга чалинди, аввалроқ у ниқобсиз кўриниш берган эди
Бухоро вилояти ҳокими Ботир Зариповда коронавирус аниқлангани сабабли у даволаниш учун Тошкентга жўнаб кетди. Бир ҳафта аввал вилоят раҳбари ниқобсиз кўриниш бериб, Бухоро аҳолиси билан қўл бериб кўришганди.
Ўзбекистон АҚШнинг Одам савдоси тўғрисидаги ҳисоботидаги ўрнини яхшилади
АҚШ Давлат департаменти Одам савдоси тўғрисидаги янги ҳисоботида Ўзбекистонни иккинчи тоифага (Tier 2) киритди. Ушбу тоифага АҚШнинг одам савдоси қурбонларини ҳимоя қилиш тўғрисидаги қонунининг минимал талабларига тўлиқ риоя этмаётган, бироқ жиддий чораларни кўраётган давлатлар киритилади. Ўтган йили мамлакатда одам савдоси билан боғлиқ 93 та жиноят иши қўзғатилди.
«Ижро органи ҳеч қачон ўз айбини ўзи айтмайди». Сенат раиси — янги ташкил этилган қўмита фаолияти ҳақида
Юқори палата раиси журналистлар билан учрашувда давлат идоралари 100 фоиз очилди деб айта олмаслиги, уларнинг воқеа ва ҳодисалар юзасидан дарҳол муносабат билдириши талаб даражасида эмаслигини қайд этди. «Ижро органи ҳеч қачон ўз айбини ўзи айтмайди. Шунинг учун, парламент назорати органи сифатида бизда янги қўмита ташкил қилинди», — деди у.
Абдулазиз Камилов АҚШнинг Афғонистон бўйича махсус вакили билан учрашди
Ўзбекистон ТИВ раҳбари Вашингтонда АҚШнинг Афғонистондаги ярашиш масалалари бўйича махсус вакили билан учрашув ўтказди. Томонлар афғон можароси ҳамда минтақада тез муддатларда тинчлик ўрнатишга кўмаклашувчи чораларни муҳокама қилишган.
Маданият вазири Озодбек Назарбеков телевидениедаги жонли эфирда коронавирусга қарши эмланди
Маданият вазири Озодбек Назарбеков Халқаро пресс-клубнинг сессиясида жонли эфирда коронавирусга қарши эмланди.
«ОАВларни ишига аралашиб, у нотўғри, бу тўғри дейиш давлатнинг иши эмас» — Танзила Нарбаева
Сенат раиси журналистлар учрашувда давлат идора ва ташкилотлари мансабдорлари цензура ўрнатиши, ОАВ ишига тўсқинлик қилиши, тазйиқ ва босим ўтказишига қарши жавобгарлик янада кучайтирилишини маълум қилди. «Сизларни фаолиятингизга аралашишга, кўрсатма, йўналиш беришга ҳеч кимнинг ҳаққи йўқ», — деди у.
Зангиотада 2 минг кишилик касалхонада 2,5 мингдан ортиқ коронавирус бемори даволанмоқда
Зангиотадаги коронавирусга чалингани гумон қилинган беморларни даволашга мўлжалланган юқумли касалликлар шифохонаси беморлар билан тўлди. 2 минг кишига мўлжалланган касалхонада айни вақтда 2550 нафар бемор даволанмоқда.
2 июль куни Ўзбекистонда 3 нафар коронавирус бемори вафот этди, 482 та янги касалланиш ҳолатлари қайд этилди
Кеча Ўзбекистонда 482 нафар фуқарода коронавирус аниқланди. Шунингдек, сўнгги кун ичида 395 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Нима учун ковидга қарши оммавий эмлаш клиник синовлар якунига етмасдан бошланди?
Инновацион ривожланиш вазири ўринбосари, биология фанлари доктори Шаҳло Турдикулова «Газета.uz»га нима сабабдан ZF-UZ-VAC2001 вакцинасининг учинчи босқич клиник синовлари якунига етмасдан коронавирусга қарши оммавий эмлаш бошлаб юборилгани ҳамда перепаратнинг самарадорлиги қай даражада эканлиги ҳақида сўзлаб берди.
Нима тайёрлаймиз: совуқ десертлар
«Орео» ва творогли тортлар, «Картошка» пирожнийси, шоколадли мусс ва чизкейк — Zira.uz пиширишни талаб этмайдиган совуқ десертлар рецептлари рўйхатини тақдим этади.
«Ишқилиб, Telegram`ни блоклаб қўйишмасинда». Twitter ва Telegram фойдаланувчилари ижтимоий тармоқлар чеклангани ҳақида
Ўзбекистонда Twitter, TikTok ва ВКонтакте ижтимоий тармоқларидан фойдаланиш чекланди. «Газета.uz» Twitter ва Telegram фойдаланувчиларининг ушбу ҳолат юзасидан билдирган айрим фикр-мулоҳазаларини тақдим этади.
Германия ҳарбийлари Афғонистонни тарк этди
30 июнь куни Германия аскарларининг охирги гуруҳи Афғонистонни тарк этди. ГФР мудофаа вазири буни «муҳим тарихий воқеа» деб атади. «Биз Афғонистондан тезда европача намунадаги давлатни ярата оламиз, деган нотўғри таассуротни уйғотдик», — деди у. Вазир шунингдек, НАТО иттифоқдошлари Афғонистонга бошқа йўллар орқали ёрдам бериш ҳақида бош қотираётганини ҳам маълум қилди.
«Ота-оналарини киритсак ҳам, давлат хизматчилари „тирқиш“ топади». Акмал Бурхонов — декларациялаш тизими ҳақида
Коррупцияга қарши курашиш агентлиги директори Акмал Бурхонов даромад ва мол-мулкларни мажбурий декларация қилиш тизими нима учун давлат хизматчилари, уларнинг турмуш ўртоқлари ва вояга етмаган фарзандларини қамраб олиш билан чекланаётгани, бошқа қариндошлари ҳозирча ҳисобга олинмаётганига изоҳ берди. У тизим нима сабабдан давлат хизматчиларининг харажатларини ҳисобга олмаслиги ҳақида ҳам тўхталиб ўтди.
Қашқадарёда бемордан 5000 сўм сўраган фельдшер ишдан бўшатилди
Қашқадарё вилояти Чироқчи тумани юқумли касалликлар шифохонаси ходими беморни рўйхатга олиш учун 5000 сўм сўрагани учун ишдан бўшатилди.
Ўзбекистонда аҳолининг 2 фоизи коронавирусга қарши тўлиқ эмланди
Уч ой ичида Ўзбекистонда, ССВ маълумотларига кўра, 685,5 минг киши коронавирусга қарши тўлиқ эмланди. Бу доимий аҳолининг (33,9 миллион) 2 фоизи ёки 19 ёшдан катта бўлган аҳолининг 3,1 фоизи демакдир. Аввалроқ июнга қадар аҳолининг 60 фоизи эмланиши режалаштирилаётгани хабар қилинган эди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг