Архив
Миграция агентлиги: Хорижда ишлаётган ўзбекистонликлар сони 1,3 миллиондан ортиқ
Ҳозирда 1,3 млн нафардан зиёд ўзбекистонлик хорижда меҳнат қиляпти. Миграция агентлиги маълумотларига кўра, уларнинг 600 минг нафари Россияда, қолган аксарияти Қозоғистон ва Туркияда. Таҳлилларга кўра, ушбу 1,3 млн фуқаронинг 20 фоизини аёллар ташкил этади — муҳожир хотин-қизлар сони камайган.
Ҳайдовчилар учун жарима балларини ҳисоблаш тизимини жорий қилиш тўғрисидаги қонун маъқулланди
Сенат қоидабузар ҳайдовчиларга жарима балларини ҳисоблаш тизимини жорий этиш кўзда тутилган қонунни маъқуллади. Унга кўра, бир йил давомида жарима баллари 12 баллга етган ҳайдовчи камида 6 ойга ҳайдовчилик ҳуқуқидан маҳрум қилинади.
«Германия ҳамширалар сўраяпти». Ўзбекистондаги 14 та тиббиёт техникуми немис стандартларига ўтказилади
Ўзбекистондаги 14 та тиббиёт техникуми 2025 йилдан немис стандартлари асосида ўқитишни бошлайди, чунки, Миграция агентлигига кўра, «Германия иш берувчилари Ўзбекистондан тўхтовсиз ҳамширалар сўраяпти». 3 йиллик ўқишдан сўнг битирувчиларга немис тили бўйича B2 сертификати ва халқаро диплом берилади.
Автомобилда дрифт қилиш ва «шахмат» усулида агрессив ҳаракатланиш учун жавобгарлик белгиланмоқда
Ўзбекистонда энди транспорт воситасини кескин бошқариш, яъни дрифт қилиш ва «шахмат» шаклида ҳаракатланиш учун жавобгарлик белгиланмоқда. Бундан ташқари, транспорт воситасини такроран маст ҳолда бошқарганлик учун жиноий жавобгарлик жорий этилмоқда.
Тошкент вилоятида 51 ёшли аёл ис газидан заҳарланиб вафот этди
Олмалиқ шаҳрида яшаган 51 ёшли аёл ўткир ис газидан заҳарланиш ортидан юзага келган ўткир юрак-қон томир ва нафас етишмовчилиги оқибатида вафот этди. Прокуратура томонидан текширув ҳаракатлари олиб борилмоқда.
Сенат ҳуқуқ-тартибот ходимлари видеоларини «обрўсизлантириш мақсадида» тарқатишни тақиқловчи қонунни маъқуллади
Сенат бир йилдан кўпроқ муддатдан сўнг ҳуқуқ-тартибот ходимлари видеоларини «обрўсизлантириш мақсадида» тарқатишни тақиқловчи қонунни маъқуллади. Тегишли модда билан айбдор деб топилган шахслар 10 суткагача маъмурий қамоқ билан жазоланиши мумкин.
Тошкентдаги мактабнинг икки ўқувчисида сил касаллиги аниқланди
Пойтахтнинг Шайхонтоҳур туманидаги мактабда ўқувчи икки қиз сил касалига чалингани маълум бўлди. Шунингдек, уч ўқувчи ва бир ўқитувчида касалликка мойиллик аниқлангани сабабли профилактик даво муолажалари бошланган.
Дам олиш кунлари қуёшли об-ҳаво бўлиши кутилмоқда
Дам олиш кунлари совуқ ҳаво массалари чекина бошлайди. Ҳаво ҳарорати кечаси −7…+3 даражагача, кундузи +7…+14 даражагача кўтарилади. Жойларда туман тушиши мумкин.
ИИО таркибида миграцион профилактика бўлинмалари ташкил этилмоқда
Президентнинг 2025 йилда маҳаллаларда хавфсиз муҳит яратиш тўғрисидаги қарорига асосан ички ишлар органлари ҳуқуқбузарликлар профилактикаси бўлинмалари таркибида миграцион профилактика тузилмалари ташкил этилмоқда.
Hyundai янгиланган автомобиль моделларини йиллик 14% ставкада кредитга таклиф қилмоқда
23 январдан бошлаб Жанубий Кореянинг Hyundai брендининг янгиланган автомобилларини йиллик 14%дан бошланадиган ставка билан кредитга сотиб олиш мумкин.
Қашқадарёда 232 млн сўмлик газдан ноқонуний фойдаланган фуқаро 5 йилга қамалди
Қарши шаҳрида фуқаро давлат рўйхатидан ўтмасдан новвот ишлаб чиқариш билан шуғулланган ва 232 млн 848 минг сўмлик газдан ўғринча фойдаланган. Суд ҳукми билан унга 5 йил муддатга озодликдан маҳрум қилиш жазоси тайинланди.
2025 йил ёзида Тошкент архитектураси ва мозаикаси ҳақида янги китоблар нашр этилади
Немис архитектори ва ношири Филипп Мойзер рус тилида Тошкент архитектураси қўлланмасининг учинчи нашри, пойтахт мозаикалари ва ака-ука Жарскийлар ҳақидаги китоблар чоп этилишини эълон қилди. Сўнггиси илк бор немис тилида 2023 йилда нашр этилган. Барча китоблар шу ёзда чиқарилади.
Реновация дастурида жорий йилда 20 минг хонадон қуриш режалаштирилмоқда
Ўзбекистонда жорий йилда реновация дастури асосида 20 минг хонадон қуриш режалаштирилган, дейилади президент билан учрашувда. Давлат раҳбари бу борадаги ишлар мамлакатнинг қатор шаҳар ва туманларида аллақачон бошланганини, буни бошқа ҳудудларда ҳам оммалаштириш зарурлигини таъкидлади.
Ўзбекистон ва Европа кенгаши раҳбарлари КШҲТ тез орада имзоланишига ишонч билдирди
Президент Шавкат Мирзиёев ва Европа кенгаши раҳбари Антониу Кошта телефон орқали мулоқотда Ўзбекистон билан ЕИ ўртасида Кенгайтирилган шериклик ва ҳамкорлик тўғрисидаги битим тез орада имзоланишига ишонч билдирди.
Тошкентда 5 та автомобиль иштирокида ЙТҲ содир бўлди
Юнусобод туманида Nexia, Lacetti ва Spark автомобиллари иштирокида йўл-транспорт ҳодисаси содир бўлди. ЙҲХБ ҳолат юзасидан суриштирув ишлари олиб бормоқда.
Ўзбекистон Марказий банки АҚШ давлат облигацияларини харид қилишни давом эттиради
Ўзбекистон Марказий банки олтин-валюта захираларини диверсификация қилиш доирасида АҚШ ғазначилик облигацияларини харид қилишни давом эттирмоқчи, деди Марказий банк раиси ўринбосари.
Сенат озиқ-овқат хавфсизлиги тўғрисидаги қонунни маъқуллади
Сенатда «Озиқ-овқат хавфсизлиги тўғрисида»ги қонун муҳокама қилинди. Қонун озиқ-овқат хавфсизлигини таъминлаш, давлат захираси, бозор механизмлари, истеъмолчи ҳуқуқлари ва давлат органлари ваколатларини белгилайди.
Янги уй оладиганларга тўлаган пулининг бир қисмини кешбэк қилиб қайтариш бўйича таклифлар ишлаб чиқилади
Шавкат Мирзиёев янги уй-жой оладиган фуқароларга ўзи тўлаган маблағининг бир қисмини кешбэк қилиб қайтариш бўйича таклифлар ишлаб чиқишга топшириқ берди. Бу орқали соҳада яширин иқтисодиётни қисқартириш мақсад қилинган. 2025 йилда камида 70 минг хонадон учун ипотека кредити бериш режалаштирилмоқда.
«Янги Ўзбекистон» массивлари янги қоидалар асосида қурилади — президент
Президент «Янги Ўзбекистон» массивларини қуриш бўйича янги тизим жорий этилишини маълум қилди. Улар учун туман марказлари ёки шаҳарлардан 1−2 км масофада ер участкалари ажратилади. Массивларга ер танлаш, лойиҳалаш, қуриш ва эксплуатация қилиш учун масъул бўлган «Ўз уйим» компанияси ташкил этилади.
Энди кўп қаватли уй қуриш учун ерлар аукционда фақат ҚҚС тўловчи юридик шахсларга сотилади
Шавкат Мирзиёев Ўзбекистонда бундан буён қурилишга салоҳиятли девелоперларни жалб қилиш мақсадида кўп қаватли уй қуриш учун ерлар аукционда фақат ҚҚС тўловчи юридик шахсларга сотилишини маълум қилди. Жисмоний шахслар бу мақсадда сўнгги 3 йилда сотиб олган ерларнинг аксариятида қурилиш бошланмаган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг