Архив
Ўзбекистондаги барча сиёсий партияга парламент сайловларида қатнашиш учун рухсат берилди
Марказий сайлов комиссияси барча сиёсий партияга Қонунчилик палатаси ва маҳаллий кенгашлар депутатлар сайловида қатнашиш учун рухсат берди.
Ўзбекистонда 2023 йилда ҳайдовчилик гувоҳномаси йўқ шахслар 707 та ЙТҲ содир этди, уларда 212 киши вафот этди
Ўзбекистонда 2023 йилда ҳайдовчилик гувоҳномасидан маҳрум этилган шахслар қайта рулга ўтириб, 707 та ЙТҲ содир этди. Уларда 212 нафар шахс вафот этди, 546 нафар шахс жароҳатланди.
«Фарзандларингизни севсангиз, хавфсиз автоўриндиқлардан фойдаланинг» — АҚШ элчиси
«Газета.uz» АҚШ элчиси Жонатан Ҳеникдан Ўзбекистонда йўл ҳаракати хавфсизлиги соҳасидаги вазиятни қандай яхшилаш мумкинлиги ҳақида сўради. «Биринчи ва энг муҳими — хавфсизлик камарларини тақиш. Биз бекорга автомобилларни хавфсизлик камари билан жиҳозламаймиз», — деди у.
Фуқароларни Англияга жўнатишни ваъда қилган шахс қўлга олинди
Нуробод туманида 5 кишини Англияга ноқонуний ишга юбормоқчи бўлган шахс ушланди. У фуқаролардан бунинг учун 10 400 доллар олган.
Учтепа туманидаги айрим кўчаларни номлашда аҳолидан овоз бериш сўралмоқда
Тошкент шаҳри аҳолиси geonom.tashkent.uz сайти орқали Учтепа туманидаги айрим номсиз кўчаларни номлаш ёки қайта номлаш (жами 187 та) юзасидан ўз фикрини билдириши мумкин. Жараён 3 сентябргача давом этади.
Суд фахрийси Машкура Сафаева 74 ёшида вафот этди
Суд фахрийси Машкура Сафаева касаллик оқибатида 74 ёшида вафот этди. У 14 йил Олий суд судьяси, фуқаролик ишлари бўйича судлов ҳайъати раиси, Қонунчилик палатаси депутати, спикер ўринбосари лавозимларида фаолият юритган.
Ўзбекистонда Британиянинг Vodafone компанияси иштирокида янги уяли алоқа оператори ташкил этилади
Ўзбекистонда Vodafone ва Nokia компаниялари иштирокида янги уяли алоқа оператори ташкил этилади, деди тадбиркор Фарҳод Мамажонов президентга. Унинг сўзларига кўра, компания 5G Standalone тармоғини ўрнатади. Инвестициялар ҳажми 250 млн еврога баҳоланмоқда ва у 2025 йил бошида ишга тушиши кутилмоқда.
ЕИ Россиянинг санкциялардан қочиши муаммосини ҳал қилиш учун Кавказ ва МО давлатларидан ёрдам сўраши керак. Бу осон эмас — Economist
Россиянинг ташқи савдоси, Ғарб санкцияларига қарамай, Кавказ ва Марказий Осиё мамлакатларидаги воситачилар туфайли «гуллаб-яшнашда» давом этмоқда. Санкциялардан қочишга ечим топиш учун Европа Иттифоқи ушбу мамлакатлар ҳукуматларидан ёрдам сўраши керак, бироқ бу осон иш эмас, деб ёзди The Economist.
Озарбайжон БРИКСга қўшилишга ариза берди
Озарбайжон БРИКСга аъзо бўлиш учун расман ариза топширди. Иттифоқ сўнгги бор 2024 йил январида кенгайганди, ўшанда унга бешта давлат, жумладан, БАА ва Эрон ҳам қўшилган.
20 август куни эълон қилинган энг муҳим янгиликлар дайжести
Шавкат Мирзиёевнинг тадбиркорлар билан мулоқоти ва ундаги таклифлар, Ўзбекистонда «прописка» бўйича ягона тартиб, Эрон орқали Ўзбекистонга кела бошлаган Ҳиндистон товарлари, аэропортларда маймунчечакка қарши чоралар ва бошқалар — «Газета.uz»нинг кунлик дайжестида.
«Америка, мен сен учун ҳаммасини қилдим». Байден демократлар олдида хайрлашув нутқини айтди ва эстафетани Ҳаррисга узатди
АҚШ президенти Жо Байден Демократик партия қурултойида президентлик фаолиятини сарҳисоб қилиб, хайрлашув нутқини ирод этди. У яна «демократияни сақлаб қолиш» учун Дональд Трампни мағлуб этишга чақирди ва Камала Ҳаррисни қўллаб-қувватлаб, тажрибали ва ниҳоятда ҳалол деб атади.
Аэропортларда маймунчечак кириб келишининг олдини олиш чоралари кўрилмоқда — Uzbekistan Airports
Ўзбекистон халқаро аэропортларида маймунчечак кириб келишининг олдини олиш чоралари кучайтирилди: ходимларга касаллик аломатлари тушунтирилди, ҳарорати юқори йўловчиларни аниқлаш ускуналари ўрнатилди. Касаллик тарқалаётган Африка давлатлари билан тўғридан-тўғри рейслар йўқ, деди Uzbekistan Airports.
Ўзбекистонга Ҳиндистон товарларини Эроннинг Бандар-Аббос порти орқали ташиш йўлга қўйилди
Ҳиндистон портларидаги контейнерларни Ўзбекистонга ташишда янги мультимодал йўналиш очилди. Синов ташувлари муваффақиятли бўлди: товарлар Ҳиндистондан аввал Эроннинг Бандар-Аббос портига, у ердан эса Туркманистон орқали Сергели станциясига етказилди. Бунинг учун 20 кун керак бўлди.
Ер сотувидан тушган маблағлар мулки бузилган тадбиркорлар компенсациясига йўналтирилади
Президент ер сотишдан тушган маблағларни бузилишлар бўйича тадбиркорлардан қарзни сўндиришга йўналтириш, кредит операцияларида банк ва бизнес ҳуқуқларини тенглаштириш, солиқ тўлашдан бўйин товлаганлик учун жазони юмшатиш, бозорга киришдаги бир қатор эксклюзив ҳуқуқларни бекор қилишни таклиф қилди.
Тошкент ва Жиззах вилоятларида ҳоким ёрдамчилари пора билан ушланди
Ўрта Чирчиқ ва Ғаллаорол туманларидаги маҳаллаларда ҳоким ёрдамчиси бўлиб ишловчи икки нафар шахс пора билан ушланди. Бири ижарага ер олиб бериш учун фуқародан 15 минг доллар сўраган, бошқаси — шифохонага ишга киритиб қўйиш учун 1200 доллар. Уларга нисбатан жиноят ишлари қўзғатилди.
Суд «Озодлик»ка 100 млн сўм тўлаш ва «газ чайқовчиси» ҳақидаги суриштирув бўйича раддия эълон қилишни юклади
Тошкентдаги суд «Озодлик» радиосини газ савдоси билан шуғулланувчи Ultimo Group Limited компанияси ва унинг асосчиси ҳақидаги текширув юзасидан рад этиш баёноти эълон қилишга ҳамда маънавий зарар учун 100 миллион сўм миқдорида товон тўлашга мажбур этди. «Газета.uz» суд мажлисларида иштирок этди.
Ўзбекистонда умумий овқатланиш корхоналарига ҚҚСнинг бир қисми кешбэк шаклида қайтарилади
1 январдан бошлаб умумий овқатланиш корхоналарига ҚҚСнинг бир қисми кешбэк сифатида қайтарилади. Ойлик айланмасини нақд пулсиз амалга оширганларга эса ҚҚСнинг 40 фоизи тўланган заҳоти қайтарилади. ҚҚС тўлашга ўтган ресторан ва кафеларнинг фойда солиғи 2 каррага камаяди.
АҚШдан Ўзбекистонга соя шроти илк бор тижорий мақсадда олиб келинди
Ўзбекистонга АҚШдан биринчи марта соя шроти тижорий мақсадда импорт қилинди: 150 тонна соя шротининг илк партияси мамлакатга етиб келди. Маҳсулот гўшт ва сут маҳсулотлари етиштирувчилар учун муҳим озуқа ҳисобланади. Мамлакатга соя шроти шу вақтгача Аргентинадан кириб келарди.
Президент — тадбиркорлар билан мулоқот нега Нукусда ўтказилаётгани ҳақида
Шавкат Мирзиёевга кўра, Қорақалпоғистонда бизнес қилишнинг бошқа ҳудудларга нисбатан 3 та устунлиги бор: имтиёзлар пакети кўплиги, ер ажратишнинг содда тизими, катта бозорларга чиқиш учун қулайлик. У шунинг учун 2024 йилги тадбиркорлар билан очиқ мулоқот мазкур ҳудудда ўтказилаётганини айтди.
Ўзбекистонда яшаш жойи бўйича рўйхатга олишнинг ягона тартиби жорий этилади (ҳозир пойтахтда алоҳида тартиб)
Депутатлар пойтахт ва Тошкент вилоятида доимий яшаш жойи бўйича рўйхатга олиш тартиби тўғрисидаги қонунни бекор қилишни муҳокама қила бошлади. Яшаш жойи бўйича рўйхатга олишнинг ягона тартибини ва вақтинча турган жойи бўйича рўйхатга олишнинг хабардор қилиш тизимини жорий этиш таклиф этилмоқда.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг