Архив
Болалар кўз ўнгида мушукни деразадан улоқтирган ўқитувчи жаримага тортилди
Тошкентда ўқитувчи ўқувчилари кўз ўнгида иккинчи қават деразасидан мушук улоқтирди. Оқибатда мушук кўплаб жароҳатлар туфайли нобуд бўлди. Суд ўқитувчини БҲМнинг бир баравари (375 минг сўм) миқдорида жаримага тортди.
Давлат симфоник оркестри юбилейини катта фестиваль билан нишонлайди
Ўзбекистон давлат консерваториясида Давлат симфоник оркестрининг 10 йиллигига бағишланган фестиваль бўлиб ўтади. Дастурдан Густав Малер, Эдвард Григ ва бошқа бастакорларнинг асарларидан иборат концертлар ўрин олган бўлиб, унда маҳаллий ва хорижий яккахонлар иштирок этади.
Техник жиҳатдан тартибга солиш соҳасидаги қонунчилик ЖСТ талабларига мослаштирилади
Президентга олиб кирилган техник жиҳатдан тартибга солиш соҳасига оид тақдимотга кўра, халқаро тан олинадиган лабораторияларни кўпайтириш, 10 та янгисини ташкил қилиш, соҳадаги қонунчиликни ЖСТ талабларига мослаш режалаштирилмоқда. Давлат раҳбари кадрлар тайёрлаш тизимини такомиллаштиришни буюрди.
Ер юзида ёввойи ҳайвонлар сони 50 йилда 73 фоизга камайди
Бутунжаҳон ёввойи табиат жамғармаси (WWF) тадқиқотига кўра, сўнгги ярим асрда сайёрадаги ёввойи ҳайвонларнинг сони 73 фоизга камайди. Ёввойи табиат учун асосий таҳдидлар инсон фаолияти натижасида яшаш муҳитининг деградацияси ва йўқолишидир.
Сентябрда пойтахтдаги ўртача таъмирланган хонадонлар ижара нархи 2,8 фоизга ошди — МҲТИ
Сентябрда Тошкентда уй-жойлар учун ижара нархларининг ошиши давом этди. Пойтахтда ўртача таъмирланган хонадонлар учун ўртача ижара нархлари августга нисбатан 2,8 фоизга, тўлиқ таъмирланган хонадонларники эса 1,4 фоизга ошди.
Қашқадарёда пахта теримига чиқмаганларга бола пули берилмаслигини айтган маҳалла раиси жаримага тортилди
Шаҳрисабз туманидаги «Пахтакор» МФЙ раиси Telegram`даги гуруҳда ишсиз фуқароларни пахта теришга чақириб, келмаганларга бола пули берилмаслигини айтди. Ҳолат бўйича маҳалла раисига чора кўрилди, у фуқароларни мажбурий меҳнатга ундагани учун 18,7 млн сўм жаримага тортилди.
Тошкентда биринчи Марказий Осиё университетлари форуми бўлиб ўтади
16−17 октябрь кунлари Тошкентда биринчи Марказий Осиё университетлари форуми бўлиб ўтади. 200 дан ортиқ делегатлар олий таълимнинг долзарб масалаларини муҳокама қилади. Форум арафасида таниқли олимлар, жумладан, иқтисодиёт бўйича Нобель мукофоти совриндори Жан Тиролнинг маърузаси режалаштирилмоқда.
Адабиёт бўйича Нобель жанубий кореялик ёзувчи Хан Кангга берилди
Адабиёт бўйича 2024 йилги Нобель мукофоти жанубий кореялик ёзувчи Хан Гангга тарихий жароҳатларга қарши курашадиган ва инсон ҳаётининг нозиклигини очиб берадиган таъсирли шеърий насри учун берилди.
Ўзбекистоннинг тўртта вилоятида сел келиши хавфи эълон қилинди
11 ва 13−14 октябрь кунлари республиканинг тўртта вилоятидаги тоғли ҳудудларда кутилаётган ёмғирлар сабабли сел-сув тошқинлари юз бериши мумкин.
Сайловолди навбатдаги теледебатда нималар ҳақида гапирилди?
Ўзбекистонда парламент сайлови олдидан 4 октябрь куни навбатдаги теледебат бўлиб ўтди. Унда партия вакиллари иштирок этиб, ўз дастурлари ҳақида сўзлади, сайловчилардан келган ҳамда рақиблари томонидан берилган саволларга жавоб қайтаришди. Дебат қандай ўтгани ҳақида ушбу мақолада танишишингиз мумкин.
Ўзбекистон — Эрон футбол учрашуви сабаб «Бунёдкор» стадиони яқинидаги кўчаларда ҳаракат чекланади
Футбол бўйича Ўзбекистон ва Эрон учрашуви сабаб соат 22:00 гача Тошкентнинг Чилонзор, Чўпонота ва Бунёдкор кўчасининг бир қисмида транспорт ҳаракати чекланади.
200 минг сўмга ижара автомобиль ва уч кишининг ўлими: Наманганда ўқувчилар иштирокидаги ЙТҲ тафсилотлари
Наманганда Gentra автомашинасини ижарага олган 5 нафар ўқувчи катта тезликда йўлнинг қарама-қарши қисмига чиқиб кетиб, юк машинаси билан тўқнашганди. Улардан 3 нафари вафот этди. Бу йил бошидан буён шаҳарда машина ижарага олган ўқувчилар иштирокида содир бўлган тўртинчи ЙТҲ бўлди, деб ёзади Kun.uz.
«Энди кимга мурожаат қилишимиз керак, президентгами?» — «Док-1 Макс» иши жабрланувчилари товон пули борасидаги мавҳумликдан норози
«Док-1 Макс» иши жабрланувчилари фойдасига жами 75,6 млрд сўм миқдорида маънавий зарар ундириш ҳақида суд қарори чиққанди. Ҳозиргача 2,5 млрд сўм тўланган, аммо қолган сумма тақдири мавҳум. Жабрланувчиларнинг ота-оналари бундан норози; улар тўлиқ сумма тезроқ ундирилишини сўрамоқда.
Ўзбекистон футбол терма жамоасининг Олимпиададаги иштироки ҳақидаги «Газета.uz» фильми
«Газета.uz» Ўзбекистон футбол терма жамоасининг Париж ёзги Олимпия ўйинларидаги иштирокига бағишланган «Кўринмас медаль» номли илк ҳужжатли фильмини тайёрламоқда. Фильмни премьерадан сўнг нашр саҳифаларида томоша қилиш мумкин бўлади.
Хотини қиз туғса, чиқиндига ташлаб юборишини айтган блогерга жиноят иши қўзғатилди
Тармоқларда Sardor gangster тахаллуси билан чиқишлар қилган блогернинг хотини қиз туғса, фарзандини чиқиндига ташлаб юборишини айтган видеоси тарқалди. Блогер танқидга учраганидан сўнг узр сўради. Унга хотин-қизлар қадр-қимматини беодоблик билан таҳқирлагани учун жиноий иш очилди.
Тошкент ИИББ мухлисларни Ўзбекистон — Эрон футбол ўйинига вақтлироқ келиш ва жамоат тартибини сақлашга чақирди
Тошкент шаҳар ИИББ футбол мухлисларини Ўзбекистон-Эрон терма жамоаларининг «Бунёдкор» стадионида бўладиган учрашувига эртароқ келиш ва жамоат тартибини сақлашга чақирди. ЎФА мухлисларга майдонга тушиш қатъиян ман этилганини эслатди.
Тошкентда ҳаво ифлосланиши ҳар йили 3000 дан ортиқ кишининг бевақт ўлимига сабаб бўлмоқда — Жаҳон банки ҳисоботи
Тошкентда PM2,5 майда заррали чанглар таъсири оқибатида йилига 3042 киши бевақт вафот этмоқда. Жаҳон банки ҳисоботида қайд этилишича, аҳоли саломатлигига етказилаётган зарар 488,4 млн долларга баҳоланмоқда. Пойтахт аҳолисининг 83 фоизи ҳавоси юқори даражада ифлосланган ҳудудларда истиқомат қилади.
Янги Бухоро аэропорти шаҳар марказидан 26 км узоқликда, 307 гектар майдонда қурилади
Янги Бухоро халқаро аэропортини қуриш учун 307 (айрим маълумотларга кўра, 380) гектар ер майдони ажратилиши кўзда тутилмоқда. Мажмуа шаҳар марказидан 26 км узоқликда жойлашади.
Аброр Мирзо Олимов Марказий банк раиси ўринбосари бўлди
Президент фармони билан Аброр Мирзо Олимов Марказий банк раиси ўринбосари этиб тайинланди. У бунга қадар МБда департамент директори лавозимида фаолият юритган. Аввалги ўринбосар Шайхонтоҳур тумани ҳокими бўлганди.
Тошкентда ҳар бир туманнинг бош режаси ишлаб чиқилади — пойтахт ҳокими Шавкат Умурзоқов
Пойтахт ҳокими Шавкат Умурзоқов президент шаҳардаги ҳар бир туманнинг бош режаларини ишлаб чиқиш таклифини берганини маълум қилди. Шунингдек, Тошкентда архитекторлар тайёрлаш учун шаҳарсозлик институти, тирбандликларни бартараф этиш бўйича Йўлларни бошқариш департаменти ташкил этиш режаси айтилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг