14 декабрь куни футбол бўйича УЕФА Чемпионлар лигасининг 2020/2021 йил 1/8 финал учрашувлари учун қуръа ташланди. 1/8 финалнинг дастлабки баҳслари 16, 17, 23 ва 24 февраль кунлари ўтказилади.
Тошкент шаҳар Бектемир туманида ИИО ходимлари томонидан 4 млн сўмга яқин пиротехника воситалари ушлаб қолинди.
Амударё бўйлаб Хоразм вилояти ва Қорақалпоғистонни боғлайдиган деярли 413 м узунликдаги автомобиль ва темир йўл кўприги қурилади. Шунингдек, Шовот туманидан Кораузоқ туманигача 79 километрлик темир йўл қурилади. Қурилишни январь ойида бошлаш режалаштирилган.
Қамчиқ довонида музлаган йўллар сабабли 13 та автотранспорт воситалари ЙТҲга учради. Жабрланганлар ва ҳалок бўлганлар йўқ.
Ҳафтанинг ўрталаридан бошлаб ҳаво ҳарорати аста-секин кўтарилади. Сешанба куни кечаси Фарғона водийси ҳудудлари ва шанба куни Қорақалпоғистон, Хоразм, Бухоро ва Навоий вилоятларида қор ёғиши мумкин.
Тошкент шаҳар Юнусобод тумани «Универсам» савдо мажумуасида ички ишлар орган ходимлари ер ости йўлагида ноқонуний савдо билан шуғулланувчи фуқароларга йўлакни бўшатиш тўғрисида огоҳлантириш беришган. Огоҳлантиришларга мазкур фуқаролар рад жавобини бериб, жанжал кўтарган.
Ҳукумат қарори билан ихтисослашган болалар кўнгилочар-маърифий Aqlvoy телеканали (болалар телеканали) ташкил этилади. Телеканал ўзини-ўзи молиялаштириш асосида фаолият юритади.
Ҳукумат қарори лойиҳасига кўра, 2021 йил 1 апрелдан Ягона интерактив давлат хизматлари портали орқали автотранспортларнинг ойналарини «тонировка» қилиш учун онлайн тарзда рухсатнома бериш давлат хизмати йўлга қўйилиши кутилмоқда.
Ғузор туманининг собиқ ҳокими Саъдулла Бобоқулов деҳқон бозори раҳбарини ноқонуний равишда ишдан бўшатиб, унинг ўрнига ўз яқинини ишга тайинлагани ортидан бошланган суд жараёнларида судьяга босим ўтказгани сабабли ишдан олингани аниқланди. Вилоят ҳокимлиги эса у соғлиғи ёмонлашгани сабабли лавозимини тарк этганини маълум қилган эди. «Газета.uz» собиқ ҳоким иши бўйича ўтказилган хизмат текшируви натижаларини қўлга киритди. Ҳодиса тафсилотлари.
Долларнинг расмий курси 20 сўмга кўтарилди ва жами 10 463 сўм этиб белгиланди. Шунингдек, рубль ва евро курслари ҳам бироз ошди.
Юнусжон Насимджанов Давлат солиқ қўмитаси раиси ўринбосари лавозимига тайинланди. Ушбу тайинловдан аввал у Жиззах вилояти давлат солиқ бошқармаси бошлиғи вазифасида фаолият юритган.
Россия Федерацияси Давлат Думаси депутати Вячеслав Никонов телекўрсатув пайтида «Қозоғистон ҳудуди Россиянинг катта совғаси» деб айтди. Қозоғистон ТИВ Россияга нота юбориб, Қозоғистонга нисбатан ошиб борётган провокацион ҳужумлари иттифоқчилик муносабатларига жиддий зарар етказаётганини таъкидлади.
Туркиянинг Истанбул шаҳрида курьер бўлиб ишлаган 31 ёшли Ўзбекистон фуқароси тиланчилик билан шуғулланувчи шахс томонидан пичоқлаб ўлдирилди. Можарога ўзбекистонликнинг ишлаш кераклиги ҳақидаги танбеҳи сабаб бўлган.
Мактабларда ўқувчилар иштирокида Янги йил тадбирларини ўтказиш, ота-оналардан байрамни нишонлаш учун пул йиғиш ва арчаларни безатишга тақиқ жорий этилди.
Республика махсус комиссиясининг қарори билан фуқароларга янги 2021 йил байрами тадбирларини оила даврасида ўтказиш тавсия этилмоқда. Шунингдек, вазирлик, давлат идора ва ташкилотларига корпоратив байрам тадбирлари ташкил этиш тақиқланди. «Президент арчаси» байрами фақат меҳрибонлик уйлари тарбияланувчилари учун ўтказилади.
Тошкент шаҳрида жойлашган 11 та Давлат хизматлари марказлари ходимлари 10 ой давомида ярим ставка ойлик маошга тўлиқ иш режимида фаолият юритгани маълум бўлди. Мазкур ҳолат бўйича ДХА Тошкент шаҳар бошқармаси бошлиғи Санжар Абдуллаев: «Тўғри, тўлиқ ставкада эмас. Лекин, ярим ставка дегани у мажбурий эмас, ишлаганига албатта ҳақ тўланган. Қонунга зид равишда меҳнат олиб бормаган», — дея тушунтириш берди.
Вояга етмаган мактаб-интернати тарбияланувчисига тан жароҳатлари етказган шахсларга нисбатан жиноят иши қўзғатилди. Бола ҳуқуқлари бўйича Омбудсман ҳолатни назорат остига олинганлигини ва зўравонлар жазоланишини таъкидлади.
Вазирлар маҳкамасининг имо-ишора тилини ривожлантириш бўйича қарори лойиҳаси жамоат муҳокамасидан ўтмоқда. Унга кўра, ўзбeк имо-ишора тилининг ҳуқуқий мақоми белгиланиши ва имо-ишора таржимаси хизматлари муҳтожларга тақдим этилиши режалаштирилмоқда.
Президент Урганч шаҳридаги йиғилишда ҳар бир ҳоким, иқтисодий комплекс раҳбарлари ҳудуддаги муаммолар бўйича тизимли ишлаши кераклигини таъкидлади. «Президент бир йилда бир келиб, кўриб кетгани билан натижа бўлиб қолмайди», деди у. Шавкат Мирзиёев «маҳалла раиси — ислоҳотчи» тамойили асосида ижтимоий муаммоларни ҳал қилиш бўйича янги тизим жорий этилишини таъкидлади.
Тошкeнтда 38 ва 58-автобус ҳайдовчилари Шота Руставeли кўчасида пойга уюштиришди. Ҳайдовчиларнинг шахси аниқланиб, уларга 1 115 000 минг миқдорида жарима белгиланди.
Қўшимча имкониятларга эга булиш учун сайтда рўйхатдан ўтинг