Архив
Тошкент шимолий вокзалига кириш соддалаштирилди
Тошкент шимолий вокзалида бир босқичли назорат пункти жорий этилди — ҳужжатларни текшириш ва багажни кўздан кечириш энди бир жойда амалга оширилади.
Ўзбекистонда мақом санъати вакилларига устама ҳақ тўлаш жорий этилади
Ўзбек миллий мақом санъати маркази ва унинг ҳудудий бўлимлари бошқарув, илмий ва ижодий ходимларининг янгиланган ойлик иш ҳақи миқдорлари жорий этилади. Шунингдек, уларнинг хизматига қараб устама тўловлар белгиланади.
Ўзбекистон ФАОнинг «1000 та рақамли қишлоқ» ташаббусига қўшилади
Шавкат Мирзиёев ва ФАО раҳбари Тошкентдаги музокараларда 2030 йилгача бўлган янги ҳамкорлик дастурини муҳокама қилди. У қишлоқ хўжалигини модернизация қилиш, уни рақамлаштириш (жумладан, «1000 та рақамли қишлоқ» ташаббусида иштирок этиш) ва бошқа чора-тадбирларни ўз ичига олади.
7 сентябрь куни Ўзбекистонда содир бўлган энг муҳим воқеалар дайжести
Самарқандда ошган йўлкира, Тошкент аэропортида ушланган 8,5 тонна наркотик, Истанбулдаги отишма оқибатида ҳалок бўлган ўзбекистонлик, Абу-Дабидан Тошкентга экстрадиция қилинган халқаро қидирувдаги 2 эркак, «Док-1 Макс» сиропи бўйича суд тафсилотлари ва бошқалар — «Газета.uz»нинг кун дайжестида.
Хитой амалдорларига ишда iPhone’дан фойдаланиш тақиқланди
Хитой ҳукумати амалдорларга iPhone ва бошқа хорижий бренд қурилмаларини идорага олиб киришни тақиқлади. Бу ХХРнинг хорижий технологияларга қарамликни камайтиришга уриниши билан боғлиқ. Чеклов мамлакатда Apple маҳсулотлари сотувининг пасайишига олиб келиши мумкин.
Иқлим ўзгариши, инновациялар, соғлом овқатланиш. Озиқ-овқат хавфсизлиги конференциясида нималар муҳокама қилинди?
Самарқандда озиқ-овқат хавфсизлигини таъминлашга бағишланган халқаро конференция бўлиб ўтмоқда. Бунга пандемия оқибатлари, глобал муаммолар ва қишлоқ озиқ-овқат секторидаги эски ёндашувларни қайта кўриб чиқиш туртки бўлди. Конференция ҳақида асосий маълумотлар — «Газета.uz» репортажида.
Тошкент аэропортида наркотикларнинг рекорд даражадаги партияси тўхтатиб қолинди — 8,5 тонна (фото)
Тошкент халқаро аэропортида 8,5 тонна кўкнори олиб ўтилаётгани аниқланди. Улар ҳужжатда қандолат кўкнориси деб кўрсатилган 25 тонна уруғ ва сомонлар таркибида бўлган. Битта ҳолатда шунча гиёҳвандлик воситасининг аниқланиши божхона тизимининг 30 йиллик тарихида илк бор қайд этилди, дейилади хабарда.
Академик Владимир Квинт Ўзбекистонга Сув ресурслари стратегиясини ишлаб чиқишда ёрдам беради
Бош вазир ўринбосари Жамшид Кучкаров академик Владимир Квинт билан Кузбасс стратегияси мисолида Ўзбекистоннинг 2030 йилгача cув ресурслари бўйича янги стратегиясини ишлаб чиқишни муҳокама қилди. «Вазият фалокатли эмас, ҳали икки-уч йил бор, бироқ жуда критик нуқтада», — деди Квинт.
АҚШ 2023 йил учун грин карта беришни якунлади (Ўзбекистонда 3100 дона берилди)
АҚШ 2023 йилги грин карта дастурини муддатидан олдин якунлашини эълон қилди. Мавжуд бўлган барча 55 000 та виза бериб бўлинган. АҚШнинг Тошкентдаги элчихонасида 3100 дан ортиқ мурожаатчи билан суҳбат ўтказилган.
Фарғонада газ «заправка» 5 млрд сўмлик табиий газдан ноқонуний фойдалангани аниқланди
Олтиариқ туманидаги газ «заправка» 27 мингдан зиёд хонадоннинг бир ойлик истеъмолига тенг газдан ноқонуний фойдаланиб, 5 млрд сўмлик зарар етказгани аниқланди.
Самарқандда жамоат транспортида йўлкира нархлари ошмоқда
8 сентябрдан Самарқандда жамоат транспортида йўл ҳақи нақд ва банк картаси орқали тўлашда 2000 сўм, транспорт картаси билан эса 1600 сўмгача ошади. Бир транспортдан бошқасига ўтишда мослашувчан тарифлар жорий этилмоқда. Тошкентда бундай тарифларни жорий этиш баҳордан буён ваъда қилиб келинади.
Футбол бўйича Ўзбекистон терма жамоаси U-23 Осиё кубоги саралашида Афғонистонни 8:1 ҳисобида мағлуб этди
Футбол бўйича Ўзбекистон ёшлар терма жамоаси U-23 Осиё кубоги гуруҳ босқичида Афғонистонни 8:1 ҳисобида мағлуб этди. Иккинчи бўлимда захирадан майдонга тушган ҳужумчи Ҳусайн Норчаев хет-трик қайд этди (фото ва видео).
Халқаро террорчилик ташкилотини тузган ўзбекистонлик эркак Сурияда ҳалок бўлди
«Катибат ул имом ал-Бухорий» халқаро террорчилик ташкилотига раҳбарлик қилган Ўзбекистон фуқароси Суриядаги жангларда ҳалок бўлди. У 2009−2010 йилларда Термиз шаҳрида «Жиҳодчилар жамоати»ни ҳам ташкил этганди.
Ўзбекистон тиббиётини ривожлантириш жамғармаси ташкил этилади
Соғлиқни сақлаш вазирлиги ҳузуридаги мавжуд тўртта жамғарма бирлаштирилиб, Тиббиётни ривожлантириш давлат мақсадли жамғармаси ташкил этилади.
Фарғонада 13 ёшли йигит қўшнисининг машинасига зарар етказгани учун калтакланди
Фурқат туманида 13 ёшли йигит машина шиналарига зиён етказгани учун қўшниси томонидан калтакланиб, бош, пешана, бўйин каби соҳаларидан жароҳат олди. Терговга қадар текширув олиб борилмоқда.
Аксар банкларда доллар курси 12 200 сўм этиб белгиланди
Тижорат банклари 7 сентябрь куни аҳолидан 1 АҚШ долларини 12 080−12 120 сўмдан сотиб олмоқда, сотув курси эса 12 150−12 205 сўм.
«Ўлим ҳолатига олиб келишини билмаганмиз». Судланувчи — «Док-1 Макс» сиропи лабораториядан ўтказилмагани ҳақида
«Док-1 Макс» иши бўйича судланувчи сироп лаборатория текширувларидан ўтказилмаганини тан олди. Унинг айтишича, 12 йиллик фаолияти давомида Дори воситалари экспертизаси давлат марказида бирор марта ҳам дорилар текширилмаган, Адлия вазирлиги ва бошқа ташкилотлар эса эътироз ҳам билдирмаган.
Энг зарур маҳсулотлар савдоси ва транспортировкасида тўлиқ эркинлик тарафдоримиз — Шавкат Мирзиёев
Президент Шавкат Мирзиёев Озиқ-овқат хавфсизлиги бўйича халқаро конференция иштирокчиларига мурожаат йўллаб, Ўзбекистон энг зарур маҳсулотлар савдоси ва транспортировкасида тўлиқ эркинлик тарафдори эканини таъкидлади.
Минскда Ўзбекистон ва Беларусь тадбиркор аёллари биринчи бизнес форуми ўтказилди
Сенат раиси Танзила Нарбаеванинг ташрифи доирасида Минск шаҳрида Ўзбекистон ва Беларусь аёлларининг биринчи бизнес форуми бўлиб ўтди. Форум доирасида 92 млн доллардан ортиқ миқдордаги 42 та шартнома ва 17 та меморандум имзоланди.
2022 йилда бюджетдан ғалла учун жами 4 трлн сўм имтиёзли кредитлар ажратилди
Ўзбекистонда 2022 йилда бюджетдан ғалла учун 4 тлрн сўм имтиёзли кредит ажратилди, бу 2017 йилга нисбатан 3 баробарга кўп. Мева-сабзавотлар учун 1,1 трлн сўм миқдоридаги имтиёзли кредит берилди. Қишлоқ хўжалигини қўллаб-қувватлаш учун сўнгги йилларда 41 турдаги субсидия жорий этилган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг