COVID-19 беморлари сони 274 нафарга ортиб, жами 28809 кишини ташкил этмоқда. Янги ҳолатларнинг 36 нафари Тошкент шаҳрида, 130 нафари Тошкент вилоятида ҳамда 8 нафари Қорақалпоғистонда қайд этилди. Шу юилан бирга, икки нафар COVID-19 бемори вафот этди.
Йил охирига қадар Россиядаги йирик қурилиш майдончаларида 4200 нафар ўзбекистонлик мутахассис расман иш жойига эга бўлади.
Тошкентнинг Олмазор туманида аёл киши ўзини вольтли электрузатиш тармоғи устуни ташламоқчи бўлди. ИИББ ва ёнғин-қутқариш қисми ходимлари уни пастга туширишди.
Ўзбекистон яқин кунларда Россия-Қозоғистон чегарасида йиғилиб қолган қарийб 2000 ўзбекистонлик иккита поезд билан қайтарилмоқда.
2020/2021 ўқув йилида ОТМларга кириш имтиҳонлари Тошкент ва Нукус шаҳарлари ҳамда вилоятлар марказларидаги стадионларда кунига икки марта — ҳаво салқин вақтларда ўтказилиши белгиланди.
Ўзбекистон Жаҳон банки қишлоқ хўжалигини модернизация қилишга ажратган 500 млн доллардан 87 млн долларини агросекторда илм-фан ва технологияларни ривожлантириш, 70 млн долларини эса фитосанитария ва сертификатлаш хизматларини кўрсатувчи агромарказларга йўналтиради. Яна 200 млн доллар ҳудудлар ўртасида тақсимланиб, кооперативлар ва кластерларни ривожлантиришга сарфланади.
Қишлоқ хўжалигини ривожлантириш халқаро жамғармаси Фарғона водийсида лойиҳаларни амалга оширишга $47 млн ажратади. Ушбу лойиҳа ҳудуддаги 375 мингдан ортиқ аҳоли даромадларининг ўсишига хизмат қилиши кутилмоқда.
12−13 август кунлари ёшлар ҳуқуқларини тарғиб қилишнинг долзарб масалаларига бағишланадиган Инсон ҳуқуқлари бўйича Самарқанд форуми видеоконференция шаклида ўтказилади. Унда президент Шавкат Мирзиёевнинг БМТ Бош Ассамблеяси 72-сессиясидаги таклифига мувофиқ тайёрланган БМТнинг Ёшлар ҳуқуқлари бўйича конвенцияси лойиҳаси муҳокама қилинади.
Тошкентнинг Учтепа тумани яшовчилари учта маҳаллани Тошкент вилоятининг Зангиота тумани таркибига ўтказишга қарши чиқди. Туман ҳокими Фарҳод Абдуллаев улар билан учрашувда пойтахт ва вилоят чегараларининг ўзгариши ҳозирда лойиҳа эканини таъкидлаб, ушбу масалани шаҳар ҳокими билан муҳокама қилишга ваъда берди.
UzAuto Motors депутат Расул Кушербаевнинг Монополияга қарши курашиш қўмитаси томонидан олиб борилган текширувлар ҳақидаги берган хабарларига «популистик фикр-мулоҳазалар» деб баҳо берди ҳамда «қўмита тезислари очиқ-ойдин бузилган» дея муносабат билдирди.
Пойтахтнинг Сергели, Чилонзор ва Учтепа туманларидан бир қисмини Тошкент вилоятига ўтказиш режалаштирилмоқда. Шунингдек, Мирзо-Улуғбек тумани таркибидаги Улуғбек шаҳарчасини вилоят ҳудудига ўтказиш ва Қибрай туманининг маъмурий марказига айлантириш мўлжалланган.
Аюбхон Раджиев Абдулла Авлоний номидаги халқ таълими тизими раҳбар ва мутахассис ходимларини қайта тайёрлаш ва малакасини ошириш институти ректори этиб тайинланди.
Аҳолининг молиявий саводхонлигини ошириш мақсадида Марказий банк Finlit.uz ахборот-таълим веб-сайтини ишга туширди. Унда иқтисод, банк ва молия соҳасига тегишли мақолалар, ўқув материаллари эълон қилинади, интерактив хизматлар ва лойиҳалар доимий равишда янгиланиб, такомиллаштириб борилади.
Samsung янги Galaxy Note20 ва Note20 Ultra смартфонлари, Tab S7 ва S7+ планшетлари, Galaxy Watch3 «ақлли» соати, Galaxy Buds Live симсиз қулоқчинлари ва Galaxy Z Fold 2 букилувчан экранли смартфонларини тақдим этди.
Тожикистон парламентининг қарори билан 11 октябрь мамлакатда президент сайловлар куни деб эълон қилинди.
Тошкент шаҳар соғлиқни сақлаш бош бошқармаси бошлиғи Ботирбек Исабеков эгаллаб турган лавозимидан озод этилди. У бошқармага 2019 йилнинг июнь ойидан раҳбарлик қилиб келаётганди.
«Миллий тикланиш» партияси Вазирлар Маҳкамасига автомобилларнинг ойналарини қорайтириш учун рухсатнома ва тўловларни бекор қилиш тўғрисида таклиф юборди.
Twitter Дональд Трампнинг саҳифасида COVID-19 ҳақида ёлғон маълумотларни ўз ичига олган видео пайдо бўлганидан кейин АҚШ президентининг аккаунти орқали пост ёзиш имкониятини чеклашга қарор қилди. Шунингдек, Facebook ҳам АҚШ президентининг жойлаган постини ижтимоий тармоқдан ўчириб юборди.
Россиядаги чет эллик талабаларга бўш вақтларида махсус рухсат ва патентсиз ишлашга рухсат берилди. Ишга жойлашиш учун улар фақат ўқув юртидан маълумотнома тақдим этишлари керак бўлади.
Mash нашри томонидан суратга олинган видеорепортажда Россия-Қозоғистон чегарасидаги ватанига қайтиш имкониятини кутаётган ўзбекистонликларнинг палатка лагеридаги ҳаёти акс эттирилган.
Қўшимча имкониятларга эга булиш учун сайтда рўйхатдан ўтинг