Архив
11 июль куни Ўзбекистонда содир бўлган энг муҳим воқеалар дайжести
Мирзиёевнинг дастурини қўллаган АҚШ, ишдан олинган «Темир йўл», «Автойўл», «Сувтаъминот» раҳбарлари ва бошқа амалдорлар, Uzum ва Click бирлашиши ҳақидаги гапларга Рақобат қўмитаси раисининг муносабати, уй балконидан ўзини ташлаб вафот этган ёш йигит ва бошқалар — «Газета.uz»нинг кун дайжестидп.
Қозоғистонда блогерларга рекламадан солиқ тўлаш мажбурияти юкланиб, сохта хабарлар учун жарима жорий қилинмоқда
Қозоғистон президенти блогерларни реклама ёрлиғини қўйиш ва даромадларидан солиқ тўлаш мажбуриятини юкловчи қонунни имзолади. Шунингдек, улар сохта хабарлар тарқатгани учун жаримага тортилади.
Собиқ меҳнат вазири ва бошқа амалдорлар Kompromatuzb ишида жабрланувчи ва даъвогар сифатида қатнашади
Суд Telegram-каналига алоқадорликда гумон қилинаётган журналистларга нисбатан жиноят ишини кўриб чиқишни 18 июль кунига тайинлади. Жабрланганлар ва даъвогарлар орасида Меҳнат вазирлигининг собиқ раҳбари Нозим Ҳусанов, Ташқи меҳнат миграцияси агентлигининг ҳибсдаги собиқ раҳбари ва бошқалар бор.
«Сурхон» қўриқхонасида морхўрлар, жайра ва тоғ сувсари фотоқопқонга тушди
Экология вазирлиги «Сурхон» қўриқхонасига ўрнатилган фотоқопқонга тушган морхўрлар, жайра ва тоғ сувсари тасвирларини эълон қилди. Ушбу ҳайвонлар Қизил китобга киритилган.
ЕИ Ўзбекистонни демократик ислоҳотларда қўллаб-қувватлашини эълон қилди
Европа Иттифоқи Ўзбекистонда бўлиб ўтган президентлик сайлови якунлари бўйича эълон қилган баёнотида мамлакатни демократик ислоҳотларни амалга оширишда қўллаб-қувватлашда давом этишини ҳамда ЕХҲТ ДИИҲБ кузатувчилар миссияси хулосаларини «эътиборга олиши»ни таъкидлади.
Қутқарувчилар, ҳарбийлар ва экологлар Чотқол қўриқхонасидаги ёнғинга қарши курашмоқда
Тошкент вилоятидаги Чотқол давлат биосфера резервати ҳудудида Фавқулодда вазиятлар, Мудофаа ва Экология вазирликлари томонидан ёнғин ўчирилмоқда. Дастлабки маълумотларга кўра, ёнғин майдони 10 гектардан 20 гектаргача ўрмонни ташкил этади.
Ўзбекистонда ҳар бир янги инвесторга ёрдам бериш учун «инвестиция менежери» лавозими жорий этилади
Ўзбекистон Инвестиция вазирлигида ҳар бир янги инвесторга ҳамроҳлик қилиш учун «инвестиция менежери» лавозими жорий этилади. Улар бевосита вазирга бўйсунади ва хорижий инвесторлар билан доимий алоқада бўлиб, юзага келган масалаларни ҳал қилиб боради.
«Халқ ишончини оқлаш учун жонимни фидо қилишга тайёрман» — Шавкат Мирзиёев
Шавкат Мирзиёев Ўзбекистон президенти этиб қайта сайланганидан кейинги илк нутқида халқнинг юксак ишончини оқлаш учун бор билим, тажриба ва кучини сарфлашини, керак бўлса, бунинг учун жонини ҳам беришга тайёрлигини таъкидлади.
Шавкат Мирзиёев «Темир йўл», «Автойўл», «Сувтаъминот» раҳбарлари ва бошқа амалдорларни ишдан олди
Президент видеоселектор йиғилишида сусткашликка йўл қўйганликлари учун сув хўжалиги вазири ўринбосари, транспорт вазири ўринбосари, «Сувтаъминот» раҳбари Соҳиб Саифназаров, «Темир йўл» раҳбари Ҳуснутдин Хосилов ва «Автойўл» раҳбари Абдураҳмон Абдувалиевни лавозимидан озод этди.
12 нафар ҳоким ишдан бўшатилди, Бош прокуратура уларнинг фаолиятини текширади
Шавкат Мирзиёев 10 та туман ва 2 та шаҳар ҳокимини инвестиция кўрсаткичи қониқарсизлиги учун ишдан бўшатиш бўйича топшириқ берди. Бош прокуратура ва Ҳисоб палатасига уларнинг фаолиятини ўрганиб, қонун устуворлигини таъминлаш вазифаси юклатилди.
Марказий сайлов комиссияси президент сайловлари натижаларини тасдиқлади. Шавкат Мирзиёев 87,05% овоз билан ғалаба қозонди
Ўзбекистон президентининг муддатидан олдин ўтказилган сайловида овоз беришнинг якуний натижаларига кўра, Шавкат Мирзиёев 87,05% овоз билан ғалаба қозонди. Робахон Маҳмудова 4,43%, Улуғбек Иноятов 4,02%, Абдушукур Ҳамзаев 3,74% овоз тўплади. Буни Марказий сайлов комиссияси тасдиқлади.
48,7% дан 96,5% гача. Тошкентда Шавкат Мирзиёевга қандай овоз беришди? (47 та участка мисолида)
«Газета.uz» Тошкент шаҳридаги 47 та (улар жами 822 та) сайлов участкаси маълумотларини таҳлил қилди. Ғолиб Шавкат Мирзиёев уларда 48,7 фоиздан 96,5 фоизгача овоз тўплади. Айрим участкаларда ҳақиқий эмас деб топилган бюллетенлар улуши қолган учта номзоднинг умумий фоизларидан ҳам юқори бўлган.
«Бизнинг рухсатимизсиз бирлашса, жазога тортилади». Рақобат қўмитаси раиси — Uzum ва Click бирлашиши ҳақида
Рақобат қўмитаси раиси Шоҳруҳ Шораҳмедов Uzum ва Click компаниялари қўмита рухсатисиз бирлашса, жазога тортилишини маълум қилди. Аввалроқ компаниялар ўзаро бирлашгани тўғрисида қўшма баёнот берган, кейинроқ эса қўмита ҳали бирлашув бўйича расмий битим тузилмаганини билдирганди.
Сурхондарёдаги банкда амалиёт ўтаган талабалар ўзганинг картасидан 75 млн сўмдан ортиқ пулни ечиб олди
Сурхондарёдаги банклардан бирида амалиёт ўтаётган икки нафар талаба ўзганинг картасидан 75,7 миллион сўм ўзлаштириб, сўнг шаҳардаги бир нечта банкоматларда юзларини яширган ҳолда пул ечиб олган. Уларнинг иккиси ҳам озодликдан маҳрум этилди.
Самарқандда дайди итлар болакайга ташланди. Итлар эгаси қидирилмоқда
Самарқанд шаҳрида итлар йўлда кетаётган болакайга ташланди. Воқеага гувоҳ бўлган такси ҳайдовчиси итларни ҳайдаб, болакайга ёрдам берди. Ҳолат юзасидан ўрганиш ишлари бошланган, итларнинг эгаси аниқланган тақдирда унга нисбатан чора кўрилиши маълум қилинди.
«Бизга кислород керак». Тошкентдаги маҳалла аҳолиси 18 минг дарахт кесилишидан хавотирда
Президент қарори ва фармони билан пойтахтдаги Ипакчилик илмий-тадқиқот институти Андижонга кўчирилмоқда. Институтга яқин жойда яшовчи аҳоли эса 18 мингга яқин дарахтлар тақдиридан хавотирда. Улар «Газета.uz» билан суҳбатда ҳукуматга мурожаат қилиб, ҳудудни миллий боғга айлантириб беришни сўради.
Навоий вилоятида браконьерлар она-бола жайронни отиб ташлади
Навоий вилояти Навбаҳор туманида урғочи жайрон ва унинг боласини отиб ўлдирган браконьерлар қўлга олинди. Жонивор Қизил китобга киритилган бўлиб, етказилган зарар 33 млн сўмга баҳоланмоқда.
«Ғишткўприк» божхона пости олдида эркак ўткинчига пичоқ билан ҳужум қилди
Қозоғистон билан чегарадаги «Ғишткўприк» божхона пости олдида 58 ёшли эркак йўлда кетаётган нотаниш шахсга пичоқ билан жароҳат етказди. ППХ ходимларига ҳам қаршилик қилган шахс резина таёқ ёрдамида зарарсизлантирилди. Жароҳатланган эркак касалхонага ётқизилган.
Эрдоған Швециянинг НАТОга аъзо бўлишини қўллаб-қувватлашга рози бўлди
Туркия президенти Режеп Таййип Эрдоған Швециянинг НАТОга аъзо бўлишини қўллаб-қувватлашга рози бўлди. НАТО бош котиби Йенс Столтенберг Туркия раҳбари, Швеция бош вазири ва Европа кенгаши раҳбари билан бўлиб ўтган музокаралардан сўнг буни тасдиқлади.
Ўзбекистонлик ўқувчилар Халқаро биология олимпиадасида 3 та бронза медалини олди
БААда ўтган Халқаро биология олимпиадасида Ўзбекистондан 2 нафар мактаб ва 1 нафар лицей ўқувчиси бронза медалларини қўлга киритди. Уларга 66 млн сўмдан пул мукофоти берилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг