Архив
Якшанба куни ҳаво бироз салқинлашади
Дам олиш кунлари Ўзбекистон бўйича қуруқ ва асосан кам булутли об-ҳаво сақланиб туради. Ҳарорат шанбада +34…+37, якшанба куни эса +30…+33 даража атрофида бўлади. Фарғона водийсининг айрим жойларида қисқа муддатли ёмғир ёғиши мумкин.
«Озарбайжон билан ишончли стратегик ҳамкор эдик, бугундан бошлаб иттифоқдошмиз» — Шавкат Мирзиёев
Кўксарой қароргоҳида Ўзбекистон ва Озарбайжон раҳбарларининг тор доирадаги учрашуви ва Давлатлараро олий кенгашнинг биринчи мажлиси ўтказилди. Шавкат Мирзиёев Иттифоқчилик муносабатлари тўғрисидаги шартнома имзоланиши ҳақида гапириб, бу галги ташриф тарихий воқеа эканини таъкидлади.
Қашқадарёда ҳоким ёрдамчиси ва бошқалар 1 млрд сўмдан ортиқ маблағни талон-торож қилишда гумонланмоқда
Шаҳрисабз шаҳрида ҳоким ёрдамчиси компаниялар раҳбарлари билан бирга фуқаролар номига 1 млрд 173,6 млн сўм кредит расмийлаштириб, уларни талон-торож қилгани айтилмоқда. Ҳолат бўйича жиноий иш қўзғатилди.
Қорақалпоғистондаги ўтов Гиннеснинг рекордлар китобига кирди
Президент яқинда тадбиркорлар билан мулоқот ўтказган Нукус шаҳри «Оқ қуш» мажмуасидаги ўтов дунёдаги энг катта ўтов сифатида Гиннеснинг рекордлар китобига киритилди. Унинг диаметри 40,5 метрни ташкил қилади.
Президент Олимпиада совриндорларини мукофотлади
Шавкат Мирзиёев Париждаги ёзги Олимпия ўйинларида натижаларга эришган спортчи ва мураббийлардан бир гуруҳини орден ва фахрий унвонлар билан мукофотлади. Рўйхат.
«Санкцияларга қарши курашишда ва оиламни ҳимоя қилишда давом этаман» — Алишер Усмонов
Келиб чиқиши ўзбекистонлик бўлган миллиардер Алишер Усмонов россиялик тадбиркорларга қарши санкцияларни «улкан хато» деб атади. Унинг айтишича, у санкцияларга қарши курашишда давом этмоқда ва санкцияларга учраган оиласини ҳимоя қилмоқда.
Тошкентда йил бошидан бери кўпроқ қайси идора ходимлари коррупциявий жиноятлар содир этгани айтилди
Пойтахтда асосан ҳуқуқни муҳофаза қилувчи органлари, олий, халқ таълими ва мактабгача таълим, соғлиқни сақлаш идораларида ишловчи шахслар коррупциявий жиноятлар содир этган. Жиноят ишлари тергови доирасида 93 нафар шахс жиноий жавобгарликка тортилган.
Диёра Келдиёрова гендер тенгсизлиги ва болаларга нисбатан зўравонликка қарши курашиш бўйича махсус вакил бўлди
Дзюдо бўйича 2024 йилги Олимпиада чемпиони Диёра Келдиёрова Ижтимоий ҳимоя миллий агентлигининг гендер тенгсизлиги ва болаларга нисбатан зўравонликка қарши курашиш бўйича махсус вакили лавозимига тайинланди.
«Тошкент йўловчи вагонларини қуриш ва таъмирлаш заводи»га нисбатан жарима қўлланди
Рақобат қўмитаси «Тошкент йўловчи вагонларини қуриш ва таъмирлаш заводи» АЖ «Рақобат тўғрисида»ги қонуннинг 29-моддаси талабларини бузгани ҳақида хабар берди. Корхонанинг 2,8 млрд сўмдан ортиқ тендер савдолари юзасидан ўрганиш олиб борилган.
Тошкент — Москва йўналишида поезд қатнови йўлга қўйилади
24 сентябрдан Тошкентдан Москвага темирйўл қатновлари йўлга қўйилади. Қатнов 77 соатни ташкил қилади, чипталар рейс санасидан қанча кўп кун олдин харид қилинса, чегирма қўлланади.
ЎзА миллий ахборот агентлиги виртуаль сухандонни тақдим этди (видео)
ЎзА ахборот агентлиги сунъий интеллектга асосланган виртуаль сухандон Собира Холдаровани тақдим этди. У янгиликларни тўққизта тилда етказади. Уни яратиш учун журналист Дилдора Абдухалилованинг прототипидан фойдаланилган.
Россия Украинанинг Покровск шаҳрини олишга яқин — Economist
Россия қўшинлари Украинанинг Донецк вилоятидаги Покровск шаҳрини — бошқа йирик шаҳарларга йўл очадиган муҳим стратегик мақсадни қўлга киритишга яқин турибди, деб ёзади Economist. Расмийлар маҳаллий аҳолини эвакуация қилишни бошлади.
Қозоғистонда АЭС қуриш бўйича жамоатчилик эшитувлари якунланди
Остонада Қозоғистондаги биринчи атом электр станциясини қуриш бўйича сўнгги оммавий эшитувлар бўлиб ўтди. Аввалроқ президент Қосим-Жомарт Тоқаев АЭС бўйича референдум кузда бўлиб ўтишини маълум қилганди.
Сергелидаги гастрономик кўча бошқаларидан нимаси билан фарқ қилади? Тафсилотлар
Сергели тумани ҳокими Элбек Шукуров Сўғдиёна ва Жалойир кўчалари кесишмасида 1,2 км узунликдаги гастрономик кўча лойиҳасини тақдим этди. Устуворлик пиёдаларга берилади, автобуслар бўлади, қулай микроиқлим яратилади. «Ушбу кўча мисолида бошқа кўчалар ҳам тартибга келтирилади», — деди у.
22 август куни эълон қилинган энг муҳим янгиликлар дайжести
«Ташаббусли бюджет»нинг 2-мавсумига старт, махсус унвон олиш учун узайтирилган хизмат муддатлари, Ўзбекистонда парранда гўшти бизнеси билан шуғуллунадиган Ҳиндистон компанияси, махфийлаштирилмайдиган маълумотлар рўйхати кенгайиши ва бошқалар — «Газета.uz»нинг кунлик дайжестида.
Рақобат қўмитаси «Корзинка»га талабларни бажариш учун муҳлат берди
Рақобат қўмитасининг махсус комиссияси korzinka супермаркетлар тармоғига талабларини бажариш учун муҳлат берди. «Корзинка» аллақачон оммавий оферта ва «Энг арзон нарх» дастурининг алоқа материалларига ўзгартиришлар киритди, шунингдек, жарима тўлади.
ДХХ 3 та вилоятда ноқонуний ер савдоси ҳолатларига чек қўйди
Ўрта Чирчиқда фуқаро ободонлаштириш учун ажратилган 2 га ерни 560 минг долларга сотмоқчи бўлганда ушланди. Бошқа ҳолатда Фарғонада туман ҳокимлигининг ери 410 минг долларга сотилишининг олди олинди. ДХХ жами 5 та ҳолатда ноқонуний ер савдосини тўхтатиб қолди.
Статагентлик июль учун энергоресурслар ишлаб чиқариш маълумотларини эълон қилди
Статагентлик июль учун энергоресурслар ишлаб чиқариш маълумотларини эълон қилди. Газ қазиб олиш 3,79 млрд куб метрни ташкил этди. Кўмир қазиб олиш яна рекорд ўрнатди, дизель ишлаб чиқариш кўпайди. Йирик корхоналарда электр ишлаб чиқариш 17 фоизга, нефть — 7 фоизга, бензинь — 13,7 фоизга камайди.
Тошкентнинг қатор туманларида ичимлик суви режали ўчирилади. Рўйхат
Тошкентнинг қатор туманларида 5 сентябрь-3 октябрь кунлари режали профилактика-таъмирлаш ишлари ўтказилиши сабабли ичимлик суви навбатма-навбат вақтинча ўчирилади. Ҳудудларга махсус техникаларда сув етказиб берилади. Рўйхат.
Балиқчи тумани ҳокими ўринбосари 30 минг доллар пора билан ушланди
Андижон вилояти Балиқчи туманида ҳоким ўринбосари ва туман уй-жой коммунал хўжалиги бўлими бош мутахассиси қамоққа олинди. Улар туман ҳокимлиги захирасидаги ерни харидор номига расмийлаштириб беришга келишган.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг